بيتين وابي رايكم ..

[فوزيه]

السلام عليكم ورحمة الله وبركاته

اترككم مع الابيات

لا صار جرحك يوجعك وانت صابر..
..تطلب من الله يندمل ثم يشفيك
تنساه يوم ويوم تنس وساهر ..
..تبكي خفي وتقول يارب تنجيك
لكن إلا من حركه شخص طاهر..
..يقصد ولا غير قصده يبكيك
أزعل لانك بالغلا حيل شاغر..
..في القلب وفي خافي ضلوعي امركيك


وسلاااااااااااااااامتكم


لا تحرموني من نصايحكم ..

[الاحرش]

صح السانش

وقصيده في قمة الجزاله

فــوزيه


وبانتضار جديدش

[الملك]

فوزيه حلو بس عندش البيتين الاخيره احلى هههههههههههههههه
روووعه يالروعه بس سؤال شنو يندمل
تحياتي اخوش/ اعصار العجمي

[al7bnnti]

صح السانش فوزيه والنصيحه لا توقفين كتابه اشعارش وعندش الوزن يبي له شوي وترى اكثر الشعار بدايتهم نفسش ونشوف جديدش

[CARLTON]

صح الله لسانك اختي فوزيه

قصيده جيده والا الامام

والله يعطيك العافيه

ولا هنتي


تحياتي,,,,,,

[™ عبد الله ™]

يا سلاااااااام يابنت الدريع :p

صــــح لســــــانش ..

بس لو انش ملتزمه في قافية الشطر الاول (ابر) كان طلعت كذا
<<يرفع ابهامه ;)

محاوله جيـّـده وكثـــّري منها :)

[شمال قطر]

صح لساااااااانك

انا اقوووووول >> راح تصيرين شاااااااااااعره مع الوقت


تحياااااااتي

[محمد المحلكم]

صح لسانش


محاوله جيده

بس يوجد به خلل واضح في الوزن وفي القافيه يليت تهتمين اكثر واكثر

وجهة نظر فقط

[سيد الحب]

صح لسااانك
كلاام حلو
يسلمووو والله يعطيك العافيه
اخووك سلطوون

[مشاعر حالمه]

لا صار جرحك يوجعك وانت صابر..
..تطلب من الله يندمل ثم يشفيك
تنساه يوم ويوم تنس وساهر ..
..تبكي خفي وتقول يارب تنجيك
لكن إلا من حركه شخص طاهر..
..يقصد ولا غير قصده يبكيك
أزعل لانك بالغلا حيل شاغر..
..في القلب وفي خافي ضلوعي امركيك


فوزيه

ماشاء الله عليج يالغاليه بداية جميله بصراحه

بس كل شخص لازم يتعرض للنقد ولولا الله ثم النقد ماصار الشاعر شاعر^__^

انا راح أقولج وين الخلل فيه ولاحظي معي

لا صار جرحك يوجعك وانت صابر..
..تطلب من الله يندمل ثم يشفيك

( في كلمة ثم يشفيك تلاحظين انه ثقيل لما تنطقينها يعني لو تقولين

تطلب من الله يندمل لين يشفيك تطلع اسهل في النطق وأخفّ ^_^ والا شرآيج )
تنساه يوم ويوم تنس وساهر ..
..تبكي خفي وتقول يارب تنجيك

هنا الوزن والقافيه رايحه في خراطيشها خخخ <== يعني فيها خلل واضح

يعني لو تقولين

يروح يوم وباقي الايام ظاهر
تبكي خفا تطلب من الله ينجيك

لكن إلا من حركه شخص طاهر..
يقصد ماورى قصده يبكيك..

هنا اشوف انه حلوو مافيه شي ^__^ سلم من التغيير بس في كلمة غير حطيت ماورى


أزعل لانك بالغلا حيل شاغر..
..في القلب وفي خافي ضلوعي امركيك

هنا ياطويلة العمر فيه خلل يعني لو تقولين

ازعل لانك شاغلٍ المشاعر
ياغاليٍ وسط الحشا مراكيك

^___^ ان شاء الله اني وفقّت في ماكتبت وعدلّت بعض الشي ..

يعني يحتاج حذف حرف اضافة حرفين والا انتي ماشاء الله عليج رائعه في التعبير ^_^

ننتظر جديدج الراائع يالغلا ..ومن دون كسور أو ثقل ^__*

تحيتي لج أختج / مشاعر حالمه _ عزوة ابوها

[مناحي الصميل]

اختي مشاعر حالمه ..
شكرا لتعديلش بعض الأشياء ولكن هناك اشياء عدلتيها (( تحتاج مني تعديل )) :)


لا صار جرحك يوجعك وانت صابر= تطلب من الله يندمل ثم يشفيكهذا البيت مافيه اي ثقل ابدا ابدا ابدا .. :)


بعدين البيت هذا اللي عدلتيه : انا اشوف انش ما عدلتيه بالوزن المطلوب ..
هذا البيت :

يروح يوم وباقي الايام ظاهر = تبكي خفا تطلب من الله ينجيك
كلمة الايام مسببه زحمه :)

طيب لو تصير كذا مو احسن ؟؟
.
.
.

يروح يوم وبعض الأيام ظاهر= تبكي خفا تطلب من الله ينجّيك

^
^
^
كذا مش احسن ؟؟
:)


وايضا البيت القادم هذا استغرب من التعديل اللي سويتيه عليه لأن الشطر الثاني مكسوووور ؟؟
هذا البيت :

لكن إلا من حرّكه شخص طاهر= يقصد ماورى قصده يبكيك

لو نغير الشطر الثاني ونخليه كذا يصير احسن بالوزن :

لكن الا من حرّكه شخص طاهر = يقصد وما قصده ترى هو يبكّيك


نروح للبيت اللي بعده :)
وهذا سلمش الله لازم نسوي له ترقيع وسمكره وتربيط :) وانتبهي للقافيه (( لأن القافيه الصحيحه هي (( اهر )) وليس (( اعر ))


ازعل لانك شاغلٍ المشاعر = ياغاليٍ وسط الحشا مراكيك
لو نخليه كذا يصير احسن مليون مره :)


لا تنخدع تكفى وخلّ المظاهر = ياساكن(ن) وسط الحشا في مراكيك

ملاحظه / القصيده على بحر المسحوب
لذلك يجب الالتزام بالقافيه ..

وشكـــــراااا

[مشاعر حالمه]

^

^

^

والله ياختك انت استاذ واللي مثلك وشرواك يعلموني ^__^

والا انا بري حالي توني مولوده في الشعر الجزل وكانت قصايدي قبل فيها كسور بعض

الشي وقلت باحط اللي عندي واللي اعرفه وعلى الله كل شي ^_^

بس تراني في البيت الاخير في الشطر الأول حطيت ( اعر ) لان في البداية ( ابر )

فقلت نمشي القافيه على المد وحرف ثم را ..

وهنا

لكن إلا من حرّكه شخص طاهر
يقصد مـاورى قصـده يبكيـك

عدلته وانا مش راضيه على التعديل والله :( <== اجل ليه تعدلينه يالمفهيه

على العموم ياخوي الف شكر على ملاحظتك <== صرت انا اللي يبي لي ماهيب

فوزيه خخخ الله يخلف على امي وابوي

تحيتي لك / مشاعر حالمه

[مناحي الصميل]

^
^
^
^
^
^
:)
الدعوه سهالات .. ومحد طلع من بطن امه عالم وانا اخيش :)

وانا حاضر وبالخدمــه
:)

[نسل الطويل]

صح لسانش



ولا هنت يا استاذنا كاسب الطيب على التعليق والتوضيح

[الزايدي]

أظن ان الأخوه ماقصروا فالتعليق على القصيده


وإن كانت بها عيوب مايمنع انك تكتبين مره ومرتين وثلاث حتى تستفيدين من أخطكائك وتتفادينها

بدايه طيبه يافوزيه

وواصلي مسيرتك الشعريه ولا تلتفتي لعثراتك


وموفقه

[(***al-shamri***)]

hhttp://

[(***al-shamri***)]

jyhmn

[(***al-shamri***)]

sory

[الرومنسي الحزين]

السلام عليكم ورحمة الله وبركاته

اترككم مع الابيات

لا صار جرحك يوجعك وانت صابر..
..تطلب من الله يندمل ثم يشفيك
تنساه يوم ويوم تنس وساهر ..
..تبكي خفي وتقول يارب تنجيك
لكن إلا من حركه شخص طاهر..
..يقصد ولا غير قصده يبكيك
أزعل لانك بالغلا حيل شاغر..
..في القلب وفي خافي ضلوعي امركيك


وسلاااااااااااااااامتكم


لا تحرموني من نصايحكم ..
جميله عفاك الله يا بنت الاجواد

رومنس