والله اني يالطيف الروح رجال قنوع

[فيحان]

اليكم هذه المشاركه المتواضعه:



يالطيف الروح حبك نابت ٍ بين الضلـوع=
مثل غرس ٍ نابت ٍ في وادي ٍ مابـاح مـاه
تربته من قلبي المجروح وماه من الدموع=
والضلوع اللي سكن فيها تصونه وتحَمـاه
عاش في ذيك الليال الماضيات اللي تروع=
بين هم وبين حزن وبين خوف وبيـن آه
حافظينه بالسنين وبالشهور وبالسبـوع=
ماحد ٍ يدري عن اللي شايلـه قلبـي وراه
وانت ناوي بالقطيعه مانشوفك يالقطـوع=
ناوي ٍ تذبح خفوقي واعنـا قلبـي عنـاه
ماترجينا الطماعه والطماعـه للطمـوع=
شوفتك عندي تراها مكسـب القلـب ودواه
والله اني يالطيف الروح رجـال ٍ قنـوع=
ماطلبتك غير نظره مـن بعيـد وبالعبـاه
والعواذل لاتحط اذنك لها عبـد ٍ سمـوع=
كل عاذل يالطيف الـروح ياكلـه حصـاه

[عيد بن شدقان]

الله الله الله


صح السان شاعرهاا وناقلهااا



ولاهنت

يافيحان
وكان بودنا انك ذكرت لناا اسم شاعر هذه القصيده

الله يعطيك العافيه