الطرقي
08-07-2006, 08:07 AM
اخواني اعضاء المنتدى
السلام عليكم ورحمة الله وبركاته..
بعد الانقطاع اترككم مع ملحمة محمد الدحيمي
ولو ما سميت بالملحمة .. سميتها انا الملحمة .!!
بس كل واحد يتعوذ من الشيطان قبل يقراها.. :) :)
الملحمه
لـيلة الـبارح .. رقـد (بـعضي) يـنازعه.. (أغلبي)=لـيـلة ٍ بـآخـر لـيالي الـحج.. (غـدراً مـظلمة)
كـنّـي الـلـي نـايمٍ مـا بـين داب ..وعـقربي=هـي حقـيقة ؟.. هـي خيالٍ سجّ ؟.. هي حلم احلمه ؟
قـمت مـن صـوتٍ دعـاني.. وانثنيت على ركبي=وإلاَّ أنــا أنـاظـر قـبالي.. ( نـاقةٍ مـتكلمه )..!!!
( يـا نـيازك لـو عـرجتي فـوق دخان ..أشهبي=اعـلـقي فـي زئـبقي فـي مـارجٍ مـتنجمه..)
قلت : وش قومك ؟ وش انتي ؟ واصدقي لا ..تكذبي=جـاوبتني (شـاعره مـن الـجن) وانـظم مـبهمه..!!
وقـبل تـنشدني ترى اسمي ( أَبْكمه ) يا ..صاحبي=وإدر كـانك مـا دريـت إن أشـعر الجن ابكمه..!
اسـكن ( البَرْلَس ) على وادي يسمى ( المحلبي)=فـي نـهاية ( طـور مـوسى ) جـلّ ربٍّ كلّمه
جـيت ابـاسمع منك شعر الوصف .. واشبّ لهبي=كـان تـوصف مـثل (جـدّك).. ياعسى (الله يرحمه)
جـدّك الـلي مـن سـمع شـعره.. ذهل واستغربي=مـثل وصـفه لاجمل سنينه ( بـ..نوق مدرهمه )
قـلت : حـياك ارحـبي.. ثـم ارحـبي.. ثم ارحبي=فـي ضـيافة شـاعرٍ.. يـثني الـقصيد ويـلجمه
(شـاعـرٍ) ورَّد هـواجيسه عـلى مـا هـو يـبي=وأعـذب الـشعر أصـدقه.. فـي أغربه في أجهمه
مــن شـيوخ (دحـيم) جـدانه.. وخـاله (تـغلبي)=إن طـلع عـزّ وشـرف.. والأَّ طـمن في مكرمة
قـد ورثـت الـطيب قـبل الشعر من جدي.. وابي=ولابـتي سـيل الـحقوق.. الـلي تـزابر مرزمه
واشـهد إنـي مـن سـنام الـشعر..( دسمّت شنبي)=وهـاتي أشـعر (شـاعرٍ من الجن) .. نذرٍ لا أفحمه..!
ودام يـستهويك شـعرالوصف بـا أنظم.. وأطربي=ع.. الـقوافي نـفسها قـدامك الـحين.. انـظمه
واصــفٍ حـلـو الـترايب.. والـقوام الأكـعبي=وأبـتدي : بـسم الله الـرحمن سِمْعي يا ( بْكمه):-
جــادلٍ بـحـجاجها.. فـجرٍ زبـنه الـمغربي=عـنـز ريــمٍ نـثّرتني.. بـين خـزر.. وسـلهمه
فـي سـواد عـيونها .. (فـاجر) يـقول إنه : (نبي)=كـل صـابي يـتبعه ويـصدقه .. (يـهدر دمـه)..!!
وفـي لـحظها .. (حـاكمٍٍ) سـفاح مـتهور غـبي=يـطلب الـرحمة لـميٌته يـوم شـبع مـن لحمه..!
وفـي هـدبها .. مـدهلٍ راعـيه (شـيخٍ يـعربي)=أجـوديٍ نـوب يـعزمني .. وأنـا نـوب اعزمه
راعـني (خـالٍ) بـوجنتها تـقلْ .. عـبْد سبي=حـارس ٍ (روض الـزهر) مـن كـل.. يمناً مجرمه
ومـن قـليب الـلول .. جـاء (ثعبان) فضي لولبي=مـن (لـعق سـمّه) .. يـقول : الـشهد مرّ وعلقمه
كـلـما بـلّـل شـفق عـنابها قـال : عْـجبي=راح يـنشد لـولها هـي مشركه ؟؟.. هي مسلمة..؟؟!!
ويـوم جاء (اللول) بيجاوب قلت : ربي.. رووف بي=نـاض بـرّاق الـثمان .. وسـال (وادي عـكرمه )..!!
الـندى .. (عـودٍ) غـدا بـأوجانها .. (طـفل يحبي)=والـعطر.. (راعـي) بـاثرْها يـحدي ابـله وغنمه
ومـن جـدايلها.. تـجلاَّ (فـارسٍ) قـال : الـعبي=واسـتفزي الـريح يـا (بـنت الـهبوب) الـمدهمه..!
وفـي نـحرها .. (كـافر ٍ) لـعيوني يقول : إذنبي=كـل مـا يـاكل رطـب شوفي .. حذفني بعجمه..!!!!
فـي تـرايبها .. ثـمر طـاح بـنهم عين شعبي=جـاء يـقول لـخصرها المياس : حذرا ما انهمه
انـثنى الـخصر وتـمايل .. قـال : قبلك مرّبي=تـوه الـلي كـان ضـيفي.. وانـظر آثـار قـدمه ..!!
الـجمل .. هـجّ وتـذيّر يـوم شـاف الأحـدبي=والـحدب قـال : إش معه ؟ ما ينظر لحدب سنمه
كـل نـضره روّحـت (حبلى) .. تجي (معها صبي)=راح جـوعه.. يـنشد أمـه: وش بـلاها تـفطمه ؟؟؟!
لا مـشت .. فـي مـشيها خطو (الكحيل الأشهبي)=لا انـثنت ( حـايل ثـنيّه ).. لا ربـاع ولا قـحمه
كـنـها لا لـدّت الـنظرة خـجل عـا الـمنكبي=(صــادقٍ) .. يـسـتودع (الـفـتّان) سـرٍّ يـكتمه..!!!!
فـي خـجلها .. (بـنت شـيخٍ) طاحت بحب (أجنبي)=فـي غـنجها .. مـهرةٍ تـتلي الـصهيل بهمهمه
فـي رضـاها.. (حـصنيٍ) يـتلذذ بـحمض عنبي=فـي عـتبها .. (ظـالمٍ) حـطوه (قـاضي مـحكمة)
لا اقبلت .. مثل الحمام .. ولا ادبرت .. مثل الظبي=لا اوقفت .. طير الهداد .. ولا جْلست .. تقل رْخمه
لا وردتـي يـا مـغاتيري عـلى الـعدّ .. اشـربي=وهـيجني : (يـا حـي ذا الـمبسم ومـنهو مبسمـــه)
مـبـسمٍ يـوم يـتبسم .. كـل عـرقٍ صـاح بـي=وتـلّني .. قـوم الـثمه .. نـذرٍ عـلي أن تلثمه
(أذن الـفجر) ووقـفت .. إلاّ ( اْبكمه ) تقْل : طْلبي=يـاالـدحيمي هــا الـقصيدة سـمّها بــــ (الملحمة)
اتمنى ان الاختيار حاز على اعجابكم..
طيب الله أوقاتكم
الطرقي
السلام عليكم ورحمة الله وبركاته..
بعد الانقطاع اترككم مع ملحمة محمد الدحيمي
ولو ما سميت بالملحمة .. سميتها انا الملحمة .!!
بس كل واحد يتعوذ من الشيطان قبل يقراها.. :) :)
الملحمه
لـيلة الـبارح .. رقـد (بـعضي) يـنازعه.. (أغلبي)=لـيـلة ٍ بـآخـر لـيالي الـحج.. (غـدراً مـظلمة)
كـنّـي الـلـي نـايمٍ مـا بـين داب ..وعـقربي=هـي حقـيقة ؟.. هـي خيالٍ سجّ ؟.. هي حلم احلمه ؟
قـمت مـن صـوتٍ دعـاني.. وانثنيت على ركبي=وإلاَّ أنــا أنـاظـر قـبالي.. ( نـاقةٍ مـتكلمه )..!!!
( يـا نـيازك لـو عـرجتي فـوق دخان ..أشهبي=اعـلـقي فـي زئـبقي فـي مـارجٍ مـتنجمه..)
قلت : وش قومك ؟ وش انتي ؟ واصدقي لا ..تكذبي=جـاوبتني (شـاعره مـن الـجن) وانـظم مـبهمه..!!
وقـبل تـنشدني ترى اسمي ( أَبْكمه ) يا ..صاحبي=وإدر كـانك مـا دريـت إن أشـعر الجن ابكمه..!
اسـكن ( البَرْلَس ) على وادي يسمى ( المحلبي)=فـي نـهاية ( طـور مـوسى ) جـلّ ربٍّ كلّمه
جـيت ابـاسمع منك شعر الوصف .. واشبّ لهبي=كـان تـوصف مـثل (جـدّك).. ياعسى (الله يرحمه)
جـدّك الـلي مـن سـمع شـعره.. ذهل واستغربي=مـثل وصـفه لاجمل سنينه ( بـ..نوق مدرهمه )
قـلت : حـياك ارحـبي.. ثـم ارحـبي.. ثم ارحبي=فـي ضـيافة شـاعرٍ.. يـثني الـقصيد ويـلجمه
(شـاعـرٍ) ورَّد هـواجيسه عـلى مـا هـو يـبي=وأعـذب الـشعر أصـدقه.. فـي أغربه في أجهمه
مــن شـيوخ (دحـيم) جـدانه.. وخـاله (تـغلبي)=إن طـلع عـزّ وشـرف.. والأَّ طـمن في مكرمة
قـد ورثـت الـطيب قـبل الشعر من جدي.. وابي=ولابـتي سـيل الـحقوق.. الـلي تـزابر مرزمه
واشـهد إنـي مـن سـنام الـشعر..( دسمّت شنبي)=وهـاتي أشـعر (شـاعرٍ من الجن) .. نذرٍ لا أفحمه..!
ودام يـستهويك شـعرالوصف بـا أنظم.. وأطربي=ع.. الـقوافي نـفسها قـدامك الـحين.. انـظمه
واصــفٍ حـلـو الـترايب.. والـقوام الأكـعبي=وأبـتدي : بـسم الله الـرحمن سِمْعي يا ( بْكمه):-
جــادلٍ بـحـجاجها.. فـجرٍ زبـنه الـمغربي=عـنـز ريــمٍ نـثّرتني.. بـين خـزر.. وسـلهمه
فـي سـواد عـيونها .. (فـاجر) يـقول إنه : (نبي)=كـل صـابي يـتبعه ويـصدقه .. (يـهدر دمـه)..!!
وفـي لـحظها .. (حـاكمٍٍ) سـفاح مـتهور غـبي=يـطلب الـرحمة لـميٌته يـوم شـبع مـن لحمه..!
وفـي هـدبها .. مـدهلٍ راعـيه (شـيخٍ يـعربي)=أجـوديٍ نـوب يـعزمني .. وأنـا نـوب اعزمه
راعـني (خـالٍ) بـوجنتها تـقلْ .. عـبْد سبي=حـارس ٍ (روض الـزهر) مـن كـل.. يمناً مجرمه
ومـن قـليب الـلول .. جـاء (ثعبان) فضي لولبي=مـن (لـعق سـمّه) .. يـقول : الـشهد مرّ وعلقمه
كـلـما بـلّـل شـفق عـنابها قـال : عْـجبي=راح يـنشد لـولها هـي مشركه ؟؟.. هي مسلمة..؟؟!!
ويـوم جاء (اللول) بيجاوب قلت : ربي.. رووف بي=نـاض بـرّاق الـثمان .. وسـال (وادي عـكرمه )..!!
الـندى .. (عـودٍ) غـدا بـأوجانها .. (طـفل يحبي)=والـعطر.. (راعـي) بـاثرْها يـحدي ابـله وغنمه
ومـن جـدايلها.. تـجلاَّ (فـارسٍ) قـال : الـعبي=واسـتفزي الـريح يـا (بـنت الـهبوب) الـمدهمه..!
وفـي نـحرها .. (كـافر ٍ) لـعيوني يقول : إذنبي=كـل مـا يـاكل رطـب شوفي .. حذفني بعجمه..!!!!
فـي تـرايبها .. ثـمر طـاح بـنهم عين شعبي=جـاء يـقول لـخصرها المياس : حذرا ما انهمه
انـثنى الـخصر وتـمايل .. قـال : قبلك مرّبي=تـوه الـلي كـان ضـيفي.. وانـظر آثـار قـدمه ..!!
الـجمل .. هـجّ وتـذيّر يـوم شـاف الأحـدبي=والـحدب قـال : إش معه ؟ ما ينظر لحدب سنمه
كـل نـضره روّحـت (حبلى) .. تجي (معها صبي)=راح جـوعه.. يـنشد أمـه: وش بـلاها تـفطمه ؟؟؟!
لا مـشت .. فـي مـشيها خطو (الكحيل الأشهبي)=لا انـثنت ( حـايل ثـنيّه ).. لا ربـاع ولا قـحمه
كـنـها لا لـدّت الـنظرة خـجل عـا الـمنكبي=(صــادقٍ) .. يـسـتودع (الـفـتّان) سـرٍّ يـكتمه..!!!!
فـي خـجلها .. (بـنت شـيخٍ) طاحت بحب (أجنبي)=فـي غـنجها .. مـهرةٍ تـتلي الـصهيل بهمهمه
فـي رضـاها.. (حـصنيٍ) يـتلذذ بـحمض عنبي=فـي عـتبها .. (ظـالمٍ) حـطوه (قـاضي مـحكمة)
لا اقبلت .. مثل الحمام .. ولا ادبرت .. مثل الظبي=لا اوقفت .. طير الهداد .. ولا جْلست .. تقل رْخمه
لا وردتـي يـا مـغاتيري عـلى الـعدّ .. اشـربي=وهـيجني : (يـا حـي ذا الـمبسم ومـنهو مبسمـــه)
مـبـسمٍ يـوم يـتبسم .. كـل عـرقٍ صـاح بـي=وتـلّني .. قـوم الـثمه .. نـذرٍ عـلي أن تلثمه
(أذن الـفجر) ووقـفت .. إلاّ ( اْبكمه ) تقْل : طْلبي=يـاالـدحيمي هــا الـقصيدة سـمّها بــــ (الملحمة)
اتمنى ان الاختيار حاز على اعجابكم..
طيب الله أوقاتكم
الطرقي