طافها قطــار الزواج ؟؟

[كويتي]

مرحبا اخواني اعضاء منتدى العجمان

بعد التحيــة ..

حبيت اطرح عليكم موضوع واحب اني اشوف الردود عليه

الموضوع قطار العنوسة عند البنات ..

نسمع من الكثــر فلانه عانس او فلانه طافها قطار الزواج

هل تعرفون الاسباب من وراء هذى المشكله الي يعاني منها بنات كثر ؟؟

البعض يمكن يقول عشان مو حلوه ولا متينه ولا لا لا لا لا ..ألخ

لالالا يا اخوان في شغلات صدقوني غير هذي وشغلات تعور

القـــلب ..

انا اعرف سالفة صغيره .. في واحد عنده بنت عمرها الحين 35 سنه

مو راضي يزوجها عشان يستفيد من معاشها .. وهي دكتوره

وكثـــير الي تقدمو لها من جميع القبايل لكن ابوها رافض ..

ليش عشان يستفيد وخايف تروح منه هذي الثروه ..

وفي النهاية طااااااااااااافها قطار الزواج وخرب عليها عشان شنو ؟؟

عشان جم دينار حرمها من حياتها وحرمها انها تكون ام عشان الفلوس

شنو رايكم اخواني .. كثير من القصص في الوطن العربي عرضت هؤلاء

الفتياة الى قطــار العنوسة ..؟؟

في النهـــاية اخواني احب اسمع ردودكم على هذى الموضوع
الي كلكم تعرفون مدى خطورته وسلبيـــــــــاته على هذى
المجتمع العربــــــــــــــي الي نعيشــه والي نشوفه شائع
في بلـــدانه ..

لــــــــــــكم تحيـــــــــــــــاتي
اخـــــــــــــــــوكم
كـــــــويتي

[أبــيـــار]

تسلم كويتي على الموضوع الرائع


بس في بعض الحالات البنات هم اللي يرفضون الزواج اما تكلمت الدراسه وبهذا تكون هي اللي وصلت نفسها للعنوسه

وفي بنات رافضين فكرة الزواج من اساسها والسبب البلاوي اللي نسمعها

واكيد في اسباب ثانيه



وتحياتي

[كويتي]

تسلميــــــــن ابيار على المرور الكــريم

اكيد في اسباب كثيــره هي الي تسبب هذي المشكله

مو بس سالفت الاهل في سالفه وحده تقول انا احب واحد

وابيه واهلها مو راضين يمكن هي تبي تكمل دراسه

في نوع من البنات تقول انا ما احب الزواج ولا احب الرجال

كلهم عندها عزوف عن الرجال وتخاف من الزواج بسبب

عقده نفسيه او ما شبها ..

تحياتي لج كويتي

[أبــيـــار]

أما العقد النفسيه اخذ وخل

الله يستر على بنات المسلمين بستره ويوفقهم


تحياتي

[كويتي]

كثـــير الي يتعقدون من تجارب غيرهم
وكثير الي يشوف حيات امها وابوها
وتتعقد من الزواج وتخاف تخوض هذي
التجربه وتفشل مثل والديها .

[ابوتركى]

واللله انا برايى اخوى كويتى فيه اسباب


اولها ان البنت اتعذر فى دراستها عشان تكملها

وفى سبب ثانى الا هو الاب اذا كانت البنت موظفه

فالازم يستفيد من راتبها


وفى بنات يكون فيهم خوف على فلوسهم خاصة اذا كانت موظفه

والسبب الاكبر غلاء المهور اللى يلد نصيب البنت


وتحياتى لك

[كويتي]

الله ينور عليك يا ابو تركــــــي هذى احد الاسباب

وهذى سبب جنن الشباب المساكين عيال الكويت

قامو يتزوجون فلبنيات من الكافيهات والسبه هذى

السالفه المهور تلقاه المسكين يالله على قده ويروح

يخطب يبي يستقر يصلخوووونه بـ 8 الف دينار هههه

المسكين تصك في وجه الدنيا يكره اليوم الي خطب فيه

وصدقيني في اسباب كثيــره ماراح نخلص منها ..

لك تحياتي يا غالي
كويتي

[كويتيه]

يعطيك العافيه كويتي موضوع حلوو..

صراحه كل الاسباب اللي قلتوهاا صحيحه و مقنعه.. وانا عندي بعد سبب اشوفه في عايلتي...

انه الاباء للحين متمسكين في عادات وتقاليد قبل و يبون بنت العم حق ولد العم.. و العيال مايبون.. و حتى لو احد يتقدم حق البنات يقولون لا حق عيال عمهم و عيال عمهم مايبونهم.. والحين البنات كبرواا و محد صار يطق بابهم مثل اول وعيال عمهم مايبونهم؟؟؟؟ .. هذيل خوالي للاسف بنات متعلمين و ماشالله محتارمين وحبوبين بس للاسف كبرواا كلهم اعمارهم فوق ال 30 و قلييل منهم اللي متزوجات..

[كويتي]

كويتية كثــــــر من يعاني من هذي السالفه الي انتي تقولين
ان ابوج متمسك وهذي احد اسباب العنوووسه عند البنت

وتحياتي لج يا غاليه كويتي

[الحالم]

مشكور كويتي على الموضوع...العنوسه مشكله كبيره في الوطن العربي وبالذات في دول الخليج لان عاداتنا القبليه هي التي تحكمنا فلو تقدم الى احد بنات القبايل رجل يساله اهلها من اي القبائل هو ؟فلو كان (من قبيله غير معروفه) ينتهي الموضوع قبل ان يبداء.هذا من اهم اسبا العنوسه .مع حبي..الحالم.:D

[كويتي]

اخوي الحالم تسلم على مرورك وهذى احد اسباب العنوسه بعد

[المستشار]

مشكور أخوي كويتي على الطرح بالموضوع الحساس والذي يهم شريحة كبيرة في المجتمع الكويتي خاصة.

وقد تم نقل الموضوع لديوان الأسرة والمجتمع.


مع تحياتي


المستشار

[اليامي]

كاتب الرسالة الأصلية المستشار
مشكور أخوي كويتي على الطرح بالموضوع الحساس والذي يهم شريحة كبيرة في المجتمع الكويتي خاصة.



la;,v ;,djd

,hggi du'd; hguhtdi

[اليامي]

عفوا اخوي ما انتبهت

مشكور اخوي كويتي

والله يعطيك العافيه على المبادره الطيبه

[كويتي]

المستشار اخوي يعطيك العافيه ولاهنت على هذى الاطراء الجميل منك

وخذ راحتك يا غالي :)

تسلم اليامي مع اني مافهمت شنو كتبت هههههههه بس يالله لاهنت :)


تحياتي للجميع كويتي

[بخـــــــــــوت]

كويتي يعطيك العافيه مو ضوع رائع

احد اسباب العنوسه ؟

1 يمكن تكون شينه فيطوفها قطار الزواج . ولاهي صفه تعيب البنت ابداا الاخلاق اول واخيرن.

2 العادات والتقااليد عدم خروج البنت من جماعتها يعني تعنس ولاتطلع برا لان
الزواج من برا يجيب للبنت الكلام يعني يقولون تحب او معيوفه عشان كذا مالقت من جماعتها .<<<<< شوفو التفكير

3 القرعي(الحجر ) وهو اذا انخطبت البنت قامو حتى لو مو من عيال عمها قرعها عشان ما تطلع للغريب . وبذلك يقطع نصيبها

4 بعض البنات تحب فترفض الزواج على حساب حبها القديم .

5 غلا المهور اكيد من اهم الاسباب .

تحياتي


بخـــــــــــــــــــــــــوت

[كويتي]

اختــــــي العزيزه بخـــوت اسعدني مرورك الكريم
يا غاليــه وهذي الأسباب الي ذكرتيها من اهم الأسباب

الي تودي البنت في داهيه والمشكله انهم ما يدورن

ان العنوسه من وراها سلبيات كثــــــــيره واكثر مشاكل

مجتمعنا من ورى هذي السالفه ..

تحياتي لج يا غاليه
كويتي

[سوالف ليل]

سبحان الله
فيه اهالي واباء يحرمون بناتهم من حقهم في الزواج عشان الفلوس

سبحان الله
وفيه ناس مايتزوجون منتظرين امير وكثير اشوفها منتشره

كأن الامير هذا هو الي بيكون لها نعم الزوج والاب والاخ

عموما فيه اسباب تنبع من البنت نفسها وفيه اسباب من الاهل وفيه اسباب اجتماعيه عامه

بس نصيحتي احسن لها تقعد بلا عرس بلا هم

[كويتي]

سوالف ليل صرااااااااااحه متميزه ونشيطه
في جميع الأقســــــــام ولاهنتي علــى
المــــرور ..

واسمعو كلام سوالف ليل :)

تحياتي كويتي

[عزوف]

يعطيــــــــــــــك العافيه يا كويتي على هالموضع

بصـــــــــراحه انا شخصيا ما اعتبر البنت اللي ترفض الزواج او البنت اللي فرض عليها البقاء في المنزل بالرغم من تردد الخطاب عليها عانس !!

العانس في نظري التي لم يطرق بابها احد او من توقف الخطاب عن طرق بابها اوقلت الفرص بالنسبه لها

يوجد الكثير من البنات في مجتمعاتنا اعمارهم وصلت لل 35 وللحين ينخطبون ويرفضون لعدة اسباب هل نسميها عانس !!!

اخى العزيز انت اثرت نقطة مهمه وهي استغلال الاهل للفتاه وعدم تزويجها وللاسف تصل بعض الفتيات للعنوسه اللي انا اعتبرها مرحلة توقف الخطاب عن التقدم لها


هناك اسباب اخرى في تأخر اسباب زواج بعض الفتيات وهي تعنت الاباء في تزويجها بشخص من القبيله ورفض من يتقدم لها من خارج القبيله !! طيب اذا ما خطبها احد من جماعتها شنو تسوي اطق البيبان عليهم !!!

منطق خاطي واسلوب همجي ينتهجه بعض الاباء الله يهديهم

وهناك من ترفض الزواج برضاها وعن قناعه لانها مسئوله عن اهلها ولظروف اسرتها

والكثير الكثير من الاسباب

لكــــــــن اللي حبيت اوضحه هو وجهة نظري بمن نطلق عليها لقب عانس :)

اسفه على الاطاله لكن حبيت ابدي رايي

ثانكيو يا كويتي موضوع رووووعه

[كويتي]

تسلميــن يا نجمة المنتـــدى يا عزوف ولاهنتي
ياجــــــدي على هذى المرور ..

تحيــــــــاتي لــــــــش
كـــــــــويتي

[هــمس المشــاعر]

صراحه موضوع مهم وحبيت اوضح شغله اذا سمحتولي

شنوا يعني اذا الوحده ماتزوجت يانااااااااااااااااااااااس يااااااااعالم

مهما كان الابوا لو رفض عشان معاش بنته

والا ولد عمهااا حاجر عليهاااااااااااااااااا

والا البنت ترفض عشان دراستهااااااااااااا و و و و و و و الخ

هذااااااااااا كله ربنا اللي كاتبه والله لو ربنا كاتب لها نصيب وزواج

لو ابوهاااا موراضي غصبن عليه راح تتزوج اذا جاهااا نصيبهااااا

السالفه كلهاا مسأله نصيب يمكن ربي مو كاتب لهااا زوج بالدنياااا

انا بعرف ليش يعني اذا الوحده الله ماكتب لهااا الزواج حطوا فيها ميه عيب وعيب

وليش يكثر الحجي عليهاااا والله عيييييييييب ناس مع الاسف متخلفه اعذروني

بس هذا الصج

وهذي كل السالفه

وتسلم كويتي علي طرحك لمثل هالمواضيع المهمه

[الصقر]

أولا تصحــــيح لمعلومـــاتكم ( واحـــد جاي مطـــفي الليـــت )

الخليــــج مـافـــيه قـطـــارات

إلا واحـــــد ســكراب فى المملــــكة

نعـــود لموضوعنــا المهـــم العنوســـة

للرجـــل و المـــرأة إذا لــم تلجــأ للـــــه

ليوفــــقك بالـــزواج فلن تفوز

ثـــم من مـــنا يعــــلم مــا هو الســبب

الذي كتـــبه اللـــه بأنني إذا فعلـــته تــزوجت ؟

لا أحــد يعـــلم ! لأنـــه غــــيب . ولــــكن بــدون

زعـــــل ، بالنظـــر للمطلقـــات و الأرامـــل ومن

ذهب نصف عمــرها فقــد جــعل اللـــه الحـــــل

بحكمـــته و علمـــه للغـــيب فى تعــــدد الزوجـــات

انـظــــروا لبيـــوتنـا تجـــدون البنـــات خمـــس مقابل ولــد

واحـــد و هــذا معـــدل يزيـــد و ينقـــص فى كل بيـــت !!!

[كويتي]

لاهنتــــــــي همس المشاعر واسعدني مرورج يا غاليه

الصــقر حبيبي تسلم اخوي :)