ضرب الحبيـــــب...

[ليالي]

مقوله نسمعها دائما

او يمكن هي "مثل"

ما ادري بصراحه لاني اجهل الامثال واعجز عن حفظها للاسف :)

انزين ليش هالتشبيه اللي مو بليغ بصراحه :)

" ضرب الحبيب ،،، زي اكل الزبيب "

ابي افهم وين الحلاوه في الموضوع!!!

شلون بغفر للحبيب ضربته؟؟

لو اي شخص ثاني يمكن اغفر له

اما الحبيب ضربته اشد الما

يمكن المثل انقال بوقت كان اضطهاد المرأه شي سائد بالمجتمع

زمن ما كان يراعي فيه احاسيس المرأه ولا مشاعرها

لكن في وقتنا الحالي هالمثل مايمشي عندنا :cool:

من هنا اصرح باسمي وباسم كل امرأه >>>> يالله وقفوا معاي ;)

" ضرب الحبيب ،،، ليس زي اكل الزبيب ،،، بل مر وعلقم "

[AL- JOORY]

هذا حنـــــا وقفنا :)


تدرين الظاهر هذي وحده تحب لها واحد لدرجة الجنون


وكل يوم يضربها ..




وكل يوم تبتسم له وتقول " حبيبي ضربك مثل أكل الزبيبي "



إلا يفارقني هـــــــو وحبه .. :)



شكرا حبوبه للموضوع .. عاد مدري أنا بعود أشوف من ياكل زبيب ؟؟

[ليالي]

هذا حنـــــا وقفنا :)

يالله مسكي اللافته ايدي طاحت :rolleyes:

تدرين الظاهر هذي وحده تحب لها واحد لدرجة الجنون


وكل يوم يضربها ..


ما اقول غير الله يكون في عونها :o

وكل يوم تبتسم له وتقول " حبيبي ضربك مثل أكل الزبيبي "



إلا يفارقني هـــــــو وحبه .. :)

اي والله صدقتي :cool:

شكرا حبوبه للموضوع .. عاد مدري أنا بعود أشوف من ياكل زبيب ؟؟

العفو يا الجوريه

واتصور البنات خلاص عافوا الزبيب :D

[صديق الملك]

أحــم .. أحـــم ... انا جيت تغطّوا يا حريم :)

المثل اللي أمامنا للنقاش ليس من قالته إمرأة .. ولم يُقال في وقت كان فيه إضطهاد المرأة شيء عادي

المثل ينطبق على الجنسين على حد سواء ...

وأعتقد المثل هذا يقولة أي إنسان يُمارس معاه حب من طرف واحد ويكون أهو الطرف الأضعف ...

لذلك راح يصبر ويردد (( ضرب الحبيب زي أكل الزبييييب ))

وجهة نظر يمكن تصيب ويمكن تخيب ...

شقيقة الإبداع

ليالي

موضوع مثير للجدل ويدعو للجلوس على طاولة النقاش

كما هي دوماً مواضيعك مميّزة

تقبلي تحيتي

أخيك .

[ليالي]

أحــم .. أحـــم ... انا جيت تغطّوا يا حريم :)

حياااك ما عندك الا خواتك :)

المثل اللي أمامنا للنقاش ليس من قالته إمرأة .. ولم يُقال في وقت كان فيه إضطهاد المرأة شيء عادي

المثل ينطبق على الجنسين على حد سواء ...

يجوز :cool:

وأعتقد المثل هذا يقولة أي إنسان يُمارس معاه حب من طرف واحد ويكون أهو الطرف الأضعف ...

لذلك راح يصبر ويردد (( ضرب الحبيب زي أكل الزبييييب ))

وبما ان الحلقه الاضعف دائما هي المرأه... وبما ان ضعف الرجل فكره هجينه وغير مقبوله لدينا كشرقيين

لذلك فهذا المثل تستخدمه النساء أكثر

وجهة نظر يمكن تصيب ويمكن تخيب ...

شقيقة الإبداع

ليالي

موضوع مثير للجدل ويدعو للجلوس على طاولة النقاش

كما هي دوماً مواضيعك مميّزة

تقبلي تحيتي

أخيك .

حياااك الله يا دكتور

ووجهة نظرك منطقيه :)

[نبض المعاني]

الأخت القديرة ليالي

اختيار رشيق لموضوع شيق

هنالك قول مأثور

"كل كلام يؤخذ منه ويرد إلا كلام الله ورسوله عليه الصلاة والسلام"هذا ينطبق على كافة انماط الحياة العلمية والعملية

وكم من قانون علمي أو رأي طبي أو فلسفة تم دحضها وعوض عنها بشي اصح

فالمثل الذي طرحتيه

"ضرب الحبيب مثل أكل الزبيب"

تماماً مثل أمثال اخرى أو قوانين أو احكام

على سبيل المثال

"إذا سرقت اسرق جمل"

هل السرقة حلال في المقام الأول

والمثل لا يؤخذ على عواهنه بل على سبيل التشبيه

ما أقصده هنا أن المثل قد يأتي على سبيل المبالغة

وإلا لما اصبح المثل متناقلاً بين الناس لأن الناس يحفظون الغريب ويميلون إلى غير المألوف

وأحياناً يكون الإتيان بشي غريب مدعاة لمتابعته


أعني خالف تعرف

وكما اسلفت

"كل كلام يؤخذ منه ويرد إلا كلام الله ورسوله"


تقبلي تحياتي

نبـــــــــــــض المعــــــــــــاني

[انتحار]

يمكن المثل انقال بوقت كان اضطهاد المرأه شي سائد بالمجتمع

"
في اي وقت كان هذا الاضطهاد..؟؟

ارشدوني عليه..فمن لغة المثل ..فقد خرج المثل للنور ..في عصور الكهرباء ..على ما اعتقد ..

عموما

ارشدوني لهذهِ الفتره ..فلدي الة زمن ..ارغب في ضبط توقيتها ..والذهاب لذلك الوقت..الممتع:)

[sohab]

السلام عليكم ورحمة الله وبركاته



على الطريقه الانتحاريه اقول



هذا واحد يحب له وحده او وحده تحب واحد ... ورايح هواء فيها

عطته شوى زبيب وجلدته حتى ترتاح من نرفزتها.. والاثول يقول

ضرب الحبيب مثل اكل الزبيب


والناس اليوم يبون يطبقونه صدق بيطقون صح بدون زبيب والاهم بدون حب :)

اللى هو البنج اللى ماراح تحس فيه بالضرب....0ها البنج ما يباع فى الصيدليه):)



ليالى .. ختى العزيزه شكرا لك على الموضوع الطريف فى مظهره

وجاد فى مضمونه...


اجمل تحيه

سوهاب

[سـعـود]

المثل صحيح ميه بالميه :)

لنك اذا ضربت حبيبك بيكرهك

والمثل الثاني شنو يقول

مابعد عداوه الا محبه :)

شكرا ليالي على الموضوع

وبسك تحريض

[gravity]

ليالي اذكر مره جدتي قالت لي سالفه صغنونه

تقول : قبل الرجال اللي يحب زوجته يضربها وكانت الزوجه يضربها النهار والعصر تضحك ومستانسه والسبب:
ان اللي يحب زوجته يضربها عشان تعدل اما اللي ما يحبها يطلقها ويتركها
فعرفت المره ان اذا زوجها ضربها هذا يعني انه يحبها ومتمسك فيها :)

غريبين صح ؟

بس تقول ان ماعمر جدي ضربها لان رياجيلنا ما يضربون المره ..
يعني ينطبق على بعض القبائل والشعوب

وهي صحيحه ميه في الميه بس مو عندنا .. :)

تسلمين يالغاليه على الموضوع الظريف

ويعطيج الف عافيه ..

[AL- JOORY]

غريبين صح ؟؟


هـــــــــااااه :eek:




ليالي تراني تعبت وانا شايله هالافته .. :o

[ليالي]

الأخت القديرة ليالي

اختيار رشيق لموضوع شيق

هذا من ذوقك يا استاذ نبض

هنالك قول مأثور

"كل كلام يؤخذ منه ويرد إلا كلام الله ورسوله عليه الصلاة والسلام"هذا ينطبق على كافة انماط الحياة العلمية والعملية

وكم من قانون علمي أو رأي طبي أو فلسفة تم دحضها وعوض عنها بشي اصح

فالمثل الذي طرحتيه

"ضرب الحبيب مثل أكل الزبيب"

تماماً مثل أمثال اخرى أو قوانين أو احكام

على سبيل المثال

"إذا سرقت اسرق جمل"

امي دايما تقولي هالمثل :(

هل السرقة حلال في المقام الأول

والمثل لا يؤخذ على عواهنه بل على سبيل التشبيه

ما أقصده هنا أن المثل قد يأتي على سبيل المبالغة

وإلا لما اصبح المثل متناقلاً بين الناس لأن الناس يحفظون الغريب ويميلون إلى غير المألوف

وأحياناً يكون الإتيان بشي غريب مدعاة لمتابعته


أعني خالف تعرف

وكما اسلفت

"كل كلام يؤخذ منه ويرد إلا كلام الله ورسوله"


تقبلي تحياتي

نبـــــــــــــض المعــــــــــــاني

يعطيك العافيه اخوي نبض على المداخله الرائعه

وتشرفت بوجودك بالموضوع

[ليالي]

في اي وقت كان هذا الاضطهاد..؟؟

ارشدوني عليه..فمن لغة المثل ..فقد خرج المثل للنور ..في عصور الكهرباء ..على ما اعتقد ..

عموما

ارشدوني لهذهِ الفتره ..فلدي الة زمن ..ارغب في ضبط توقيتها ..والذهاب لذلك الوقت..الممتع:)

مستبد :rolleyes:

يارب تغلط برقم وتوديك آلة الزمن الوقت اللي كان فيه الحريم يقطعون رجاجيلهم ويعبونهم بكياس :p

تشرفنا بزيارتك مسيو انتحار ;)

[al876anya]

ليـالي

‏"ضرب الحبيب مثل أكل الزبيب"‏
أعتقد إنها مقوله قامت على أسس مبنية بالاخير على الرضا فلذالك لايعني كل حالات الضرب إنها ‏مثل أكل الزبيب وضرب عن ضرب يفرق ‏:)
سواء من ناحية الدرجة عميقة/متوسطة/بسيطة أو من ناحية الأسلوب اليد/اللسـان/....‏

وحتى السبب والظروف تشكل عامل يتدخل بالأيصال للذة الزبيب

أنا أسال شمعنى الزبيب شلي يميزه عن غيره؟

ربط فلسفي غير وارد صحته ‏
أعتقد وأن كانت معلوماتي تجعل يرتفع عدد العطسات لدي بسبب قدمها إنه الزبيب من فوائده إنه ‏يزيد من الاستيعاب والفهم ‏:)

وإنه الضرب يعلم ويفقه المضروب بخطائه أو موقفه "يخليه أكثر وعي"‏

خرابيط خرابيط ولكن يمكن بسببها اوصل لترشيح نفسي بالانتخابات

‏<- متأثرة ‏

وشئ ثاني بعد..‏
الزبيب حلو؟؟(الناس أذواق)..‏

وشئ ثالث الحرب معلنه ورهن أي استثاره يشنها الطرف الأخر..‏

الحين المقوله تقول" ضرب الحبيب مثل أكل الزبيب" بس اول مايتبادر لنا انه الرجال هو الي يضرب ‏المرآة ليش؟ عارفه تبحثون عن المزيد من الحروب ولكن بشكل مقنع ‏

<-- ماسكة معها الفكاهة والعامية‏

يعطيج كل عافية وصحة وسلامة
لاعدم ولاخـــلا

القحطـانية

[ليالي]

السلام عليكم ورحمة الله وبركاته

وعليكم السلام والرحمه ايها المبدع ;)

على الطريقه الانتحاريه اقول

فكنا من انتحار المجرم :)

هذا واحد يحب له وحده او وحده تحب واحد ... ورايح هواء فيها

عطته شوى زبيب وجلدته حتى ترتاح من نرفزتها.. والاثول يقول

ضرب الحبيب مثل اكل الزبيب

:)

والناس اليوم يبون يطبقونه صدق بيطقون صح بدون زبيب والاهم بدون حب :)

اللى هو البنج اللى ماراح تحس فيه بالضرب....0ها البنج ما يباع فى الصيدليه):)

يبيله بنج :)

ليالى .. ختى العزيزه شكرا لك على الموضوع الطريف فى مظهره

وجاد فى مضمونه...


اجمل تحيه

سوهاب

حياك الله يا مبدعنا

ونور الموضوع بزيارتك له

[ليالي]

المثل صحيح ميه بالميه :)

لنك اذا ضربت حبيبك بيكرهك

والمثل الثاني شنو يقول

مابعد عداوه الا محبه :)

لا يا شيخ :)
سعود يالله عاد لا تقعد تألف :p

شكرا ليالي على الموضوع

وبسك تحريض

حياك الله يا سعود

تشرفنا بمرورك :)

[ليالي]

ليالي اذكر مره جدتي قالت لي سالفه صغنونه

تقول : قبل الرجال اللي يحب زوجته يضربها وكانت الزوجه يضربها النهار والعصر تضحك ومستانسه

فرحانه أووي :)

والسبب:
ان اللي يحب زوجته يضربها عشان تعدل اما اللي ما يحبها يطلقها ويتركها
فعرفت المره ان اذا زوجها ضربها هذا يعني انه يحبها ومتمسك فيها :)

واهي ما تتعدل الا بالطق :)

غريبين صح ؟

اي والله غريبين :rolleyes:

بس تقول ان ماعمر جدي ضربها لان رياجيلنا ما يضربون المره ..
يعني ينطبق على بعض القبائل والشعوب

والله ساعات يتهورون رياجيلنا :cool:
بس يمكن جدتج نست طقه :D

وهي صحيحه ميه في الميه بس مو عندنا .. :)

تسلمين يالغاليه على الموضوع الظريف

ويعطيج الف عافيه ..

يعافيج يا السولعيه

تسلمين على القصه

ونورتي الموضوع بتواجدج

[ليالي]

غريبين صح ؟؟


هـــــــــااااه :eek:

الجوري عادي لا تستغربين :)

مو يقولون " ومن الحب ما قتل "

يمكن هذا المثل انقال بوحده زوجها يموت فيها وطقها ليما ماتت :p

ليالي تراني تعبت وانا شايله هالافته .. :o

هاتيها

القحطانيه توها واصله نخليها تشيلها شوي ;)

[ليالي]

ليـالي

هلا بالغاليه :rolleyes:

‏"ضرب الحبيب مثل أكل الزبيب"‏
أعتقد إنها مقوله قامت على أسس مبنية بالاخير على الرضا فلذالك لايعني كل حالات الضرب إنها ‏مثل أكل الزبيب وضرب عن ضرب يفرق ‏:)
سواء من ناحية الدرجة عميقة/متوسطة/بسيطة أو من ناحية الأسلوب اليد/اللسـان/....‏

وحتى السبب والظروف تشكل عامل يتدخل بالأيصال للذة الزبيب

نعم نعم :)

أنا أسال شمعنى الزبيب شلي يميزه عن غيره؟

اي والله :)

ربط فلسفي غير وارد صحته ‏
أعتقد وأن كانت معلوماتي تجعل يرتفع عدد العطسات لدي بسبب قدمها إنه الزبيب من فوائده إنه ‏يزيد من الاستيعاب والفهم ‏:)

لا عادي معلومتج مو قديمه انا اول مره اسمع فيها :)

وإنه الضرب يعلم ويفقه المضروب بخطائه أو موقفه "يخليه أكثر وعي"‏

خرابيط خرابيط ولكن يمكن بسببها اوصل لترشيح نفسي بالانتخابات

‏<- متأثرة ‏

ليش خرابيط
يمكن تفسيرج صح وتفوزين بالانتخابات اشدراج :)

وشئ ثاني بعد..‏
الزبيب حلو؟؟(الناس أذواق)..‏

انا ما احبه :o

وشئ ثالث الحرب معلنه ورهن أي استثاره يشنها الطرف الأخر..‏

الحين المقوله تقول" ضرب الحبيب مثل أكل الزبيب" بس اول مايتبادر لنا انه الرجال هو الي يضرب ‏المرآة ليش؟ عارفه تبحثون عن المزيد من الحروب ولكن بشكل مقنع ‏

<-- ماسكة معها الفكاهة والعامية‏

:)

يعطيج كل عافية وصحة وسلامة
لاعدم ولاخـــلا

القحطـانية

يعافيج يا القحطانيه

تشرفت بتحليلاتج وبمرورج الحلو

[شمال قطر]

أنا من وجهة نظري

أي ضربه من حبيب في البدايه تكون مؤلمه ولاكن بعد مرور الوقت لها طعم لأنها ممكن تكون ضربه من باب مصلحه الشخص أو توجيه ألخ

وجهة نظر سريعه تحتمل الخطا والصوااااااب :)

موضوووووع جمييييييل

تحيااااتي

[شهد]

عزيزتي ليالي

لاتحسبين حسابي معاج في حملتج ضد هالمثل :p

بالعكس انا اشوف قايل هالكلام انسان حكيم

فعلا ضرب الحبيب زي اكل الزبيب واحلى بعد :)

عموما هو تشبيه ضمني لايقصد به الضرب حتما اي سلوك جاف من قبل الحبيب

وبعدين عن اي اضطهاد ...

والله مو مضطهد غير الرجاجيل

في صغري كنت اتمنى واستغفر الله على هالشي لا اعتراض على حكمه

ولكن هذا ماحصل كنت اتمنى لو اني خلقت رجل

يعني كون الرجل عندنا يخلق ومعه امتيازات عديده لا تملك البنت الربع منها

ولكن في الواقع عرفت فيما بعد

غلطتي في هذا التمني ... :)

شاكرتلج عزيزتي طرح جميل جدا

اهنيج على هالروح الحلوة

اختج نصيرة الرجل ... شهد :p:D

[AL- JOORY]

يعني كون الرجل عندنا يخلق ومعه امتيازات عديده لا تملك البنت الربع منها

ولكن في الواقع عرفت فيما بعد

غلطتي في هذا التمني ... :)

اختج نصيرة الرجل ... شهد :p:D





إسمحيلي أختي العزيزة / ليالي ..



شهد " توأم روحي " فقد إشتقت لك والله إني إشتقت لك


تحسدين الرجال على التميز ؟؟


فأين هــــــــم هؤلاء الرجال .. فلا تتأثري بالمظهر .. !!


لم يبقى منهم إلا القلةُ القليلين ..




فوالله إن بعض النساء .. لهم سماءٌ راقيةٌ من التميز .. ..



ولا ألغي بذلك المتميزين من الرجال ..




وبعدين تعالي ... :rolleyes: وش نصيرة الرجال هــــــــاااه :cool:


خليش معنا بس إحـــــــــــم هذا أمر ;)

[saprj]

كلام كبير اللي قريته في هذي الزاوية ....

ليش تروحون بعيد في تحليلاتكم .... المثل هذا قاله واحد

طق حبيبه بالغلط و تحسف ... و قعد يدور له على عذر ...

و ما لقى إلا هالمثل لأنه يحب الزبيب واجد ... بس المشكلة

إن حبيبه طلع ما يحب الزبيب و لا يشتهيه ....

و يعطيش العافية أختي ليالي على طرح مثل هذه الإحتجاجات للنقاش و المداولة ...

[ليالي]

أنا من وجهة نظري

أي ضربه من حبيب في البدايه تكون مؤلمه ولاكن بعد مرور الوقت لها طعم لأنها ممكن تكون ضربه من باب مصلحه الشخص أو توجيه ألخ

يا بنات افهموا

لاحد يقص عليكم يقول ان احنا نطقكم نبي مصلحتكم

انتوا مو حيوانات

في شي اسمه حوار تفاهم نصيحه

اللي ما تسمع الكلام وما تفهم عمره الطق ما راح يفهمها

ادري تحمست :)

وجهة نظر سريعه تحتمل الخطا والصوااااااب :)

موضوووووع جمييييييل

انتي احلا :)

تحيااااتي

حياج الله يا شمال قطر

وتشرفت بوجودج

[ليالي]

عزيزتي ليالي

اهلين شهوده

لاتحسبين حسابي معاج في حملتج ضد هالمثل :p

بالعكس انا اشوف قايل هالكلام انسان حكيم

فعلا ضرب الحبيب زي اكل الزبيب واحلى بعد :)

:eek::eek:

عموما هو تشبيه ضمني لايقصد به الضرب حتما اي سلوك جاف من قبل الحبيب

وبعدين عن اي اضطهاد ...

والله مو مضطهد غير الرجاجيل

لا يا قلبي لا ينكسر خاطرج عليهم

ماخذين حقهم وزياده

في صغري كنت اتمنى واستغفر الله على هالشي لا اعتراض على حكمه

ولكن هذا ماحصل كنت اتمنى لو اني خلقت رجل

يعني كون الرجل عندنا يخلق ومعه امتيازات عديده لا تملك البنت الربع منها

ولكن في الواقع عرفت فيما بعد

غلطتي في هذا التمني ... :)

عادي كلنا تمنينا جذيه :)

علشان نروح نلعب بالسكه ونروح البقاله ومحد يقولنا شي :)

شاكرتلج عزيزتي طرح جميل جدا

اهنيج على هالروح الحلوة

ميرسي يا قلبي :rolleyes:

اختج نصيرة الرجل ... شهد :p:D

باجر لما تكبرين راح تغيرين رايج انا ادري :)

وراح نكون سعيدين بانضمامج لنا :cool:

[ليالي]

إسمحيلي أختي العزيزة / ليالي ..



شهد " توأم روحي " فقد إشتقت لك والله إني إشتقت لك


تحسدين الرجال على التميز ؟؟


فأين هــــــــم هؤلاء الرجال .. فلا تتأثري بالمظهر .. !!


لم يبقى منهم إلا القلةُ القليلين ..




فوالله إن بعض النساء .. لهم سماءٌ راقيةٌ من التميز .. ..



ولا ألغي بذلك المتميزين من الرجال ..




وبعدين تعالي ... :rolleyes: وش نصيرة الرجال هــــــــاااه :cool:


خليش معنا بس إحـــــــــــم هذا أمر ;)


عادي يا الجوري تمونين

حيلج فيها :)

[ليالي]

كلام كبير اللي قريته في هذي الزاوية ....

ليش تروحون بعيد في تحليلاتكم .... المثل هذا قاله واحد

طق حبيبه بالغلط و تحسف ... و قعد يدور له على عذر ...

و ما لقى إلا هالمثل لأنه يحب الزبيب واجد ... بس المشكلة

إن حبيبه طلع ما يحب الزبيب و لا يشتهيه ....

يعني ما صابت معاه :)

و يعطيش العافية أختي ليالي على طرح مثل هذه الإحتجاجات للنقاش و المداولة ...

يعافيك يا ابو طلال

ونورت الموضوع بوجودك

وعجبني السيناريو اللي كتبته :)

[AL- JOORY]

عادي يا الجوري تمونين

حيلج فيها :)




ليالي .. شهد توأم روحي .. ويشهد الله إني احبها في الله .. ربي يحفظها من كل شر ..



كل الشكر لك حبيبتي على سعة صدرك .. وإبتسامة الرضى في نفسك لقبول تواجدي المتكرر هنــــا




فالعذر غاليتي والسموحه ..

[ليالي]

مسموحه :rolleyes:

[ناصر بن فالح]

ضرب الحبيب مثل هجر الجبيب :)

[العنوود]

ضرب الحبيب مثل أكل الزبيب

قريت انه مثل فلسطيني

ولو نفسرها بشكل عادي ..
يعني اللي يحبك امك ابوك .. اي احد يحبك
لو ضربك فهو من باب محبته لك .. فضربه يكون لتوجيه او اصلاح غلط
والضرب هنا قياس
يعني ممكن بمعنى قسوة مو شرط ضرب..والزبيب على وقت المثل اظني كان مثل الحلو عندنا الحين ..يعين شي جميل او جيد

يعني بالمختصر .. ضرب الاحبة او القسوة عليهم ولو مؤلم .. قد يكون مفيد في بعض الاحيان

شكرا ليالي