بنت البدو شيخـة فطنـه ورعبوبـه

[ابن وعيل]

بيت الشعر عنـك مانوّيـت بالتوبـه
ولانويت أبتعد عن حمر الأطعاسـي

أستهوي الضو بوجه البيت مشبوبـه
وأستهوي البن يحمس وسط محماسي

وأشفق لشوف الغضى يبسٍ ومحطوبه
وشوف الدلال الصفر يبري تعوماسي

وأفرح بقرم(ن)يكر النار فـي ثوبه
وريحة غضاها يرد الروح الانفاسي

وأسعد بشوف الحلال وحزة غروبه
الى ضوت للعشا تقرع بالأجراسـي

والبل تبغي العشا ترغـي ومشعوبـه
والراعي اللي مع الحيران محتاسـي

يازين شوفة نجوم الليـل مصحوبـه
مع بدرها اللي ينور عتم الأعماسـي

ينعش فؤادي نسيـم البـر وهبوبـه
وريح الخزامى الياهبـت بنسناسـي

والمهره اللي عسفها العـود بسلوبـه
من دون سرجٍ ركبها عالي الساسـي

وشيهانةٍ للقنـص تطلـع ومطلوبـه
تطلع بعيـد وغلاهـا مالـه قياسـي

بنت البدو شيخـة فطنـه ورعبوبـه
تعوذ مـن كـل شيطـانٍ وخناسـي

الى لفا الضيف مثل البـرق لهلوبـه
سيفٍ تصاقل فملعب كل الأجناسـي

ماعمرها جات مخزومـه ومغلوبـه
غنـدورةٍ والعقـل أنفـوذه سياسي

مرغوبـةٍ حيـل ايـوالله مرغـوبـه
من مجلسٍ النشامـى فيـه جلاسـي

يا نار أكلي حطـب00 ماعندناتوبـه
حنا بدو دايـمٍ نمسـي فالأطعاسـي



الراسية

[اطياف الماضي]

انشهد

يا نار أكلي حطـب00 ماعندناتوبـه
حنا بدو دايـمٍ نمسـي فالأطعاسـي


صح لسانك اخوي ابن وعيل وصح لسان الراسية

الله يعطيك العافية
تحياتي ,,

[cool]

السلاااام عليكم ورحمة الله وبركاااته

أستهوي الضو بوجه البيت مشبوبـه
وأستهوي البن يحمس وسط محماسي

صح لساااااانك ابن وعيل وصح لسااان الشاااعره الراااسيه .

أختياااار مميز منك الغااالي ولا هوب غريب .

تسلم ولا هنت

كـووول

[ابن وعيل]

اطياف الماضي لاهنتي واشكرك ع المرووووور

كوووول يعطيك العافية وشاكر لك تواصلك


تقبلوا تحياتي

[ابوتركى]

بن وعيل


صح السانك ولسان شاعر القصيده

تحياتى لك

[روووووعه]

الى لفا الضيف مثل البـرق لهلوبـه
سيفٍ تصاقل فملعب كل الأجناسـي

صح لســـــــانك يابن وعيل وصح لسان الراسيه ..

لاهنت على النقل ..

تحياتي لك ,,

رووووووووعه ,,

[وردة&العجمان]

صح السااااانك والسااااان قايلهاااااااااا



تحياتي يابن وعيل :)

دمعة^الوادي

[ابن وعيل]

ابو تركي

رووووعه

دمعة الوادي


هلا وغلا فيكم وسعدني مرووووووووووركم




تقبلوا تحياتي