محاوله جريئه

[فاقدالامل]

السلام عليكم كيف الحال ياشباب ويا الصبايا هذى اول مشاركه لى فى منتداكم الرائع وان شاء الله افيد وستفيد حبيت تشاركونى فى ارائكم فى القصيده ولا لى قناة عن انتقداتكم وذا تحتاااج تعديل علمونى


الله أكبر كيف تقسى على اللى
يغليك من بد المخاليك ويفديك
وش جاك منى ياهوى البال قلى
ان كنت انا غلطان والله لرضيك
ون ماكفاك ارضاى بجيك كلى
وحب رااسك لين تظهر مثـانيـك
من بعد ماغبتى وش اللى حصلى
هم وسهر والعين تشكى وتبكيك
اتعبتنى وشقيت روحى ياخلى
دايم تشك دايم بعيده هقاويك
حلفت لك باللى له اركع وصلى
مالى بغيرك فى البشر من يساويك
والختم يارعى الرموش المظلى
ليتك تراعى بالهوا من يراعيك

وسلامتكم

[مناحي الصميل]

فاقد الأمل
محاوله جيده
ولكن الوزن عندك ضعيف في بعض الأبيات ..
عندك البيت الخامس الشطر الثاني :


اتعبتنى وشقيت روحى ياخلى = دايم تشك دايم بعيده هقاويك
لو تخلي الشطر الثاني كذا راح يمشي مع الوزن ويصير موزون 100 %


اتعبتنى واشقيت روحى ياخلى = دايم تشك وضايعات(ن) هقاويك
الشطر الثاني ما يمشي مع لحن المسحوب
واتمنى اني افدتك !!
وحاول مره ثانيه وانشالله انك تظبط الوزن
ولا هنت ..

[عبدالناصر آل عبدان]

ارررحب يافاااقد


وحياك الله


ومازيد على كلام كاسب الطيب شي



وحياك الله

[فاقدالامل]

كاسب الطيب ون اشاء الله انك كاسب الطيب يعنى مافيها الا هالشطر بس

اتعبتنى واشقيت روحى ياخلى
دايم تشك وضايعات(ن) هقاويك

يعنى الباقى كويس لاهنت ياخوى لاهنت وبيض الله وجهك


ملاحظه ترى جريتها على عددة اللحان ماشيا حلاوه ونا ببمشى على تعديلك والف الف شكر لك

[فاقدالامل]

عبدالناصر الفهاد يشرفنى مرورك يالغالى ولاهنت على التعقيب

[مناحي الصميل]

من ناحية الوزن كل شيء مزبووووط :)

والله يوفقك والى الامام .. :)

[فاقدالامل]

لاهنت يابعدى والله يكثر من امثالك لاكن ابى منك طلب ابى لحن المسحوب شلون لو تعطينى اسم اغنيه لحنها مسحوب

[مناحي الصميل]

عندك اغاني كثيرررررررررر
منها
يقول من عدى على راس عالي >>> يغنيها محمد عبده
وعندك القصيده المشهوره قم يالمقهوي >>> اسمعـــهــأ (http://www.5ymah.net/home.php?index=listen_nasheed&kind=rm&n_id=237)
وعندك اغنية يمال فرقا العين >> يغنيها يوسف شافي
وعندك وش تنتظر يامحرق القلب بالنار >>>> خالد عبدالرحمن

وكثيررر من الاغاني على المسحوب ولكن هذا اللي يحضرني منها الحين
ملاحظه : انا ما انظم قصايدي الا على لحن قم يالمقهوي لأنه احلى لحن فيهم
والله يوفقك ..
وسامحني على القصور ..

[فاقدالامل]

ماجا منك قصور يالله تمد فى عمره وتوفقه دنيا واخره

[وردة العجمـان]

صح السانك فاقد الامل وتسلم

[فاقدالامل]

ورده صح بدنتس وسلمين على المرور

[الملك]

صح فيها كسر بس مايمنع انك ماتحاول
واصل وانا بتابع تطوراتك
تحياتي

[فاقدالامل]

لبا كبدك يالاعصاااااااااااااااااار

صح بدنك هذا التشجيع ولا بلاش