زمان الخرابيط [الأرشيف] - ::. مـنتدى قبيلـة العجمـان .::

أطياب

12-02-2007, 08:58 AM

التوقيع باختصار هو " خربوطه يستطيع الشخص ان يكررها متى ماأراد ذالك"

ولكن هذه الخربوطه التي لايتجاوز طولها 3 سم تفعل العجب!!!

من عجائب الخرابيط

- الشيك اللي قيمته مليون دينار من غير هالخربوطه مايسوى فلس

مثله مثل قرطاسة السميت ان كان ماهي اغلا بعد!!!

- شهادة الدكتوراه من غير هالخربوطه مالها سنع مثلها مثل اي ورقه من دفتر ابو اربعين. اما بها فيستطيع الشخص ان يتفلسف ويرز خشمه وينظر ويتحدث بكل ثقه!!!

فتجده يتكلم بالمفاعلات النوويه والكيمياء الحيويه والفيزياء الكهرو مغناطيسيه

حتى لو انه ماخذ الدكتوراه في " الفرق بين تمر الخضريه والمقفزيه"
لوووووووووووووووووووووول

- آلاف المرضى في اي مدينه لايشفع لهم المرض بانشاء مستشفى يعالجون فيه
اما خربوطة وزير الصحه فتشفع بانشاء عشر مستشفيات في مدينه اهلها مافيهم الا العافيه!!!

صدق والا بكيفك

- هل تصدق ان هالخربوطه التافهه اللي يخربطها المسؤوول وهو يهوجس انه كاشت مع عياله والا قاعد يضبب باستطاعتها ان تدخل الواحد السجن حتى لو كان بريء!!!

وبالاخير يجب ان تعلم بإن ماكل خربوطه خربوطه

فالخرابيط مقامات والمعيار هنا ليس في جمال الخربوطه بل في قيمة من خربطها

فخربوطة الموظف اللي على البند مهما كانت انيقه لاقيمه لها بعكس خربوطة معالي الوزير والتي يتغزل فيها الجميع حتى لو كانت بقمة القبح!!!!

خربوطة أطياب

saprj

12-02-2007, 09:09 AM

فعلا أختي أطياب ... خربوطه تفعل الأعاجيب ...

و خربوطة الوزير تغيّر بتغيّر لون القلم و حسب الشفرة اللي مفهمها للي تحته ...

و انا بصراحة أهم خربوطة عندي هي خربوطة موظف البنك لما يصرف لي فلوس ...

و على فكرة وش الفرق بين تمر الخضريه والمقفزيه ؟؟؟

و يعطيش العافية على هالخربوطة الطريفة و الجميلة ...