المساعد الشخصي الرقمي

مشاهدة النسخة كاملة : محاوله في تطوير شخبطاتي..

الجامحه!
10-09-2006, 12:13 PM
السلام عليكم ورحمة الله وبركاته



هذي محاوله

مو اني اصير شاعره <<بعيد عن وجهش

بس محاوله اوصل احساسي بصوره مختلفه .. يمكن تكون أقرب

أكيد راح تلقون كسور ..<<ولافيها بتلقوون لين تعجززون :D

هذا اذا ماكانت كلها مدشدشه :)

بس بصراحه انا كتبتها باحساسي رغم اني ماعرف أوزن بيت ....


وأبي رايكم وتوجيهاتكم



ضاع الكلام وضيعنـي حروفـه
كل ما كتبت الشطر ارجع امحيـه
وقلبي اللي غارق بوسـط خوفـه
ذابت عروقه ..والبقا في محانيـه
كيف اتناسى فزة الشوق وطيوفـه
يومه يعانـق خافـقٍ ميـتٍ فيـه
أشغلت نفسي بالغـرام وظروفـه
وهو ولا داري عن اللي تداريـه
المشكله يدري بحزنـي ويشوفـه
لو اني اخفي دمعتي لجل ارضيـه
داري بهمي وطعنتي من سيوفـه
ويسأل على قلبي عسا ماشر وشفيه
وش فيه غير اني فغيابه مكفوفـه
وفي حضرته ماشوف الا معاليـه
سوى عنا هالليل ..وباقي ضيوفه
شوق انرسم فعيون عذرا تناجيـه
ورجفة الم ترتجي لمسـة كفوفـه
عسى دفاها يشفـي اللـي يسويـه
واحلام الصبا وكلها في صفوفـه
أسطوره يحمل قافها كل معانيـه
حتى الشعر بعده وربـي اعوفـه
ولامن طلب وحده ابكتب واغنيـه
مير البلا ابياتي تراهـا مكشوفـه
حتى الغبي يفهم وش اللي انا اعنيه


وسلامتكم صح لساني طبعا..


من غير زف ..

انا قلت ادري اني مو شاعره ..<<سمعتوو :p


بس ابي رايكم كمحاوله ...







تحياتي وعذرا على شخبطاتي :p

اختكم الخجووله,,,الجامحه!
غنواووى
10-09-2006, 12:44 PM
يا سلام اذا هذى شخبطه أجل اشلون يكون الأبداع
كلامى هذا مومعناه انش اميرة الشعر لا معناه انى مثلش ما افهم شى بالشعر بس المهم ان الواحد يعرف يعبر عن احاسيسه باى طريقة كانت .


تقبلى تحياتى
الجامحه!
10-09-2006, 01:30 PM
شاكره لك مرورك اخوي ..((غنوى)) وتشجيعك..


والله رفعت معنوياتي,,,

وانشالله بأحاول تكون المحاوله الثانيه احلا من الاولى ...






( الحمدالله أول رد يطمن .. الله يستر من الباقي ) :D


شكرا على المرور العذب

والله يعطيك العافيه يالسنافي ..
لاهنت طال عمرك
تقبل فائق احترامي وتقديري ..
اختك.الجامحه!
عبدالله بن ذروه
10-09-2006, 01:32 PM
شخبطة حلوة......

أقصد قصيدة حلوة ..........

أتمنى لك التوفيق في مجال الشعر .......

تقبلي تحياتي





_________
هدفي رضاكم
الجامحه!
10-09-2006, 01:42 PM
وهذي كانت محاوله بس لان أصلا أنا ماني شاعره,,,

وشكرا على المرور المميز

وانشالله يجي يوم أصير شاعره وأكتب قصايد حلوه >>>> للحينها تحاول بعنف هههههههه

ويعطيك الف عاافيه ... اسعدني وزادني شرف مروورك ..
لاهنت طال عمرك
تقبل فاائق احترامي وتقدير ..
اختك.. الجامحه!
™ عبد الله ™
10-09-2006, 05:53 PM
أحــكــر أحكــر

حتى في قسم الشعر تشخبطين !! مهوب ناقصش شخبطة جدران السجن ههههههههههه

صــح لســانش يا الجامحه ..

ابيـات وكلمات كالدرر المنثوره . . لا ينقصها سوى صائغ "وزن"
لتكون في مستوى الجماليـّـه



<<== وهـ مير وهـ عالتعبــير :o
مناحي الصميل
10-09-2006, 10:57 PM
الجامحه
قصيده اكثر من رائعه
وعندي ملاحظه على الوزن ..
طريقه سهله ومفيده .. غني القصيده على لحن ( وش تنتظر يامحرق القلب بالنار )
وشوفيها كيف ... والاشياء الزايده حاولي انش تختصرينها
وبكذا راح تظبط وياش
وانشالله تتوفقين في ميدان الشعر
وصح الله لســانـــش ...
@الشيــــــــــــنه@
11-09-2006, 03:24 AM
فدييييت جموحه ياناااس


حتى خرابيطها حللللللوه :)



صح لسانتس بس
























لاعاد تعودينها;)
مــقــبــل
11-09-2006, 03:52 AM
الجامحه فعلن قصيده منثور بالعجائب

(بسوي حالي فاهم)
شوفي اختي ترى الوزن عندش ملعون جد جده


وزنيها ونا خووش وعقبه نزليها بكيفش
الجامحه!
11-09-2006, 12:15 PM
ارحب يافتى .. اسعدني مرروورك وزادني شرف ابشرك شخابيطي بكل مكان ..خخخ :)
ماني هينه خخخخخخخ <<شكووو
***
اخووي كاسب الطيب ,,اسعدني مرورك ,,وانشالله بلحنها وشكرا عالنصاايح وعلى التشجييع وانشالله المحاوله الثانيه تكوون افضل بكثيير,,اجمعين انشالله ..والله يعطيك العاافيه لاهنت على المروور تقبل فاائق احترامي وتقديري
***
يالبا قلبووش شاكره لش مرووورش ...خخخخخخخخخخخ انا قلت شخابيطي بالعنوان وهذي كمحاوله اولى .... واعوودش راح اتحسن انشالله..******
هلابك ومرحبا مقبل ياامحطمني انت انزين جامل خخخخخخخخ ,,انشالله احاااول اركز عالووزن اسعدني وزادني شرف مروورك والله يعطيك العافيه ..لاهنت يالسنافي ..
اختكم.....الجامحه!
راعي الدهما
11-09-2006, 12:37 PM
جيد تعبيرك عن مافي خاطرك


صح لسانك
بس ؟

حاولي تقرين قصائد كثيرة وتحفظينها وتعرفين وش بحورها وتغنينها

بعدها راح تعرفين اي خلل في البيت الشعري

تقبلي تحياتي

ولاتيأسين وإلي الامام الله يوفقش





أخوك

راعي الدهما
الجامحه!
11-09-2006, 01:45 PM
اخوي راعي الدهما شاكره لك مررورك اسعدني مررورك في صفحتي وزادني شرف..

الله يعطيك العاافيه ...وانشالله بحااول :)

تقبل فاائق احترامي وتقديري ..
اختك.. الجامحه!
سمـــوم
14-09-2006, 04:41 AM
الله الله

صح لسانش جموحه


مع اني ما افهم بالشعر بس كافي الاحساس اللي ميزها وصراحه حسيت فيش ;)


مشكوره جموحه وماعليش من الشينه بانتظاااار جديدش :)



تقبلي فائق احترامي

أخيتش:

*اليــ!!ــاميه*
الجامحه!
15-09-2006, 04:09 PM
خخخخخخخخ هلا واللله بالياااميه .. اسعدني مررورج .. الله يعطيج العااافيه ..رفعتي معنوياتي :) خخخخخ

لاهنتي ..
الملك
14-10-2006, 09:10 AM
شخبطي ماعليش فيهم كل الي انتقدوش اكبر كسور وجدت فالشعر عندهم في قصايدهم شخبطي بس لايهمونش
مودماني
15-10-2006, 01:29 AM
تبين رايي

طيب سجلي رايي

لو الوزن كامل كان مدحتها


بس دام الوزن ماله علااقه بكل صدق لا تعتبر قصيده لن القصيده مرتبطه بثلاث اشياء ( الوزن.القاف.المعنى )

اذا نقص منها شيء واحد بنلقا لها اسم ثاني غير القصيده


ركزي على الوزن فقط
الجامحه!
15-10-2006, 03:13 PM
(( اخي الكريم .))..
يشرفني ,, ان اول مشاركه لك (( في هذه الصفحه)) ,,
كل الشكر لك عالمرووور المميز ..
(( ولاهنت .. عالنقد وانشالله اكون عند حسن الظن بالجاي )) ,, لاهنت
عجمي في لبنان
16-10-2006, 04:58 AM
الجامحه

جميله هـ المشاعر اللي تحملينها

وجميله هــ الشخبطه الراقيه

وترى اغلب القصيده موزوونه وانتي الظاهر ماتدرين لكن الغالب اوكي

اتمنى لج التوفيق في الحياه وبالشعر

ارق الأماني واعذبها