الشحذه كثرت هل ايام بشكل غير طبيعي ....؟

[الفهد10]

السلالالام عليكم ورحمة الله وبركاته
مساااااااااكم الله بااااالخير ....
الايام هذي يااخوان كثروا الشحاذين بشوارع من كبير بالسن او صغير بالسن _
ماجلس باي ديوان الا كم واحد داش علينا _ وذا جلست بديوانا نفس الشي
وانا ادور الاجر هل هم فيهم اجر والله ماعاد عرفت الصادق منهم والكاذب
هل هي تجاره _ انا جاني كم مره شحاذ بعمر 27 ولا فيه الا العافيه
اقوله روح كد عافيتك وخل الشحذه منك شباب معافيهم الله ويشحذون _
مادري عن حلالها وحرامها ...............؟

[راعي المشعاب]

الله يعطيك العافيه
اخي الغالي
الفهد10
الأنسان يؤجر على نيته قال عمر بن الخطاب سمعت رسول الله صلى الله عليه وسلم يقول :
<< انما الاعمال بالنيات وانما لكل امرئ مانوى >>رواه الشيخان
هذا الحديث يدل على ان الأنسان اذا نوى بشيئ يؤجر عليه .
فكيف بالعمل ؟
انت الأن تصدق ولا تعلم هل هو صادق ام كاذب ؟
اجر الصدقه ستحصل عليه ان شاء الله .
واعطائك الصدقه للمتسول عائده اليك ان شئت اعطيته او تركته .
واذا المتسول يكذب فهذا فيه غش وخداع للمسلمين
والنبي صلى الله عليه وسلم يقول
<< من غشنا فليس منا >>



تحيتي لك اخي وآسف للإطاله

[صـعــبــة المنــــال]

اخوي الفهد 10

بصراحة اهم من فتحوا الحدود مع العراق (( عزكم الله ))

كثروا الشحاذين .....

خصوصا الجهال اللي عمرهم ما تعدى العشر سنين ......

كل هذا عشان يستعطفون الناس ......

و انا رأيي من رأي اخوي راعي المشعاب

لأن الرسول صلى الله عليه وسلم قال (( إنما الأعمال بالنيات ))

يعني أجرها محسوب إن شاء الله ....

يعطيك العافيه على هالموضوع الحلو .....

[الفهد10]

طيب شكرأ على مروركم
ولاكن ليش مادام انا اشوفها صارت تجاره عند كثير الناس فلوس بدون تعب
ليش ماتصدق بلجنة الزكاة _ وذا جاء يشحذ اقول تقهوا وبعدها شوف فيه لجنه هناك تقضي جاحتك روحلهم ولا يقصرون
مو كذا احسن لان هل مره دابله كبدي _ وليس اهل العراق فقط
با اهل العراق والسعوديه وكل مذهب وبدون ونساء واطفال
حرام يعلمون هل اطفال هل حركات وكبار وصغار
ويعلمون بعض بدواوين لا طلع منك دق على صاحبه
قبل فتره واحد اش علي الساعه 11 من الليل شكله شبه
يشحذ وعطيته المقسوم وبعدها قال بنام عندك
ابتلشت قلت يارجل لا تنام عندي هناك شقق اجار يومي هذا اجارها ورح هناك
انا ذليت لا يكون مشبوه ولا معه شي ولا يسرق شي بالليل وروح وانا ادور العافيه
وعطيته وراح جعله مايعود
الواحد يدور العافيه في هل وقت والبلوي واهلها واجد

[الأجـودي]

السلام عليكم ورحمة الله وبركاته

اخي العزيز الفهد

يعطيك العافية على هالموضوع الي فعلا نشوفها بكثره هالايام

وبصراحه انا قد صارلي موقف مع شايب كنا قاعدين بدوانية واحد من الربع ويشكي ظروفه

ويقول ان اخوه علي قصاص بالسعودية وطبعا ماقصرنا فيه وبعد فترة قصيرة شفته بدوانية عمي

وطبعا نفس الموضوع وهي ( الشحذه ) لكن بقصه ثانية يقول ولدي في مرض الخبيث وابي اعالجه

وبالنهايه اقول والله اعلم عن نيتهم والحمدالله على النعمة .

[خيال البلها]

يعطيك العافية أخوي فهد علي الموضوع المثير في الآيام هذي بكل الديواوين .
أمس دش علي بالديوانية المغرب كنت قاعد بروحي شايب وياه عياله كبار ومشاء الله بصحة وكشخه وكنهم دارين أمس مستلم المعاش :)
المهم قالي انهم عليهم دم الله يكافينا ويكافيكم الشر وطالبين عليهم فدية 2 مليون ريال ؟ طليت علي مخباتي ولآ فيها دينار وربع بس !!! قلت فشلا الناس عليهم 2 مليون وانا أعطيهم دينار وربع .
قلت ماني معطيهم الله يسهل مصيبتهم عليهم صبيت لهم قهوة وبعدها شاي وهم قاعدين ينطرون العطيه وانا مفتشل يطالعوني وانا اطالعهم وارجع اصبلهم قهوة وأقعد وهم يخزوني وأنا اخزهم .

[الفهد10]

شكرأ على مروركم
لا عادي اللي مايستحي لا تستحي منه
قلهم فيه لجنة زكاه روحلها وهي تحل مشكلتك
يارجل ماعاد عرفنا صدقهم من كذبهم
وحنا على النيه نبي الاجر
ونستحي لا جانا احد بمحلنا
وهم خذوها تجاره
ولا الخليج العربي بخير
والديه والامور هذي
لها صكوك حتي الصكوك قاموا يزورونها
الواحد مايدري شيقول

[بنت العجمان]

بصراحه يا الفهد معك الحق في كل اللي قلته
الحين يدش رجال علينا في المحل من لبسه وشكله والله نستحي نلف عليه او حتى نعطيه وجه والله يستر لي وين بتوصل هالظاهره...

[الفهد10]

شكرأ لمروركم
لاكن بالمحل رايحه تشترين
عطيه صدقه لج
ولا هي ضارتج لاكن تنفعج
في يوم

[صدري بحر]

هم كثرووو بس الا قاعدين يتوالدون يوم عن يووم

والله استحي لما يجيني رجال كبر ابوي يشحذ والله ماودي امد ايدي واعطيه من الفشله وشوي الا ولده ورااه بو عمر العشرينات جاي بعد وعلى هالحاله

خلصنا من الطراراات الحريم جوناا الحين من الخليج...

بس انشاء الله الاعمااال بالنياات والنيه صافيه


اخوي الفهد10

الف شكر ويعطيك العافيه

[احساســ**]

مشكور اخوي على طرح الموضوع
وانا واجد صارت فيني
تو امس كانت امي واقفه تسحب من البنك تبي تروح السوق وربي بس طلعت من الكبينة السحب تجمعو عليها الشحاذين عاد امي ما قدرت وزعت الفلوس عليهم وانا بسياره اسوفه واتحرطم على فلوس الي بروح فيها السوق بس انا استغربت ان امي دايم تقول الي تشوفين شكله زين وما عليه قاصر مو لازم تعطينه فلوس بس امي سوت العكس :)
وبعدها رحنا السوق المباركيه يا ولد الحجيه :d امي كانت تبي مواعين وشغلات لجدتي
وما توقعت ان اكو ناس يشحذون اهناك لان السوق قدييييييييييم خل يروحون مجمعات جديده احسن
جان يجي واحد رجال كبييير حيل يعني حول الاربعينات
ويقول ابيو توفا وانا عندي 12 بزر وشغلي على قدي وما يكفيني وما ادري شنو
جان اطلع خمسه واعطيه اياه >>>>ياعيني شوفو الكرم على اصوله :p
بعدين جيكت كلامه متناقض كبير وابوه يصرف عليه وشكله يعني ما عليه قاصر وتحسفت على فلوسي :(
بس مثل ما قلتو انما الاعمال بنيات
وسامحوني ترا حكي واجد :)

[ضنااااة وايل]

لا وبعد اللحين طايحين بالطريقه هذي يوقفون ناس يقولون لهم عندكم عشر دنانير

استغفر الله الله يكون بعونا وعونهم

[احساســ**]

يؤيؤيؤ عندي خبر طازه عن عالم الشحاذه تو شحاذه تدق باب بيتنا تقول ولدي قبل خمس دقايق
ماسكين الشرطه قضية قتل وتبي فلووووووس عشان الفديه ما اردي شيسمونها الي يطلبونها
يعني لحد الحين ما ثبتت القضيه ولا قالو شي الشرطه واهي تزهب الدوا قبل الفلعه
وعلى فكره المرا ما انعرفها ولا شي

[الفهد10]

مرحبا وشكرأ على مرور الجميع
لا والشحذه صاير فيها من الذكي شوي
الواحد يسوي نفسه ذكي
وفيه شغله ثانيه وجهه مايعرق يعني مايستحي يشحذ بوجه قوي
وكل الطرق سووها
مو باقي الا يدقون علينا جوالات يشحذون
لاكن انا اقول عليكم في بيت الزكاه او مايشابه ذالك
افضل لانهم يعرفون وين مكانها المناسب

[الفهد10]

الاخ صدري بحر
الامور هذي مافيها فشله
فيها الله يعطيني ويعطيك
ولا فيها انك تدور الاجر وعلى النيه
تعطيه المقسووم
اما انك تفشل لا هذي فيها اجر
وانت احسبها ياكذا او كذا

[البركان 1]

عادة غريبة صراحة ......... احد عندة سلف 50 ريال