حميدان الشويعر

[عقاب]

بسم الله الرحمن الرحيم

السلام عليكم ورحمة الله وبركاته

ـــــــــــــــــــــ

.. حميدان الشويعر ..

هو : حمد بن ناصر الدعوم

من ( السيايره ) ، من قبيلة (( بني خــالد ))

وقد سمي بـ( حميدان ) تصغيراً لـ أسم ( حمد )

وقد سمى نفسه بـ( الشويعر ) تقليلاً من شاعريته ولكي يبتعد عن النقد !!

لأنه كان شاعر هزلي من الدرجه الاولى .

وقد قال عنه الرواه ان لـ شعره الهزلي .. مغزى ، وليس للهزل فقط .

كــ قوله :

..





الى جا ثورٍ يخطب بنتك ؟؟ = فـاضرب رجله وقل له : قف !!
والله ما يسوى ملكتها = ولا يسوى قرع الدف
ومايسوى والله ضيفتها = ولا يسوى ضلف وخف
يظهر بنتك من بيتك = ويذوقها .. جوع ، وحف
ان سلمت من .. ضربه بيده = ماسلمت من .. بف ، وتف !!
يروحن حيل وملاط = ويجن لقح ومردف !!



..


وقال ايضاً :

..





النعمة خمرً جياشه = ما يملكها كود وثقه
والجوع خديد يم اجواد = ودّك ياطا كل زنقه
ليت ان الفقر يشاورني = كان ادهك به كل فسقه
كان ادهك به عبر فسقان = عقب الصمعا صلف .. انهقه !!



,,, اعزكم الله

..

وقد قال ايضاً :

..





طالب الفضل مـن عنـد الشحـاح = مثل مهدي وقت الصـرام لقـاح !!
اومثل طابخ الفاس يبغـي مـرق !! = او مثل حالب التيس يبـي منـاح !!
اربـع يرفعـن الفتـى بالعيـون : = الظفر ، والكرم ، والوفا ، والصلاح
واربعـن ينزلـن الفتـى للهوان : = البخل ، والجبن ، والكذب ، والسفاح



..


وشاعرنا من اهل قرية ( القصب ) احدى قرى ( الوشم ) الواقعه في نجد

وقد ولد في سنة 1178 هـ .. وتوفي سنة 1251 هــ

وقد لقب بـ(( حطيئة هذا الزمان ))

نسبةً لـ الشاعر المخضرم الذي ادرك الشعر الجاهلي وشعر صدر الاسلام

وهو : جرول بن أوس بن مالك العبسي (( الحطيئه )) .

وذلك لانه حميدان لم يسلم احد من شر شعره !!

حتى ان ابنه الذي يعد اقرب الناس إليه لم يسلم من هجاءه

وفي بعض ابياته قد هجى جماعته واهل قريته



وكذلك ابدع شاعرنا في شعر الحكمه

وقد قال في الحكمه :


..





أنا ياولدي جربت الامـور كلهـا = ماكبرمن عظم المصيبـة وهـان
(( حبال الرخا تورد مياه كثيـرة = وبالضيق ما ترد الخدود قران ))
انا اختار نومي فوق صوانة الصفا = ولا جـودري فـي بـلاد هـوان
ولو صار شربي ماً هماج مخالطه = حنظل وانا لـي بالمعـزة شـان
احب علي من ملك بغداد وارضـه = الى البصرة الفيحـا ودار عمـان



..

وقال كذلك :

..






بالعون ( منيف ) قاله لي : = يقول : غلاك يوم انت صبي
وكذّبت ( منيف ) في قوله = وتبين لي ماكان غبي !!
ترى الشايب عند عياله = وام عياله مثل العزبي
قلوا فيده وعافوه = عقب التمسك بسببي
احفظ مالك تجي غالي = حتى يلاقونك يالعتبي
حتى ام عيالي زهدت بي = نسيت جميلي وطربي
منول تقول لي : لبيه = وهالحين تقولي : وش تبي؟!!
ورأسي وعظامي توجعني = وظهيري من حد حقبي
وهجوسي تسري بالليل = خوفٍ من موتي بطلبي
صدرت وطويت العدة = ويعقبني من كان يبي
الدنيا عامرها دامر = مافيها خيرٍ ياعربي !!





..

وقال ايضاً :

..





الفتنـة نايمـة دايــم = مار الانجاس توعيهـا
يشـبّ الفتنـة مقـرود = يعلقها مـن لا يطفيهـا
فالى علقت ثم اشتبـت = بالحرب انحاش مشاريها
لحقت برجـالٍ اجـواد = دايـم تنصـا قهاويهـا
ادفع الشر دامك تقـدر = حتـى تصيـر بتاليهـا



..

وقال ايضاً :

..





تموت الأفاعي وسمّهـا فـي نحورهـا = وكم ّ من قريصٍ مات ماشاف قارصه ؟!



............


الله يرحم حميدان ويرحم موتى المسلمين


واسمحو لي عــ الاطاله والقصور



أخوكم //


محب الجميع ،، عقووب

[مناحي الصميل]

لا هنت ياعقاب على ذا القصايد

والله يرحمه برحمته .. آآمين
والله يعطيك العافيــه ..

[راعي الدهما]

عقــــــــــــاب



لاهنت على القصايد


اختيار مميز ورائع


بيض الله وجهك



ننتظر جديدك



تحياتي لك


اخووووك


راعي الدهمــــــا

[سمـــوم]

عقاب

عز الله انك عرفت تختار

صح لسان الشاعر والله يرحمه ويغفر الله ..

اربـع يرفعـن الفتـى بالعيـون :الظفر ، والكرم ، والوفا ، والصلاح
واربعـن ينزلـن الفتـى للهوان :البخل ، والجبن ، والكذب ، والسفاح

سلمت يمينك يا خوي على ماخطته لنا ..

[الاحرش]

اللة الللة


صح لسان الشاعر / حميدان الشويعر


اخوي/ عقاب



لاهنت على النقل الجزل