مجرد شخــــابيطـ ...

[شهد]

مجرد شخــــابيطـ ...


السلام عليكم ورحمة الله وبركاته



للعلم كل حرف أدناه ماله أي علاقة بالثاني ... هي مجرد شخابيط

ولكن ... للفضاوة ثمن بدفعه أنا واللي يقرر انو يقرا





واقع ...

تملك كنوز الأرض أوطاني ونعيش ضمن
العالم الثالث ..!!
ملايننا للغير مصدورة
ونبكي انقطاع الكهربا والمي ...
ودفع رواتب لاعب الكورة
نسرق صناديق اعانة المرضى
ماهو فقر لكن ...
تسلّمت ارقابنا ... في يد كل عابث


....

غباء ...

طيبين هالغرب بالمرة
ماخذوا من عندنا غير ...
ب ت رول
وحنا لابغينا نسجل اللي أخذناه
القائمه بتطوووووووووووووووووووووووووول



وشفيها لو عطيناهم النفط
وعطونا بالمقابل كل شي ......
بشــــــــــــــــــــرط


تقبل كل ما جاك ... و مالك أي حق ....
تختار
شرط المانح تقبل الزين والشين ..وان كان بك خير ..
سجل استنكار



....

حريه ...

مكان سموه مجازا .. بالجامعه
تثار فيه حتى النفوس الهاجعه
فيه عارضات ازياء بمقاييس "محليه "
لحوم بكل الالوان ... بيضا وسوده وورديه
بلا ديــنٍ بلا ارهاب
فدا حروفج ياحريه ....


....


ديمقراطيه ...

بلدي بـــلد الديمقراطيه
البنت تتمخطر بالجنز
واخوها مطول اللحيه ...


....

تطور ...

عشتي لنا يالعولمه
وعاشت فضائياتنا
الستر ... ولىّ موسمه
وارتاحن بنياتنا
ضاقن وهن متغطيات
وأنفاسهن مكتومه
وش فيها لو قطت عباة
وسارت بنص هدومه ..!!


....

.

.

.

.

.

الساعة الحين 11 وشوي ليلا حسب توقيت الكمبيوتر اللي منطقه قدامه والمفروض اني مريضه
وغايبه اليوم عشان ارتاح ولا أفارق الدوشق
لكن طرت علي طواري قلت أفلها بالمنتدى.. قبل أسج عنها

أخيرا تمنياتي بالشفاء العاجل لشخصي الكريم ولجميع مرضى المسلمين ...

شهد

[м8ąĐїṜ]

الله يشفيك ياشهووود ويخليك لعينٍ ترجيك

قووولي آميــن

ويسلموووووووووو يالغلا على الموضوع الرائع

تحياتي

[AL- JOORY]

لبا والله كبدش .. يا زينها من فله


برجع الصبح إن عطاني ربي عمر

[شهد]

مهران

انت كل يوم اسم :):p



بس حلو مهران ... تطيب خواطر

امين يارب يشفيني ويشفي الجميع

والرائع مرورك اخي الكريم

[شهد]

الجوري

لبا مرورش :)

بانتظار الرجعه اذا شاء الرحمن

[النقال]

ديمقراطيه ...

بلدي بـــلد الديمقراطيه
البنت تتمخطر بالجنز
واخوها مطول اللحيه ...



والله مصيبه ياأختي الغالية




ووين الغيبات ياشهد؟؟



كل الشكر لشخابيط أللي تتكلم على نقاط قويّه

[شهد]

هلا ومسهلا ... النقال


ماني غايبه انشالله عن فكر اللي يعزوني:)

شكرا على مرورك ولاهنت

[AL- JOORY]

بسمة قلبي / شهد


والله لا أجد ما أخطه لك سوى أن أرفع يدا قلبي للسماء وأقول


ربي يحفظك .. ويرضى عليك



مبدعه .. وراقيه في الطرح .. تعجبني تلك الإنتقادات .. التي صيغت بأسلوبٍ ظريف




تقبلي مني يا أميرة الأقلام .. قبلاتٍ صغيره أطبعها على جبينك ..

[saprj]

و عليكم السلام و رحمة الله و بركاته

أختي الكريمة شهد .... لو ما قلتي شخابيط ....

كان قصها مقص الرقيب من زمان ... و ما راح يبقى لها مكان

و الفضل ...لحرية الرأي اللي نمارسها بأمان ....

كلمات واقعية وقوية .... و تفضح حالتنا المأساوية

و الله يعطيش الصحة و العافية ....و التوفيق في الدنيا و الآخرة

[ناصر بن فالح]

صح لساااانش على القصيده الجزله :)

صراحه شخابيط روعه وتجسد واقعنا المهبَب

تخبطات هنا وهناك وحنى مثل الكوره في الملعب من رجل نشيط الا رجل انشط منه :)


الله يعطيش العافيه اخت شهد وماتشوفين شر

[جميل المحيا]

شخابيط

في الصميم

زيدينا شخابيط فنحن في الانتظار .
ولاباس يا شهد ..

[شهد]

أختي وغاليتي الجوري ..

الابداع الحقيقي .. هو ذوقج ولطفج مع الكل وبالاخص معاي
الله يسعدج ويهنيج
وبالنسبه للقبلات .. خليها بعدين ياحيي اخاف اعاديج

[شهد]

سابرج

لا ابشرك اختك فطينه كتبت شخابيط

وكتبت انه مريضه وربك يقول .. "ليس على المريض حرج"


ابو طلال الله يعافيك ويسلمك ويوفقك يارب

[شهد]

فيلسوف السلاطين

صح الله بدنك على المجامله الجزله

الله يعافيك ويوفقك

والشر مايجيك

[الباشا]

الأخت القديرة
شهد

هناك شيئا غير معروف ، ربما من كثرة التغيرات ولا زلنا نطارد تلك المعلقات
وربما الكل يريد ان يتستفيد ويفيد
كل شيء كان على حق في هذا الموضوع

لاهنتي أختي على تلك الكلمات واسأل الله أن يشفيك

[sohab]

السلام عليكم



:) الدوشق :)


الدوشق .. حتى وان كانت كلمه الا انها فى نظر البعض قطعه فنيه قديمه

انا اول البعض المعجبين بكل قديم وبالذات السيارات


اختى شهد .. شكرا على هذه الخاطره العفويه


واحسنتى بتنميق الموضوع بكلمات فنيه جميله


والله يمنحك الصحه والعافيه حتى تنعمى بنوم هادى على دوشق ناعم وقديم:)


اجمل واطيب تحيه لك


سوهاب

[والله ماكان الفراق اختياري]

هههههههههه


شهد الله لايبلانا ههههههههههههههههه


نرجع للجد




اوقات الفراق
تعطينا حروف وكلمات ومعاني لكل ماهو حولنا يمكن عشان الوقت مافيه شي نستفيد منه نتفوه باشياء مالها داعي وتضحكنا بمجرد ذكرها ويمكن لاسباب اخرى داخل نفسيتنا


او يمكن من عوال بيئية طارئة وتزول على نفسيات المجتمع او من ضغوطات عمليه
او من انهيارات عصبيه الخ



اتمنى انك تفهمي معنى الشرح


بالفعل لاهنتي ياشهوووووده

[نجمة سهيل]

شهد الله يعطيج العافيه بس عندي اعترااااااض على هالجملتين يالغلا


حريه ...

مكان سموه مجازا .. بالجامعه
تثار فيه حتى النفوس الهاجعه
فيه عارضات ازياء بمقاييس "محليه "
لحوم بكل الالوان ... بيضا وسوده وورديه
بلا ديــنٍ بلا ارهاب
فدا حروفج ياحريه ....



مو كل بناااااااااااات الجامعه جذي بالعكس الاغلبيه لبسها محترم وقليله حيل فئة عرض الازيااااااء وهي في كل مكان مو بس الجامعه





....


ديمقراطيه ...

بلدي بـــلد الديمقراطيه
البنت تتمخطر بالجنز
واخوها مطول اللحيه ...


وهم بناااااااااات الكويت الاصيلات ما يتمخطرون بالجنز لاكن هاذي الفئه المضروب جنبها


وتسلمين شهوده على الموضوع وياليت يالغلا يتسع صدرج لكلامي

اختج نجمة سهيل

[انتحار]

اولا

احب اعااتب نفسي وأنبهاااا ...لاني حرمت نفسي ان ادخل ..متصفح شهد

ثانياً
عنوان..غير موفق..ليش شخابيط؟؟..عيدي النظر وحطي عنوان ..

ثالثاً
اقدر اسمي ماقد كتب
شعر "حلمنتيشي خليجي" :)

مدهشه ياشهد ....اطااالب بجديه المزيد والمزيد ..من هذا الشهد

[شهد]

المحترم الباشا ..
كل شئ واضح ... بيع وشِرا
بعنا كل شي حتى انفسنا ... لكن من غير ثمن
هذا كل مافي الامر ..

[شهد]

عليكم السلام والرحمه

اخي سوهاب لاول مرة احس بجمال كلمة دوشق
من الالوان اللي استخدمتها بكتابة هالكلمه
عموما هي كلمة قديمه حديثه لازلنا نستخدمها في البيت
يمكن حنا قديمين ... يمكن

[شهد]

حمد العجمي ...
شرحك يبيلوه شرح
مافهمت شي

[شهد]

نجمة سهيل
في البدايه بقولج سر بيني وبينج
مااحب كلمة يالغلا
مااستسيغها ابدا
..

في الجملتين ياعزيزتي زي مااسميتيهن
واضح اني وجهت كلامي لفئه معينه
وماكان حديثي عام
وبنفس الوقت الفئه ماكانت قليله زي ما تفضلتي

..
عموما الله يسلمج
ولاتخافين مايضيق صدر الشمالي

[شهد]

اولا وثانيا وثالثا

اجمل واغلى مايمكن ان يمتلكه طفل
دفتر يجمع فيه كل شخابيطه اللي في تصورة ماهي الا كنز
وانا طفله " وغده " وهذي كنوزي اللي ممكن تكون للغير مجرد شخابيط
او شعر حلمنتيشي خليجي ..!!

شكرا انتحار