المساعد الشخصي الرقمي

مشاهدة النسخة كاملة : ][ قـــرعه خليجي 18 ][

محمد بن جنيد
19-09-2006, 07:38 AM
أسفرت قرعة بطولة كأس الخليج الثامنة عشرة لكرة القدم التي ستقام في الفترة من 17 الى 30 يناير/ كانون الثاني المقبل عن مجموعتين متوازنتين تترأس احداها الامارات الدولة المضيفة فيما تترأس الثانية قطر حاملة اللقب.

وحضر الحفل الشيخ حمدان بن مبارك آل نهيان وزير الأشغال العامة رئيس اللجنة العليا المنظمة للبطولة ويوسف السركال رئيس اتحاد الامارات لكرة القدم تم توزيع المنتخبات الستة على المجموعتين وفقا لمراكزها في التصنيف الأخير للاتحاد الدولي لكرة القدم (فيفا).

وضمت المجموعة الأولى منتخبات (الامارات وسلطنة عمان والكويت واليمن) فيما ضمت المجموعة الثانية (قطر والبحرين والعراق والسعودية).

المجموعه الاولى :
الامارات
سلطنة عمان
الكويت
اليمن


المجموعه الثانيه :
قطر
البحرين
العراق
السعوديه


كل التوفيق لاخضرنا السعودي وللازيرق الكويتي


تحيتي
saprj
19-09-2006, 08:20 AM
كل الشكر لك أخي نيو بورن على موافاتنا بنتيجة قرعة خليجي 18

و لو استثنينا اليمن فإن بقية الفرق تعتبر متقاربة المستوى و خصوصا في

بطولة الخليج ...حيث المنافسة مختلفة ...و جميعها تعتبر فرصها متساوية

للفوز بالبطولة ...
محمد بن جنيد
19-09-2006, 08:28 AM
ياهلا ومرحبا اخوي سابرج
بكل تاكيد فرصه الحصول على البطوله متساويه للفرق السبعه

شاكر لك على المرور والتعليق

تحيتي
كويتيه
19-09-2006, 11:35 AM
مشكووووور على الموضوع.


والله يوفق ازرقناا

ويوفق اخييضركم..:)
تريكي
19-09-2006, 01:51 PM
الله يستر علي الازرق <<يسويهااا وياخذ البطولة ؟؟؟؟؟؟؟؟؟

الله يوفق جميع الفرق ونشوف مباريات عالية المستوي

أخي نيو بورن

لاهنت علي الخبريه
محمد بن جنيد
19-09-2006, 02:34 PM
كويتيه



ياهلا ومرحبا بالغاليه
عاش من شافج
وشاكر لش على الطله الحلوه والتعليق الحلوو

وكل التوفيق للازيرق في هالبطوله


تريكي

ياهلا ومرحبا

اتمنى ان البطوله تكون فيها منافسه قويه ومستويات حلوه عشان نستمتع بالمشاهده

شاكر على المرور والتعليق



تحيتي
بنت حمران النواظر
19-09-2006, 02:52 PM
احلى مافي البطولة انها بعطلة
ووقتها حلو

في بطولات الخليج مافي منتخبات فرصتها اكبر للفوز بالكأس
كل الفرق مستواها واحد
باستثناء اليمن
لكن هالشي مايخلينا نستبعدها


كل التوفيق أن شالله للفرق

لكن الفوز ان شالله للازرق وبس


تسلم نيو بورن عالنقل...
@الشيــــــــــــنه@
19-09-2006, 02:56 PM
اللللللللللللله غرامي كاس الخلييييييييييج



واتمنى التوفيق للازرق ..



واذا كلش كلش .. :(



العناااابي ..


وشكرا لك اخوي نيو بورن
محمد بن جنيد
19-09-2006, 03:59 PM
بنت حمران النواظر

الشينه

ياهلا ومرحبا فيكم


ومشكورين على المرور والتعليقات الحلوه

وكل التوفيق للازيرق وباقي المنتخبات الخليجيه


تحيتي
فزاع
19-09-2006, 04:25 PM
مشكور يالغالي

واتوقع انشالله الاخضر بيسوي شي

والله يكفينا حركات المنتخب القطري لانه كثيرأ
مايفعل اسلوب اهم شي مايفوز الاخضر وقد نذكر مافعله
اما منتخبنا في دورة الخليج اللي اقيمت في البحرين وعندها
كانت قطر خارجه من البطوله وكانت محصوره بين السعوديه والكويت
وقفلوا اللعب قدام متخبنا واهدو البطوله للكويت على طبق من ذهب
والدليل انهم احتفلوا بعد المباراه بالرقص في الملعب وغيرها
وبصراحه تضايقت يوم شفتهم في المجموعه معنا مو خوف منهم لايهزمونا
وانما من اللي ذكرت
محمد بن جنيد
21-09-2006, 11:34 AM
ياهلا ومرحبا بالاخ المحترم \ رمان

اسعدني تواجدك

بكل تاكيد قطر تجيد هالاسلوب والله يعين وخصوصا ان دفاع السعوديه (( مو ذاك الزود ))
ولكن فيهم الخير وان شاء الله البطوله ترجع لخزينتها الاصليه :)

ولاتنسى عندنا لاعبين هجوم لو يلعبون بلاعبين المعسكر كله مع مدربهم راح يمرون غصب طيب :)



شاكر لك على المرور والتعليق


تحيتي
كويتي
22-09-2006, 01:34 PM
http://www.alajman.net/vb/uploader/ahmad-alfahd.jpg


يســـــــــــويها الازرق ويعيــد ايام المجد :)

بنتظــــــــــــار البطولــة على نــار

كويتي
محمد بن جنيد
22-09-2006, 09:50 PM
ياهلا ومرحبا اخوي كويتي
اسعدني تواجدك

وكلنا ننتظر هالبطوله على احر من الجمر :)

وكل التوفيق للازيرق الكويتي

شاكر على المرور والتعليق


تحيتي
بسكوته
23-09-2006, 06:26 AM
شكككوووو اليمن :(


يسلمووووو عالخبر
وحيااااكم في بووظبي :) لوووووووووول بتكوون المبارياات في استااد زايد على ما اظن


وليش مااكتبت بالتوفيق للابيض

:)


وبالتووفيق للكل انشالله
وانشالله هالمره الابيض يرفعوون رااسنااا
محمد بن جنيد
23-09-2006, 06:34 AM
ياهلا والله بسكوته
مشكوره خيتو على الطله الحلوه

وكل التوفيق لمنتخب الامارات (( الابيض )) بصراحه مستواه يبشر بالخير
واتمنى انه ينافس على البطوله
وان شاء الله راح نجي نشجع اخضرنا في بو ظبي :)

تحيتي
بسكوته
23-09-2006, 06:54 AM
ياامرحباااااابكم

اللي اعرفه عن المستوى انه ماايبشر خير بس انشالله


وحاااااايكم اتنوروون والله

بس لازم تشجعوون الامارات :)
محمد بن جنيد
23-09-2006, 06:59 AM
مشكوره يابسكوته بكل تاكيد بنشجع الامارات بس اهم شي مهوب قداام اخضرنا :)

بصراحه منتخب الامارات بدأ يتحسن والا قبل حدث ولا حرج

للاسف يخسر من الهند واليمن :)
اما الحين تطور ملحوظ وتعادله مع الاردن شي يبشر بالخير


والله يستر ننتظر البطوله على احر من الجمر :)
بسكوته
23-09-2006, 07:12 AM
انشالله خيير

شووقتوونيه :) :)
فزاع
26-09-2006, 12:37 AM
كل التوفيق لمنتخب الامارات

لأن بصراحه ماله حظ في بطولة الخليج
ودايم ضده حتى وهو في احسن حالاته
والدليل عام 95 كان اقوى منتخب واستضاف البطوله
وكانت اقوى تشكليه كان الحارس مصبح ومعه اسماعيل راشد
وبخيت وخميس سعد ومحمد علي وحسين سعيد
والمخضرمين زهير بخيت والطلياني
مره فريق قوي لكن الحظ وقف ضده وخسروها وهم في ارضهم وبين جمهورهم

اتمنى له التوفيق ..عشان محمد بن زايد لانه غالي عندي

مودتي واحترامي لكم
محمد بن جنيد
26-09-2006, 05:32 AM
كل التوفيق لجميع الفرق الخليجيه

مشكور اخوي رمان على الاطلاله الحلوه

ولاهنت

تحيتي
محمد بن جنيد
26-09-2006, 05:46 AM
جدول مباريات كأس الخليج (http://)

و فيما يلي جــدول المباريــات :

الاربعاء 17/1/2007
الامارات x عمان 7:30
الكويت x اليمن 9:30

الخميس 18/1/2007
البحرين x السعوديه 5:10
قطر x العراق 7:10

الجمعه 19/1/2007 راحــــــــــة

السبت 20/1/2007
عمان x الكويت 5:10
الامارات x اليمن 7:10

الاحد 21/1/2007
العراق x البحرين 5:10
السعوديه x قطر 7:10

الاثنين 22/1/2007
راحــــــــــة

الثلاثاء 23/2/2007
اليمن x عمان 5:10
الامارات x الكويت 7:10

الاربعاء 24/1/2076
السعوديه x العراق 5:10
قطر x البحرين 7:10


الخميس 25/1/2007
راحــــــــة

الجمعه 26/1/2007
راحــــــــــة


السبت 27/1/2007
اول المجموعه (ا) x ثاني المجموعه (ب) 5:15
ثاني المجموعه (ا) x اول المجموعه (ب) 8:15


الاحد 28/1/2007
راحــــــــــة

الاثنين 29/1/2007
راحــــــــة


الثلاثاء 30/1/2007
مباراة تحديد المركزين الاول والثاني 5:20
و بالتوفيــق للمنتخبــات المشاركـة

مع العلم ان المجموعه الاولى ستلعب مبارياتها على استاد محمد بن زايد

والمجموع الثانيه ستلعب مبارياتها على استاد آل نهيان


تحيتي
حــروف الحــب
26-09-2006, 11:39 AM
.،.، New Born .،.،

يعطيــك الف عافيه علي جدول مباريات كأس الخليج
وكــل التــوفيق لكــل المنتخبــات ،،
والله يــوفق ازرقنـــا ،، ويكتب لنا الكــاس ان شالله :)

ولاهنت يالشيخ
محمد بن جنيد
26-09-2006, 12:39 PM
حروف الحب

الله يعافيش
وشاكر لش على المرور والتعليق

تحيتي
محمد بن ناصر
27-09-2006, 01:04 PM
يعطيك الف عافيه ولاهنت
محمد بن جنيد
28-09-2006, 07:22 AM
الله يعافيك
ولانت
مشكور على الرد