ياللعجب على هالمجاملات

[سلطان بن جفن]

بسم الله الرحمن الرحيم

حبايبي اعضى وزوار منتدى انا الحبيب
السلام عليكم ورحمة الله وبركاته
انا بتكلم في مجال افهم فيه شوي وهو موضوع الشعر والشعار
ياجماعه والله ثم والله ماتنفعكم المجاملات ولاتنفع الشاعرولاهيب زايده من شاعريته ولاكنها بتخلي الي يمر على منتداكم يضحك على جميع من هو شاعر ومنهو كاتب القصيده الفلانيه ليش لانكم كل من قريت تعقيبه على اي قصيده سوى ان هي موزونه ولا معفطه ولا مكسوره ولا مالها معنى
افلان صح السانك ونت مبدع والى الامام وهو مايدري وين الشعر ولا يفهم ولاهوب شاعر ياخوي قل قصيدتك يفقدها كذا وكذا ونت مبدتي كويس وفكره كويسه
والله ان تعقيب بعض الاخوان انه ايخليني ماعاد اكتب شي جديد لاني اقول يارجال كل الي موجودين مايفهمون اكتب اي شي ويصفقون لك
هذي ثاني مره اكتب لكم
وكذ مره عقبت على بعض المشاركين وزعلوليش مدري
على العموم انتم الي ترفعون منتداكم وتنزلونه وعساني ماثقلت دمي عليكم




سلطان

[جيــر]

سلطان انت 100% صححححححححححححححححححححح


والله اني ودي اكتب نفس كلامك منذ مبطي لكن ماودي ان احد يزعل مني....


ياجماعه اتركو الخبز للخباز ترى موهوب لازم الواحد يرد على الشي اللي مايفهم فيه.... وموهوب لازم الواحد يحاول يزيد عدد مشاركاته على الفاظي؟؟

[سوالف ليل]

مشكور سلطان

بس من ناحيتي انا اعترف اني ماافهم في القصايد ولا وزنها والاشيا هذي بس ممكن كلماتها تكون قويه ومعبره ومؤثره وبس

[زهير]

الأخ سلطان الله يعطيك العافيه

على هذا الموضوع المهم واضم صوتي الى صوتك وبالنسبه لنقد البناء يحفز الشاعر على التدقيق

في اختيار الكلمه و المعنى و اللحن الجيد ومراجعة القصيده عدة مراة قبل ينشرها للقراء ويجب

على الشاعر ان يتقبل الأنتقاد الهادف بصدر رحب مثل ما يتقبل المدح والأعجاب واتمنى التوفيق

للجميع ولكم اطيب واجمل التحيات مع الأحترام والتقدير

[ابن راعي الفحمه]

جزاك الله خير يابو جفن على هذه النصيحة الهادفة واتمنى لك التوفيق


ورجاء خااااااااااااااااااص لك اخوي سلطان انه اي قصيدة انشرها انك تبين الخلل فيها وصراحة مافي الا انت في المنتدى بين لي الخلل اللي في القصيدة
بعنوان اذا كنت سنافي وشاكرلك مرة ثانية ومع السلامة

[روووووعه]

سلطان بن جفن ..

كلامك في محله ... اي والله اتركونا من المجاملات الزايده... وعبرو عن رايكم

بكل صراحه ..... واذا كنت تخاف تزعل احد لاترد بالمره يكون افضل وانا اتكلم

بالذات عن ديوان صدى المشاعر ..

تحياتي

رووووووعه ,,

[شادن]

هلا والله بشاعرنا الكبير××

انا اسفه على التعقيب المتاخر جدا لاكن انا ماخشيت لاني ماكنت ادري

انه موضوع يخص الشعر ،،،،،،،،،،،،،،،،،،،،

طبعا انا اكتب شعر ونزلت كذا قصيده لاكن عمري ماكنت واثقه انها بتعجب

الناس وكنت بعد على يقين ان فيه حد لابد بينتقد×××××××××××

وبالعكس اذا الانسان عنده موهبه وبيعيش طول عمره خايف من التعليق

على الشي الي يكتبه بيعيش طول عمره محطم ،،،،،،،،،،،،،،

وانا بالعكس ماعندي اي مشكله بالنقد ويشرفني ان شاعر مثلك اخ سلطان

يوجهني ويخليني ابرز نفسي اكثرررررررر ==================

مشكوووور ــــــــــــــــــــــــــــــ>:mad: سلطان باين عليه شديد

[جراح بن ضيدان العجمي]

المجاملات


تكسر مجاديف الشاعر



وكلامك فعلا

على حق


وشكراَ


جراح

[قبلةالعجمان]

صح لسانك ....









:):):):):):):):):)






بابا سلطان انت 100% صح

[سلطان بن جفن]

صح لول

[غانم بن علوش الهاجري]

صح لسانك يا سلطان

انا شخص اتكلم عن نفسي انا توني شاعر مبتدا
ومتاكد ميه بلميه انه عندي اخطاء بلوزن وخطاء كثيره

واتمني من اخواني الشعراء انهم يعقبون علي كل قصيده اكتبها

المجامله ماتقضي لزوم وبلعكس المجامله ماتطور بشاعر

كلامك سلطان عين الصواب واتمني من اخواني يقرون كلامك

ويعقبون علي كل قصيده تنقال في المنتدي

[ابوعبدالله العجمي]

السلام عليكم
الحقيقه00ان الموضوع اللي تكلم عنه الاخ سلطان موضوع في غاية الاهميه

وانا احمل ادارة المنتدى والقي عليهم باللوم بالدرجه الاولى
لان المنتدى يجب ان يكون له اسس وقوانين وضوابط يمشي عليها جميع المشاركين

فهناك مشرفين للشعر يجب ان يكون دورهم فعال00
ومايكتفون فقط بكونهم مشرفين
لان هذا تكليف00وليس تشريف
فيجب ان يقرا المشرف القصيده ويعدل فيها00ويبين الاخطاء اللي فيها

كذلك يجب ان لا نهتم بالكم00ولكن نهتم بالكيف

وانا عجبني الموضوع00ولو كان قديم00
لكن راح اتبنى هذا الموضوع واعيد طرحه00
لان المصلحه فيه عامه

000000000وللحديث بقيه000000000
وبنتظار ردودكم

[اخو شيخه]

نعم نعم هذا الكلام الصحيح والواقع للاسف

هنا كذا واحد كاتبين له شاعر وهو من جنبه

لو تبوني اعددهم قلت فلان وفلان لاكن للاسف ان الاداره راح تمسح ردي او تحرر مشاركتي

لاني في كذا قصيده عقبت عليها وقلت لصاحبها ترى فيه خلل بالوزن وتفاجات ان الرد انمسح؟؟

الي ذبحنا ولا خلا الكثير انه يستمر في الكتابه المجامله

والي يذبحك ويدبل الكبد
الي يكتب قصيده ومع مرور الوقت يجي كاتبها ويرد على الي علقو على قصيدته مره كل شهر ليش؟؟

علشان تكون قصيدة في الواجه بالصفحه الاولى واظاهر انكم عرفتو قصدي

ما قول الا الله يصلحهم ويخليهم لاهلهم

[الوضحه]

وانت صادق,,

لكن اللي ماصدقت فيه والسموحه,, اني انا بنفسي حاطه قصيدتين وقالو لي فيها كسور,,

يعني هنا ينقدون عالقصيده ويوضحون الكسر اللي فيها,, انا ماشفت مجاملات,, مدري عاد انتو شفتوا الله اعلم,,

ع العموم لاهنت ع الملاحظه الطيبه,,واشكرك على اهتمامك بشعرا المنتدى هالاهتمام القوي,,:)

[الجلمود]

لاهنت ياسلطان على النصيحه



واتمنا من كل الشعار ان لا يجاملون


نعم مثل ماتفضل احد الاعضاء ان اذا نصحت شخص في قصيدته على طول تشطب

ياخي ياللي تشطب النقد في القصيده تراك ماتصفط الصاحبك انت قاعد تشجعه على الخطا

[ابوعبدالله العجمي]

الاخ اخو شيخه
المقصود من الموضوع المصلحه العامه
ولا نقصد احد بعينه
واللي ينشر اذا كان تهمه مصلحته00لابد يدور اللي يصلح له
مو اللي يطبل له
والمثل يقووووووووووووووول :

<<<< اتبع مبكيك00ولاتتبع مضحكك >>>>

[ابوعبدالله العجمي]

الاخت الوضحه
انا احيي فيك صراحتك
لان كلن يذكر ما واجه00
وانتي ذكرتي اللي حصل معاك00وهذي امانه علميه
حتى لو كان هذا متعلق بقصيدتك
بعدين يكفي النقول اللي تتحفينى فيها<<جديد ابن فطيس>>
جهودك واضحه
وانا شخصيا استفدت00وبانتظار الجديد

[@ فــهــد @]

بسم الله الرحمن الرحيم.....
الاخ سلطان.... انا معك في جانب ولكني مو معك في جانب اخر....انا معك في ان المجاملات تدمر الشاعر او المبتدئ..... ولكن انا ضدك في ان الجميع يجامل ياخي ليه ما فكرت ان القصيده اللي انت تعيبها ممكن انها تروق لغيرك.... فهذا يعني انها عجبت غيرك ويحق له انه يمدحها .....لان الشاعر مستحيل ان يرضي جميع الاذواق واظن ان هذه واضح.

هذي وجهة نظري وان اخيك...وشكرا.

تقبل مروري وتحياتي
اخيكم::
الــــظــــامـــــــــي

[شايخه عليهم]

انا من ناحيتي .. أقرا القصيده ان عجبتني رديت وان ماعجبتني ماارد عليها ...... ويشدني العنوان اكثر

يعطيك العافيه