!! تــطــبــيــق حــد الــحــرابـــه !!

[مناحي الصميل]

الكل منّا يعلم بحال الساحه الشعريّه حاليّا !!
شعّار مجلات وشعّار أغلفه وشعّار صور .. !!
طبعا الا من رحم ربّي .. !!
بدأت هذه الفكره تجول في رأسي واكتملت الفكره وسطّرتها لكم عبر هذه الأبيات الهلاليّه المتواضعه ..


يقــووول :



انا شعري مثل غيث السحابه = دعا عبد(ن) لربه واستجابه
لا قلت الشعر قام الراس يلعب = وشروطي بالوزن مابه إصابه
شطر يتبع شطر والليل ساري = ادوّنها حفظ والا كتابه
ولوّ ان الشعر يحكي لسانه = قسم بالله يشكي لي صوابه
نشوف الساحه ذالأيام لجّه = وكل(ن) بالشعر برّك ركابه
يحسبون الشعر لعبه بليده = كلام وقافيه وزن وصلابه
ضعوف(ن) يحسبون الشعر رزّه = مجلات وصور ويّا القرابه
حياته كلها كذب وترزّزّ = وتشبه عيشته قوس الربابه
والا منه قلط عندك وجالك = من الضيقه تب اتعجل ذهابه
والا منك نشدته عن قصيده = بتبطي وانت ماشفت الإجابه
انا ودّي بتغيير المعاني = وأطبّق بالشعر حد الحرابه
وأخلّي كل مستشعر يهوّن = ويعيش الشعر في صافي شبابه
قصايد ترتجي ختم الجزاله = وشعّار(ن) لهم قدر ومهابه
صلاة الله على خير البريّه = وسلام الله على جمع الصحابه

وسوالم ..
مناحي بن فهاد العجمـــــي ..

[جرح ٍ برى]

صباح الخير

حجز ولـي عودهـ بعد ما اخلص جم شغله عندي بالمنتدى المجاور لمنتداكم

طلال العازمي :~)

[مناحي الصميل]

ارحب ياطلال :)
حجزك ok مع مرتبة الشرف
:)

[الجامحه!]

هــــلا ومرحــبا بأوووووستاذي كــاسب الطيب


كلما قرأت قصيــده لك ,, اقول نعــم اصــبت بقــولي لك ((اووستاذي )) واستاذ االجميع في الشـــعر,,,
شعــر راقي...اهنيــك عليه ,,,
ما قرأت عيناي هو ليس شعر بالفطرة كأن تكتب أحاسيسك كما هي فقط دون وعي تام بماتختاره من تعابير ومفردات تسهل وصول المعنى بصوره مختلفه لتترك بها أثر واضح لقلمك فيصبح بهذا مختلفا عن كل ماسبق .. هنا شعر يحمل المعنى الجميل والاحساس الصادق والاسلوب السلس بالاضافه الى فلسفة الكاتب <<<< فلسفتك في الطرح يعني
سجل متابعتي الدائمه لكل ما ستكتب وسجل اعجابي بـقلمك الرائع والذي اتمنى له الرقي اكــثر فأكثر في مجال الشعــر,,
اسفه عالاطاله :D

اخوي كاســب الله يعينك انا انعجبت بشــعرك فالله يعينك على ردودي اللي عادة ماتكون طويله :)

اتمنى لك التوفيق ,,
تقبـــل فائـــق احـــــترامــــــي وتقديــــــري ...
اخــتك الصـــــغيره // الجـــــامحه!

[جرح ٍ برى]

تبقــى

الشاعر / كاسـب الطيب..
انا مادري نزلت قصيدتك بـ نفس اليوم اللى نزلت فيه انا عشان تطيح سوقي ..؟ هههههه

قصيدتك جزله من الإف للياء تصدق ..؟

ودين محمد هالقصيده مامثلها قصيده تحكي عن المستشعرين ..!


الوكاد انك فحل من ظهر فحل .. شاعر واتمنى لك التوفيق

كاسب الطيب .. وانت بـ نفسك طيب

صح لساانك صح لساانك لاهنت لاهنت

اخوك .. وتلميذك .. طلال العازمي

[مناحي الصميل]

الجامحه ..
اولا صح الله بدنش .. ملايين ..
وثانيا :
اتقدم لش بالشكر والثناء على الكلام الطيب والجميل ..
وبيض الله وجهش وابرك الساعات لما اشوف نكش من الحاضرين في صفحتي ..
والله لا يهينش وبيض الله وجهش ..

[مناحي الصميل]

طلال العازمي ..
بالعكس انا ماكسرت سوقك :)
قصيدك طيب ونابع من شخص طيب وانا واثق تماما انه راح تكون لك بصمه واضحه في قسم الشعر ..
وصح الله بدنك طال عمرك وابرك الساعات رضاك عني .. وبيض الله وجهك على الكلام الطيب ..

[جرح ٍ برى]

طلال العازمي ..
بالعكس انا ماكسرت سوقك :)
قصيدك طيب ونابع من شخص طيب وانا واثق تماما انه راح تكون لك بصمه واضحه في قسم الشعر ..
وصح الله بدنك طال عمرك وابرك الساعات رضاك عني .. وبيض الله وجهك على الكلام الطيب ..

ووجهك

انا كلي لك انا والقصيده ملك لك ..؟ تامر امر

وانا اشهد بالله انك من اقوى الشعراء اللى من دخلت هالمنتدى قمت الفت نظري لهم بـ كل كلمه اقولها :)

طلال العازمي :~)

[مناحي الصميل]

ارحب ياطلال :)
صدقني متابعتك لي تشرفني وتشجعني اكثر واكثر ..
لا هنت لا هنت لا هنت .. بيض الله وجهك ..

[علي السكران]

الاخ كاسب الطيب

بيض الله وجهك على القصيد الجزل والسلس وهذا ماهو بمستغرب عليك
كفيت ووفيت يالاجودي والله يمدك بالصحه وصح لسانك

اخيك ...... علي السكران

[مناحي الصميل]

ارحب ياعلي ..
صح الله بدنك طال عمرك ..
ولا هنت على مرورك الكريم ..
وبيض الله وجهك على الكلام الطيب ..

[عبدالناصر آل عبدان]

اررررحب يابوفهاد


وأبيض وجه يالقرم


صح الله قلبك ولسانك على الراااائعه التي صغتها لنا



متابعتي


واحترامي لشخصك الراااقي


ودعتك الله

[مناحي الصميل]

شاعرنا الكبير والقدير ..
عبدالناصر الفهاد ..
صح الله بدنك ملايين يالقرم ..
ولا هنت على مرورك الشرف طال عمرك .
وحنا بدون رايك مانسوا شيء :)

ولا هنت

[نسل الطويل]

صح لسانك يا كاسب الطيب





وفعلا والله انك استاذنا مثل ما تقول الجامحه
وكلنا والله نستفيد ومعجبين بشعرك


ولا تبخل علينا بكل ما هو جديد يا معلمي:)



الله لا يهينك

[مناحي الصميل]

ارحب يانسل الطويل :)
صح الله بدنك ياذيبان :)
ولا هنت على مرورك الشرف طال عمرك ..

[راعي^الهدبا]

صح لسااااااااااااااااااانك مليون ضرب مليووووون :)
والله انه جزلــه طال عمرك
ولا هنت على القصيده الطيبه

[مناحي الصميل]

حياك الله اخي العزيز راعي الهدبا

وصح الله بدنك طال عمرك ..
ولا هنت ..

[موج الأحزان]

كثر الشعر ياناس لو عد خاوي..
خاوي من المعنى ولو زاد بفنون
لازم نجيب الشعر من راس ناوي..
يبدع فنون الشعر بالنصح والعون

صح لسانك يابوفهاد وعز الله أنك صدقت بكلامك..
وأنا ملقيت تعبير لأبداعك ألا أني أهديك هالبيتين وأسميك الناوي

[مناحي الصميل]

ارحب يابو محمد .. :)
وصح لسانك على ذا البيتين الرائعين :)

الناوي >> اسم حلوو طال عمرك :)

ولا هنت ياذيبان

[الاحرش]

صـــــح لســـــانــــــك

ولاهنـــــــــــــت

يــــــا القـــــرم

[مناحي الصميل]

صح الله بدنك طال عمرك ..
ولا هنت على مرورك الشرف ..

[فلاح بن ملبز]

السلام عليكم ورحمة الله وبركاته

ارحب يا ابو فهاد

وصح لسانك على ذا القصيدة الجزلة

وبيض الله وجهك يا السنافي

وانا مبطي من صدى المشاعر واول ما دخلت ادور جديدك وبصراحة قصيدة طيبه من وجهن طيب

ولاهنت يا الذيب

[سالم الرتيبان]

صح لسانك يابو فهاد قصيده جزله وسجل اعجابي ومتابعتي
اخوك سالم الرتيبان

[مناحي الصميل]

ارررحب يافلاح ..

صح الله بدنك يالأمير ..

ومتابعتك لي شرف كبير طال عمرك ..

ولا هنت وبيض الله وجهك !!

[مناحي الصميل]

ارحب ياسالم ..

صح الله بدنك طال عمرك ..

ومرورك ومتابعتك شرف لي ..

ولا هنت وبيض الله وجهك على المرور الكريم ..

[سعد الصميل]

لاهنت يامناحي على الأبيات الرائعه وصح لسانك مليون

وأنا أجيز لك القصيده :)

[مناحي الصميل]

هههههههههههههههههههههه

ارحب ياسعد :)

صح الله بدنك طال عمرك :)

وينتقل المكرفون للدكتور غسان الحسن
:)

[gravity]

كل الشكر والتقدير لك اخي الكريم وشاعرنا (( كاسب الطيب))

قصيده جزله ورائعه صح السانك وانرفع شانك ...

انـا ودّي بتغيـيـر المعـانـي
وأطبّق بالشعـر حـد الحرابـه
وأخلّي كـل مستشعـر يهـوّن
ويعيش الشعر في صافي شبابه


تقبل مروري وسجل فائق الاحتـــرام

أختك : الســولعيه

[محمد المحلكم]

صح لسانك قصيده طيبه

[مناحي الصميل]

السولعيه

صح الله بدنش

ولا هنتي على مرورش الكريم ,,

[مناحي الصميل]

ارحب يالمحلكم

صح الله بدنك طال عمرك ..

ولا هنت على مرورك الكريم

[كـميّخ الهاجري]

اخوي كاسب الطيب

صح لسانك مليون

على قصيدتك الجزلـه

ولا تحرمنا من ابداعاتك

اخوك / كميخ الهاجري

[مناحي الصميل]

ارحب ياكميخ

حياك الله على مرورك

وصح الله بدنك


ولا هنت


دمت بخير ,