المساعد الشخصي الرقمي

مشاهدة النسخة كاملة : كتب هذه القصيدة المبكية لشدة شوقه ولهفته على والدته المكلومه ..

مجازف
15-01-2007, 10:25 AM
هذه القصيدة لاخونا في الله / نايف اليوسف

( نسأل الله العلي القدير أن يعجل بفك أسره )
المسجون بسجن / لايمون .... بولاية / كلورادو الأمريكية .. منذ اكثر من ست سنوات ...
كتب هذه القصيدة المبكية لشدة شوقه ولهفته على والدته المكلومه ..
والتي تنتظر عودته لها بفارغ الصبر .. في رمضان الماضي
( 1427 هـ ) يحكي لها معاناته .... نسأل الله ان يلهمه الصبر

سادس سنه في ديرة الغرب مسجون
..... سجن الغثى والبهذله والآذيه
سجانهم قلبه من الكره مشحون
..... عنده حياتي او مماتي سويه
هذا رمضان اقبل وانا فيه محزون
..... يارب هون مشكلاتي عليه
وسط السجن مابه معي من يصومون
..... مسلم ... ومن حولي وجيه أجنبيه
دايم حزين وضايق الصدر مغبون
..... مليت من جو السجن والآسيه
يمه .... كفايه وقت الأفطار تبكون
..... تبكون (( نايف )) مالكم مقدريه
ودي يا يمه بينكم بس ... وشلون
..... ودي بتمره من يدينك هنيـــه
يمه فطوري خالي الطعم واللون
.... مشتاق للمرقوق ....... والمحلبيه
مشتاق للمسجد مع اللي يصلون
..... أصلي الأوقات صبح وعـــشيه
ودي معي في ليلة القدر تدعون
..... ينفك قيد اللي حياته شـــقيه
يا الله يارحمن يا خالق الكون
.... تغفر لعبدك كــل ذنب وخطيه
وصيتي تكفون .. لا مت مدفون
..... في دار (( ابو متعب )) ديار الحميه

الشاعر نايف اليوسف / سجن لايمون / ولاية كلورادو الأمريكيه
قاصد الخير
15-01-2007, 10:59 AM
صح لسانه
والله يفك عوقه انشاء الله


مشكور يامجازف ولاهنت

لكن شنو سبب سجنه؟؟

التهمه يعني
نسل الطويل
15-01-2007, 11:51 AM
مشتاق للمسجد مع اللي يصلون
..... أصلي الأوقات صبح وعـــشيه


الله يفرج عنه وعن كل مسلم همومه


ويصبر امه على ما ابتلاها

ولاهنت اخي العزيز

جازف على اختيارك الموفق والرائع كالعاده على ذا القصيده



تقبل فائق احترامي





اخوكـــ فراجـــ الحبيشيــ
الاحرش
15-01-2007, 01:17 PM
صح لسانك ولسان شاعرها



ولاهنت


على النقل
وردة العجمـان
16-01-2007, 11:39 PM
فعلا قصيدة حزينة ومبكية

صح السان الشاعر نايف اليوسف

والله يعجل بفك اسره

يعطيك العافيه اخوي مجازف عالنقل المميز
bird of shalwa
17-01-2007, 12:51 AM
وسط السجن مابه معي من يصومون=مسلم .. ومن حولي وجيه أجنبيه
دايم حزين وضايق الصدر مغبون=مليت من جو السجن والآسيه
يمه .... كفايه وقت الأفطار تبكون=تبكون (( نايف )) مالكم مقدريه




قصيده مليئه بالحزن واللوعه والغربه ,, والمؤمن مبتلى ,,


الله يعجّل بفك أسره .. وتقر عينه بشوف والدته ودياره,,


.,,. مجازف الهاجري .,,.

لاهنت على النقل ويجزاك خير .. كنت سبب للدعاء للمسجون,,

والله لايحرمك الأجر ,,

اخيك .
مجازف
23-01-2007, 09:41 AM
صح الله ابدانكم جميعاً

القصيده كما ذكرتوا فيها من الحزن بين ابياتها

وقفه

الاخ قاصد خير

ولله لا اعلم ماسبب سجنه اخي الكريم

ولاكن من واجبنا كـ مسلمين ان ندعوا له

لانه اخينا في الاسلام

وشكراً لسؤلك الجميل

وللجميع

تقبلوا فيض ودي

اخوكم

مجازف
الخيال الحر
23-01-2007, 10:10 AM
سادس سنه في ديرة الغرب مسجون
..... سجن الغثى والبهذله والآذيه
سجانهم قلبه من الكره مشحون
..... عنده حياتي او مماتي سويه
هذا رمضان اقبل وانا فيه محزون
..... يارب هون مشكلاتي عليه
وسط السجن مابه معي من يصومون
الله يفك جميع المسلمون من اسرهم اللى هم فيه ....
مجازف
25-01-2007, 07:36 AM
صح السانك

لاهنت على هذا المرور الرائع