الفــريــنســـي

[&الهتلاني&]

الفرينسي (الصفوف)
هو ان يصف صفين من الرجال ويكررون ابيات شعريه فيها الحماسه اوالتغزل
البريء او المدح ويفضل ان تكون ابيات القصيد قصيره

============
وهذه قصيدتين من قصائد الفرينسي واتمنى من الاعضاء اللي عنده قصيده انه يعطينا وسلامتكم
============
يا صغير السن ياترف الاقدامي
وين اخوك اللي كما الصوره الصوره
قال دونه صار حراس ومحامي
وانت خل اسرار الحب مستوره
غارقن في نظرته والتبسامي
شفتن من شافها يفقد شعوره
اتصبر كن رجلي على حامي
واتردد كيف ابجيه وازوره
كن في قلبي ثلاثين صمامي
يشتغل لانمت ويدق ماطوره
يا جماعه بالهوى ما قضى زامي
الهوى يا هل الهوى ضاع دستوره
(((الشاعر:هداف الهاجري)))

============

عزو الصفين ياربعنا الليله
عزو الصفين شيبن وشيباني
الفرح جانا وبانت تماثيله
جيت ابارك عند ذربين الايماني
مرحبا عد السحاب وهماليله
مرحبا من صدق قلبي ووجداني
عند قرمن مايبرد معاميله
مكرم الضيفان والجار والعاني
عند ربعن تكعم الضد وتزيله
تكعمه ويرد خايب وخسراني
من تحدى لابتي بيد وحيله
لابتي سقم المعاديني عجماني
ربعي العجمان لاقلت الحيله
يشهد التاريخ في ماضي الازماني
ياقديمات الزمان ومقابيله
صلب يامن لارقص كل شيطاني
من حضر لاهان ولا تعبت رجيله
ومن تغيب يحفظه عالي الشاني
والصلاه اعداد ما بانت الليه
للنبي اللي هزم دين الاوثاني


============
وارجو من الاخوه الاعضاء ان يضيفوا قصائد للموضوع

[مناحي الصميل]

كل الشكر على هذا الموضوع الطيب ..

وبالفعل الفرينسي بالأعراس شيء (( أساسي ))

ويحيي العرس

[&الهتلاني&]

كل الشكر على هذا الموضوع الطيب ..

وبالفعل الفرينسي بالأعراس شيء (( أساسي ))

ويحيي العرس

صدقت يا كاسب شي اساسي
والله لايهينك على الرد

[قيس ابن الملوح]

الهتلاني

اختيار رائع

[نسل الطويل]

الله لا يهينك يالهتلاني وفعلا الفرينسي



لابد منه فالاعراس والمناسبات




ولاهنت على الموضوع

[الاحرش]

كل الشكر على هذا الموضوع الطيب



ولي عوده ان شاء اللة

[&الهتلاني&]

مرحبا بكم جمعيا واشكركم على الحضور
==========
بانتظار عودتك للموضوع يالاحرش

[&الهتلاني&]

هذه قصيدتين لقيتها في موقع مجالس العجمان واضيفها لموضوعي
=============
يالله المطلوب يالوالـي \\ياكريم الجـود سبحانـه
لابدينا بزيـن الامثالـي \\زان قول الشعر والحانه
هاتـو الدلـه وفنجالـي \\دلتـن باللهيـل مليانـه
للحضور تصب وتشالي \\مرحبا والنفس طربانـه
لابتي يامزبـن الجالـي \\مزبنه من دون عدوانـه
في نهار الكون عيالـي \\لاختلط عجـه ودخانـه
بنت ياللي لبسها غالـي \\كنها وسط البحر دانـه
ضامرً والعـود ميالـي \\والعيون عيون شيهانـه
ماتلقت صوب الانذالـي \\والردي ماشانهـا شانـه
عينها لمعـرب الخالـي \\تقصر الخطوه على شانه

==============

شاقني نوض براق عرض بالمخيلة \\شاقني نوض براقة وهيضت مآبي
ليت برق سرى يبرق جنوب النخيله\\يسقي الدار من همال وبل السحابي
لاح برقه على من يحتمون الدبيلـه\\لاح برقه على العجمان نسل الذيابي
لابتي لابتي مثل الـدروع الثقيلـه\\عزها للرفيـق وللمعـادي ذهابـي
لابتي لاغشى الدخان راس الفتيلـه\\راسيه مثل ماترسي عظيم الهضابي
من تحايل علينـا مانجيلـه بحيلـه\\عادة الذيب يقلط فوق روس النوابي
أنشد الوقت عنا والدروب المحيلـه\\وأنشد اللي سبننا شاب وقت الشبابي
وأنشد الخيل عنا والسيوف الصقيله\\وأنشد اللي حثينا وسط عينه ترابي
وأنشد اللي خذا بالثار مـادار ليلـه\\العهد في ظلام الليل حذف الثيابـي
والمليك المسمى يوم فارق خليلـه\\سجت منه والا وقع ضرب الجنابي
والنهايه سلامي عد ماسـال سيلـه\\في نبي شفيع الخلق يوم الحسابـي

[زيــ الهتلاني ــزوم]

الله لايهينك يالهتلاني والفرينسي لابد منة وشي اساسي

وبشر باللي يزودك .. ولي رجعة


ودعتك الله

[&الهتلاني&]

زيــ الهتلاني ــزوم
ومن يقول ومرحبا بك

وحنا بالانتظار:)

[&الهتلاني&]

وهاذي اضافه للموضوع
ونرجو من الاعضاء اللي عنده قصايد يضيفها بالموضوع
\\\\\\\\\\\\\\\\\\\\\\\\\\\

يقول منهو يغني جديد الطواريق\\ من فرحه داخل القلب يسمع صداها
يا مرحبا مرحبا يالوجيه المطاليق\\ ترحيبه ما توخر بها من غلاها
تستاهلون اشقر البن والكيف لا سيق\\ من دلة والمعزب مزين أسواها
يا طير يا طير يلي تذب الشواهيق\\ صوايدك عادت لك جديد ادماها
ربعي هل المدح فالضيق لانشف الريق\\ كم خير (ن) طاح من ضربها في لقاها
يادار يادار يلي حموش المرازيق\\يامية صلب جدي يذري ذراها
كم من عقيد (ن) يسوق الجموع المشافيق\\بيارقه كسرت فالخلا ما وطاها
يابنت يلي تعب من هواش العواشيق\ \ما تلتفت للردي لو تمنى هواها
خيالها اللي يفك النشب حزه الضيق\\اليا انثنى ينجي التاليه ويحماها

\\\\\\\\\\\\\\\\\\\\\\\\\\\\

قربوا المحماس والنجر والدله\\ سوي فنجالن على الكيف يالغالي
شب ضو(ن) تجذب الضيف وادله\\ تجذب اللي ساري(ن) بالخلا الخالي
وسط بيت (ن) مابني في طرف فله \\وسط روض(ن) عشبه الوان واشكالي
عند قرم (ن) يذبح الحيل طبع(ن) له\\وان لفاه الضيف يبشر بالقبالي
مايحسب زايد المال من قله \\ دون ربعه يبذل الحالي والمالي
ودك ان المدح يأتي على حله\\ ما يصير الا على طيبي وافعالي
امدح الطيب وخل الردي خله\\ ما تساوى واطي القاع والعالي
بنت ياللي تنقض الراس وتفله\ \ لامشت قامت تعزل تعزالي
تبغي الطيب ولا تبغي العله\\ تدري انه لاتميدح على الخالي
جعل ما قلنا بعيدا عن الزله\\والسلام عد شيباني واعيالي


\\\\\\\\\\\\\\\\\\\\\\\\\\\

بأبدأ باسم عالي الشان \\\ اللي يسوق بالمخيله
سلام من قلب ولسان\\\ياهل الفعول الجزيله
عجمان لا قلت عجمان \\\ ما نقتنع بالهزيله
حنا ضنا الشيخ راكان\\\ من ضدنا يا عزتيله
يوم العيينه وكنزان\\\شلنا الحمول الثقيله
ماراح ذباح ضيدان \\\ والله ما تم ليله
جينا على سرج واحصان\\\ في ليل ماجاء مثيله
ثار الفشق وام تيجان \\\ تقدح بخشم الفتيله
هذا عشاء الذيب سرحان\\\الشيخ حامي القبيله
لعيون خدرات الاعيان\\\موج البحر نرتكيله
بقولها سر واعلان\\\حنا السيوف الصقيله
قلته ولاني بغلطان ما جبت بالهرج ميله

[مسفر بن حمران]

الله لا يهينك اخوي الهتلاني والصفوف شي اساسي وشي من التراث و واجب علينا ان نحافظ عليها ونحفظ قصايد اجدادنا و تسلم يمينك على الموضوع الرائع

[&الهتلاني&]

الله لا يهينك اخوي الهتلاني والصفوف شي اساسي وشي من التراث و واجب علينا ان نحافظ عليها ونحفظ قصايد اجدادنا و تسلم يمينك على الموضوع الرائع


ومن يقول اخي مسفر والله يعطيك العافيه ىعلى المشاركه بالموضوع
والله يسلمك من كل شر