استغلال الأزواج لرواتب زوجاتهن !!!

[الوطن]

استغلال الأزواج لرواتب زوجاتهن !!!




http://www.pennyparker2.com/secrets5.gifhttp://www.pennyparker2.com/secrets5.gif



بدأت ظاهرة استغلال بعض الازواج لرواتب زوجاتهن تنتشر بطريقة محزنة ومخجلة,والغريب في هذاالامر ان بعض الازواج يتفاخروا في مجالسهم فيما بينهم وكأن صفة الاستغلال استبدلت بصفة الوفاء,اي علاقة زوجية ناجحة لابد ان تكون مبنية على أسس وقواعد مبدئها التعاون وتبادل الآراء والأفكار,في كل مايتعلق بأستقرار الأسرة,ولكن في حدود المعقول وتحت ظل حروف كلمة رجل,والمعترف به بأن الرجل هو المسؤول الاول والأخير عن تغطية كل احتياجات ومتطلبات الأسرة,بما فيها مصاريف الزوجه من مأكل ومشرب وملبس وغيرها,ولوحظ مؤخراً توجه الشباب في عملية اختيار شريكة الحياة الى المرأه الموظفه او التي تملك عقار او ورث,بغض النظر عن المواصفات والمقاييس والمعترف عليها من قبل الشباب, ولا بأس ان يكون هناك تعاون مابين الزوجين في الامور الاقتصادية لمواكبة متطلبات الحياة وغلاء المعيشة في هذا العصر,بشرط ان لا يتحول هذا التعاون الى فرض و واجب على المرأه,وربما التمسك بقناع العادات والتقاليد التي تنص الرجل ان يكون المسؤول الاول والأخير عن إدارة الشؤون المالية من راتبه الخاص,حتى لو كانت الزوجه تعمل وتتقاضى راتب ليس من المفترض ان تساهم في هذه المسؤولية الا اذا كانت مقتنعة تمامآ وعن طيب خاطر,ولا يجوز استخدام اي وسيلة ضغط على الزوجه وعلى سبيل المثال بالتهديد والوعيد ام بالزواج او الهجران,ولكن كلي حزنآ ان اقول أن بعض الازواج يقوم برسم خطة مفبركه للوصول الي اهدافة الغير شريفة وتتضمن عدة مراحل,ويبدأها بنعومة اللسان حيث انه يحاول جاهدآ ان يقنع زوجتة كم هو مثالي وديمقراطي ومن المفترض على الزوجه الطاعة الكامله لزوجها وأن العلاقة الزوجية الناجحة تكون على اساس التفاهم والتعاون وتبادل الحب والمشاعر والأفكار والأراء والقرارات,وأن نكون شركاء في كل شئ"حتى في راتبك ياحبيبتي" وبعدها تأتي مرحلة يسميها البعض من الازواج "تعديل وضع" أو "مرحلة انتقالية" او حتى قد تأتي تحت مصطلح طبي بحت "فترة نقاهه" حيث يقوم الزوج بضم راتب الزوجه الي نفس الحساب حتى يسمح له لأخذ قروض اكبر والتلوين في بطايق الأئتمان,والمصيبة الأعظم ان هناك البعض من الرجال من يعتقد ان وجود احد بطاقات الأئتمان تكون جريمة في حق مكارم الرجال,وطعن لكرامتة وربما كسر لعاداتنا وتقاليدنا,وعندما ترفض الزوجه ان تخضع وتركع لهذه الطلبات,تبدأمرحلة الأخيره وتكون ختامها مسك كما يقال,وتبدأ بالتمسك بقناع الدين والعادات والتقاليد التي يترجمها على حسب مصلحتة الشخصية,على سبيل المثال يصرخ بأعلى صوته من حقي ان لا يكون عمل زوجتي في نطاق مختلط ,او المكان الأصلي للمرأه هو بيتها؟؟؟ناهيك عن ذلك دور المرأه في تأسيس وبناء المجتمع وما مدى أهمية المرأه في ردع التيارات الخارجية,والغريب الكل يعلم بأن الشخص الوحيد الذي يعمل بدون أي اجره تذكر وبدون توقف او تذمر او كسل هي الأم والزوجه,وعندما تقبل الزوجه بمتطلبات هذا الزوج الوضيع ,حينئذ يتخلص الرجل من صداع الديون والألتزامات وجع الرأس من مسؤولية البيت ومتطلباته ,ويتحول من رجل الى ......,حينئذ تصاب مكارم الرجال بخيبة أمل,ولا حول ولا قوة الا بالله.

فماهي وجهة نظركم؟؟؟؟؟؟؟؟؟؟؟؟؟ هل يحق للرجل استغلال راتب زوجته.؟ هل راتب الزوجه من حق الرجل؟؟!

__________________

[ابوتركى]

نعم من حق الرجل ان يأخذ راتب زوجته لانه الولى قال تعالى


الرجال قوامون على النساء


يعنى الحين يوديها ويجيبها وحارم نفسه من الراحه لان المعروف ان زوج

الموظفه يفقدون الراحه النفسيه وليس الماديه ماذا يريد الرجل يريد ان يستغنى


عن الخادمه الى لوعت كبده يريد ان يرجع الى البيت يجد له بلعه يبلعها يعنى

اكل يريد ملابسه مغسوله

يعنى يريد ربة بيت حقيقيه

ومدام انه سمح لزوجته انها اتوظف صرتو اتأففون من الرجال انهم يااخذون

الراتب

نعم من حقه ياخذ المعاش والبطاقه بعد تكون وياه وعينه قويه

وصراحه المره اللى اطالب زوجها بفلوسها مدام مو مقصر ماعندها نظر

وهذا رأى وانشالله مايزعل

تحياتى

[كويتي]

اختي كيفي هاجرية لاهنتي على هذى الموضوع

الحلو ..

ابو تركي السالفه الظاهر زلغه ياولد اشلون نتزوج بعدين ..؟

تحياتي للجميع
كويتي

[الوطن]

ورجعنا نفس المواااااال
يا
ابو تركى

دائما تكون ضد المرأه

المهم
انا احترم وجهة نظرك وعلى عينى وراسى بعد

الاسلام كرم المرأة و جعل لها مكانة خاصة و حفظ لها كرامتها و لم يعرضها للذل و الاهانة ..

ولكن نرى في وقتنا الحالي الكثير من البشر الذين لا تعجبهم هذه المكانة المكرمة ..

و يريدون لها ..الاهانة وان تبهذل نفسها عن طريق اعطائها حقوق اكثر من طاقتها ...

فالاسلام و القران الكريم بين لنا بان (( الرجال قوامون على النساء )) .. لذا فهناك امور تخص الرجال ولا يجوز للمراء العمل بها ..

للرجل قوامة عليها بحكم مسئوليته للانفاق عليها
وما التحرير الذي نطلبه هو تحرير الفكر ورفع قدرها لتكون مربية اجيال يعتمد عليها .

وتقبل كلامى بصدر رحب

[الوطن]

كاتب الرسالة الأصلية كويتي


ابو تركي السالفه الظاهر زلغه ياولد اشلون نتزوج بعدين ..؟



ممكن تفهمنى هذه النقطة

[ابوتركى]

الهاجريه---- المره على العين واراس هى مربية الاجيال الفاضله


هى المدرسه اللى تعد الاجيال والشى هذا مايختلف عليه احد


بس والله حالكم عجيب اذا قعدتو بالبيت قلتو ملينا من الحكره

واذا الوحده اشتغلت قلتو اكلتو فلوسنا

ليش نظرتكم ماديه



انا صراحه عندى قناعه ان المره ماتشتغل خير شر لان المره

لو اشتغلت معناها تقوى شوكتها ولاعا د تحتاج الرجل حتى

لو زعلها رجالها والا طقها راحت لااهلها وهى فى قناعة نفسها

انها مو بحاجة الرجل ليش؟ لان معاشها يمشى ومنته بالتراب

ولو انها لربة بيت كان قالت لو الله اقعد بالبيت واتحمل عشان نفسى

وعيالى

الناس الحين ليش كثرة مشاكلها

الحريم ليش زاد عندهم حالات الطلاق

العنوسه ليش زادت

كل هذا من سبة الوظيفه اللى دمرت الناس وغيرة وجهتهم


الشاعر يقول


من عقب ماهى قبل تمشى على الساقه


صارت اول وارياجيل تتبعــــــــــــــــــها


وانشالله يكون ردى يقنعك

وتشكرين اختى

[الوطن]

انامراح اقتنع فى كلامك

وانتوا غيرتوا الموضوع وبصراحه ما اتشجع انى اكتب مواضيع مره ثانيه

[ابوتركى]

اختى انا من ناحيتى ماغيرت الموضوع كلنا انتناقش فى موضوعنا


والا علشان ماعاد لك حجه تردين عليها قلتى مراح اكتب بالعكس


موضوع حلو والمناقشه ماتزعل حتى لوخالفتك بالراى

بعدين الكلمه اللى قلتيها


انت وامثالك افتكر انها مو حلوه بحقنا

وبعدين سالفة الطلاق انا ماتزوجت علشان اطلق هداك الله

[الصعب]

الموضوع بسيط ومحسوم
ما أكرمهن الإ كريم ولا أهانهن الإ لئيم
المرأة لها الحق الكامل في راتبها وذمتها المالية منفصلة عن الرجل وهذا الحق اعاطى الاسلام اياها قبل المرأة الغربية
أما بعض المتخلفين المتطبعين بالعادات والتقاليد المريضة فيستبيح أكله بغير وجه حق وهذا لا يجوز الإ عن طيب خاطرها بلا إكراه

[admin]

تسلمين اختي كيفي علي هذا الموضوع وانا اعتقد مدام الرجل وافق علي توظيف الزوجه فماله حق انه ياخذ بطاقتها واذا فعلا له حق فأعتقد انها طريقه ماتختلف عن الشحاذه
اعتقد الوقت الحالي واللي جعل الكثير من الرجال يطالب بالمدرسه او الموظفه عند الزواج
فهذا بقصد التعاون وليس الاستغلال لراتبها الشهري

[ابوتركى]

كلن هدف رايه من الناس مرضيه


وكل انسان له قناعه واللى ماله اول ماله تالى

ومن ضيع سلومه ------- كثرت علومه

مطالبة الرجل بمال زوجته تعتبر نوع من انواع التعاون مادامو متفقين

وخاصة الزوج اذا وافق على وظيفة المرأه

والمعروف ومن عاداتنا ان الولايه للرجل وماجملها من تخلف اذا كنتم تسمونها

تخلف عندما الرجل يستطيع ان يدير بيته تسمونه تخلف فمرحبا بهذا التخلف

ملاحظه-- اخوى الصعب تشكر على المشاركه بس ياليت يكون فى رقى بالطرح


لاننا نتناقش فى موضوع وفيه اى داعى للا لفاظ الغير مرغوب فيها

[admin]

ابوتركي وش التعاون اللي تقول عنه اذا انت تقول


نعم من حقه ياخذ المعاش والبطاقه بعد تكون وياه وعينه قويه

وصراحه المره اللى اطالب زوجها بفلوسها مدام مو مقصر ماعندها نظر

وهذا رأى وانشالله مايزعل

انت تقول من حق الرجل ان ياخذ راتب المراه وعينه قويه هذا شي

اشي الثاني تقول انت المره الي (تطالب بفلوسها ) ماعندها سالفه !!
يعني هذا شي من حقوقها وهذا علي حسب كلامك وانت تقول فلوسها
اجل هذا من عاداتنا وتقاليدنا اللي من عاداتنا وتقاليدنا ان الرجال يصرف علي المره
وتقول : ومن ضيع سلومه ------- كثرت علومه

بصراحه يابو تركي كلامك يزعل علشان طال عمرك ماهو مقنع ولاهو من عاداتنا وتقاليدنا ان الرجال يتشكى عند المره والايستعرض عضلاته علشان يستغل المره وراتبها

ترى من حق كل رجل ان يصرف علي المره وما اعتقد في احد ينتظر المره تصرف عليه علشان يقول : اوديها واجيبها
الرجال اللي بيودي المره ترى ماهي اهانه ولاهي وظيفه مثل اهل التكاسي علشان ياخذ عليها اجره ألي هي الراتب الشهري

اتمنى نعرف وش انتناقش فيه ومانقول كلام مانعرف وش المعنى منه


واخر شي ترى ماله داعي اكتب رد واخرتها يطلع بيت قصيده والابيتين ترى مال القصايد معنا في هذا الموضوع وتبعدنا عن النقاش والحماس في الموضوع


علي قولتك يابوتركي هذا وجهة نظر كل واحد :)

[عباااير]

لييييش تقلبون المو ضوع وتخلون حرب بين الرجل والمراه؟
اساسا الحياه الز وجيه مشتركه ومدام المراه انسميها شريكة الحياه يجب عليها تشارك زو جها في المصروف لكن برضها لان النقه من حقوق الزوجه سوء كانت موظفه ولألا وعدم استقلالها ومصاريف الحياة زادت لهذا تساعده اذا كان متعاون معها ,وراي يوفق راي ابو فيصل.

[admin]

ملاحظه : بعض المشاركات تم حذفها والبعض تم تعديلها اتمنى تعذروني

[اديب]

أختي كيفي هاجريه يعطيك ألف عافيه على نشاطك وعلى هالمشاركه
الهادفه وعسى أن تعم الفائده:

أختي العزيزه وجهة نظري المتواضعه أقول أن هذا الموضوع حساس جدا ويا ما بيوت أختربت وراتب ألزوجه هو السبب ويمكن مافيه واحد ألا وله أخت أو زوجه أو قريبه ولا بد أنه تأذى من هالموضوع ويا ليت الجميع يذكرون بعض ألامثله اللي حصلت لهم أو سمعوا عنها ويذكروا كيف أنحلت مشكلتهم لتعم الفائده.

أنا أتكلم عن نفسي لخوضي هذه المشكله مع قريبه لي مدرسه وعليها أطفال ولكن مشاكلها لاتنتهي معى زوجها ألموضف الذي هو ليس في حاجة فلوسها ولكن حريص جدا على فلوسه وهو لايحب الاستغباء كأي راجل، المهم ياجماعه المشاكل ماأنتهت الى درجة أنه طلقها ورجعها بعد فتره ونفس الشي زي ماكانوا هم هم لاتغييير هواش وحنه وبلاوي وحقد بينهم.....بعد ذلك دخلنا معاهم في عميق مشاكلهم وذلك من حرصنا عليهم فوجدنا أن مشاكلهم تتلخص في ألاتي:

أولا: الزوج يقول انا لي حق ولبيتي ولاولادي وتنازلت عنها لهذه المراءه الموظفه التي تطلع الصباح وأنا لم أفطر ولم يفطر أبنائي وتقوم بالمهام نيابة عنها الخادمه التي لايمكن أن أكل من يدها فأضطر للاكل من المطعم الفطور والغداء وأحيانا العشاء لان المدرسه تكون دايخه تعبانه أو مشغوله بالتصحيح أو التحضير أو ماشابه ذلك....يعني الزوج حسب كلامه يعاني ولا هو متهني ومتنازل عن أمور كثيره وزوجته لم تقدر له هذا وأخر الشهر تقبض الراتب وتودعه في البنك أو توزع بعضه على أمها وأخوانها الغير محتاجين ولا يمكن تساعدني بدفع راتب شغالتها مثلا أو أيجار المنزل أو المصروفات ألاخرى مثل تسديد الديون أو ماشابه ذلك....لا...هذا الكلام للزوج طبعا تقول أعطني مصروفي الشهري كاش من عندك وهذا من حقي....طيب وتنازلاتي الكثيره هكذا يقول الزوج..

ثانيا:نروح للزوجه فتقول أول شي هذا تزوجني وهو عارف أني مدرسه وشرطي عليه قبل الزواج لايتعرض وضيفتي ولا راتبي ويصرف علي كأي زوجه ولا يسألني وين أودي فلوسي ولا من أعطيها ولا بدافعه فلس للشغاله ولا فيه مساعده مني له نهائيا....ولازم يشتري لي أشياء ويعطيني من عنده...ليه أنا ماستاهل...ماني بزوجته....

المهم أن مشكلتهم سببها العمل والراتب {الحمد لله والشكر لله أن زوجتي غير موضفه} وبعد تعب ووجع رأس حلينا مشكلتهم وتوافقوا والحمد لله وكان الحل مرتكز على أساس واحد وهو التنازل عن كثير من طلبات الزوجه مقابل تنازل الزوج عن كثر من الامور والتي من أهمها أنه أذا دخل بيته يجلس لوحده حتى أن ينتهي دوامها. وغيرها من الامور التي لاتخفاكم..وهكذا

وأسمحوا لي على التطويل في الموضوع ولكن قد يستفاد منه والله من ورى القصد...

ولكم تحياتي

[admin]

مشاركه رائعه اخوي اديب منك

وبكل تأكيد امور الزواج لها مشاكلها الخاصه فيها ومن ظمنها التوظيف وراتب ولكن ما اعتقد ان الزوجه لها الحق انها تصرف علي اهلى او لا تبلغ رجلها وين يروح الراتب ولا لها حق انها تطلب زود علي راتبها وبذات اذا مكانت متعاونه بعض مصاريف الاسره وهذا كتعاون كزوج وزوجته لهم اهتمامهم بيبناء اسره سعيده
ولكن لا ننسى ان الحاله تغيرت عن قبل المصاريف زاده والمتطلبات بزدياد دائم ولبد من التعاون بين الزوج والزوجه
الكثير من الازواج يلجأ الي القرض او السلف وهذا بأسباب اجار المنزل والمناسبات اللي تطلب مصاريف لا يكفي لها راتب الزوج فقط لذالك لبد من الزوجه ومن كيفها ان تساعد رجلها في هذي الحالات اللي بكل تأكيد لا تخفي عن شريكة الحياة

الموضوع بشكل عام له اجابيات وله سلبيات ولكن لبد من التعاون والمشاركه بين الزوج والزوجه

[الوطن]

لى عودة

[عزوف]

ليــــــــــــــــــــش ياخذ راتبها !!!!!!!!!!!

بصراحه الرجال اللي ياخذ راتب مرته بدون وجهه حق او من غير رضاه انا اعتبره دني نفس ومهو رجــــــــــــــــــــال

ما يحق للرجال ياخذ معاشها لو شنو ما كان ليــــــــــش هو ما عنده معاش !!!

للاسف الرجال بدال لا يزيد المره ويكون مسئول عنها نلقى للاسف بعض الرجال يكونون طماعين واستغلالين

اذا كان الرجال طيـــــــــــب ومو مقصر مع المره ((واحتاج )) تعطيه المره عيونها !! اما غيره فلااااااااااااااااااااااااااا


انا اعرف كثير من البنات للاسف تروح وتجي من صباح الله خير للدوام ومافي جيبها ربع دينار وجنها افقر خلق الله ليـــــــــــــــش ؟؟ واللله الكرت مال البنك عند زوجي وما يعطيني 100 فلس !!

هذي وحده واخذوا الثانيه

تضامنت مع الرجال وهذا اكبر المصايب ..........شنو تتوقعون سوا طبعا فيها الكرت بجيبه هذي ما عليها كلام !!! اقصد شنو سوا بعد التضامن بناااااا ذاك البيت اللي يهبل واجر اللي تحت !!! وسكن اخته مطلقه مع عيالها بشقه والشقه الثانيه بيعطيها اخوه بيتزوج !!! واهو عنده 3 صبيان وساكن في بيت اهله بغرفـــــــــــه وحده !!!!! تقول المره يارجال اجر الشقه قال ما اجيب احد غريب جنب اختي !! (( امنا بالله )) طيب خلنا نسكن وسعها علينا الله يرحمك قال لا اخوي بيتزوج !!!!!!!!!! عشتــــــــــو توه معرس جديد

وطبعا الاخت الهبله هذي عقب ماسلمته الخيط والمخيط اكلت تبن حشاكم مصروف ماكو لا لها ولا لعياله ويالله يالله بالقطاره طبعا الاعذار معروفه !! انا ما عندي انا من وين لي !!!!!


اما الاخت الثالثه وهذي بغــــــــــت تموت من القهر

عندها ورث غير المعاش !!!!

قالت للرجال اشتر ارض وابن الاساس وخل الباقي علي !!!

سوت بيتها قصر وانا شايفته بعيني كل شي طلبيات الاثاث الثريات كل شي تتوقعونه

الزوج ولد عمها!!!!!!!!!!!!!!

شنو تتوقعون سوا فيها شنو كافئها عقب ما قطت اللي وراها ودونها !!!!

قال ليش يخطب اختج واحد غريب ليش ما ياخذها اخوي !!! قالت انا مالي شغل باختي تبيه تاخذه ماتبيه انا ما اجبرها البنت يتيمه !!!!

طبعا الاخت وافقت على الغريب !!!!!!! >>> هذاك مات من القهر !!!

شنو سوا حلف وقال تراج تحرمين على يافلانه ان رحتي او كلمتي امج وخواتج او اهلج بعلمي والا من غير علمي تراج حرام علي !!!!!!

شالت البنت قشها وراحت لامها !!! لكن امها طردتها قالت باجر يحط مره غيرج في البيت وتاخذه جاهز وانتي تبتلشين بعيالج روحي ولابد من يوم ويهديه ربه وتجيني !!!

اقعد البنت 6 سنين ما شافت اهلها ولا كلمتهم !!!!! الا بعد الموت !!!


تخيلــــــــــــــوا !!!!

وتبون المره تسلم رقبتها للرجال لا والف لا


اذا كان طيب كل اللي عندي له لا احتاج والمره الطيبه ما راح تتخلى عن زوجها


اما غيره لا الله يسلم القروض والسلف !!!!!!!


طبعا انا مانسيت اساسنا وهو استغلال الرجل لمعاش المرأه لكــــــــــــن هذي نماذج اتمنى الكل يستفيد منها وبالذات البنات

افضـــــــــــــــــل حل للمرأه اللي تحس ان زوجها يستغلها ومايبيها الا علشان معاشها طبعا تحاول انها تمنعه بالطيب اذا ما فاد اقدم استقالتي واقعدله علة على الجبد او اقدم اجازه بدون راتب واخليه يحرم ويقول يا معطيه اكله !!!


اسفه على الاطاله لكــــــــــن موضوع رائع يالهاجريه

مشكوروه


والله يعيني على الكلام اللي بيجيني :rolleyes:

لكــــــــــن انا قلت الحق وماراح اخشى لومة لائم

:)

[الوطن]

يعطيك العافيه يا ابو فيصل
وكلامك منطقى
لكن وين اللى يعرف

[الوطن]

جزااااك الله خير
اخى الصعب
وكلامك فى محله

[السلاطين]

مـــوضـــوع مــن العيـــار الثقــــيل يالهاجريــــة و بكيفج

ندخل فى الموضـــوع :

قال راكــان بن حثلـــين ( رحمه الله وجمعنا به فى الجـــنة )

ماقـل دل و زبــدة الهـــرج نيشـــان

و الهــرج يكفـي صـامله عن كثــيرة

لذلــك أقـــول :

من اســتغل راتـــب زوجــته فهــو ما عـــنده مــروءة و لا رجــولة


ولــو كان محتـــاج يتســـلف و لا يمــد يــده على راتبــها

إلا إذا هــي برغبتــها و رضــاها

[كويتيه]

يعطيج العافيه الهاجريه.. موضوع حلو.
وصراحه انا اسمع وايد عن هالمشكله في السعوديه بالتحدييد.. .. و بعد في بنات ابوهم يمنعهم من الزواج كله عشان المعاش...

اناا من رايي.. انه الريال لو كان محتاج اوكي ياخذ من مره مافبهاا شي اهيا واهوو واحد.. بس انه ياخذ معاشهاا كله و اهوو مو محتاج لالا صراحه مو من حقه كلش... ...


و بو تركي.. يقول.. انه من حقه ونص عشان اهوو اللي يدفع لهاا ومادري شنو.. ليش الريال ناطر ورا اللي يسويه حق مرته اجر؟؟؟؟؟؟؟؟... لا اهوو تزوجهااا واهوو يدري انه بتكفل بكل مصاريفهاا... والله يا بو تركي اعرف ناس المره تستلم معاش و ماتصرف منه ولا شي والريال يدفعلهاا كل شي من جيبه من غير ماياخذ من فلوسهااا فلس واحد... ... انا مو ضد انه اليال ياخذ معاش زوجته.. بس ياخذه لي كان محتاااااااااج و بس.. عشان اهوو م مرته بنيازون ليش يتسلف من الغريب ومرته عندهاا... و مو شرط اصلا انه يردهم لهاا . فلوسهم وحده بس انه ياخذ الفلوس كل شهر منهاا اهياا تتعب واهوو ياخذ بارده مبرده لالالالالالالالا و الف لالالالالالالالالالالالا..

[الوطن]

يا مرحبا بك يا
عباير
اشكرك على مرورك الكريم
وكلامك منطقى

[ابوتركى]

ابو فيصل تشكر على التعديلات وحذف غير المرغوب فيه

اخى الكريم تقول

واخر شي ترى ماله داعي اكتب رد واخرتها يطلع بيت قصيده والابيتين ترى مال القصايد معنا في هذا الموضوع وتبعدنا عن النقاش والحماس في الموضوع



انا قصدى بالبيت اللى قلته بسبب رد الاخ اللى يتكلم عن العادات ويقول

انها تخلف هذا هو قصدى

وانا قلت ياجماعه وجهة نظرى وانتو لكم وجهة نظر

وبعدين افتكر لو لزوجه تقول راتبى الزوج ماله شغل فيه وهذا حقى

ليه اتزوج خلها تقعد على فلوسها وتحطها حدر الكاشى

ترى مافيها شى اذا صار تعاون بين الزوج والزوجه بالرضا بالرضا

وعن طيب خاطر وعن طيب خاطر مو بالغصب لانى ماافتكر الرجل ياخذ

معاش زوجته بالغصب يعنى من غير نفس لان نفسيته مراح اتقبل الشى هذا

وبعدين يكفى انه حرم نفسه من الراحه وحرم نفسه من ربة البيت اللى

تقعد بالبيت وتشوف عياله وتشوف لقمته

ومدام الزوجين متفاهمين مافيها شى لو الرجل ياخذ بطاقتها

لان الزواج ياجماعه موده ورحمه والفه

واللى تخاف على فلوسها لاياكلونها الرياجيل تقعد فى بيت ابوها

وخل فلوسها تنفعها



تشكرين الهاجريه

[الوطن]

اختلاف الرأى لا يفسد للود قضية

[روووووعه]

يعطيك العافيه ياهاجريه على الموضوع المفيد ,,

بنظري ان راتب الزوجه متوقف على حاله الزوج الماديه والله اذا كان الرجال

ميسور وربي فاتح عليه .. ماعتقد انه بيطلب منها لو ريااال واحد ..

اما اذا كان موظف على قد حاله وراتبه كله يروح للاقساط... فالزوجه هي

برضاهااا الي راح تعطيه اذا كانت فاهمه ومقدره حاله زوجهااا

ومااعتقد زوجه عاقله راح تتخلى عن زوجها وهو في حاجه لراتبها,,

تحياتي لك

روووووووووعه ,,