ورفقه لاسقيه من موقي وآيود .. دامني حي .. ما تذبل غصونه !

[ركايز]

السلام عليكم ورحمه الله وبركاته

ابيات متواضعه اضعها بين ايديكم وهي رديه لاحد الشعار
شاكاني بابياته وكان هذا الرد ..


لك سلامي في غرة الشمس معقود
مع آخر نجــمة ٍ فالليل .. وشجونه
ومن بارق دنت له السحب برعود
اسقـت مداهيـله .. واروت ظعـونه
الونه يا .... يالي تلعب على العود
تلت معاليق القلب ويرت الحونه !!
ما غير انا والموق وخافقي الميهود
وروح ٍ من عنا الوقت .. مرهونه !
لي خيم الليــل .. وتالي بكـى زود
كلن يبيح خافي الوجد .. بفنـونه !
وانا كذا تشلني النسمه لآخـر لعود
وترجع تقفيبي .. بحـزن مغبونه !
تسريني واسريها ونطوي الحدود
ولي اسفر الصبح اوادعها محزونه
لا يموت غصنك وعده باقي اعهود
والورد ما فـاح .. بطيب مخزونه !
ولا تقول يا صاحبي خلك على المود
معـك .. ولا ترى النفـس ممحونه !
ولا تحسب اني ع فرقاك .. فـ سعود
ما اغير اسـاير الهم وتالي اطعونه !
ويا كيف العــود مات وتوه مولود !
ما مـداه يشـرب .. بـارد مـزونه !!
ورفقــه لاسقيه من موقي .. وآيود
دامني حـــي .. ما تذبــل غصونه !
اذريه بالوفـا .. ومن غلايـه احشود
وكل ما نثني غصنه المعاليق يفدونه
خـلك معـي ع يـور الزمـن جلمـود
نسـايره وتالي نخـالف بنـد قانونه !
ولا بـد ما يعـي الـوقـت .. ثم أيـود
وخـلك عقب البطــا .. عـل تلفــونه
ونهـديك من دار زايـد عـذب لورود
ولا عـاد به حــزن والشقـا تقفـونه
والغصن يحيـا والطير يغنـي بنشود
وبالفـرح يزهــى بشــوف مضنونه




وسلامت من قرا
خويتكم / طير الحبارى

[مناحي الصميل]

صح اللـــــه لســانــش ,,
قصيده اكثر من رائعه ..
تقبلي احر التحيات ..

[ركايز]

كاسب الطيب

ما عليك زوود وبدنك صاحي يا خويه
وتسلم ع ذا المرور الطيب ..


..

وسموووحه كان ودي احط الشاكاه ومن عقبها الرد يا غير ما قدرت
اعدل المشاركه وهاذي هي المشاكاه وهي لشاعــر ( عشق إبدوي )




الغصـن لا منّـه شكـا هبّـة النـود !
يبكي العذق .. لا مـن تمايـل غصونـه
و أنا الغصن و إنته كذا .. آخـر العـود
والنـود يلعـب بـي و آزرت أخـونـه
ياللـي سواتـك كنّهـا .. أول الـجـود
من مـوق فنجالـي .. تمهّـل طشونـه
إسكب جعـل عيـن الغـلا تحفظـك زود
و لا تقول : وحليلـه إغمظتنـي عيونـه
خلّيني بـفقدك شـرى (( قلـب معقـود
فيه الحزن .. و أزريت أوفـي ديونـه ))
دونـك غـدا حـال المواليـف مفـقـود
وشلون قلبي عقب مـا رحـت أصونـه
ألعي و كـن اللـي حصـل بيننـا جـود
و آقول : ما عقبك و قبلـك .. شجونـه
ياللي سواتك مسويّـه فـقلبـي إخـدود
من يـوم مـا أقفيـت عنّـي .. ظنونـه
و الليل ما عاد السهـر فيـه .. مـردود
إلا ممكـن مـن عيونـي ... و عيونـه
من يوم ما شدّيـت .. و القلـب مكـدود
شوق و كدر .. و الحزن يبّـس متونـه
أبكي و صوتي جاوبه .. صفعـة الـذود
فالتالي اللـي مـن سنينـي .. وبونـه
ياللي هديت لدرب بو مشعـل .. الـزود
من هم أيامـه .. و كـدره .. و جنونـه
خلك على طبعـك .. مثـل هبّـة النـود
لا تحفـل بغصنـي .. ولا تقـول عونـه
ما دام كل العمـر فـي شوفتـك عـود
إكسـره و خلّينـي بدونـك .. ودونــه
عايش على هامش (( حزن )) يعليه فزود
ما دام حزني .. صورتك في عيونه !!!!!
و إن شفتني .. ميّـت و تاكلنـي الـدود
قول إدفنوه .. تحت إشجرتهـا غصونـه
عل و عسى باقـي شعـر كـان مفقـود
يثمر على ذيـك الغصـون .. و ترونـه



وردي عليها ..



لك سلامي في غرة الشمس معقود
مع آخر نجــمة ٍ فالليل .. وشجونه
ومن بارق دنت له السحب برعود
اسقـت مداهيـله .. واروت ظعـونه
الونه يا عشق يالي تلعب على العود
تلت معاليق القلب ويرت الحونه !!
ما غير انا والموق وخافقي الميهود
وروح ٍ من عنا الوقت .. مرهونه !
لي خيم الليــل .. وتالي بكـى زود
كلن يبيح خافي الوجد .. بفنـونه !
وانا كذا تشلني النسمه لآخـر لعود
وترجع تقفيبي .. بحـزن مغبونه !
تسريني واسريها ونطوي الحدود
ولي اسفر الصبح اوادعها محزونه
لا يموت غصنك وعده باقي اعهود
والورد ما فـاح .. بطيب مخزونه !
ولا تقول يا صاحبي خلك على المود
معـك .. ولا ترى النفـس ممحونه !
ولا تحسب اني ع فرقاك .. فـ سعود
ما اغير اسـاير الهم وتالي اطعونه !
ويا كيف العــود مات وتوه مولود !
ما مـداه يشـرب .. بـارد مـزونه !!
ورفقــه لاسقيه من موقي .. وآيود
دامني حـــي .. ما تذبــل غصونه !
اذريه بالوفـا .. ومن غلايـه احشود
وكل ما نثني غصنه المعاليق يفدونه
خـلك معـي ع يـور الزمـن جلمـود
نسـايره وتالي نخـالف بنـد قانونه !
ولا بـد ما يعـي الـوقـت .. ثم أيـود
وخـلك عقب البطــا .. عـل تلفــونه
ونهـديك من دار زايـد عـذب لورود
ولا عـاد به حــزن ..والشقـا تقفـونه
والغصن يحيـا والطير يغنـي بنشود
وبالفـرح يزهــى..بشــوف مضنونه





وسلامت من قرا
خويتكم / طير الحبارى

[محمد المحلكم]

صح لسانك
قصيده رائعه

[™ عبد الله ™]

يا ســــلالام يا طيــر الحبــارى

ابيــات وردّ رائعيــن

صح لسانك

[ركايز]

محمد المحلكم

وبدنك صــاحي ,, ويعلك سالم ع ذا المرور
لا هنت تشرفت بحضور شخصك وتعنيك لقراءة ابياتي
دمت بود



فتى البزابيز

ما عليك زوود ,, وصح عظامك يا خويه
وســــلامي لك ع ذا الخطفه الطيبه ,, لا عدمناك