هـولاكـو آل منيخر
29-10-2006, 06:10 AM
شفتوا اليوم الي اشتريت فيه اول سروال سنه <---- مايبطل الدرعمه بدون غرض
الموضوع
كعادتي جالس بغرفتي ومتمسك بهالمخده الي لو بكيفها كان تغني(ابتعد عني
ماحبك ويش تبيبي)وومنسدح على فراشي الله يصبره علي هو الوحيد الي
مستحملني جمايله مغرقتي مرات استحي اجلس عليه
ورافع راسي اطالع بالمروحه الي لها 13 سنه لسع مادري هي شغاله ولا لا
متكون عليها كوم تراب لو تنفض غير تكسو ارجاء المملكه عتمة غبار شديده
يشهد لها التاريخ
وشوي يدق الباب غريبه مين دق الباب مين ذا الي محترمني ماقيد صارت دايم مانتبه
غير الباب منمصع لا ويقولون ويش عندك اكيد عندك مصيبه ولا ليش راد الباب المهم
وانقز ابي افك الباب واقول مين
ويرد علي واحد صوته تقال بالعله ملعقه يقولي افتح الباب انا اخوك انا كنت شاك ذا
اخوي له 18 سنه معاي بنفس البيت لما يهرج ماتدري هو يتكلم ولا يتارع من يوم
ماعرفته بنفس اليوم الي جابته فيه امي<<قبل ما اعرفه على معتقد انه كان حيوان
منوي الله يكرمكم
مالقطت منه غير كلمتين اول مره نطق لما كنا بعزاء واحد من الجماعه سمعته يقول
لخويه هنولولوانا كنت شاك ذا ويش يدريه ان فيه مدينه اسمها هونولولو هذا الحاره
ماقيد طلع منها وبعد بحث بمصدر ذي الكلمه عرفت ان قصده انه يواسي الرجال يبي
يقوله(هونها وتهون) والكلمه الثانيه مره سمعته يهوجس ويقول قافلة أبن نظر جمعتي
الدفتر وانا طالع فيه مدري قلت يمكن الولد منصفق راسه بكفر هيلوكبتر ويحسب نفسه
ابو جهل ويش يبي ذاوبعد يومين برضه قال نفس الجمله ذي بس مع لحن وعرفت
اللحن انه كان يقصد (( قف وناظر دمعتي يوم اذرفت)) ويجون معه اخواني الصغار
قلت الله جابكم وانسدح واخليهم يهمزولي ظهري ويوطولي رجولي وحسيت ان العافيه
تدب بأرجاء جسمي وانا الي اتحمس وامسك الاول واعطيه جمع وارد الثاني بسوبلكس
خلفي وامسك الثالث واركنه ولكمات خطافيه على خطاف الزاويه ويجي اخوي الكبير
ويشوف المصارعه وهو يوقف خارج الحلبه ويمد يده لا خوي الصغير واخي يدبح له
من شدة الالم ويدق يده ويبادل الادوار واخوي الكبير بكل حماس ركله طيرااانيه
برجليه وانا انسدح ومحاولت تثبيت الحكم يعد واحد اثنين وانا انتفض وارفض
الاستسلام واخواني الصغار يلهون الحكم يالهي ماذا ارى اخوي الصغير يمرر ملعقة
الشربه لخوي الكبير وطراااااااااااخ ضربه على الراس واطيح ارضا ومحاولة تثبيت
واحد اثنين ثلاثه تن تن تن تن يقرع الجرس واخواني الصغار يهللون ويكبر ويحملون
اخوي الكبير على اكتافهم ويحومون في ارجاء المنزل فرحا بنصره<<<< الحمدلله
مافيهم الصاحي
وبعد نص ساعه صحت من الغيبوبه نزلت قلت هذا وقته الشاهي ابي اقول للشغاله
تسويلي براد واجيها واقول سويلي شاهي وتطل في بنت الذينا بنص عين ونظرة احتقار
وتقولي لعنبوابليسك جايبيني من اندنوسيا عشان اسويك شاهي هذا اللي باقي من الشاهي
وجاي انقلع الكفتريا يالوصخ (( الظاهر انها بنت قبايل من اندنوسيا )) وانا اللي الم نفسي
وانقزللمطبخ واضبطلي اكوس برادي لو يشربه سكراان يصحي واخذه معاي فوق السطح
واجلس على الخزان الاحمر واتذكرو انا من يوم عمري 11 سنه وانا ودي ان الحريم
مايتغطن عني وبالتحديد من يوم ماقالت ذيك العجيز الي كانت جالسه مع امي بالضحيويه
(( ماشاء الله هوولاكوو صار رجال لازم نتغطى عنه)) ومن بعدها امي ماخلتني ادخل على
الحريم وكل ماقلتها يمه ابي اجلس معاكم ترددلي الجمله ذي (( انت كبير انت كبير ))
ومن شدة الغبن والقهرالفت انشودة (( ما صرت كبيرا يا ماما هأنا أصغر عاما عاما ))
ومن وقتها وانا احب كل شي ممنوع بس الوضع مراقب عندنا لو الواحد يعطس يطالعون
فيه ونظرات تشكيك كنهم يقولون هذا عطسه ياولد ولا شي ثاني ؟؟
وانا اطالع بالسماء واشوف ذاك الشهاب واتذكر بافلام الامريكان يقولون اذا مر شهاب
غمض وتمنى امنيه ورايح تتحقق قلت ياولد مايبيلها جرب ويش خسران وانا اغمض
واتمنى اني اعيش يوم ومافيه شي ممنوع كل شي جايز حتى الجلسه مع العجايز وانا
فتحت عيني واطالع بالشهاب وهو الي يغير وجهته
ومدرعم علي هذا ناويني الله يقلعه واحط رجلي وهو وراي اشرد لاتشرد يمين يسار مافيه
فكه طباااااااااااااااع وهو الي يشمع في واغمى علي
واول مصحي نزلت الشارع رحت البقاله واقابل عبدو اليماني الرجال الي اذكره طيب
اول مادخلت الا يوجه البندقيه علي ويقول ويش عندك جاي للبقاله ؟؟ وانا كلي استغراب
وعلامات التعجب ترقص سامري فوق راسي ويش فيه ذا عساه طيب قلته جاي اشتري
بيبسي وجحم في ابو يمن وقال ويش شايفني فتح خماره تشتري منها بيبسي رح لافرغ
البندقيه بدمجتك الي كنها حصالة فلوس <<يماني مايفكر غير بالفلوس
وانا اطلع واشوف الناس قاعده تجري كل واحد بصوب ومتجه وقابلت واحد من اخوياي
املط ماعليه ولاسلك اطالع بالرجال ويش فيه ذا قلتله ياولد وين ملابسك طالع في وينسدح
ضحك وقال ياحليلك ياراعي دايم تضحكني انت الي ليش مكلف على عمرك و لابس
سروال لحد يشوفك ويضحك عليك ويقول ويش التخلف الي عايش فيه !! من يوم ماسمعت
بدايت هرجه مشيت وتركته قلت يمكن الولد اسلاك راسه تلامسه وضربت فيوزاته
ورحت البيت واول مادخلت البيت لقيت اخوي الصغير الي يوم ماغير ترفيع انا وياه
ببعض والابتسامه تملئ خشته ويقول نزلت اهلا ووطأت سهلا ياهلا بأخي الكبير امر
وتدلل ويش طلباتك
قلت لابس شوف الطريق ابي اجلس بالمجلس عند الرجال
قال افاا ليه تجلس عند الرجال والعجايز يبونك
من اليوم يقولون لامي وين هولاكوو والله اننا مشتاقيله ومشتاقين لسواليفك
وانا ماصدقت خبر دخلت ولقيتهم جالسين زي الجلسه الي اخبرها وعمري 11 سنه
وهرجهم وماغير حش بام فلان وفلانه سوت وبنت مزنه لسع محد خطبها الظاهر انها تبي
تعنس ومحدن خطبها وانا احاول ادخل معاهم بالهرج قلتلهم الزواج قسمه ونصيب ولسع
ماحالفها الحظ وترد علي العجيز :ياجعلك الهاوي ويش حظه تقال قاعد تحلل مباراه
للمنتخب البنت من يوم ماصارت تلبس الفنيله المخططه ابيض بأسود والسروال ابو حبل
وهي كنها انثى حمار وحشي تبي الي يربطها
ومن كلام هالعجوز وانا عفت جلسة العجايز وضفيت نفسي وقمت
وارجع لخزاني الاحمر واطلع فوقه واقول
الناس تغيرت والنفس طابت
الممنوع مابيه ولاني راغبه
تعال ياشهاب امنيتي صابت
خذها مابيها والزمن (......)<< واحد يركبلي كلمه على نفس القافيه هع
المهم ويرجع الشهاب واطالع فيه واتمنى ان الحال ترجع زي ماكانت مانبي لاجلسات
عجايز ولا ابي اخواني يحترموني ولاشي دام ان المخده راضيه علي والفراش مستحملني
فذا يكفيني
ويغير وجهة الشهاب ونفس الحركه ماغير انا وهو طردي فوق السطح وطبااااع يشمع
ورجعنا زي ماكنا
الحمدلله على العافيه
الزبده
الموضوع ذا كله ماكتبته غير عشان ابي اعرف الشده وين احصلها على الكيبور لي سنه ونص وانا ادورها
وكمان الايقونات حقت المنتدى متى يبون يكبرونها ترى مالينا منها هذا صغرها الواحد يستحي يستخدمها
الموضوع
كعادتي جالس بغرفتي ومتمسك بهالمخده الي لو بكيفها كان تغني(ابتعد عني
ماحبك ويش تبيبي)وومنسدح على فراشي الله يصبره علي هو الوحيد الي
مستحملني جمايله مغرقتي مرات استحي اجلس عليه
ورافع راسي اطالع بالمروحه الي لها 13 سنه لسع مادري هي شغاله ولا لا
متكون عليها كوم تراب لو تنفض غير تكسو ارجاء المملكه عتمة غبار شديده
يشهد لها التاريخ
وشوي يدق الباب غريبه مين دق الباب مين ذا الي محترمني ماقيد صارت دايم مانتبه
غير الباب منمصع لا ويقولون ويش عندك اكيد عندك مصيبه ولا ليش راد الباب المهم
وانقز ابي افك الباب واقول مين
ويرد علي واحد صوته تقال بالعله ملعقه يقولي افتح الباب انا اخوك انا كنت شاك ذا
اخوي له 18 سنه معاي بنفس البيت لما يهرج ماتدري هو يتكلم ولا يتارع من يوم
ماعرفته بنفس اليوم الي جابته فيه امي<<قبل ما اعرفه على معتقد انه كان حيوان
منوي الله يكرمكم
مالقطت منه غير كلمتين اول مره نطق لما كنا بعزاء واحد من الجماعه سمعته يقول
لخويه هنولولوانا كنت شاك ذا ويش يدريه ان فيه مدينه اسمها هونولولو هذا الحاره
ماقيد طلع منها وبعد بحث بمصدر ذي الكلمه عرفت ان قصده انه يواسي الرجال يبي
يقوله(هونها وتهون) والكلمه الثانيه مره سمعته يهوجس ويقول قافلة أبن نظر جمعتي
الدفتر وانا طالع فيه مدري قلت يمكن الولد منصفق راسه بكفر هيلوكبتر ويحسب نفسه
ابو جهل ويش يبي ذاوبعد يومين برضه قال نفس الجمله ذي بس مع لحن وعرفت
اللحن انه كان يقصد (( قف وناظر دمعتي يوم اذرفت)) ويجون معه اخواني الصغار
قلت الله جابكم وانسدح واخليهم يهمزولي ظهري ويوطولي رجولي وحسيت ان العافيه
تدب بأرجاء جسمي وانا الي اتحمس وامسك الاول واعطيه جمع وارد الثاني بسوبلكس
خلفي وامسك الثالث واركنه ولكمات خطافيه على خطاف الزاويه ويجي اخوي الكبير
ويشوف المصارعه وهو يوقف خارج الحلبه ويمد يده لا خوي الصغير واخي يدبح له
من شدة الالم ويدق يده ويبادل الادوار واخوي الكبير بكل حماس ركله طيرااانيه
برجليه وانا انسدح ومحاولت تثبيت الحكم يعد واحد اثنين وانا انتفض وارفض
الاستسلام واخواني الصغار يلهون الحكم يالهي ماذا ارى اخوي الصغير يمرر ملعقة
الشربه لخوي الكبير وطراااااااااااخ ضربه على الراس واطيح ارضا ومحاولة تثبيت
واحد اثنين ثلاثه تن تن تن تن يقرع الجرس واخواني الصغار يهللون ويكبر ويحملون
اخوي الكبير على اكتافهم ويحومون في ارجاء المنزل فرحا بنصره<<<< الحمدلله
مافيهم الصاحي
وبعد نص ساعه صحت من الغيبوبه نزلت قلت هذا وقته الشاهي ابي اقول للشغاله
تسويلي براد واجيها واقول سويلي شاهي وتطل في بنت الذينا بنص عين ونظرة احتقار
وتقولي لعنبوابليسك جايبيني من اندنوسيا عشان اسويك شاهي هذا اللي باقي من الشاهي
وجاي انقلع الكفتريا يالوصخ (( الظاهر انها بنت قبايل من اندنوسيا )) وانا اللي الم نفسي
وانقزللمطبخ واضبطلي اكوس برادي لو يشربه سكراان يصحي واخذه معاي فوق السطح
واجلس على الخزان الاحمر واتذكرو انا من يوم عمري 11 سنه وانا ودي ان الحريم
مايتغطن عني وبالتحديد من يوم ماقالت ذيك العجيز الي كانت جالسه مع امي بالضحيويه
(( ماشاء الله هوولاكوو صار رجال لازم نتغطى عنه)) ومن بعدها امي ماخلتني ادخل على
الحريم وكل ماقلتها يمه ابي اجلس معاكم ترددلي الجمله ذي (( انت كبير انت كبير ))
ومن شدة الغبن والقهرالفت انشودة (( ما صرت كبيرا يا ماما هأنا أصغر عاما عاما ))
ومن وقتها وانا احب كل شي ممنوع بس الوضع مراقب عندنا لو الواحد يعطس يطالعون
فيه ونظرات تشكيك كنهم يقولون هذا عطسه ياولد ولا شي ثاني ؟؟
وانا اطالع بالسماء واشوف ذاك الشهاب واتذكر بافلام الامريكان يقولون اذا مر شهاب
غمض وتمنى امنيه ورايح تتحقق قلت ياولد مايبيلها جرب ويش خسران وانا اغمض
واتمنى اني اعيش يوم ومافيه شي ممنوع كل شي جايز حتى الجلسه مع العجايز وانا
فتحت عيني واطالع بالشهاب وهو الي يغير وجهته
ومدرعم علي هذا ناويني الله يقلعه واحط رجلي وهو وراي اشرد لاتشرد يمين يسار مافيه
فكه طباااااااااااااااع وهو الي يشمع في واغمى علي
واول مصحي نزلت الشارع رحت البقاله واقابل عبدو اليماني الرجال الي اذكره طيب
اول مادخلت الا يوجه البندقيه علي ويقول ويش عندك جاي للبقاله ؟؟ وانا كلي استغراب
وعلامات التعجب ترقص سامري فوق راسي ويش فيه ذا عساه طيب قلته جاي اشتري
بيبسي وجحم في ابو يمن وقال ويش شايفني فتح خماره تشتري منها بيبسي رح لافرغ
البندقيه بدمجتك الي كنها حصالة فلوس <<يماني مايفكر غير بالفلوس
وانا اطلع واشوف الناس قاعده تجري كل واحد بصوب ومتجه وقابلت واحد من اخوياي
املط ماعليه ولاسلك اطالع بالرجال ويش فيه ذا قلتله ياولد وين ملابسك طالع في وينسدح
ضحك وقال ياحليلك ياراعي دايم تضحكني انت الي ليش مكلف على عمرك و لابس
سروال لحد يشوفك ويضحك عليك ويقول ويش التخلف الي عايش فيه !! من يوم ماسمعت
بدايت هرجه مشيت وتركته قلت يمكن الولد اسلاك راسه تلامسه وضربت فيوزاته
ورحت البيت واول مادخلت البيت لقيت اخوي الصغير الي يوم ماغير ترفيع انا وياه
ببعض والابتسامه تملئ خشته ويقول نزلت اهلا ووطأت سهلا ياهلا بأخي الكبير امر
وتدلل ويش طلباتك
قلت لابس شوف الطريق ابي اجلس بالمجلس عند الرجال
قال افاا ليه تجلس عند الرجال والعجايز يبونك
من اليوم يقولون لامي وين هولاكوو والله اننا مشتاقيله ومشتاقين لسواليفك
وانا ماصدقت خبر دخلت ولقيتهم جالسين زي الجلسه الي اخبرها وعمري 11 سنه
وهرجهم وماغير حش بام فلان وفلانه سوت وبنت مزنه لسع محد خطبها الظاهر انها تبي
تعنس ومحدن خطبها وانا احاول ادخل معاهم بالهرج قلتلهم الزواج قسمه ونصيب ولسع
ماحالفها الحظ وترد علي العجيز :ياجعلك الهاوي ويش حظه تقال قاعد تحلل مباراه
للمنتخب البنت من يوم ماصارت تلبس الفنيله المخططه ابيض بأسود والسروال ابو حبل
وهي كنها انثى حمار وحشي تبي الي يربطها
ومن كلام هالعجوز وانا عفت جلسة العجايز وضفيت نفسي وقمت
وارجع لخزاني الاحمر واطلع فوقه واقول
الناس تغيرت والنفس طابت
الممنوع مابيه ولاني راغبه
تعال ياشهاب امنيتي صابت
خذها مابيها والزمن (......)<< واحد يركبلي كلمه على نفس القافيه هع
المهم ويرجع الشهاب واطالع فيه واتمنى ان الحال ترجع زي ماكانت مانبي لاجلسات
عجايز ولا ابي اخواني يحترموني ولاشي دام ان المخده راضيه علي والفراش مستحملني
فذا يكفيني
ويغير وجهة الشهاب ونفس الحركه ماغير انا وهو طردي فوق السطح وطبااااع يشمع
ورجعنا زي ماكنا
الحمدلله على العافيه
الزبده
الموضوع ذا كله ماكتبته غير عشان ابي اعرف الشده وين احصلها على الكيبور لي سنه ونص وانا ادورها
وكمان الايقونات حقت المنتدى متى يبون يكبرونها ترى مالينا منها هذا صغرها الواحد يستحي يستخدمها