>>الحظ جاير<< (( مانتستغني عن نقدكم الهادف ))

[صعب المنال]

السلام عليكم ورحمة الله وبركاته ..

لانستغني عن نقدكم وتوجيهاتكم ..



ااه ياقلبٍ من عنا الوقت صاير
حظه ردي وخاطره دوم مكسور
عايش بدنيا بها صرت حاير
خايف ومن خفايا الوقت مذعور
بنيت بأحلامي قصور وعماير
واليوم طاحت عماير وراحت قصور
من عقب ماكنت من الفرحه طاير
خيم علي الحزن وماصرت مسرور
القلب من ضيقته يابنت فاير
والعقل من رداة الحظ يابنت مقهور
بعض الكسور تفيد فيها الجباير
بس ماتجبر الخاطر ليصار مكسور
ثار الوله فيني ومعه الشوق ثاير
وكل من شاف حالتي قال معذور
لاصار هذا الحظ على طول جاير
احمد الله واشكره الحال مستور
الوقت يسري وانا مع الوقت ساير
بصبر وان شاء الله اني بالصبر ماجور
وختامها صلوا على سيد البشاير
محمد الهادي عدد ماطارت طيور


وسلامتكم . .


صعب المنال

[مناحي الصميل]

صح لسانك ياصعب المنال
وقصيده اكثر من رائعه وتشكر عليها
بس الوزن عندك فيـه خلل
وانا حاولت الحن القصيده بس ماظبطت معي
بغيت اسألك على أي لحن نظمت القصيده ؟

[صعب المنال]

حياك اخوي كاسب الطيب

وتسلم اخوي على اطرائك

واللحن اللي نظمت عليه القصيده من راسي

وانا عارف ان بيطلع بالابيات كسور . .

حاول فيها بلحن كذا والا كذا يمكن تضبط معك . . ;)

ويعطيك العافيه وتشكر على المرور

[مناحي الصميل]

صعب المنال
انا لحنت القصيده على لحن ( يقول من عدى على راس عالي ) كلحن بسيط
وبعض الابيات ضبطت وبعضها ماضبط وهذا يدل بوجود بعض الكسور بالوزن :)

بس صدقني ان مستواك تطوووور والله يزيدك :)

[مناحي الصميل]

حاول انك تعيد نظم القصيده على هاللحن واحذف بعض الزيادات واعيد ترتيب بعض البيوت :)
وانشالله تظبط معك

[زاهد]

ما اقدر اقول غير صح الله السانك وقصيدة اعتقادي انا انها جميله.. ( انا والله ماني شاعر) بس عجبتني

[صعب المنال]

مشكور اخوي كاسب الطيب على التعليق

بحاول فيها بلحن يقول من عدا

وان شاء الله مع الوقت نعدي مشكلة الوزن

ومنكم نستفيد يعطيك العافية


ومشكور اخوي ولا عدمنا تواجدك المستمر

اخوك


صعب المنال

[الملك]

حلوه بس اوزتها على لحن ماينقصها الى الوزن فديتك كل بيت لحن بروحه حاول من جديد والله يوفقك ناطر تعديلك فديتك

[صعب المنال]

صح بدنك اخوي زاهد

ومشكور على المرور

لاعدمناك

[صعب المنال]

مرحبا اخوي الاعصار

تسلم على المرور ويعطيك العافية ..

وان شاء الله بحاول اعدل فيها لين ماتضبط

ومانستغني عن توجيهاتكم وملاحظاتكم


لاعدمناك