قصيده حزينه [الأرشيف] - ::. مـنتدى قبيلـة العجمـان .::

مشاهدة النسخة كاملة : قصيده حزينه

פּْ™₣ محفوظي ْפּْ™₣

24-01-2007, 07:21 AM

السلام عليكم
حبيت أشارك بقصيده وين ما أروح أرددها<<صوتي حلو:d
الشاعر كتب القصيده في زوجته اللي طلقها هو يحب زوجته بس امه ما تحبها
وقالتله: اغضب عليك اذا ما طلقتها وطلقها عشان يرضي امه وبعدين قال القصيده في غيابها
أتمنى انها تعجبكم :

مسيكِ بالخير ولا قولي مسيني
ياحلوها في لسانك لانطقتيها
ياتاج راسي وياعزي وتكويني
ياأول حدود السعادة لا بتاليها
مهما المسافات تبعد بينك وبيني
ومهما ظروف الليالي شان حاضيها
تبقين كن قال رامي العفس في عيني
وتبقى عيونك هي احلى مانظر فيها
والله احبك وحبك لين يرثيني
هاجس قصيدي على جامد معانيها
يا أوفى غرامٍ عرفته في اول سنيني
ولضاقت الروح من غيرك يسليها
يابنت شوفك ترى ورضاك تكفيني
وباقي البشر يشهد الله ماعلي فيها
والله غيابك وبعدك لاعبٍفيني
والحظ والهم وظروفٍ أعانيها
نذرٍ علي ونذر في ذمة ايديني
يالعشرة اللي معك ماني بناسيها
بالخير امسيك ياليتك تمسيني
ويالبى قلبك اليا منك نطقتيها

الهـنـوف

24-01-2007, 04:02 PM

يعطيك العافيه على القصه والقصيده الحزينه
تقبل مروووري
دمت بود

نسل الطويل

25-01-2007, 03:29 AM

الله لا يهينك

والقصيده قد سمعتها قبل كذا
بس توني ادري بسالفتها

لاهنت يا المحفوظي

פּْ™₣ محفوظي ْפּْ™₣

26-01-2007, 10:32 AM

شكرا على المرور الحلوو يا ((الهنوف))

مشكور يا ((نسل الطويل)) على مرورك
يا ليت تقولي منوا الشاعر اللي قال هالقصيده

الأجـودي

26-01-2007, 10:51 AM

السلام عليكم ورحمة الله وبركاته

اخوي العزيز المحفوظي

يعطيك العافية على هالقصيدة الرائعة

وهذي اسمعها بالبلوتوث وماظن شاعرها معروف

ولا هنت ...

ال سليمان

26-01-2007, 08:55 PM

السلام عليكم ورحمة الله وبركاته

والله احبك وحبك لين يرثيني
هاجس قصيدي على جامد معانيها

صح الله لسانك يا المحفوظي ولا هنت ................................ واسمح لي بها البيت

يا راعي الحب الحزين والبيوت الكأيبه؟؟؟؟؟؟؟لا خطر في بالك من رحل قول عسى دربه سفيري

عبــــــــــاية رأس

26-01-2007, 11:31 PM

يعطيك العافيه على القصيده ..

وأنا بعد قد سمعت القصيده بس أول مره اسمع في قصتهاا .... وحلوه بصرااحه وحزينه بنفس الوووقت

بنت العجمان

27-01-2007, 02:20 AM

نذرٍ علي ونذر في ذمة ايديني
يالعشرة اللي معك ماني بناسيها

انا اشهدنها تحزن من قلب:(
وانا سمعتها بعد بلوتوث اثرت فيني حيل

بس توني ادري بالقصه الله يسامح امه

لا هنت اخوي محفوظي ع القصيده الحلوه

نسل الطويل

27-01-2007, 06:15 AM

ما اعرف والله شاعرها يا المحفوظي

مثل ما قالوا الاخوان سمعتها بلوتوث بس

الاحرش

04-03-2007, 07:02 PM

ولاهنت على السالفه والقصيده

وانشالله نشووف منك المزيد

بدر&مبخوت

18-03-2007, 09:17 PM

لاهنت على القصه والقصيده يا المحفوضي

مــقــدام

11-04-2007, 12:43 AM

السلام عليكم ورحمة الله وبركاته

يعطيك العافيه اخي المحفوظي على القصيده المليئه بالاحزان

وبيض الله وجهك

ولك كل الشكر والتقدير