,’,’ بالبس الغتـــرة وأميّـــل بالعـــقال... مصافحه أولى ^_^,’,’,’

[مشاعر حالمه]

بسم الله الرحمن الرحيم

السلام عليكم ورحمة الله وبركاته

كان في خاطري اشارك في شاعر المليون بس وانا في هيئة رجل ليوم واحد فقط

وعقبه ارجع حرمه خخخخ بس ادري مستحيل : (

المهم كتبت هالأبيات واتمنى من كل قلبي انها تعجبكم ^___^ وتوصل لذائقتكم الشعرية ...

,’,’,’,’,’,’,’,’,’


بالبس الغترة وأميّـل بالعقـال=واحذف البرقع ولااجيب اخبره
ليلةٍ وحـده ولاابغيهـا ليـال=انقلب رجلٍ ولا أرجـع مـره
واكتب أبياتي بأحسن مايقـال=شاعر المليون ودي أحضـره
وابدع القيفان واعطيها مجـال=تعجب اللجنه ومابي مسخـره
لجنة الشعّار ياعيال الحـلال=رشحونـي دام فينـي مقـدره
آتحلّم وادري ان حلمي محـال=اصبح المليون في ايدي اعشره
والله اني لو ربحتـه يارجـال=كان ابقضي دين ابوي وابشّره
اشهد اني عايشه بعـز ودلال=ماطلبته شي يصعـب وفّـره
الديون ياثقلهـا مثـل الجبـال=ماتهمّـه يافديتـه ماصـبـره
ياإلهي ياعظيـمٍ ذو الجـلال=احفظ الوالـد ودينـه يسّـره
باجعل المنظوم تاليتـه مثـال=من زرع نخله يجنـي اثمـره



,’,’,’,’,’,’,’,’,’,’,’,
وسلامــــــه تسلـــــمكم

تحيتي لكم / مشاعرحالمه _ عزوة ابوها

[زيــ الهتلاني ــزوم]

آتحلّم وادري ان حلمي محـال
اصبح المليون في ايدي اعشره






بصراحة انا اجيـــز القصيدة ولا فيها أي ملاحظات .. وحول المايك للدكتور غسان

هههههههههههههههههه




ودعتك الله

[عبدالناصر آل عبدان]

أختي مشاعر حالمه


صح الله لسانك وخلالك الشايب وطول عمره


وكم من بنت في طلاقتها وعند والديها وفي قصيدها تسوى كثير




قصيده رائعه




في امان الله

[مشاعر حالمه]

زيزوم الهتلاني

^__^ اجل انت حمد السعيد وزال الخطر والله يستر من التختور غسان خخخ

مشكور ولاهنت على المرور الكريم

تحيتي لك / مشاعر حالمه _ عزوة ابوها

[مشاعر حالمه]

عبدالناصر الفهاد

تسلم والله وصح ابدنك يالقرم ولاهنت على المرور الكريم

تحيتي لك / مشاعر حالمه _ عزوة ابوها

[علي السكران]

الاخت مشاعر حالمة .... الدكتور غسان يجيزك لتعاطفك مع والديك
صح لسانش .. وطول الله في عمر والديك واسعدك بهم واسعدهم بك

قصيدة جميلة ولاهنتي

[مشاعر حالمه]

علي السكران

^__^

تسلم والله وصح ابدنك ولاهنت على المرور الكريم

تحيتي لك / مشاعر حالمه _ عزوة ابوها

[عـ100ـج]

اشهد اني عايشه بعـز ودلال
ماطلبته شـي يصعـب وفّـره



اله يخليلك الوالد ويعش ويجيبلك
وعساك على القوه


تسلمن خيتوو رووووعه


لكي أمل تحيه

[جرح ٍ برى]

صـــــباااااح الخيـــررر

صح لساانــّج إختــيّ
تحياتي.. تقديري .. طــلال العازمي :)

[(_. ._)]

صح لسانج

قصيده رائعه

وننتظر الجديد إن شاء الله

[الباشا]

الأخت القديرة
مشاعر حالمه

صح السانك قصدية رائعه
والله يعطيك العافيه

[شيخ المراجل]

...مشاعر حالمه...

صح الله لسانك على هالقصيده ومادام هذي نظرتك وانتي بنت انا اقول عزالله ان ابوك سنافي والله يقضي دينه .

[مناحي الصميل]

صح الله لسانش :)
والله يخلي لش الشايب ويطول بعمره ..
وشكرا

[مشاعر حالمه]

عج 100

تسلم والله وصح ابدنك ولاهنت على المرور الكريم

تحيتي لك / مشاعر حالمه _ عزوة ابوها

[مشاعر حالمه]

جرح بري

صح ابدنك

^__^

اجازوها شعراء اكبر منك اخوي :)

وانا اعتقد اني قلت في القصيدة

ليلةٍ وحـده ولاابغيهـا ليـال
انقلب رجـلٍ ولا أرجـع مـره

يعني ماظهر بشكل حرمه اظهر وانا رجل بشنباتي والحمد لله ماني من اللي يتركون الملافع :)

مستتره واحب الستر لكن هذا شعوري واترجمه باشعاري ..

و لأني في منزلة الولد عند ابوي كتبت هالأبيات وانا افتخر بهالشي ..

اوكي اخوي ^_^

مشكور على الملاحظات ولاهنت على المرور ^__^

ونتمنى نشوفك في القصايد الاخرى

تحيتي لك / مشاعر حالمه _ عزوة ابوها

[مشاعر حالمه]

لواهيب

تسلم والله وصح ابدنك ولاهنت على المرور الكريم

تحيتي لك / مشاعر حالمه _ عزوة ابوها

[مشاعر حالمه]

الباشا

تسلم والله وصح ابدنك ولاهنت على المرور الكريم

تحيتي لك / مشاعر حالمه _ عزوة ابوها

[مشاعر حالمه]

شيخ المراجل

تسلم والله وصح ابدنك يالقرم ولاهنت على المرور الكريم

تحيتي لك / مشاعر حالمه _ عزوة ابوها

[مشاعر حالمه]

كاسب الطيب

^_^ تسلم والله وصح ابدنك ولاهنت على المرور الكريم

تحيتي لك / مشاعر حالمه _ عزوة ابوها

[ناصر بن حثلين]

انا الوم الدكتور غسان اذا ما اجازها بيجيه العقال يتلوى عليه :)

[مشاعر حالمه]

ناصر بن حثلين

^__________^

هلا بك اخوي :) تسلم والله على المرور الكريم

تحيتي لك / مشاعرحالمه _ عزوة ابوها

[محمد المحلكم]

صح لسانك قصيده جزله

[مشاعر حالمه]

محمد المحلكم

تسلم والله ياصبي يام وصح ابدنك ولاهنت على المرور الكريم

تحيتي لك / مشاعر حالمه _ عزوة ابوها