حداوي حربيه للقبائل نهار الحرب.......

[الأدوح]

بسم الله والصلاه على رسول الله اما بعد..........
هدْي بعض الحداوي الحربيه::::::::


حنا عقب غزالان ماحما بعدْاله........نرخص الروح ولوعندنا غالي


وينك يالي غايبا عنا.........وشلك ماتنبيت العلام
خلي سعد تبكيه بنا..........عليه طير الجو حام



الذيب اكل مارق وجر عواه "" والدايـره ياكـل شبـيـب







نشبع مدابيح النصور "" والذيب اليا منه عوى
لعيون لجّاج الخصور "" وقذيلته تلعب هـوي







يا عبشةٍ بين الهضوب "" طالت وكـلٍ هابهـا
ترعاه صمعان القلوب "" اللي تحنـي حرابهـا






يابو لـوى صاحبـي قلـه "" عطـه مواثيـق وعهـودي
ان خنت ابـو قذلـةٍ هلـه "" يحرم علي نقـل بـارودي
ومن نزلتي خلـف منتلـه "" اليا حل في الجيش مردودي






البارحه خلـي لقيتـه "" شفته بعيني في المنـام
نبي نطـارد دون بيتـه "" من فوق عجلات المرام






نضرب على جم الخساير "" ما يستوى مـدحٍ بـلاش
لعيون زينـات العشايـر "" والغرو لبـاس القمـاش



يا راكبٍ زين الاقرانـي "" يوم اهل الهجـن دنوهـا
سبق الطيور ام جنحانـي "" كـل القبايـل تمنـوهـا
هـذي مداهيـل حيّانـي "" واليوم راحـوا وخلوهـا
راحوا هل البوش وعناني "" والدبدبـه قـد تعدوهـا






عيّنت نوره يا براز "" عينتها تالي الجهام
نوره تحن وتلتفت "" تبا الفرج منا شمام






راكبٍ حمرا تهقوينـي "" روّحت تومي جنايبهـا
روّحت مضنونة العيني "" تقل تاخذ عن مناكبهـا
سابقت خرش الشياهيني "" والدويرع فوق غاربها
النضا مثل المزايينـي "" والنجيبه مـن نجايبهـا
كنها اللي دلهـا زينـي "" جادل غنـام قاضبهـا







يا بنت شوقك طواه الجوع "" على النضا دنهرت عينـه
لولا العزيري وابن جربوع "" كان امس ربعـه مخيلنـه




يا جمعة قفـت علـى القنطـوش "" يـــوم الدلـيـلـه دلّــهــم
ربعـي شياهين تفـك الـبـوش "" جـعـل الذلـيـل فــداَ لـهـم
اليا صاح صياح الضحى المدغوش "" يرعـى الدبـش فــي ظلـهـم
رفاع لبـس الجوخـه ام نقـوش "" وعشـريـن فــارس جـلّـهـم
جبنـا معادينـا نحوشـه حـوش "" وانــا احـمـد الـلـي ذلـهـم
اميرهم عنهـم هـرب مخـروش "" انـحـاش مــا عـايـن لـهـم
ساعـة ملجنـا كـب الـهـوش "" قـــال لـخـويـه خـلـهـم







نرعاك يالوضحا الطفوح "" وسم العزيـري فوقهـا
لعيون عيده جت طموح "" يوم امرجت في شوقها
حطوا بها خيـطٍ يلـوح "" مع الجـرس وطوقهـا







عينت خلي يا خليـل "" هو شد ولا فوق مـاه
ابو هدب عينٍ ضليـل "" ياربح تجّـارٍ شـراه
بالقيض ما ذقنا المقيل "" والجيش نرقع في حفاه




حنا لفينا يا شريـف "" من نجد مرذين النضا
يا ما فرقنا من وليف "" للطير مكتوبٍ عشـا



مع تحيات الأدوح

[ابوتركى]

اخى الادوح ------------مبدع دائما



تحياتى لك

[الأدوح]

لاهنت يابوتركي على المرور الي يسعدني دائما,,,,,,,,,,,,اخيك الأدوح

[راكان اليامي]

دائما مبدع يالادوح
اشكرك جزيل الشكر لتواصلك المميز في الديوان التاريخي

والى الامام

تحياتي

[الأدوح]

لاهنت ياراكان,,,,,,,,,,,

[فكاك^النشايب]

لاهنت يالادوح


نضرب على جم الخساير "" ما يستوى مدحٍ بلاش
لعيون زينات العشاير "" والغرو لبـاس القمـاش


ياليت لو ذكرت اسامي الشعار كان افضل


تحياتي لك

اخوك / فكاك^النشايب

[الأدوح]

لاهنت ......يافكاك النشايب على المرور,,,,,,,,,,,,,,

[مـحمـد]

السلام عليكم ورحمة الله وبركاته

الله يعطيك العافيه يالادوح موضوع رائع بالفعل .

[بن عجمـــــــــــــى]

لا هنت الاخ الادوح
على ما قدمت لـــــــــــــــناـا
والله يعطيك العافيــــــــــــــة

[مطير ابن غطفان]

حنا لفينا يا شريـف "" من نجد مرذين النضا
يا ما فرقنا من وليف "" للطير مكتوبٍ عشـا



مع تحيات الأدوح


الاخ الأدوح

لماذا لم تكتب اسماء القبائل اللتي قالت هذه الأحديه انا لا اعلم

انا عرفت الحداء الأخير فقط وهو لقبيلة العضيلات من الصعبه من بني عبدالله من مطير

واتمنى ان تكتب للاخوه القراء هذه الأحديه لمن

وشكراً

اخوكم

مطير بن غطفان

[ابن الاجواد]

طيب من هم رجال القبائل الي قالوا هذه الاحدياات؟؟


نتمنى الاجابه والف شكر لك

[عقيد آل وعيل]

انا مع ما قالو الاخوان

لو كتبت اسامي قايلين الحداوي مع الحداوي كان افضل

[فاكس]

موضوع ممتاز يا اخى ولكن لو انك ذكرت نكات اصحاب العزاوى للفائده وشكرا