ماذا كنت تكتب على جدران المدرسة وطاولتك داخل الفصل ؟ [الأرشيف]

مشاهدة النسخة كاملة : ماذا كنت تكتب على جدران المدرسة وطاولتك داخل الفصل ؟

ريمة البنات

26-10-2006, 08:23 AM

الســــلام عليــكـم ورحمـــــة اللـــــه وبركاتـــــه

ماذا كنت تكتب على جدران المدرسة طاولتك و كرسيك ؟

كل عضو أو عضوة يدخل ويكتب وش كان يكتب عليها يوم كان في المدرسة؟

لا تقولون الطاولة والكرسي كانت نظيفه.

فية ناس تحب تظهر مواهبها في الرسم

وفي الشعر

وفي أشياء كثيرة.

كل واحد يكتب وش كان يسوي أيام الدراسة.

عادل الشمري

26-10-2006, 12:52 PM

أنا كنت خطاط...

وطاولتي بالثانوية كانت عبارة عن تحفة فنية....

ألوان متداخلة وخطوط مختلفة...

اسم حبيبتي...اسم سيارتي المفضلة...ورسمة لها...صور أوجه آدمية...

اسمي الكامل بطريقة عجيبة...ولقبي ولقب عايلتي...

أذكر مرة زارونا وفد آسيوي ... أعتقد من ماليزيا أو أندونيسيا....

من رداة حظي وقفوا آخر الصف يم طاولتي...

أنا كنت أصغر واحد بالصف ومن أشطرهم وأكثرهم شقاوة وشيطنة وتنكيت..

بس المدرسين ماكانوا يطردوني لأنهم يحبوني ويعرفون اني احيانا أتعمد الشطانة عشان انطرد واروح الجمعية...
المهم واحد من الوفد شاف طاولتي وانبهر..وقام ينادي باقي أعضاء الوقت ويوريهم طاولتي...

تخيلوا الصيني شلون يقول: أوووووووووووه
لا...ولابس نظارة طبية عدساتها قاعة بطل...وعيونه أد السمسمة ههههه
هذه المرة الوحيدة اللي أحرجت فيها أيام الدراسة.....

هيه...سقا الله ذيك الأيام والله يذكر ربعي بالخير ومن يقرأ..

نـاصـر

26-10-2006, 01:00 PM

السلام عليكم ورحمة الله وبركاته

موضوع حلو ويذكرني بأيام الدراسه الله يذكرها بالخير

بالنسبه لي كنت أكتب كنيتي (يعني أبو فلان) والعجمي والتاريخ لأني دقيق جداً بالتواريخ

وكنت اكتب على طاولات الطلبه عياراتهم يعني كل طالب اكتب عيارته على طاولته .

طبعاً الا اقوا الصف ما اكتب على طاولته هذا اشتريله من المقصف جبن بالزعتر وعصير هههههه
الله لايهينش على الموضوع

فزاع

26-10-2006, 01:39 PM

على الجدران
يعيش نادي الهلال
ياروحي يابويعقوب

وعلى الطاوله
انواع القصايد فيها

هههههه

ريمة البنات

26-10-2006, 03:30 PM

شكراً للجميع على المرور

بنت العجمان

27-10-2006, 03:10 AM

يسلمو ريمة البنات على هالموضوع اللي يذكرني باحححححححححلى مراحل حياتي:)

بصراحه انا يعرفوني من طاولتي تعرفين البنات جلاد ومدري شنو تقاطوا عاد من يشوفون طاولتي يتحسفون على الربع اللي قطوه لانه من نهاية السنه تعالي شوفيها بصراحه اكتب ذكريات يعني شنو صار بهاليوم وائرخه تقولين يعني كأنه حدث مهم بيغير تاريخ البشريه مثلا اليوم صار لي موقف مع المدرسه فلانه وسويت كذا
<<< زين مواقفش
وكمان اذا قلم عريض اكتب قصيده عن العجمان من قصايد الطقاقات:)
بس يوم جيت رابعه اذكار وادعيه وادعية امتحانات وحكم ماثورات تقولين حكيمة زماني طبعا بالاضافه لرسمة نص وجه لبنت طبعا من خيالي واحط على وجهها بيت شعر
ومازالت هالحركه مستمره حتى على مقاعد الجامعه مدري اذا توضفت بصير كذا بعد؟

واسفه على الاطاله والا ليت المدارس تعود يوما

ولاهنتي حبوبه:)

مبارك

27-10-2006, 03:18 AM

السلام عليكم ورحمة الله وبركاته

كنت انا مفضيها عشان اذا جت ايام الاختبارات تبدأ البراشيم وكم مرة كليت هواء انحولت عيوني وانا ادور وين كتبتها واذا جاء المدرس وقال وش فيك يا مبارك اقول له فيه نملة او ذبانه ابي اوخرها ههههههههههههههههه ايام حلوة

الغـرو

27-10-2006, 06:26 AM

السلااااام عليكم

خوش موضووع <<= عجبها :P

انا كنت اكتب عليها اهم واغلى حرف عندي (f) بجمييييييييييييييييييييع الالوان والاشكال الي تخطر والي ما تخطر على البال

وكنت اكتب ابياااات شعريه ... واذكر في طاوله كاتبه فيها ألقــــــــــاب الشله كلها
لا و بزخرفه وتبديع فني مادري من وين جايني هالابدااع مع اني علمي :D

حتى طاولات المختبر راحت فيها اذكر بمختبر الكيميا انا ووحده من البنااااااات الله يذكرها بالخير والله لو تشووف الي بقولها بتموووووووووووووووت ضحك
لانها الي مبدعه الفكره
طاولة المختبراات عندنا طويله يعني يقعد عليها اربع او خمس بناات
وفيها بلااكت كهرب ( البيضا) ام ثلاث روس ا

احنا شنسوي انا ويها ناخذ الواان ونلون البلااكاات بس شلون نلونها .. الابله هي و تشرح احنا عينا معاها لكن ايدينا من تحت تتحرك يمين يسار نلون البلاك هههههههههههههههه

ابي اعرف شلون كنا نفهم واحنا تركيزنا مع البلاكات بلا روسنا وعيوووننا الي مع الشرح

والله ذكرتينا بسوالف المدرسه الله يسلمووووووووووووووووووووووووووج

ويسلمووووووووووووووووووو على الموضوع يا عسل

No Comment

27-10-2006, 01:07 PM

ايااااام

كنت راسم على الطاوله مدرس الانجليزي لاني كنت ما اشتهييه :p ... وكنت كاتب بخط عريض .. فوق المستوى @ عجمي @ ..(ونعم فالقبايل كلها ) خبركم ادرس بالمنطقه الرابعه .. وباقي الطاوله نظيييفه مثل ما انتوا عارفين الاختبارات تبي حقها من الطاوله

وتسلمين على الموضوع الي ذكرني بالطفووله << اشفيه الكبيررر :p

ابو راكان *

27-10-2006, 03:46 PM

بصراحه كنت كاتب على المحول

((عجمان اذا قعدو سلاطين واذا وقفو شياطين))

وطاولة المدرسه كنت كاتب فيها

الحب عجه والحبايب قراطيس == من يمسك القرطاس وقت العجاجي

:)

مناحي الصميل

27-10-2006, 08:32 PM

لووووووووووووول
تسلم على الموضوع الحلو :)

انا بصراااحه اذكر مره مدري اي صف بالضبط
كتبت على الطاوله (جعل مدرس الكيمياء مايعود لبيتهم سالم) :) لأني ماكنت ادانيه
وشافها وسوالي سالفه

وكنت اكتب شعر
وكنت ارسم صور سيارات
وكنت راسم الجدول على الجنب :) <<< يعني شااطر :)

وشكرا عالموضوع الحلو

@الشيــــــــــــنه@

27-10-2006, 09:07 PM

انا ماكان لي طاوله محدده لاني كل يووم مكـاان :)

ومااذكر اني كنت لازم اكتب لا عادي بس اهم شي عندي الجمله اللي انساها بالاختبار

اكتب اول كلمه منها :)

ولا كتبت شي بغشه حفظته صم :(

ههههههههههههههههههههههههههههههههه

تسلمين ريميه على الموضوووع

PowerShot

27-10-2006, 11:10 PM

http://www.alajman.net/vb/uploader/w6w_20060321213837072eb633.gif

^
^
^
^
^
^

LoOoOoOoL

عليكم سوالف وحركااات تضحك

أنـــا ما اذكر اني كنت اكتب على الطاوله بس كنت دايما اكتب بالنص من فوق اسم العايله .. ... واترس الطاوله ستكرز واول حرف من اسمي بالانجليزي .. ومرات كنت اجلدها أنا واللي تكون قاعده يمي ونكتب فوقها بـقلم الـCorrecter اسم المُـدرسه او الفنان او المطرب اللي نحبه ونقعد انلون فوقه .. وبسسسسسس :)

مرسي كثير حبوبه على هالموضوووع الحلوووو ,, ذكرتينا بأيام المدرسه

http://www.alajman.net/vb/uploader/w6w_200603212158507514b3e0.gif

ريمة البنات

03-11-2006, 12:38 AM

شكرا للجميع على المرور

خـرابـيــط قـلــبـي

03-11-2006, 12:59 AM

السلام عليكم ورحمة الله وبركاته

الله الموضوع يجنن تسلمين اختي ريوم على هالموضوع
ذكرتيني بأيام المدرسه يالبيه ياجعل يسقىى ياذيك الايام والله انها أحلى أيام حيااتي
ومن أجمل مراحل عمري 0000

أنا بصرااحه كنت اكتب أبيات شعر امووت في الشعر انا ورفيقتي وأكثر بيت كنت اكتبه:

من يشتري قلب همومه ملايين000 ويبيع لي قلب من الهــم خـالي

يابلفيت إني مهمومه وشايله هموم الناس على راسي >>>> مكووبره :)

أشكرش ياالريـــم على الموضوع مره ثانيه

تقبلي مني فائق الإحترام والتقدير
أختش: خرابيط قلبي

ريمة البنات

03-11-2006, 01:49 AM

مغبر المنتدى

03-11-2006, 09:38 AM

كنت اكتب الايوقت عد على الحبايب وقله تعال وشوف حال محبك Cc3333

ريمة البنات

03-11-2006, 09:55 AM

يالمغبر مشكور على المرور