ابـو الوليـــد على كــرسي الأعتــراف

[كويتي]

يعطيـــكم العافيـــه اخواني ،،،

اليــــــــوم ويانه واحد من جبال هذى المنتدى
وهو اليــوم راح يكون تحت المجهــر ،،

علــى كرســي الأعتــراف اخوكم ابو الوليـــد
راح يــرد على كــل اسألتكــم وبكل صــراحه
حيـــاك الله ابــو الوليـــد على الكرســي ,,

اتمنــــا لــك كــرسي دافــئ

تحيــــاتي لــــــــــك
كــــــــــويتي

[ابوتركى]

اخوى كويتى زين والله يوم اخترت ابوالوليد انا من زمان ودى انه

يقعد على الكرسى مبادره جميله من كويتى


حيالله ابو الوليد الكرسى هذا جلد طبيعى يعنى حتى لو طول بالقعده

ماراح يعورك ظهرك حبيبى اول شى راح اسئلك

عن

1- اسمك

2- عمرك

3- شهادتك

4- وين ساكن وبأى منطقه

5- حالتك الاجتماعيه يعنى عزوبى والا متزوج


ادرى اسئله خفيفه بس راجعلك انالله

تحياتى لك

[كويتيه]

يعطيك العافيه كويتيي على المبادره...

قووووه بو وليد:)..

قلناا خل انيي اول الناس نسالك قبل لا يساونك و ياكلون الاساله عليناا:)..

1. لونك المفضل

2. اكلتك المفضله

3. تاريح ما تنساااه ابدا...

4. عمرك الانترنتي :)

5. مثلك الاعلى

6. جم وزنك؟؟؟

7. جم طولك

8. اعز الناس الى قلبك

9. شلون عرفت المنتدى..؟؟؟

10. انشالله بس ما اكون ضايقتك بالاساله؟؟؟


و لناا عوده انشالله:)

[كويتي]

ابو الوليــد مرحبااااااااااا ادري انك حاقد علي الحين
بس ماعليه يقول حقد الحبيب زي اكل الزبيب :)

ابو الوليد عندي لك سـؤال واحد بــس ..!

شنـــو الي حسيــت فيــه يوم شفــت الموضوع وانت الي على
الكــرسي شنو قــلت يوم شفتني انا الي كاتب الموضوع ..؟؟


تقبـــل تحيــــــــاتي
كـــــــويتي

[أبو الوليد]

أول شي احب اشكر اخوي وصديقي كويتي على اتاحته لي

هذه الفرصه الللي كل واحد في المنتدى يحسدني عليها

>>>>>>>>> حسبي الله عليك ياكويتي هذا وقته طيب كان شاورتني بالاول
الله يسامحك

نجي لأسئلة ابو تركي:

1- اسمك

اسمي سعود

2- عمرك

انا من مواليد 1978م

3- شهادتك

ثانويه عامه

4- وين ساكن وبأى منطقه

ساكن بالسعوديه المنطقه الشرقيه ( الأحساء _ العضيليه )

5- حالتك الاجتماعيه يعنى عزوبى والا متزوج

كنت متزوج اما الآن أعزب وعندي وليد الله يخليه لي


ومشكور أخوي بوتركي على الأسئه الخفيفيه >>>>>> خفيفه طل

تحياتي ابو الوليد

[أبو الوليد]

هلا اختي كويتيه ابشري بالرد

1. لونك المفضل

الأخضر

2. اكلتك المفضله

السليق ( وهي أكلة مشهوره بالطايف )

3. تاريح ما تنساااه ابدا...

10/7

4. عمرك الانترنتي

تقريبا ثلاث سنين

5. مثلك الاعلى

الرسول عليه افضل الصلاة والسلام

6. جم وزنك؟؟؟

78

7. جم طولك

176

8. اعز الناس الى قلبك

خالي

9. شلون عرفت المنتدى..؟؟؟

بالصدفه

10. انشالله بس ما اكون ضايقتك بالاساله؟؟؟

يازينك ويازين اسألتك

تحياتي ابو الوليد

[أبو الوليد]

شنـــو الي حسيــت فيــه يوم شفــت الموضوع وانت الي على
الكــرسي شنو قــلت يوم شفتني انا الي كاتب الموضوع ..؟؟


والله ياكويتي انا اتحاشى هالمواضيع حتى لو تلاحظ مشاركتي

يوم كنت انت وبوتركي على الكرسي ما حبيت اسألكم أسئله

كثيره لأني خايف من هاليوم بس انت بيض الله وجهك ما قصرت وسويتها

فيني بس تبي الصراحه كنت متوقع هالشي عشان كذا ما حقدت عليك كثير




تحياتي لك

[أبــيـــار]

يالله انك تحييه ارحبووووووووو >>>>>>>> ماعليه اندمجت حبتين :)


واخيرا حطوك على الكرسي >>>>>>>>>>> ناويه نية قشره


اولا : عندي سؤال ليش كله تقول

اختاااااااااااااااااااااااااااه >>>>>>>>> ادري سؤال عبيط بس ماعليه جواب :)


شنو حكمتك بالحياة ؟

شرايك بلقب الثلاثي الكوكباني :) طبعا انت وكويتي وبوتركي :)

شرايك بالمنتدى ؟

شي تحرص انك تسويه كل يوم ، كل اسبوع ، كل شهر ، كل سنه ، كل دهر >>> قويه شوي :) ؟ >>>>>>>>>> لا تسالني شنو لاني ما ادري من وين طلع السؤال :)


ملاحظاتك على المنتدى ؟


امممممممممممممممممممممم

اكتفى بهذا القدر من الاسئله :)

لي عوده



تحياتي

[أبو الوليد]

هلا بك اختي ابيار

وانا انشالله بجاوب على اسئلتك بكل صدر رح

بسم الله

اولا : عندي سؤال ليش كله تقول

اختاااااااااااااااااااااااااااه

والله ماكو سبب معين بس يمكن عشان ما الله اعطاني اخت>>>> وعليّه يكسر الخاطر

شنو حكمتك بالحياة ؟

والله حكمتي في الحياة تتلخص في بيتين من الشعر لبركات الشريف

اليا بغاك الرزق جا من تواليك //// لو ما نصيته يا فتى الجود ينصاك
ما اخطاك ما صابك لو كان راميك //// واللي يصيبك لو تتقيت ما اخطاك

شرايك بلقب الثلاثي الكوكباني طبعا انت وكويتي وبوتركي ؟

لقب يشرفني ولو انه فكاهي بس صدقيني هذا اللقب ينطبق على

كويتي وابو تركي لأنهم عيايره أكثر مني يعني لو يتغير من ثلاثي

الى ثنائي يظبط اكثر لوووووووووووول

شرايك بالمنتدى ؟

والله وبدون مبالغه انا اعتبر المنتدى بيتي الثاني

شي تحرص انك تسويه كل يوم ، كل اسبوع ، كل شهر ، كل سنه ، كل دهر >>> قويه شوي ؟

كل يوم أصلي الفروض الخمس ولله الحمد;)

كل اسبوع اصلي الجمعه:eek:

كل شهر استلم الراتب:D

كل سنه اصوم رمضان الله يعوده علينا :p

كل دهر مدري علمي علمك :confused:

ملاحظاتك على المنتدى ؟

ماكو ملاحظات بس اتمنى يكون من افضل المنتديات



تحياتي ابو الوليد

[فيصل بن حجرف]

يامرحبا فيك ابو الوليد

تو مانور الكرسي وانا اقول اليوم المنتدى فيه شي غريب:)

عندي كم سؤال خفيف

1- منو اقرب عضو على قلبك؟
2- منو انشط مشرف برايك؟
3-شنو اكثر قسم تحب تشارك فيه ويشدك اكثر من غيره؟
4- شلون التمر عندكم في الحسا؟
5- من انت منه من العجمان؟
ولنا رجعه انشالله

تحياتي

[كويتيه]

يعطيك العافيه بو وليد على الجوبه وسعه الصدر:)..

زين اساله اليوم هي:

1. اذكر لناا...موقف محرج

2. هل تحب السفر؟؟.. و وين اخر مره سافرت...

3. احلى اسم بنت الى قلب../ احلى اسم ولد الى قلبك

4. ها تحب الاغاني؟؟.. اذا اي قولناا مطربك المفضل و اغنيه لهاا ذكرى في قلبك..

5. شي ماتستغني عنه و دوم يكون معاك:)


لك تحياتي

اختك. كويتيه

[cool]

السلاااام عليكم ورحمة الله وبركاااته

تسلم كوويتي على اختيااارك الرااائع لبو الوليد .

ابو الوليد لو سمحت عندي كذا سؤال ان شاء الله تجاااوب عليها :

السؤااال الاول :

شي تأثر فيه ابو الوليد والى الان يأثر عليه ؟

السؤااال الثاااني :

الانترنت وش يعتبر ويصير لبو الوليد هل يقدر يستغني عنه ؟

السؤاال الثاااالث :

تاااريخ ماينساااه ابو الوليد وليه ان ماكان فيه احراااج ؟

السؤااال الرااابع :

مكاان تحب تروح له دااااايم وتتردد عليه وش السبب ؟

السؤاال الخااامس :

اي الانديه تشجع ان كنت تحب الريااااضه ؟

السؤاااال الساادس:

شي صاار لك قريب وافرحك وخلاااك مبسووط شنو ؟

اسف على الأطااله وعسى الاسئله ماتكون ثقيله عليك .

كـووول

[أبو الوليد]

هلا بك بو عبدالله

وشاكر لك مرورك واسئلتك

بسم الله

1- منو اقرب عضو على قلبك؟

كويتي

2- منو انشط مشرف برايك؟

كويتي
3-شنو اكثر قسم تحب تشارك فيه ويشدك اكثر من غيره؟

الشعر

4- شلون التمر عندكم في الحسا؟

تمام يسلم عليك

5- من انت منه من العجمان؟

قالت من انت وقلت مجموعة انسان لوووووووووول


اخوي بوعبدالله اسمحلي على بعض الاسئلة

تحياتي ابو الوليد

[أبو الوليد]

هلاااااااا كويتيه الله يعافيك يارب

انشالله انتي ناويه كل يوم تحطيلي اسئلة ؟ لوووووووووووووووووول

بسم الله

1. اذكر لناا...موقف محرج

مره كنت بمصر عند الهرم وكنا كل صبحيه نكون هناك نركب

وطبعا انا مسوي عمري راكان زمانه المهم يوم من الايام كان الهرم مو طبيعي

من الزحمه بنت على يمينك وعلى يسارك وانا مبسوط بظهر بعض مهاراتي

في الخيل المهم اللعين راعي الخيل جابلي حصان اعتقد والله اعلم انه ما عسف

المهم من ركبته صار يرمح ويطومر وانا اتخضخض فوقه الين ما جيت على

وجهي قدام هالبنات اففففففففف يلعن ام الضحك اللي صار علي:o

2. هل تحب السفر؟؟.. و وين اخر مره سافرت...

كثييييير والله وآخر بلد سافرتله سوريا والاردن


3. احلى اسم بنت الى قلب../ احلى اسم ولد الى قلبك

احلى اسم بنت ((الجازي)) واحلى اسم ولد حاليا ((الوليد)) ;)

4. ها تحب الاغاني؟؟.. اذا اي قولناا مطربك المفضل و اغنيه لهاا ذكرى في
قلبك..

والله كنت احب عبدالكريم والاغنيه اللي لها ذكرى في قلبي هي ((زوار))

لنفس المطرب

5. شي ماتستغني عنه و دوم يكون معاك

بوكي صراحه ما اقدر استغني عنه

واتمنى اني قد وفقت في الاجابه عن اسئلتك

تحياتي ابو الوليد

[أبو الوليد]

هلا اخوي كول شلونك انشالله تمام

نجي لأسئلتك

بسم الله

السؤااال الاول :

شي تأثر فيه ابو الوليد والى الان يأثر عليه ؟

انا راح اكون صريح معك لأنك اخ عزيز (( الزواج ومن ثم الطلاق))

السؤااال الثاااني :

الانترنت وش يعتبر ويصير لبو الوليد هل يقدر يستغني عنه ؟

والله النت شي مهم عندي بس مو معناته اني ما اقدر استغني عنه

السؤاال الثاااالث :

تاااريخ ماينساااه ابو الوليد وليه ان ماكان فيه احراااج ؟

10/5

السؤااال الرااابع :

مكاان تحب تروح له دااااايم وتتردد عليه وش السبب ؟

الاسطبل لأني من عشاق الخيل

السؤاال الخااامس :

اي الانديه تشجع ان كنت تحب الريااااضه ؟

للأسف نادي النصر

السؤاااال الساادس:

شي صاار لك قريب وافرحك وخلاااك مبسووط شنو ؟

من كم يوم وافقولي على الاجازة;)


وشاكرلك اخوي كوول على الاسئله الذربه:D

تحياتي ابو الوليد

[كويتي]

ابو وليــد يا صديقي لاهنــــــت على هذى الأطــرء الحلــو يا قلبي
واذى في انسان قريب على قلبي في هذى المنتدى تراه انت وابو
تركــي الي ما ادري وينه هل يومين مختفي الماخوذ :)

المهم يا قلبــي لك عندي سؤال صاروخي يكفيك شــره :)

شنــو رايك فــي دخــلو المرأه في الى البرلمــان الكويتي ؟؟

شنو رايـــك في السمــاح للمرأه السعودية انها تسوق سيــاره ؟؟

وشنو رايــك في الوحده الي تشــرب زقــاير ؟؟

<=== ماعنده سالفــه ترى :)

المهم تحيـــاتي لــك يا قلبي

لن نقول وداعآ بل الى القــاء ،،

كويتي

[كويتيه]

يعطيك العافيه بو وليد:) و مشكور على الاجوبه.. بعدين اي اكيد كل يوم بسال عيل شعبالك لووول ماني ساله الحين الويم كتبتلك جم سوال خال الباجي حق الايام اليايه:)..


لك تحياتي

[أبو الوليد]

هلا كويتي

صدقني اللي قلته فيك لاهو بأطراء ولا مجامله

نجي حق اسئلتك

بسم الله

شنــو رايك فــي دخــلو المرأه في الى البرلمــان الكويتي ؟؟

وانا شكو بدخول المراة هذا السؤال المفروض يتوجه لك مو لي

شنو رايـــك في السمــاح للمرأه السعودية انها تسوق سيــاره ؟؟

انا مع السماح للمرأه بس في البران

وشنو رايــك في الوحده الي تشــرب زقــاير ؟؟

لاني اكره السجاير وما احب المدخنين

اوووووووووووووووووووف ريحتهم خايسه

واي صدري يتنك من ريحة الزقاير

هههههههههههههههههههه

لوووووووووووووووووول



والله ادري انه ما عندك سالفه بس شنسوي مجبورين نرد

تحياتي ابو الوليد

[كويتي]

هههههههههههههههههههههههه الله يقطع ابليسك ابو الوليد

حلوه واااي هذي صج طلعت كول هههههههههه

المهم عندي سؤال بعد ..

منــو العضــو الي تحس انه ماعنده سالفه وسوالفه امحقه ؟؟

منو العضــوه الي تحس انك اذى شفتها يفز قلبـــــك من مكانه ؟؟

لو قمت من النوم في يوم من الأيام ولقيت نفسك مدير هذى المنتدى منو الي راح تشيله من الأشراف ومنو الي راح تعطيه اشراف وشنو راح تسوي في المنتدى ؟


ولــك تحياتي يا قلبي
كـــويتي

[أبو الوليد]

اسئلتك خبيثه يا كويتي والظاهر ما عندي شغله الا انت اليوم

بسم الله

منــو العضــو الي تحس انه ماعنده سالفه وسوالفه امحقه ؟؟

والله ماكو احد وكل الاعضاء على راسي والله

منو العضــوه الي تحس انك اذى شفتها يفز قلبـــــك من مكانه ؟؟

مدري انت ادرى;)

لو قمت من النوم في يوم من الأيام ولقيت نفسك مدير هذى المنتدى منو الي راح تشيله من الأشراف ومنو الي راح تعطيه اشراف وشنو راح تسوي في المنتدى ؟

راح اشيل بوتركي من الاشراف واحطه مراقب بالذات عليك

والاشراف راح اعطيه حق اختي المبدعه ابيار لأنها تستاهل والله

مدري والله شسوي فالمنتدى بس يمكن الغي بعض المواضيع الممكرره



تحيات لك

[كويتي]

اعذرنــي ابو الوليد بس لازم ترد على سؤالـــي ...!!

منو هي العضوة الي اذى شفتها موجوده في المنتدى يفز قلبك من
مكاانه ؟؟ لا وبعد ليش يفز قلبك . شنو السالفه ..؟


انصحك تجاوب احسن ما اسالك سؤال اخليك تكره نفسك :)

<==== حده مشتهيه راح على ايدي يا ابو الوليد :)

تحياتي للجميع كويتي

[أبو الوليد]

منو هي العضوة الي اذى شفتها موجوده في المنتدى يفز قلبك من
مكاانه ؟؟ لا وبعد ليش يفز قلبك . شنو السالفه ..؟


اقوووووووووووووول كيف الحال؟:mad:

شتبي توصله قلي وانا خوك

لوووووووووووووووول

تحياتي

[كويتي]

ابو الوليــد يعني مالك نيه تــرد ؟

المهم ..!!

لك عندي سؤال بس صدقني يصدع الراس :)

شنو هي مواصفــات فتـــاة الأحــــلام ؟؟


اتمنــا ترد ومن غير ما تتهــرب بعــد !!

تحياتـــي للجميـــع
كــــــــويتي

[أبو الوليد]

شنو هي مواصفات فتاة الاحلام؟

ذات خلق ودين وجمال وحسب ونسب>>>>>> شنو الحديث والله نسيته كان فكيت عمري منك

واظفر بذات الدين تربت يداك يا كويتي >>>>> واللي يرحم والديك فكنا

تحياتي

[ابوتركى]

مرحبا اخوى ابو الوليد فى جعبتى لك اسئله حلوه جعبتى المهم



شنو اللى يعجبك بالمنتدى واللى مايعجبك


شنو اكلتك المفضله


اذكرلى شى تبيه وتمناه وماحصلت عليه

رسالة عتب توجهه لمن

رسالة انذار توجهه لمن

رسالة شكر توجهه لمن

رسالة شوق توجهه لمن

من الشعراء اللى يعجبونك

تتمنى من اخ لك لم تلده امك

تحياتى ماى برذر

[أبو الوليد]

اهلا بعودتك اخي أبا تركي ونقول

بسم الله

شنو اللى يعجبك بالمنتدى واللى مايعجبك

والله كله على بعضه حلو بس احس بعض الدواوين ما تجوزلي واسمحلي عن تسميتها

شنو اكلتك المفضله

صرت مجاوب هالسؤال الف وستمية مره :mad:

اذكرلى شى تبيه وتمناه وماحصلت عليه

الحمدلله على كل حال والله في اشيا كثيره اتمناها وما حصلت وما زلت اتمناه

وانشالله تحصل عن قريب

رسالة عتب توجهه لمن

لولد عمي اللي بالكويت شلون تجي وما شوفك:(

رسالة انذار توجهه لمن

اوجها لكويتي واقوله يووووووز ترى ابليس ما مات

رسالة شكر توجهه لمن

لخالي واقوله الله لا يخلينا منك

رسالة شوق توجهه لمن

لكل اهلي وربعي اللي بالكويت

من الشعراء اللى يعجبونك

حامد زيد & بن قضعان & ضيدان المريخي

تتمنى من اخ لك لم تلده امك

انت وكويتي


تحياتي لك

[اطياف الماضي]

اول شئ ارحـــب فيــك

وان شاء الله انـــك مرتــاح على الكــرسي


ثــانيــا :: راح ابــدا في الاســـئلة



1// مـن هـو ابـو الـوليـد باختـصار ؟؟


2// مــوقف فــرح ابو الــوليــد ؟؟ ومــوقف زعله ؟؟


3// شخــصيــة احبــبتها تمـــنيــت لو انــك كنت تــلك الشخــصيــة ؟؟


4// كيــف تحــكــم على النــاس؟؟

5// مــاذا تتــوقع لمـــنتــدى العــجمــان ؟؟

6// بمــا ان عنـــدك اجــازة ويــن راح تقــضيــها ؟؟

7// بـــمــا انــك جــربت الحيــاة الــزوجـــية .. ماهــي انطبــاعاتك عنــها ؟؟

ومــاهي الاخطــاء التــي ستحــاول تــفاديها في حــياتــك الــزوجــية

المســتقبليــة ؟؟ ومــاهي نصــيحتك لكــل مقــبل على الــزواج ؟؟


8// ولـــدك كــم عمــره الله يخــليه لك ؟؟

9// سؤال اخير ملقوف شوي :D

وش اللي مشــغلك عشــان ماتــقدر تجــي الليــلة ؟؟

>> انسي اللــقافــة شوي

اخير اتــمنى اسئــلتي تكــون خفيــفة

تحياتي لك

[بخـــــــــــوت]

يعطيك العاافيه كويتي على الاختيار .

والله ما في راسي اسئله .

اذا رجعت خمس سنوات وراء ماهي الامور الي تمنيت انها ماتغيرت او ندمت على قرارت اتخذتها با خمس سنوات الي فاتت ؟

ولي عوده انشاء الله
تحياتي

[كويتيه]

يعطيك العافيه بو وليد:)...

هاا شلون الكرسي.. عساه مريح:).. لالا شكلك حدك مرتاح عليه:)..
عيل خل اسال..

1. شنو تفضل البس سبورت ولا الرسمي؟؟
2. متى اخر مره بجييت:)
3. شلون نظرك؟؟ تلبس نظارات ولا لا؟؟؟.


لمن تهديهااا

باقه ورد .. ..



باقه شوووووك...



يعطيك العافيه.....



الله لا يحرمني منك..



عمرك كله....


لك تحياتي :) و لي رجعه:)

[كويتي]

ماشاء الله ابو الوليد لك شعبيه كبيــره
عيني عليـــــــــك بارده ،،،
ولاهنت على اطــرأك الحلــو عني وعن ابو تركي :)

وعندي لك ســؤال ..

انت شنو جنسيتك كويتي ولا سعودي ،، ولا من حامل الجنسيتين ؟؟



تحيـــاتي لك حبيبي
اخوك كويتي

[أبو الوليد]

هلا بالاخت اطياف الماضي

بسم الله


1// مـن هـو ابـو الـوليـد باختـصار ؟؟

إنسان عادي جدا بس يحب وساعة الصدر

2// مــوقف فــرح ابو الــوليــد ؟؟ ومــوقف زعله ؟؟

الموقف اللي فرحني والله اني اكتشفت المنتدى بالصدفه وانا يومها كنت

ناوي آخر الشهر اترك العمل والله

والموقف اللي زعلني هو زعل واحد من الربع مني بس انشالله ناوي اعتذر له


3// شخــصيــة احبــبتها تمـــنيــت لو انــك كنت تــلك الشخــصيــة ؟؟

الشهيد ((خطاب))

4// كيــف تحــكــم على النــاس؟؟

بالمعاشره

5// مــاذا تتــوقع لمـــنتــدى العــجمــان ؟؟

كل خير

6// بمــا ان عنـــدك اجــازة ويــن راح تقــضيــها ؟؟

والله على حسب لأن الاجازه اسبوع واذا شفت الوضع اوكي يمكن امددها

ويمكن اروح الأردن

7// بـــمــا انــك جــربت الحيــاة الــزوجـــية .. ماهــي انطبــاعاتك عنــها ؟؟

جدا سيئه

ومــاهي الاخطــاء التــي ستحــاول تــفاديها في حــياتــك الــزوجــية؟؟


المســتقبليــة ؟؟ ومــاهي نصــيحتك لكــل مقــبل على الــزواج ؟؟

أني ما استعجل على العرس يعني ما عندي مانع تكون فترة الخطوبه والملكه

سنه ونصيحتي لكل من هو مقبل على الزواج عدم التسرع في اختيار عروس

المستقبل يعني ياخذ راحته في فترة الملكه

8// ولـــدك كــم عمــره الله يخــليه لك ؟؟

تقريبا سنه ونص عقبال عندك

9// سؤال اخير ملقوف شوي

وش اللي مشــغلك عشــان ماتــقدر تجــي الليــلة ؟؟

والله مسير علي واحد من الربع جاي متعني من الوادي يوم درى اني في اجازه

عاد يحب الحسا مشالله عليه;)


تحياتي لك

[أبو الوليد]

هلا بك اختي بخووووووووت وابشري بالرد

بسم الله

اذا رجعت خمس سنوات وراء ماهي الامور الي تمنيت انها ماتغيرت او ندمت على قرارت اتخذتها با خمس سنوات الي فاتت ؟

والله يا ليتني مطاوع ولد عمي وسافرت معه امريكا لكن ظروفي في هذاك

الوقت كانت صعبه لأني كنت مرتبط بخطبه وفي نفس الوقت انا وحيد أمي يعني

صعبه أني اسافر

وما قول الا الحمدلله على كل حال

تحياتي ابو الوليد

[أبو الوليد]

هلا بالطيوبه كويتيه

بسم الله

1. شنو تفضل البس سبورت ولا الرسمي؟؟

والله بالنسبه لي احس السبورت اريح

والرسمي طبعا ما نستغني عنه

2. متى اخر مره بجييت؟

من كم شهر يوم قالولي ولودي مريض وانا كنت بعيد عنه

3. شلون نظرك؟؟ تلبس نظارات ولا لا؟؟؟.

والله نظري لك عليه بس ما البس نظارات لأني افتشل منها والبس بدالها عدسات;)


لمن تهديهااا

باقه ورد .. ..

لكل عضو في منتدى العجمان

باقه شوووووك...

لكل من سعه في تعاستي

يعطيك العافيه.....

لرئيسي في العمل

الله لا يحرمني منك..

لخالي

عمرك كله....

وليد

وشكرا على الأسئله الحلوه

تحياتي ابو الوليد

[أبو الوليد]

امحق شعبيه الله يخلف علينا والله ياليت نوصل ربع مواصيلك يا كويتي تفتفتفتفتف

ماشالله تبارك الله

نرجع لسؤالك بسم الله

انت شنو جنسيتك كويتي ولا سعودي ،، ولا من حامل الجنسيتين ؟؟

عندي الجنسيتين ليش عندك مانع؟

تحياتي لك

[كويتي]

توصل مواصيــل منو يا ابو الوليد ؟؟

انت تحمل الجنسيتين ابشر بعمم عليك عشان اذى
دشيت الكويت يسحبون منك الكويتية :)

[أبو الوليد]

والله اذا تبيه دزيته لك لك كني مستفيد منه

الله يخلف علينا صارلي ثمان سنين ما شفت ديرتك

هههههههههههههههه

[كويتي]

شنو الي جابرك تقعد في السعودية يا اخي ارجع خل نستانس وياك
ونلعب بيلوت ونضربك بالمزويه على علبــــــــاك ههههههههههههه

[أبو الوليد]

ههههههههههههههههه تمون والله

[كويتيه]

يعطيك العافيه بو وليد:) اجوبتك حلووه:)...

و الله يخليلك وليد انشالله و يبلغك فيه معرس:).. والله يوفقك.. ماخلصناا بس حرام انتعبك اساله باجر انشالله لناا عوده:)

[ابوتركى]

هلا اخوى ابو الوليد شلونك عساك بخير كيف حالك

اقول ياااااااااااااااااااااخى قط الغتره مولازم وانت قاعد على الكرسى تلبسها

يااااااااااااااااااااااااااااااخى انت شفيك اقول ترى عندى اسئله

1- اين تجد راحتك؟


2- اين تجد سعادتك؟


3- شنو اول شى تسويه لوتملك مليون دينار؟


4- شنهى الدوله اللى تحب تسافر لها؟

5- شنو ا هااااااا لابس خلاص اخلى الباقى بعدين


اخوى ابو الوليد اشكرك على الاطراء لى ولكويتى

[أبو الوليد]

عزيزي بو تركي اررررررحب واللي تسألني صدقني راح اجاوبك بكل صراحه

بسم الله

1- اين تجد راحتك؟

في العمل

2- اين تجد سعادتك؟

ديار بها ترتاح لو خاطرك مشحون //// اهلها على كيفك والأوضاع حريه

3- شنو اول شى تسويه لوتملك مليون دينار؟

ابني برج في كورنيش المناره بيروت

4- شنهى الدوله اللى تحب تسافر لها؟

الأردن سوريا لبنان


تحياتي لك

[كويتيه]

يعطيك العافيه بو وليد:)...


قوليناا..
جم ساعه تقعد على النت؟؟؟


و بجم منتدى مسجل؟؟


و لو قالولك غير نكك.... بتغيره حق شنو؟؟؟؟


تحب اطالع التلفزيون؟؟؟... شنو برنامج المفضل؟؟ و اذا تحب افلام.. شنو اخر فيلم شفته..:)


ممثل او ممثله ماتحبه كلش ملش؟؟.. و مطرب او مطربه تلوع جبدك من صوته؟؟..


لك تحياتي

[أبو الوليد]

أهلين بالأخت كويتيه واللقاء دوما يتجدد

بسم الله

جم ساعه تقعد على النت؟؟؟

من ثلاث الى ست ساعات>>>> والله الكذب خيبه ما ادري

و بجم منتدى مسجل؟؟

ولا منتدى ولله الحمد

و لو قالولك غير نكك.... بتغيره حق شنو؟؟؟؟

سلطان زمانه

تحب اطالع التلفزيون؟؟؟

ولا ادانيه

... شنو برنامج المفضل؟؟

خليني اشوف تلفزيون عشان اتابع برنامج

و اذا تحب افلام.. شنو اخر فيلم شفته..

swat

ممثل او ممثله ماتحبه كلش ملش؟؟

جمال الردهان
.. و مطرب او مطربه تلوع جبدك من صوته؟؟..

احلاموووووووووو


تحياتي لك

[كويتيه]

هلا فيك والله.. وتسلم على الردوودد الحلوه:)...


وانشالله برجعلك:)

[كويتي]

لاهنت والله يا ابو الوليد على هذي الردود الجميــله والله

لا يحرمنـــا منك يا الغالــــي :)

كويتي

[عزوف]

يا حسافه وصلت متأخره :( وماشالله على الاعضاء شطبوا على كل الاسئله :(

يعطيـــــــــــك العافيه يا كويتي على هالاختيار الموفق



ابو وليد تشرفنا بمعرفتك

والله يخليلك وليد انشالله

تحياتي

[أبو الوليد]

هلا بك اخت عزووف

تسلمين والله يخليلك كل غالي يارب

تحياتي لك

[الوطن]

مرحبا يا ابو وليد

والله على قولة عزوف شطبوا على الاسئلة


بس طلعت كم سؤال




أبيك تعطينى رأيك فى كل من :

1- ابو فيصل
2- ابو عبدالله
3- كويتى
4- كويتيه
5- كيفى هاجرية
6- عزوف
7- ابو تركى
8- ابو احمد الشامرى
9- سوالف ليل
10- السؤود
11- اطياف الماضى
12- راكان اليامى
13- المستشار
14- أبيار
15-عادل الشمرى


وابى اجابه واضحه وبصراحه
من غير مجامله

[أبو الوليد]

اهلا وسهلا بالهاجريه

وابشري بالرد تراك ما طلبتي شي

1- أبوفيصل: والله والنعم رجل صريح و ما عنده تفاهم اذا شاف شي ما عجبه حاذفه حاذفه بدون ما يشاور وطبعا في صالح المنتدى

2- أبو عبدالله: لا اشوه من بو فيصل وفيه حلم مو طبيعي وهذا اللي معطيه شعبيه أكثر من دون قصور في بو فيصل

3- كويتي: حبيبي والله ومن أقرب الأعضاء الى قلبي في المنتدى بدون منازع
ومهما قلت فيه راح تظل شهادتي مجروحه بحق دينمو المنتدى

4- كويتيه: مثل ما قال عنها اخوي كويتي هي شمعة المنتدى ويعجبني فيها طيبة قلبها

5- كيفي هاجريه: من وجهة نظري أنها جديّه أكثر من اللزوم حتى مواضيعها صرت أخاف أعلق عليها يعني بس أتصفح والسلام ودايم تفهمني غلط مدري ليش

6- عزوووف: أحترمها كثير يكفي تشجيعها لي أول ما دشيت المنتدى وحتى اذا اخطيت تكون صريحه معي وكنت ولا زلت اتقبل منها اي نصيحه وحتى لو كانت بطريقة تأنيب

7- ابو تركي: هم غلاته مثل غلات كويتي ويعجبني فيه التمسك برأيه اللي هو مقتنع فيه ومواضيعه اللي كلها جرأه

8- ابوحمد الشامري: هذا استاذنا كلنا وهو أنسان مطلع على التاريخ والأدب بالمختصر المفيد مكتبه متنقله ما شاء الله عليه

9- سوالف ليل: عندها مواضيع قمه في الروعه بس طريقة وأسلوب تعليقها على بعض مواضيع الأخوه الأعضاء ما تعجبني يعني ودي تكون اكثر انضباطيه في الرد

10- السؤدد: موسوعة ثقافيه ما شاء الله عليها واللي يتصفح مواضيعها يطلع بكذا شغله تفيده بحياته والله يجزاها عنا كل خير

11- اطياف الماضي: شقرديه والله وأحس انها عشريه وكثيرة السؤال عن زميلاتها الأعضاء إذا إحداهن غابت عن المنتدى يعني فيها الخير والله

12- راكان اليامي: شعلة المنتدى التي لا تكل ولا تمل أدامها الله لنا

13- المستشار: مشاركاته يستفيد منها جميع الأعضاء ويكفي انه ولد عم الحبيب كويتي

14- أبيار: وما أدراك ما أبيار صاحبة الحس الفكاهي والرجه والله ونعم البنيه أخت عزيزه على قلبي هي وبنت عمها هموسه

15- عادل الشمري: دمه خفيف وعليه طلعات حلوه وبنفس الوقت صريح في ردوه




وأتمنى أكون قد وفقت في الأجابه على أسئلتك يالهاجريه

وتاكدي اني كنت صريح معك لأقصى درجه


تحياتي لك ولجيع الأخوه والأخوات

وانا آسف إذا كنت قد أسئت الى أحد

أخوكم سعود
أبو الوليد

[كويتي]

ابو الوليـــد تحياتي لك يا قلبي وتسلم على هذى الاطراء الي
اسعدني يا قلبي وتعجبني صراحتك ،،

لاهنت حبيبي على هذي الصراحه وعلى هذي الاجوبه الي
اذبحوك فيها الأعضاء :)

تحياتي لك اخوك كويتي

[كويتيه]

تسلم يا بو وليد على الاطراء.. اخجلت تواضعناااا.. :o

زين ماودك بجم سوال:)..

اي مبله..:)..


1. بما انك في السعوديه... متى احر مره ييت الكويت؟؟؟
2. شنو اكثر شي تحبه بالكويت؟؟ و شنو اكثر شي تكرهه فيهاا...
3. شنو مقياس جمال المره في نظرك...
4. هل كنت شاطر بالدراسه؟؟.. .. و جم كان مجموعك في الثانويه:)..
5. شنو احب الالوان لك؟؟؟..
6. لو ملكت العالم يوم واحد شتسوي:)..وسلامت قلبك..:)

[أبو الوليد]

هلااااااااااااااااااااااا بك يالكويتيه وياكثر أسئلتك ههههههههههههه

بسم الله


1. بما انك في السعوديه... متى احر مره ييت الكويت؟؟؟

بـ 97

2. شنو اكثر شي تحبه بالكويت؟؟

عيال عمي;)

و شنو اكثر شي تكرهه فيهاا...؟

أكل السمك:p

3. شنو مقياس جمال المره في نظرك...

الطول ....يعني لازم تكووووووون شمحوطه وقبل كل شي الحشمه

4. هل كنت شاطر بالدراسه؟؟.. .. و جم كان مجموعك في الثانويه..

يعني لك علي وماكنت حريص عالمذاكره ومجموعي 82

5. شنو احب الالوان لك؟؟؟..

الأخضر

6. لو ملكت العالم يوم واحد شتسوي..وسلامت قلبك..

والله مدري:confused:

والله يسلمك من كل شر

تحياتي لك

[فيصل بن حجرف]

السلام عليكم

لاهنت اخوي ابوالوليد على الاطراء الجميل ولكن لي تعليق بسيط بخصوص ماقلت عن ابو فيصل,, اول شي لو رحت لو كل عضو قرى قوانين المنتدى وشروطه صدقني ماراح تلقى ولا موضوع محذوف ومن صلاحيات الاداره حذف اي موضوع بدون الرجوع الى صاحب الموضوع
ويمكن ابوفيصل يتبع الكلام هذا لكن انا عن نفسي احب انبه العضو اول شي عشان يكون فاهم ولايرجع الى نفس الخطاء,, وصدقني كل اللي نسويه عشان مصلحة المنتدى ورفع اسمه

وعندي لك كم سؤال بما انه اخر يوم لك على الكرسي
اول شي
من راح تختار بعدك من الاعضاء؟
شرايك في اسأله الاعضاء وشنو اكثر سؤال عجبك واكثر سؤال كرهته؟


وتحياتي لك

[أبو الوليد]

وعليكم السلام

هلا أخوي بوعبدالله

وحاب اوضح شغله انا ما كنت اقصد انه بوفيصل يحذف المواضيع بل كنت

اقصد يحذف بعض الردود واللي صارت معي شخصيا وهذا من حقه وصدقني

ماني زعلان بالعكس لأنه كان يحذف ردود بعض المشرفين الأفاضل بالأضافه

الى ردودي وهذا اللي حبيت اوضحه وشكرا.....

نرجع لأسئلتك

شرايك في اسأله الاعضاء وشنو اكثر سؤال عجبك واكثر سؤال كرهته؟

بالعكس كانت كلها أسئلة خفيفه على قلبي وحتى الأسئلة اللي ما جاوبت عليها

كانت عاجبتني بس لغاية في نفسي فضلت عدم الأجابه :D

من راح تختار بعدك من الاعضاء؟

والله أحب أختار أستاذنا كلنا






.






((((أبوحمد الشامري))))

لكن ما قلتي متى تحب اطرح الموضوع؟

[فيصل بن حجرف]

يكون انشالله في نهاية اليوم

وتفتح موضوع جديد وترحب فيه

بس باقي اليوم نستمر معاك انشالله

تحياتي

[اطياف الماضي]

مشكوووووووووور ابو الوليد على روحك الحلوووووة المتقبلة للاسئلة وعلى سعة صدرك واشكرك على اطرررررائك لي ,,

بصراحة كان ودي اسال :D

بس اختي كويتية ماقصرت ماخلت لنا شئ وفت وكفت

الله يعطيها العافية ..........

تحياتي لك ابو الوليد .,,

[كويتي]

الله لا يهينك ابو الوليــد وختيـــار موفق ابو حمد الشامري
يســـتاهل وهو دكتور المنتدى :)

تحيــــاتي للجميـــــــــــــع
كويـــــــــــــــــتي

[كويتيه]

يعطيك الف عافيه يا بو وليد:)...


و اعذرني وايد سالتك.. اهماا يقولون كرسي اعتراف يعني اي سوال في بالك اساله.. :o.. بعدين ليش ماتحب السمج شكلك:).. لا غلطاااااااااان :)..

على العمووم مشكور وايد .. و كنت ضيف خفييف الظل:)..


لك خالص تحياتي.
اختك: كويتيه
:)