رائعه جديده لخالد الفيصل في كحيلان لبى قلوبهم والله

[سوالف ليل]

ليت المرض ينقل عن اللي نوده

والله لشيله عن غلا الناس سلطان

شيخ(ن) جميع الناس ذخر(ن) تعده

إن ضاقت الايام واشتدت أزمان

محد(ن) وصل بالجود والطيب حده

ووانا اشهد إنه أكثر الناس إنسان

كم واحد(ن)عن لحظة الياس رده

حتى زرع له بالأمل روض بستان

أما الشجاعه فاسأل اللي ينده

وعزي لمن لاقاه سلطان غضبان

يمناه إذا همت بحصن(ن) تهده

ويسراه ياما عدلت راس غلطان

وكل(ن) عطاه الله من الحمل قده

ونصيب ابو خالد هزع كل ميزان

وتضحك لها عينه وسنه وخده

ماكنها الا ريشة شالها حصان

يالله ياربي من العمر مده

كم عين محتاج ترجاه باحسان

[عزوف]

صـــــــــــح لسان الشاعر

ويعطيج العافيه يا سوالف ليل اختيار موفق

تحياتي

[فيصل بن حجرف]

فعلا رائعه

وانشالله مايشوف شر الامير سلطان

ومشكوره اختي سوالف على النقل الجميل

تحياتي

[سوالف ليل]

مشكورين عزوف

العجمان
على المرور والتعقيب

[ابو خالد]

مايشوف شر ابو خالد .. اجر وعافية ان شاء الله

وخالد الفيصل كعادته مبــدع

غراتسي سنيوريته سوالف ليل

[سوالف ليل]

هلابك ابو خالد

[أبو الوليد]

أخواني افراد القوات المسلحة أحيكم تحية الإسلام تحية أهل الجنة

والله اشتقناله الله يشفيه يارب

تحياتي

[ابوحمد الشامري]

لا هنتي يا السنافية على الاختيار الرائع لشاعر كبير والى امام يا سوالف ليل
بابداعاتك الرائعه التي نراها في أغلب دواوين المنتدى.

تحياتي

[سوالف ليل]

تسلم يا بو حمد وماعليك زود

[alajmiali78]

الله يعطيش العافيه اختي على المشاركه وصح لسان الرائع خالد الفيصل والله يشفي الامير سلطان بن عبد العزيز ويعز هل العوجا ولا يعز عليهم .

[سوالف ليل]

يسلموا الجميع على المشاركه

والله يفرحنا بقومة ابو خالد بالسلامه

[شقران]

السلام عليكم

صح اللسان الشاعر ومايشوف شر ابوخالد ( ولكل جواد كبوة )

ودمتم....

[سوالف ليل]

تسلم شقران

الله يقومه لنا بالسلامه ويسلمه من كل شر

[ابن مكتوم]

تسلمين يا سوالف ليل
وصح لسان الشاعر الامير خالد الفيصل
ولايشوف شر الامير سلطان



بن مكتووووووووم

[سوالف ليل]

تسلم بن مكتوم

[ابوتركى]

سوالف ليل--------------تسلمين على النقل لقصائد المبدع خالد الفيصل


تحياتى لك