فوائدالمرة...( ماأقصدقبيلة المرة)

[راعية الناقة]

السلام عليكم ورحمة اللة وبركاتة

كلنااااااانعرف المرة الي كنها حصى والي مايعرفها اوتعرفها عض ثوبك واركض لامك اوجدتك


بس انتي لاتعضين ثوبش.........


على رخص قيمتها الاان فايدتها شي

نقول اول شي مثل يقال عنهاااااااا (ماتستضرحرة في بيتهامرة) مثل من جدتي فديتها

من فوائدها:

* لتصفية الوجة من الحبوب وطريقتها تغسل وتنقع بماء ورد وتمسح فية الخشة بليل والنهار

وتشدالبشرة يعني شي بدال الماركات الغالية الي يكذبون فيهاااا

* اذاانجرح الشخص جرح كبير يشرب مرة منقوعة بماء يعني اذاكنت راعي ضرب ومضارب

بلعجاري خل عندك دبة صغيرة في السيارة علشان الجرح مايلتهب بعدمايتعطرالشخص المفلوق

* اذالاسمح اللة وسويت عملية اوسويتي عملية امسحي الجرح بقطنة بملولة بمرة واللة يلتئم
بسرعة .

*ومن فوائدهاالي محتاجينهاهالحين في البرد وامراض الفلونزا والكحة الي تمشع البطن

تشربها تعتبرمضادحيوي واذافية كحة تنقع مع البان ذكرلاتستغربون انواع البان

*اذاخلعت ضرس تشرب بعد مرة علشان مايلتهب مكانة

* يعني مانستغني عنها بالمرة تعودتكون رفيق في حلك وترحالك *


شكلي بفتح حواج في المنتدى واسوي دعاية


و سلامتكم من كل شر

[اطياف الماضي]

مشكورة عزيزتي

والمرة مضاد حيوي طبيعي ورائع

تحيتي

[الاحرش]

لاهنتي



راعية الناقه على النقل

[قطرية ولي الفخر]

لا هنتي
وتقبلي تحياتي

[فزو_لها]

فعلا المره فوائدها عظيمه

بس الله يعز النعمه من طعمها :(

[الباشا]

الأخت الكريمة
راعية الناقة

لا هنتي على هذا الموضوع الرائع

بالفعل فوائدها كثيرة
ومضاد حيوي طبيعي

[السبع]

اختي راعيت الناقه


الله لا يهينش


وعقبال ماتصيرين راعيت الذود


وتقبلي مروري واحترامي