ماعاد به حل؟
05-08-2006, 01:16 AM
دخلت كـار الحـب بعبّرعـن احسـاس مْخـزون
ولاخطـر فـي بالـي الدعـوى مْلازَمهـا تعـب
احسب هوى العشاق للعشـاق أطيـاب ودخـون
ون العلاقه مابها هجر وسهر.. غيـره .. عتـب
واللي جبرني .. فجّر الطاقات بـي .. ام العيـون
اللي تْعجز تنجـب شبهّـا كـل نسـوان العـرب
كل شي فيهـا يحـب مافيهـا ويعشقـه بجنـون
تخيّل ان الجفـن مستذبـح علـى ضـم الهـدب
أسرفت في وصلـي لهـا ولـفـوق ماتتخيّلـون
حتى اصبحت الأوقات عندي اثنين ( خرده ) أو ذهب
عقـارب الأول بـدون التـرف ماتلقـى زبــون
والثانـي يـدوّر معاهـا للخـلاص أدنـى سبـب
استغفر الله وادمحوا التشبيه لـو شابـه مجـون
صار الحبيب (الـلات والعـزى) وانـا ابولهـب !
أقصد غـلا .. مـقصد(ربوبيّـه) فلاتستعجلـون
أنا مثلكم خايف ( الجبّـار) يخسـف بـي غضـب
جديد فـي القرطـاس لاخبـره ولاهـم يحزنـون
عندي الهوى في كل حالاته حلو .. حلـو العنـب
صدّرت له حبّ وغلا .. لكنْـه صدّرلـي طعـون
خاين .. وليته قبل لايبـدى (خيانتْـه) .. انسحـب
على الأقل أطلع ولارابـح ولاخاسـر .. تهـون !
مهب على ( خفّي حُنين ) تاكلني ألسنْـة العـرب
تركت أنا فوضى الهوى .. قررت أعـوّد للسكـون
حبيب .. لكن ذيب .. مـن بـرّا لـبـرّا وبـأدب
أعيش حالي حال أغلـب ربعنـا اللـي يعشقـون
أشواقهم كنهـا (تكاسـي) لابغـوا تحـت الطلـب
نِظْهر تفاني عنتره .. نلبس مثـل قيـس الجنـون
واخلاصنا تتكسر أركانـه علـى صـوت الكعـب
للشاعر: فالح الهاجري
ولاخطـر فـي بالـي الدعـوى مْلازَمهـا تعـب
احسب هوى العشاق للعشـاق أطيـاب ودخـون
ون العلاقه مابها هجر وسهر.. غيـره .. عتـب
واللي جبرني .. فجّر الطاقات بـي .. ام العيـون
اللي تْعجز تنجـب شبهّـا كـل نسـوان العـرب
كل شي فيهـا يحـب مافيهـا ويعشقـه بجنـون
تخيّل ان الجفـن مستذبـح علـى ضـم الهـدب
أسرفت في وصلـي لهـا ولـفـوق ماتتخيّلـون
حتى اصبحت الأوقات عندي اثنين ( خرده ) أو ذهب
عقـارب الأول بـدون التـرف ماتلقـى زبــون
والثانـي يـدوّر معاهـا للخـلاص أدنـى سبـب
استغفر الله وادمحوا التشبيه لـو شابـه مجـون
صار الحبيب (الـلات والعـزى) وانـا ابولهـب !
أقصد غـلا .. مـقصد(ربوبيّـه) فلاتستعجلـون
أنا مثلكم خايف ( الجبّـار) يخسـف بـي غضـب
جديد فـي القرطـاس لاخبـره ولاهـم يحزنـون
عندي الهوى في كل حالاته حلو .. حلـو العنـب
صدّرت له حبّ وغلا .. لكنْـه صدّرلـي طعـون
خاين .. وليته قبل لايبـدى (خيانتْـه) .. انسحـب
على الأقل أطلع ولارابـح ولاخاسـر .. تهـون !
مهب على ( خفّي حُنين ) تاكلني ألسنْـة العـرب
تركت أنا فوضى الهوى .. قررت أعـوّد للسكـون
حبيب .. لكن ذيب .. مـن بـرّا لـبـرّا وبـأدب
أعيش حالي حال أغلـب ربعنـا اللـي يعشقـون
أشواقهم كنهـا (تكاسـي) لابغـوا تحـت الطلـب
نِظْهر تفاني عنتره .. نلبس مثـل قيـس الجنـون
واخلاصنا تتكسر أركانـه علـى صـوت الكعـب
للشاعر: فالح الهاجري