,’,’الدوسريـــه ومشــاعر حالمـــه ,’,’

[مشاعر حالمه]

السلام عليكم ورحمة الله وبركاته ..

دايركت ع الموضوع ...

حرمه دوسريه ..كتبت فيني قصيده وارسلتها مع بنتها

( مادري هالقسم مناسب لها او لا لأني ماوجدت قسم للمجاراه فحطيتها هنا :) )

تقول أبيات الدوسريّــه..


سلام يابنت الرجال المشاكيل

يا(......) ودّي لـ ( .....) سلامي

سلام يابنت الرجال الحلاحيل

اهل الوفاء والطيب ربعٍ كرامي

نطاحة البارود حمّاية الخيل

عدوهم من ضربهم ماينامي

(.........) تعرف لاقد الوقت به ميل

والنعم والله بالرجال الحشامي

عذرى على كل البني تاخذ الكيل

والطيب فازت به بكل احترامي

,’,’,’,’,,’,’,’

يوم وصلتني الرساله علمت ابوي وامي وقريتها لهم

قالوا لي هلي ردّي عليها قلت ومافيه الا هالحل وان شاء الله أوفيها ..

تقول أبياتي ...

يامرحبا بك عد ماسال من سيل

وعداد حرفٍ ينقرا بالاسامي

باللي سلامه عطّر القلب بالهيل

لفتت عنودٍ عطشت كل ظامي

بنت الرجال مذبحة ظامر الحيل

أهل الوفا ربعٍ صقور كرامي

دخيلهم ماترهقه ظلمة الليل

دواسرٍ يحمونه بكل دامي

لطامة العايل على سبّق الخيل

وبارودهم في ساحة الحرب حامي

صعبٍ أوصفهم لو قيل ماقيل

اخاف ماوفي حق قومن حشامي

وختامها برسل سلامي وتبجيل

حب وغلا لك ياعظيم المقامي

وسلامتكم ...

ملاحظه / اللي بين الأقواس اسمي واسم بنت الحرمه ..

والقوس اللي لوحده (قبيلتي ) ,,,

واتمنى انها تعجبكم بس ..ترى فيه بعض التكرار في مجاراتي لها لاني كتبتها بشكل سريع هاك الوقت ..

تحيتي لكم / مشاعر حالمه ..

[العرجاني محمد]

مجاراة جزلة ,,, وصح الله لسانك يا مشاعر و صح الله لسان الدوسرية .....بإنتظار مجاراة ثانية إن شاء الله :)

[الباشا]

الأخت الكريمة
مشاعر حالمه

لا هنتي على هذه المجاراة الرائعه
وصح السانك قصيدة رائعه

[محمد المحلكم]

صح لسانك مجاره طيبه

[الــفــيــصــل]

مشاعر حالمه


والنعم بك وبالدوسريه


القصيده الأولى رائعه


والقصيده الثانيه اورع واجمل


تقبلي مروري وتحيتي


الفيصل

[مشاعر حالمه]

العرجاني محمد

تسلم والله وصح ابدنك يالقرم ولاهنت وابشروا بالخير:)

تحيتي لك / مشاعر حالمه _ عزوة ابوها

[مشاعر حالمه]

الباشا

تسلم والله وصح ابدنك يالقرم ولاهنت

تحيتي لك / مشاعر حالمه _ عزوة ابوها

[مشاعر حالمه]

محمد المحلكم

صح ابدنك يالقرم ولاهنت

تحيتي لك / مشاعر حالمه _ عزوة ابوها

[مشاعر حالمه]

الفيصل

والنعم بحالك تسلم والله وصح ابدنك ولاهنت

تحيتي لك / مشاعر حالمه _ عزوة ابوها

[علي السكران]

شاعرة الاحساس وشاعره المعنى .. الشاعره .. مشاعر حالمة

قصيدين كفو ونعم بك وبالدوسريه

كل يوم نتمتع ونبحر مع المشاعر الحالمه

الله يزيدك ويبارك فيك اختي الكريمه

علي السكران

[مناحي الصميل]

صح الله لساااااااااااااانش ملايين
ونعم فيش وفي الدوسريه ..
ولكــن :)

عندي تعليق على شطر فيه ثقل !!

صعبٍ أوصفهم لو قيل ماقيل

(( لو )) مسببه ازعاج :)
لو تخلين الشطر كذا يصير احلى ..
صعبٍ علي توصيف قوم(ن) مداهيل

وعسى فالش المليون
:)

[عـ100ـج]

صح السااااااااااااااااااااااااانش ولا هنتي


كل شي منك روعه يا الغاليه


لكي أجمل تحيه

[رنة الخلخال]

صـــــــــــح لساانك

[نسل الطويل]

صح لسانش ولسان الدوسريه
ونعم فيش وفيها وفالدواسر وفقبيلتش:)

[مشل الدويش]

قصائد جميله ورائعه

صح لسان الدوسريه وصح السانك لاهنتم

تحياااااااااااتي

[مشاعر حالمه]

علي السكران

تسلم والله وصح ابدنك ومشكور اخوي على المرور الكريم

تحيتي لك / مشاعر حالمه _ عزوة ابوها

[مشاعر حالمه]

كاسب الطيب

تسلم والله وصح ابدنك ولاهنت على المرور الكريم

( انا كنت كاتبه البيت كذا

لو قلت اوصف وصفهم صعب لو قيل ..

والا كنت مدقّره عند هالبيت لانه ياااالله طلع وشفه طلع مريض :(

بس مشكور والله على ملاحظتك ولاهنت :)

تحيتي لك / مشاعرحالمه _ عزوة ابوها

[مشاعر حالمه]

عجميه

تسلمين فديت روحج وصح ابدنج ياغناتي ولاهنتي

تحيتي لج / مشاعر حالمه _ عزوة ابوها

[مشاعر حالمه]

رنة الخلخال

تسلمين ياغلاي وصح ابدنج ولاهنتي على المرور الكريم

تحيتي لج / مشاعرحالمه _ عزوة ابوها

[مشاعر حالمه]

نسل الطويل

تسلم والله وصح ابدنك ولاهنت على المرور الكريم

تحيتي لك / مشاعرحالمه _ عزوة ابوها

[مشاعر حالمه]

مشل الدويش

تسلم والله وصح ابدنك ومشكور على المرور الكريم

تحيتي لك / مشاعرحالمه _ عزوة ابوها

[™ عبد الله ™]

السلام عليكم

صــح لسانش ...

ومجاراه رائعه وفيها جزاااله

تحياتي

[مشاعر حالمه]

فتى البزابيز

تسلم والله وصح ابدنك ولاهنت علىالمرور الكريم

تحيتي لك / مشاعرحالمه _ عزوة ابوها

[موج الأحزان]

صححححححححح لسااااااااانش..
ياحالمه..

[مشاعر حالمه]

ابو محمد الضاعني

صح ابدنك يالقرم ولاهنت على المرور الكريم

تحيتي لك / مشاعر حالمه _ عزوة ابوها

[عبدالناصر آل عبدان]

وختامها برسل سلامي وتبجيل

حب وغلا لك ياعظيم المقامي ؟!

صح لسانك

بس القصيده في رجال ولا بنت ؟


ونعم في الدواسر وقبايل الجزيره

[الاحرش]

مشاعر حالمه

لا هنتي على هذه المجاراة الرائعه
وصح السانك قصيدة رائعه

[مشاعر حالمه]

وختامها برسل سلامي وتبجيل

حب وغلا لك ياعظيم المقامي ؟!

صح لسانك

بس القصيده في رجال ولا بنت ؟


ونعم في الدواسر وقبايل الجزيره

عبدالناصر الفهاد

صح ابدنك وتسلم على المرور الكريم

لا والله في حرمه وكبيره ..ولايغرّك اني قلت ( ياعظيم ) لاني ماقدرت اجيب كلمة عوض

عنها ..وعشان يستقيم البيت ويصير موزون حطّيتها ..

ماعليك زود ..

تحيتي لك / مشاعر حالمه _ عزوة ابوها

[مشاعر حالمه]

الاحرش

تسلم والله وصح ابدنك ولاهنت على المرور الكريم

تحيتي لك / مشاعرحالمه _ عزوة ابوها

[زيــ الهتلاني ــزوم]

يالبية يالدواسر الأد زايد .. صح لسانش ولسان الدوسرية


ودعتش الله

[هــــــــــادي]

قصيده طيبه صح الله لسانتس

واعتلى شانتس على الرديه الطيبه


انا عرفت القبيله من الشله !!

والاسماء تعددت معي للأسف :(

فضولي لأبعد الحدود هههاي ؛)








احتراااامي

[مشاعر حالمه]

زيزوم الهتلاني

صح ابدنك وتسلم على المرور الكريم ولاهنت

تحيتي لك / مشاعر حالمه _ عزوة ابوها

[مشاعر حالمه]

هــادي

:)

تسلم والله وصح ابدنك يالقرم ولاهنت

تحيتي لك / مشاعر حالمه _ عزوة ابوها