واوجودي وجد من جلي عن دياااره امجنى ** تو عمر عشر واربع والليالي ماتحنّه

[سمـــوم]

السلام عليكم ورحمة الله وبركاااته

أعود اليكم بمشاركه جديده اتمنى انها تعجبكم وتراهي حلوه بس طويله شوي يعني لا قريتوها كلها ما راح تندمون :)

تفضلو تناوشووووها
7
7
7
7
كل ما فاضت عيوني باشت الاضلاع غنّى=الموارد في الضلوع وكل ضلعٍ فيه ونّه

والتمني مايحقق هقوة قلبٍ تمنّى=بس قلبي مايداني تبعد الهقوات عنّه

واوجودي وجد من جلي عن دياره امجنى=تو عمره عشر واربع والليالي ما تحنّه

ما وراه الا عجوزه واخته وعودين مسنّى=بين فقر وبين دين وبين ضيم وبين منّه

ماذبحهم غير دمعن من الغضينه ما يكنّى=ويل من سود الليالي بالمصايب يبتلنّه

راح مثل الذيب واهبلته حياة الذيب ونّى=وامنن والموت يومي بين مخلابه وسنّه

راح ينقل دم قلبه و ان ضواه الليل ونّى=الذيابه مروحاته والسيوف يدورنّه

لا ذكر دم القرايب عانق البيدا وثنّى=و ان ذكر ضحكة امه زاع قلبه من مغنّه

مايلوعه في حشاه الا لا شاف البرق ثنّى=غاب عشر سنين مابه من يرد العلم عنّه

ان حداه الخوف منّا هزة الاشواق منّا=يوم طال الوقت عوّد للديار اللي ربنّه

قال ما دام المذله والبلاوي يبتلنّا=والله ان الموت بين الربع والاوطان جنّه

يوم عوّد في المنازل ما لقى بيتٍ امبنّا=غير بيتٍ للهبايب والذواري يلعبنّه

راح يمه كنه اللي ضاربه رمحن مطنّا=واعذابه ما درا ان سهوم بقعه يحترنّه

يوم قرب سمعه لين صوتن من العله يحنّى=حصل امه عندها ضيفن يقول الموت سنّه

قال يمه قالت عيوني من الدمع انعمنّى=قال ابوي وقالت اطوال النصايب قد خذنّه

قال واختي قالت اقفى القوم باختك مع ظعنّا=قال وربعي قالت اسنين المجاعه فرقنّه

قال جيتس قالت ان الموت ما ظني يتونّا=واستلمها نازع الارواح روحن مرجهنّه

ثم (صاااح) من التفرق صيحة اللي فيه جنّى=دق صدره وانطوا من حر مابه طيشنّه

كل هذا حال قلبٍ من خلق الله امعنّا=الهموم يوكلنّه والروابع ياكلنّه

ليه أدور للسبايب والسبب فينا ومنّا=النفوس وماتسوي واليدين وما احصدنّه

لا توسد للخطايا تلحق الشرهه زمنّا=ماجزانا الا عملنا والحقايق يثبتنّه

قلت اجرب وش ورانا بنتسلى وانتهنّا=الليالي ماتخالف من طلب شيٍ عطنّه

قلت هز العود صفق النود قال النود حنّا=ماذكربه عودنا الا والهبايب يطرقنّه

قلت في دارك غريب وقال حوّل في وطنّا=لك محلٍ في قصور له سيوفٍ يحتمنّه

قلت اهلنا قال والله مانعيب اسلوم اهلنا=والعفيف من الهوى مابه علومٍ يحرمنّه

وابتدينا قصة السبع العجاب ومللنّا=كل عام يمر يعطينا من اللوعات فنّه

وافترقنا مالقينا من يرد العلم عنّا=غير حبٍ للهبايب والذواري يلعبنّه
الشاعر/خالد بن مدعث



وسلاااااااااااااااااااااااااامتكــــــــــــم.....

[ابن صليفيح]

اليامــــــــــــيه

يعطيش الف عافيه

وفعلن القصيده حلوه مشكوره علي

ما نقلتي لناااا

اتمني لك التوفيق.....

[فيصل الخالد]

الاخت الياميه


شكرا على اتحافنا بهذه القصيده الرائعه


ولكن اتمنى عليك ان تذكري اسم الشاعر


هل هي لك او لغيرك من الشعراء

لك كل الود والاحترام

[أشهب الـلال]

لا ذكر دم القرايـب عانـق البيـدا وثنّـى=و ان تذكر ضحكة امه زاغ قلبه من مغنّـه

مايلوعه في حشاه إلا لا شاف البرق سنّـى=غاب عشر سنين مابه من يرد العلـم عنّـه


وصف رائع.. وإبداع لا يتقنه إلا القليل وَمنهم..


خالد بن مدعث الدوسري

صح ألسانه وأعتلا شانه.

الأخت الكريمه

الياميه

لكِ جزيل الشكر على مانقلتِ لنا

وللقصيده مُجاراة كتبها

الشاعر ناصر بن فارس الفراعنه السبيعي..

لاتقلٌ روعتها عن هذه القصيده.

كلهم مُبدعين .. كأبداعك وأختيارك.

لكِ جزيل الشكر

أخيك

[عيد بن شدقان]

صح السان الشاعر المبدع/خالد بن مدعث الدوسري




وتسلمين

يالياميه


اختيار رائع


الله يعطيش الف عافيه

[ناثرة الورد]

قصيدة رائعة جدا
مشكوره على الاختيار الراقي..

[^تسـوااهن^]

ان حداه الخوف منّا هـزة الاشـواق منّـا=يوم طال الوقت عوّد للديـار اللـي ربنّـه

قـال مـا دام المذلـه والبـلاوي يبتلـنّـا=والله ان الموت بين الربع والاوطـان جنّـه





ثم (صاااح) من التفرق صيحة اللي فيه جنّى=دق صدره وانطوا من حر مابـه طيشنّـه

كل هذا حال قلـبٍ مـن خلـق الله امعنّـا=الهمـوم يوكلـنّـه والـروابـع ياكلـنّـه



قصيدة تعور القلب :(



صح الله لساان [color=#3300FF]بن مدعث الدوسري

ولا هنتي اختي الياامية على الاختياار الرااائع

[بندر]

ان حداه الخوف منّا هزة الاشواق منّـا
.........يوم طال الوقت عوّد للديار اللي ربــــنّه
قال مـا دام المذلــه والبـــلاوي يبتـلــنّـا
........والله ان الموت بين الربع والاوطان جنّه
.
.
الله الله

قصيده رائعه من أبن مدعث قد سمعتها بصوته ..

وتوجّد لايجيده الا الشعّار الكبار ..

ومثل ماقال أخوي الغالي أشهب الّلال هناك مجاراه له من ناصر الفراعنه ..

لاهنتي على مانقلتي ولش كلّ الشكر ,,

[м8ąĐїṜ]

يوم قرب سمعه لين صوتن من العله يحنّى=حصل امه عندها ضيفن يقول الموت سنّـه
قال يمه قالت عيوني مـن الدمـع انعمنّـى=قال ابوي وقالت اطوال النصايب قد خذنّـه
قال واختي قالت اقفى القوم باختك مع ظعنّا=قال وربعي قالت اسنين المجاعـه فرقنّـه

الله الله

اليـاميـه

صح لسـانك وصح لسـان بن مدعث الدوسري..:)

وفعـلاً مثل مـاقال الأخ../أشهب اللال..هذه مجاره لنـاصر الفراعنه والتسجيل عندي..:)

ولاهنتــي على النقــل الجميــل..

لــكِ جزيل الشكر

[سمـــوم]

اليامــــــــــــيه

يعطيش الف عافيه

وفعلن القصيده حلوه مشكوره علي

ما نقلتي لناااا

اتمني لك التوفيق.....


الله يعافيك يا ابن صليفيح والاحلى هو مرورك الكريم

[سمـــوم]

الاخت الياميه


شكرا على اتحافنا بهذه القصيده الرائعه


ولكن اتمنى عليك ان تذكري اسم الشاعر


هل هي لك او لغيرك من الشعراء

لك كل الود والاحترام

العفو اخوي فيصل الخالد هذي القصيده للشاعر خالد بن مدعث الدوسري وياليتني اقدر اكتب بيت يوازي بيت من بيوت القصيده ومشكور اخوي على مرورك

[سمـــوم]

لا ذكر دم القرايـب عانـق البيـدا وثنّـى=و ان تذكر ضحكة امه زاغ قلبه من مغنّـه

مايلوعه في حشاه إلا لا شاف البرق سنّـى=غاب عشر سنين مابه من يرد العلـم عنّـه


وصف رائع.. وإبداع لا يتقنه إلا القليل وَمنهم..


خالد بن مدعث الدوسري

صح ألسانه وأعتلا شانه.

الأخت الكريمه

الياميه

لكِ جزيل الشكر على مانقلتِ لنا

وللقصيده مُجاراة كتبها

الشاعر ناصر بن فارس الفراعنه السبيعي..

لاتقلٌ روعتها عن هذه القصيده.

كلهم مُبدعين .. كأبداعك وأختيارك.

لكِ جزيل الشكر

أخيك


اشهب اللال اشكرك على مرورك الكريم وفعلا اثنينهم مبدعين وعندي رد الشاعر ناصر الفراعنه اذا حبيتو انزلها لكم نزولتها :)

[سمـــوم]

عيد بن شدقااااان >>> تسلم على الرد الجميل والله لايحرمنا من ردودك :)

ناثرة الورد >>> حياش الله حبيبتي والاروع هو مرورش :)

تسواااهن>>>صدقتي انها تعور القلب انا يوم سمعتها قعدت يومين ماني بطيبه تعرفين احنا يالجنس الناعم رقيقات مانتحمل كذا واشكركش على مرورش ;)


رااااعيها>>>لي الفخر بمرورك اخوي راعيها وانا من اشد المعجبين بمحاوراتك وتراني صوت لك في منتدى المحاوره عشان كل ما اكتب موضوع ترد علي :p

بركاااان>>>الله لا يحرمني من مرورك اللي تعطر به مشاركاتي وانا بعد عندي تسجيل القصيده بس ماعرفت انزلها بالمشاركه اذا قدرت تنزلها بكون ممتنه لك :)


واخيرا مثل ماذكرت عندي رد الشاعر ناصر الفراعنه على ابن مدعث اللي حاب انه يقراه يقولي وانا ان شاء الله بنزلها

وثاني مره مشكورين على ردودكم والله لايحرمني منكم ولا من منتداي الغالي

<< امها بتصفقها تناديها يله اخليكم :)

[الاحرش]

صح السان الشاعر/خالد بن مدعث الدوسري




ولاهنتي

يالياميه


اختيار رائع

[شرس]

صح السان الشاعر المميز خالد بن مدعث
الياميه
اختيار جميل جدا
ومشكووووره
والله يعطيش العافيه

[سمـــوم]

الاحرش


شرس


اشكركم على مروركم الكريم

[مــقــبــل]

اختي اشكرش على ماتقلت يداك

وما اختارت عيناك من اروووع القصائد

فعلن قصيده محزنه ولاكن من افضل القصائد الي قريتها

مع خالص تحياتي مــــقـــبل

[سمـــوم]

حياك الله اخوي مقبل مشكور على المرور الطيب

[زعفرانة العجمان]

اليــــــــــــــاميه
صح السانج يالغلا والسان شاعرها
قصيده في قمه الروعه

تحيـــــــــــــــــــاتي فديتج


الزعفــــــــــــــرانه

[الملك]

رووووووووووووعه المشاركــه
لا والي عاده اروع اختيــــــــارش
لاهنتي يالياميــه وناطرين جديدش
اخــــــــــــــــــــوش/الاعصــــــــار

[ابو راكان *]

قال يمه قالت عيوني مـن الدمـع انعمنّـى ==قال ابوي وقالت اطوال النصايب قد خذنّـه

قال واختي قالت اقفى القوم باختك مع ظعنّا==قال وربعي قالت اسنين المجاعـه فرقنّـه

قال جيتس قالت ان الموت ما ظني يتونّـا==واستلمها نازع الارواح روحـن مرجهنّـه


وجدي عليه وجداه

عزالله انه توجد


لاهنتي يالياميه على النقل الرائع

ولاتحرمينا جديدك

[سمـــوم]

اليــــــــــــــاميه
صح السانج يالغلا والسان شاعرها
قصيده في قمه الروعه

تحيـــــــــــــــــــاتي فديتج


الزعفــــــــــــــرانه

هلا وغلا بزعفرانتنا :)

نورتي حبيبتي

والاروع هو مرورش العطر

تشكرات حبيبتي..

[سمـــوم]

رووووووووووووعه المشاركــه
لا والي عاده اروع اختيــــــــارش
لاهنتي يالياميــه وناطرين جديدش
اخــــــــــــــــــــوش/الاعصــــــــار

حياك الله اخوي

[سمـــوم]

قال يمه قالت عيوني مـن الدمـع انعمنّـى ==قال ابوي وقالت اطوال النصايب قد خذنّـه

قال واختي قالت اقفى القوم باختك مع ظعنّا==قال وربعي قالت اسنين المجاعـه فرقنّـه

قال جيتس قالت ان الموت ما ظني يتونّـا==واستلمها نازع الارواح روحـن مرجهنّـه


وجدي عليه وجداه

عزالله انه توجد


لاهنتي يالياميه على النقل الرائع

ولاتحرمينا جديدك

يالله انك تحييه :)

مرحبابك اخوي متيه العشرا

اشكرك على مرورك الكريم ولا تحرمنا من ردودك :)

[مهندس الكلمة]

قصيده رائعه رائعه بروعة ناقلها

لاهنت يالياميه
وصح لسان خالد بن مدعث

وما دام هذا طبعك فحنا من ربعك

[bird of shalwa]

يوم قرب سمعه لين صوتن من العله يحنّى=حصل امه عندها ضيفن يقول الموت سنّـه

قال يمه قالت عيوني مـن الدمـع انعمنّـى=قال ابوي وقالت اطوال النصايب قد خذنّـه

قال واختي قالت اقفى القوم باختك مع ظعنّا=قال وربعي قالت اسنين المجاعـه فرقنّـه

قال جيتس قالت ان الموت ما ظني يتونّـا=واستلمها نازع الارواح روحـن مرجهنّـه

ثم (صاااح) من التفرق صيحة اللي فيه جنّى=دق صدره وانطوا من حر مابـه طيشنّـه

8
8
ياعوينه عويناه






اختي / الياميه

صح لسانش ولسان الشاعر / خالد ابن مدعث الدوسري

فعلاً قصيده رائعه .. ومن أفضل قصايد التوجد وسمعتها مغنّاه من قبل ..

لاهنتي على النقل الرائع والأختيار الجميل ..

تقبلي مروري البسيط ..مع فائق تقديري ومتابعتي لش ..

[سمـــوم]

مهندس الكلمه


طير شلوى


حياكم الله


مروركم شرف لي :)