ضيّ القمر
17-12-2006, 02:21 PM
ريب المنون!!!اسبابها((حور العيون))
اخواني اخواتي مرتادين هذا المنتدى الشامخ
اقدم بين يديكم اليوم قصيده مختاره ارجو ان تنال اعجابكم
اليكم مع التحيه
يا(بدر) لوهي على كثر القصايـد واللحـون
كان عيني تهتني بالنـوم وأحـلام السبـات
مير أنا والحظ الأقشر من تعاسه في غبـون
كل ماقلت (الجميله) وأنتبـه!! مافـات فـات
قال يكفـي لاتلّمـح!! ماتضيـق الأ تهـون
قلت شفني حاير!! وقلبـي عروقـه يابسـات
وحاير ٍ بين اليقين اللـي تبعثـره الظنـون
وبين حلم ٍ كنت أحسبه صعب من كل الجهات
فاقد ٍ لي شي مثل اللي فقـد مـال وبنـون
أو غريب ٍ ضاع دربـه والخطـاوي تايهـات
وقتي اللي من عرفته ماعطا غير الطعـون
كفـرّت زلاتـه الغبـراء عيـون ٍ فاتـنـات
مادريت إن العيون تموت من حور العيـون
لين شفت اللي خذتنـي بالعيـون الناعسـات
لأقبلت مثل البروق اللي تكاشـف بالمـزون
ولأدبرت كن الليالي فـي شعرهـا عاريـات
وآعذاب الطرف الأكحل من كسل ذيك الجفون
وآعذاب الورد بين خدودهـا لأمسـى وبـات
وآهني الليل الأسود لأنسحب بيـن المتـون
وآهني الجمـر الأحمـر بالثمـان المرهفـات
رمشها لاسلهمت به يتعب الطرف الحنـون
وخشمها سلّت حسام ٍ فوق شقـح العاديـات
والقوام اللي تمايل مثـل ميـلات الغصـون
جملّه عنق المها بأحلا المحاسـن والصفـات
من رغدها يكتسي ثوب الستر من كل لـون
وإن مشت بأقدامها بالهون!!! وين المترفات؟
ومن حياها يكتسب وجه الحيا كـل الفنـون
طاهره وأعذب من الماء لأنحدر وسط الفـرات
لاطرت لي قمت أجر الآه من (ريب المنون)
وقمت أسامر لأجلها كـل النجـوم الساريـات
حالف ٍ ماغيرها إنسان ٍ على روحي يمـون
هي هناي ومقصدي بيـن البنـات الآنسـات
ومارضيت بغيرها من جنسها مهمـا تكـون
مثل طفل ٍ ماتت أمه!!! عاف كل المرضعـات
شّيدت بالقلب حب ٍ دونه ضلوعي سجـون
ماحد ٍ يوصل لقـدره لـو يسـوي معجـزات
والحبيب اللي ترك بالقلب تقديـر وشجـون
الحياه بـدون شوفـه مثلهـا مثـل الممـات
إن نسيته مانسيت إن الغلا يبنـي حصـون
وإن ذكرت أول لقاء!!! ياحلو ذيك الذكريـات
لاهمسلي بالسوالف قلـت ياحلـو السكـون
وإن تبسملي حجاجـه!!! قلـت يالله الثبـات
ياعظيم الشان ياللي بأمرك الكايـن يكـون
أجمع الشمـل المشتـت بالليـال المقبـلات
دام صار الأمر بيدك بين كاف وبيـن نـون
حقـق الحلـم ولعـل الباقيـات الصالحـات
وياهل المعروف ياللـي للقصايـد تطربـون
القصايد في هـوى بالـي تصيـر (معلقـات)
لي ثلاث سنين عايش عيشة اللي تكرهـون
غير تطويع القصايـد فـوق روس النايفـات
والهوى والحب بلوى مثل مأنتـم تعرفـون
وأدري إني من غلاها صارت لشعري سمـات
وإن ذبحني حبها قولوا لمن بعـدي يجـون
مخلص ٍ حتى النخاع بحب خلـه ليـن مـات
ماكتبت الشعر والله لأجل أدور لـه زبـون
ولاكتبتـه لأجـل أدور معجبيـن ومعجبـات
يكفي!! إني لا كتبت الشعر تقـراه الفتـون
لاعجبهـا كنـي محصـل كبـار الجايـزات
أحتسيت العلم والصمله ولـو فيهـا ديـون
صملة اللي يوم صمّـل منتحـر بالطايـرات
دام ماللوقـت منّـه ودام بعثـرت الظنـون
ودام حظي فـي طريقـه للصعـود وللثبـات
للشاعر/ عبدالله بن مرهب
اخواني اخواتي مرتادين هذا المنتدى الشامخ
اقدم بين يديكم اليوم قصيده مختاره ارجو ان تنال اعجابكم
اليكم مع التحيه
يا(بدر) لوهي على كثر القصايـد واللحـون
كان عيني تهتني بالنـوم وأحـلام السبـات
مير أنا والحظ الأقشر من تعاسه في غبـون
كل ماقلت (الجميله) وأنتبـه!! مافـات فـات
قال يكفـي لاتلّمـح!! ماتضيـق الأ تهـون
قلت شفني حاير!! وقلبـي عروقـه يابسـات
وحاير ٍ بين اليقين اللـي تبعثـره الظنـون
وبين حلم ٍ كنت أحسبه صعب من كل الجهات
فاقد ٍ لي شي مثل اللي فقـد مـال وبنـون
أو غريب ٍ ضاع دربـه والخطـاوي تايهـات
وقتي اللي من عرفته ماعطا غير الطعـون
كفـرّت زلاتـه الغبـراء عيـون ٍ فاتـنـات
مادريت إن العيون تموت من حور العيـون
لين شفت اللي خذتنـي بالعيـون الناعسـات
لأقبلت مثل البروق اللي تكاشـف بالمـزون
ولأدبرت كن الليالي فـي شعرهـا عاريـات
وآعذاب الطرف الأكحل من كسل ذيك الجفون
وآعذاب الورد بين خدودهـا لأمسـى وبـات
وآهني الليل الأسود لأنسحب بيـن المتـون
وآهني الجمـر الأحمـر بالثمـان المرهفـات
رمشها لاسلهمت به يتعب الطرف الحنـون
وخشمها سلّت حسام ٍ فوق شقـح العاديـات
والقوام اللي تمايل مثـل ميـلات الغصـون
جملّه عنق المها بأحلا المحاسـن والصفـات
من رغدها يكتسي ثوب الستر من كل لـون
وإن مشت بأقدامها بالهون!!! وين المترفات؟
ومن حياها يكتسب وجه الحيا كـل الفنـون
طاهره وأعذب من الماء لأنحدر وسط الفـرات
لاطرت لي قمت أجر الآه من (ريب المنون)
وقمت أسامر لأجلها كـل النجـوم الساريـات
حالف ٍ ماغيرها إنسان ٍ على روحي يمـون
هي هناي ومقصدي بيـن البنـات الآنسـات
ومارضيت بغيرها من جنسها مهمـا تكـون
مثل طفل ٍ ماتت أمه!!! عاف كل المرضعـات
شّيدت بالقلب حب ٍ دونه ضلوعي سجـون
ماحد ٍ يوصل لقـدره لـو يسـوي معجـزات
والحبيب اللي ترك بالقلب تقديـر وشجـون
الحياه بـدون شوفـه مثلهـا مثـل الممـات
إن نسيته مانسيت إن الغلا يبنـي حصـون
وإن ذكرت أول لقاء!!! ياحلو ذيك الذكريـات
لاهمسلي بالسوالف قلـت ياحلـو السكـون
وإن تبسملي حجاجـه!!! قلـت يالله الثبـات
ياعظيم الشان ياللي بأمرك الكايـن يكـون
أجمع الشمـل المشتـت بالليـال المقبـلات
دام صار الأمر بيدك بين كاف وبيـن نـون
حقـق الحلـم ولعـل الباقيـات الصالحـات
وياهل المعروف ياللـي للقصايـد تطربـون
القصايد في هـوى بالـي تصيـر (معلقـات)
لي ثلاث سنين عايش عيشة اللي تكرهـون
غير تطويع القصايـد فـوق روس النايفـات
والهوى والحب بلوى مثل مأنتـم تعرفـون
وأدري إني من غلاها صارت لشعري سمـات
وإن ذبحني حبها قولوا لمن بعـدي يجـون
مخلص ٍ حتى النخاع بحب خلـه ليـن مـات
ماكتبت الشعر والله لأجل أدور لـه زبـون
ولاكتبتـه لأجـل أدور معجبيـن ومعجبـات
يكفي!! إني لا كتبت الشعر تقـراه الفتـون
لاعجبهـا كنـي محصـل كبـار الجايـزات
أحتسيت العلم والصمله ولـو فيهـا ديـون
صملة اللي يوم صمّـل منتحـر بالطايـرات
دام ماللوقـت منّـه ودام بعثـرت الظنـون
ودام حظي فـي طريقـه للصعـود وللثبـات
للشاعر/ عبدالله بن مرهب