شوفوا قلة الأدب .....

[صـعــبــة المنــــال]

السلام عليكم ورحمة الله وبركاته ....

يوم الاثنين 10/7/2006م

كنت رايحه البنك مع ابوي .....

قالوا لنا روحوا للعلاقات العامة .....

قبل لا ندخل شفت من الجامه شاب كويتي على المكتب

يكلم بتيلفونه النقال

وداش جو ابن الحلال

توقعت لما يدخل ابوي يصكره

المهم ابوي طق الباب )( والرجال يكلم بالتيلفون )(

دخل ابوي )( والرجال بعده يكلم بالتيلفون )(

تخيلوا ابوي واقف قدام الشاب ربع ساعه ولا حتى رفع عينه عشان يشوف اللي دخل عليه

طلع ابوي معصب من اللي شافه

وقالي )( الله يلعن هالتيلفونات ما خلت أحد في حاله )(

بصراحه أنا انقهرت لأنه من الواجب عليه كإنسان انه يسكر التيلفون

احترامــــــا لشيبات ابــوي

ومن الواجب عليه كموظف يشوف طلبات المواطنين

وأول ما طلع أبوي سكر التيلفون على طول وقال تعال يا حجي

يبرر موقفه ........

)( بعد شنو الله يخليك )(

تخيلوا هذا الموظف يخشى عقوبة مديره ولكنه لا يخشى خالقه الذي أمره

إحسان العمل وإتقانه ......

دخل ابوي المكتب اللي بعده كان فيه شاب ملتحي

أول ما شاف أبوي وقف وقال تامر على شيء عمي

مع العلم انه كان قاعد يكلم واحد قاعد عند مكتبه

صدق اللي قال )( لو خليت خربت )(

ـــــــــــــــــــــــــــــــ

أنا أرى أن الأخ الكريم يتسم بقلة الأدب

فهو لم يحترم أبي كبير السن

ولم يحترم المقعد الذي جلس عليه الذي يتطلب منه العمل في خدمة المواطن

ولا يتمتع بالأخلاق التي حثنا عليها الرسول الكريم

بقوله صلى الله عليه وسلم :

)( ألا أنبئكم بأحبكم وأقربكم مني مجالسا يوم القيامه ؟! أحاسنكم أخلاقا )(

)( إن المرء ليبلغ بحسن خلقه درجة الصائم القائم )(

[ضناة مرزوق]

اي والله صدقتي اختي الكريمه عالموضوع

والموقف اللي حصلش انتي مع ابيش الله يخليه لش...
كثير مايحصل مع غيركم

وتعرفين ان الاشكال هذي ماينفع وياها الا العين الحمرا اقصد ((المدراء))

والله يخلف علينا

تقبلي اجمل تحيات مني لكي

[ضناة مرزوق]

اي والله صدقتي اختي الكريمه عالموضوع

والموقف اللي حصلش انتي مع ابيش الله يخليه لش...
كثير مايحصل مع غيركم

وتعرفين ان الاشكال هذي ماينفع وياها الا العين الحمرا اقصد ((المدراء))

والله يخلف علينا

تقبلي اجمل تحيات مني لكي

[صـعــبــة المنــــال]

والموقف اللي حصلش انتي مع ابيش الله يخليه لش...



الله يسلمج

وشاكرتلج مرووورج اختي ضناة مرزوق

[الرااااااسي]

السلام عليكم ورحمة الله وبركاته


اختي العزيزة صعبه المنال الله يطول بعمر الوالد انشالله ويخليه ذخر لكم

كان ماتعب نفسه الوالد الله يهداة ترا مكتب المدير قريب يدش عليه وشوفي شراح يسوي من الشرشحه الاشكال هذي تخاف ماتستحي مو مال احترام



تقبلي تحياتي الرااااااسي

[نايف بن حثلين]

ياليت كــــــان الوالد ( الله يطول عمره ) ..
راح أشتــــكى عليه وسوا نظـــــــــــافه من هالاشكـــــال ..

[v.i.p]

انا قد حصل لي هذا الموقف في وزارة دخلت على الموظف وسلمت والله حتى مارد ولا طالع حتى فيني انا بصراحه ارتفع ظغطي بس قلت مافي مشكله خله يأخذ راحته وجلست قدامه المهم الاخ مندمج في المكالمه وهو مندمج اخرجت تلفوني من جيبي ودخلت على الاوضاع واخترت نغمه وخليتها جاهزة لساعت الصفر المهم اول ماقفل وقالي ايوه تفضل اي خدمه ظغطت على النغمه ورديت على التلفون وسفهته وقاعد اكلم نفسي وهو يناظر وساكت ما قدر يقول شي وانا مبسوط واسولف على نفسي الين فضيت اللي في خاطري وقفلت وانا انتظر يقول كلمه علشان امرمط به القاع بس طلع حافظ لماء وجه وقال اقدر اخدمك لانه عرف غلطه المهم انصح الاخوان يسون هذي الحرك للي يسفهم ويسفهونه ههههههههههههه حلوه صح .

اهم شي يخلون الوضع على الصامت لا حد يدق وهم يسلفون على انفسهم ثم وين ترقع لووووووووووووووووووووووووول .

[فهد454]

والله لو اني من الوالد لأكلمه وذا مارد علي خليت اللي بالطرف الثاني بالتلفون يسمع صياحه

[سعوديه وافتخر]

هلا بك اختي صعبه المنال ...
والله اني تنرفز على هذا اللي مايستحي على وجهه ..بس شتسوين الاشكال الغلط هذه موجوده في كل مكان ..
والله يخلي لك الوالد ذخر انشا الله ....وانا مع احد الاخوان اللي قال المفروض انك اشتكيتي عليه عند اي احد يرئسه بالعمل ...لان هالاشكال اللي ماعندهم احساس بالمسؤليه ماخذين العمل كشخه بس ما ينفع معهم الا القوه ..
<<<<<<<<<<<<<<<انتي ملاحظه اني معصبه كثير من جد قهرني !!!!
المهم وسعي صدرك ..الدنيا ياما بتشوفين فيها العجايب .....

[صـعــبــة المنــــال]

الراسي

الله يسلمك

الوالد ما حب انه يقضي وقته مع هالاشكال

وشاكرتلك مروووورك

ـــــــــــــــــــــــــ

نايف بن حثلين

شاكرتلك مرووورك

ـــــــــــــــــــــــ

في أي بي

أقديت فيه يستاهل

وشاكرتلك مروووورك

ـــــــــــــــــــــــــ

الكاتلوني

هههههههههههههه

شدعوا وانا اختك وين قاعدين

وشاكرتلك مرووورك خيووو

[صـعــبــة المنــــال]

الراسي

الله يسلمك

الوالد ما حب انه يقضي وقته مع هالاشكال

وشاكرتلك مروووورك

ـــــــــــــــــــــــــ

نايف بن حثلين

شاكرتلك مرووورك

ـــــــــــــــــــــــ

في أي بي

أقديت فيه يستاهل

وشاكرتلك مروووورك

ـــــــــــــــــــــــــ

الكاتلوني

هههههههههههههه

شدعوا وانا اختك وين قاعدين

وشاكرتلك مرووورك خيووو

[@مـر وتعدى ولا تحدى@]

والله ما يتسحي

لو انه شايبي كان مصطه بالعقال :)

[راعي المشعاب]

والله لو اني مكان ابيش لا اكسر السماعه على راسه قليل الأدب
انا ارتفع ظغطي الله يرفع ظغطه

[صـعــبــة المنــــال]

سعودية وافتخر

والله مالومج خيتو إذا تنرفزتي

شيء يرفع الضغط

شاكرتلج مرووورج خيتووو


ــــــــــــــــــــــــــــــــــــــــــــ


مر وتعدى ولا تحدى

والله انك صادق صج انه ما يستحي

وشاكرتلك مرووورك العسل

ــــــــــــــــــــــــــــــــــــــــ

راعي المشعاب

كل الشكر لك على المرووور الرائع

[الأجـودي]

السلام عليكم ورحمة الله وبركاته

اختي العزيزه صعبة المنال

اولا : عسى الله يخلي الوالد لكم ويطولكم بعمره انشالله

وانا اقول بصراحة اسهل وابسط شي في الموضوع

ان الواحد بدال ما يتنرفز او يرتفع ضغطه يكون بهالوقت ابرد انسان احسله والله

ويصبر لين يخلص عاد اذا الموظف ما يستحي لا حول ولا قوه ابتسم في وجهه عادي :)

[صـعــبــة المنــــال]

السلام عليكم ورحمة الله وبركاته

اختي العزيزه صعبة المنال

اولا : عسى الله يخلي الوالد لكم ويطولكم بعمره انشالله

وانا اقول بصراحة اسهل وابسط شي في الموضوع

ان الواحد بدال ما يتنرفز او يرتفع ضغطه يكون بهالوقت ابرد انسان احسله والله

ويصبر لين يخلص عاد اذا الموظف ما يستحي لا حول ولا قوه ابتسم في وجهه عادي :)



الله يسلمك ويطول بعمر والدينك يارب ...

هو لو يستحي كان صكر التيلفون بس الله يهديه ..........

واشكر لك مرووورك ..........

[м8ąĐїṜ]

صبــاح الخيــر

الأخـت القديـره../ صعبـة المنـال

عسى الله يخليلك والديــك ويطـول بأعمـارهـم انشـالله..

وبس الموظف الحقيـر مايقَـدر الشايب الي قدامه..:)

وزين سوا ابوووووك فيــه يستــاهل..

لـــكِ تحيتـــي وتقــديـــري

[صـعــبــة المنــــال]

بركان

الله يسلمك ويطول بعمر حبانك .....

واشكر لك تواجدك ومرووورك الكريم ....

[حمد بن عديمه]

كلامك سليم وكبير السن ,,



يعده كل رجال فيه خير ,,



في مقام والده ,,

اللي مايرعفك مايقدرك.


وانا اعتبر المثل هاذاء خاطي في وجهت نظري والكل له وجهت نظر,

بس عندي ملا حظه ,,


وتمناء تستقبلينها بصدر . رحب ,,



على توقيعك عيدي انظر في توقيعك ,

الله معك,

[صـعــبــة المنــــال]

أخوي حمد لاهنت على المرور والمشاركة ....

وجهة نظرك على توقيعي أحترمها ....

بس أنا مقتنعه فيه ....

[м8ąĐїṜ]

أخوي حمد لاهنت على المرور والمشاركة ....

وجهة نظرك على توقيعي أحترمها ....

بس أنا مقتنعه فيه ....

لووووووووووووووووووووووووووووووول

:):)

[خيال البلها]

الله يعطيش العافية (أختي صعبه ) ويطول عمر ابيش .
طبعا المواقف مثل هذي حصلت معي كثير .... مايحترمون المراجع الهادئ المحترم لي يكلمهم بأدب !!! اكثر موقف رفع ضغطي هو مره من المرات راجعت أدارة الهجرة بسوي أقامة للخدامة وكان يوم الاربعاء والاسبوع لي بعده عطلة العيد أسبوع المهم والله جيتهم الساعة 9 الصبح وكان رقمي 200 وقعدت انتظر دوري .............. صارت الساعة 12.30 وبعد طول انتظار وتعب وملل وصل دوري عند الموظفة وانا امشي للموظفة بيني وبينها خمس امتار غيرت الرقم الي 201 قلتلها انا رقمي قبل هذا قالت خلاص انا غيرت الرقم والوقاحة الآكبر انها تكلمني بصوت مرتفع ومعصبة !!!! وقلتلها والحل قالت تعال بعد العطله ...؟ طبعا رحت للمدير واشتكيت وقالي هذي معصبه اليوم كانت تبي أجازة وماعطيتها ؟
ملاحظة : حطيت ألحين هندي شقردي مندوب عندي معاشه طيب ويخلص مراجعاتي ومرجعات الشايب بدون عوار راس ولا دوخة الموظفين .

[صـعــبــة المنــــال]

خيال البلها .....

الله يسلمج ويطول بعمر غالينج ......

والله زين سويتي فيها تستاهل .....

اشكر لج مرووورج الرائع ....

[خيال البلها]

خيال البلها .....

الله يسلمج ويطول بعمر غالينج ......

والله زين سويتي فيها تستاهل .....

اشكر لج مرووورج الرائع ....
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مشكوره أختي بس أنا مو بنت :)

[علي بن عشوان]

السلام عليكم ورحمة الله وبركاته

اختي الفاضله. صعبة المنال


في بلداننا العربية دائما الموظف هو الشماعة التي تلقى عليها جميع العيوب العلمية والأخلاقية مثله كمثل البالون المنفوخ.



إن السبيل الرئيسي لتطور أي مجتمع بشري هو العقل الإنساني، ولا بد أن نسعى إلى استغلال عقلية الإنسان وتوجيهه نحو المسار الصحيح. ولكن بالعكس تقوم الكثير من مجتمعاتنا بتحطيم هذه العقول. والسلوك الخاطئ لأبنائنا هو نتيجة ذلك، فلو قمنا بتربية أبنائنا تربية صحيحة وقمنا بتوجيههم التوجيه الصحيح لصلحت مجتمعاتنا. ولأن الإنسان هو الذي يصنع نفسه فإن التوجيه الصحيح لعقلية اي شخص يؤدي إلى إدراكه ما يدور حوله، فلو أدرك الشخص او الموظف ان مايقوم به من قلة ادب او احترام سلوك خاطئ يدمر حياته لما قام بذلك.

وفي النهايه هي نتيجة التربيه كما تفضلتي وقلتي ان ذاك الرجل الملتحي وقف امام ابوكي وقال له (اي خدمه) فهذا هو الدليل الكبير على ان هذا الملتحي متربي احسن تربيه .


المهم عسا الله يثبتنا ونخلص في عملنا في الدنيا والدين .

لان قلة الادب وعدم الاحترام ذا شي في ذمة الموظف0

اسف على الاطاله

[صـعــبــة المنــــال]

علي بن شلوان

أؤيدك الرأي اخي الكريم

أن التربية اساس الاخلاق

واشكر لك مرورك الرائع ... وإضافتك الاروع ...