ماأسباب سقوط العجمان في الانتخابات

[خوي الذيب سرحان]

اي نعم ياجماعة موضوع يستحق البحث لماذا فشل اعضاء منطفة الرقة عندكم في الكـــــــــــــــــــــــــــــــــويت في الانتخابات

وهل صحيح مايقال ان العجمان هم الذين سقطوهم حيث لم يحضر التصويت أكثر

من خمسمية عجمي بسبب شين علوم الاعضاء الذين يمشون الاجناب ويصدون من

العجمي احد الاعضاء ماعنده الا صعبة مايصير اذا جاه العجمي واذا جاه

الاجنبي قال ابشر بسعدك



فارجو التوضيح ياجماعة لانكم في الكويت فقدتم كرسيين من مجلس الامة

فلا بد ان نبين الاخطاء حتى لاتقع المشكلة مرة ثانية

[شيخــة الغيــد]

حبيت اصحح معلوماتك

لان هادي هايف و مبارك صنيدح
معروفيين بمواقفهم المشرفه مع العجمان
ومع غير العجمان
و اللي سقطهم اسباب كثيره
منها:

1- تحالف المطران مع الكنادره
و لو ترجع للسجلات تلاقي
عدد العجمان بالرقه 1800
و المطران و الكنادره 1700
(ماني متاكده من الارقام بس هاذي ارقام تقريبيه)..

2- ان النائبيين عبدالله عكاش و جاسم الكندري
كانوا يحلفون الناخبيين انهم يصوتون لهم..

3- انهم كانوا مطاوعه من المذهب السني
وهذا خلا المطاوعه تصوت لهم
بينما مبارك صنيدح من الاخوان المسلميين ..

4- القبايل الثانيه صوتت لهم اكثر لانهم شباب
و اول مره يرشحون عمارهم
و فضلوهم على هادي هايف لكبر سنه ..

5- ان كان في عجمان مايدانوون ابو هايف
و صوتوا للمطيري و الكندري عشان يخسر..




اتمنى تكون معلوماتي صحيحه

مع تحياتي
شيخة الغيد

[admin]

اعتقد الموضوع هذا واضح وضوح الشمس اولا العجمان حميتهم فوق كل شي ثانيه لو ان مبارك والا بن حويله ماهم مبرغوبين عند العجمان ما كان انجحو في الفرعيه ثالثا اسباب اطاحة العجمان اهي تحالف الكنادره مع المطران وعدم نزول احد من القبائل الثانيه مثل العوازم او اي قبيله ثانيه وهذا ما سبب اطاحة العجمان في الانتخابات
ولكن صدقني هذي حصلت هذي المره ولن تحصل مره ثانيه ان شاءالله والاسباب ان اكثر القبايل راح تنزل في النتخابات وبعتقادها ان راح يكون لها نصيب بمتلاك كرسي من هذي الدائره

واذا بكل تاكيد يعطي الفوز للعجمان بسبب تفرق الاصوات
وكثرت اصوات العجمان في هذ المنطقه

وبنسبه الي كلامك ان ماحضر الانتخابات الا خمسين فبكل تأكيد معلومتك غلط
وان الاعضاء العجمان يخلصون الاجنبي قبل العجمي فصدقني هذا فخر لنا الا هو عيب والعيب انك توقف مع العجمي وتترك الجنبي اللي وقف معك وايدك وباركله واذا حتاجك تصد منه هذا شي اعتقد ماهو طيب وانا اقول من المستحيل انه اعضائنا يتهربون من العجمان كما تدعي انت
اولا بن حويله الله يعطيه العافيه والصحه مافي احد ماله جميل عليه من اهل الدائره وهذا بشهاده الكثير من العجمان ومن القبائل اخرى بدليل ثبوته علي الكرسي لهذه السنين الطويله

وثانيا بن صنيدح رجل شفنا فيه تميز وخدمات للمنطقه لم نجدها في عضو اخر وهذا بالصراحه وعدم الكذب مع الناس اللي جعلت الجميع يكون راضي عنه في الفرعي ومتمسكين فيه لخدماته للعجمان وللجميع اهالي المنطقه وللمنطقه ايضاً

وشكرا لك اخوي علي هذا الموضوع

[ابوحمد الشامري]

كل الاعضاء اللي في الرقه ما عليهم قصور لا العجمي ولا غيرهم بس هناك لعبة

انفعت الكندري واجد وهي نقل الاصوات ولا منين يجيب 3000 صوت وبعدين في

آيادي خفية تدخلت في فوز جاسم الكندري وانا ما لوم الاخ النائب الكندري

في أستغلال الفرص لان المثل يقول ( الكرت اللي تفوز فيه العب فيه ) وجات

أكبر الفرص له وانا ما أعتقد ان هذا التحالف راح يستمر لان هذه دائما التحالفات

تفوز مره وبعدين تختلف وتخسر ومثال على ذلك تحالف محمد العليم المطيري

مع فارس شوري العجمي نجح العليم في البداية على العوازم بسبب نصرة

العجمان له في الصباحية وبعدين اخسروا لان هذه طبيعة التحالفات

في المناطق التي تكون في الاغلبية للقبيلة الواحدة تفوز مره واحده فقط.

تحياتي

[السلاطين]

الصـــراحة هالأيام تزعــــل

ياجماعـــة إذا حبيـــتوا تعرفـــون الأســـباب

أنظـــروا لأي انتخــابات جمعية تعاونية مجلس بلدي مجلس أمــة

تجـــدون العجـــب العجـــاب ...

الأسباب بكل بساطة :

كلنـــا شـــيوخ والواحد لو ماتعرفــه إلا زوجته قال وش عندهم زود

و الحســـد انتشــر بيننا كانتشار النـــار فى الهشــــيم

التفكير فى المصلحة الخاصة ( منصب و فلوس و حاشية )

على حساب مصلحة الديــن أو الوطــن أو القبيلــة

وووو.... تدرون كافي فتـــح جـــروح !!!

[فرد حمزة]

أسباب السقوط ,, سقوط حر يعني ما فيه تلزم,, على الصناقر :D

اولا الهمه :

الجماعه (هادي + مبارك ) تحالفوا في الفرعي وكان ناجح جداااا

وبعد النجاح على عيال عمهم اخذهم الغرور وان المجلس صار في الجيب

في جولاتهم شئ يغيض الناس من المواكب الكبيره والجخ اللي مالها داعي

ثانيا : الندوات كانت ماسخه ولا تحوي شئ جديد

والكلام كان عن انجازات مبارك وسعد السابقه طبعا نسوا المبد أ اللي يقول

هل من مزيد.

ثالثا ابو هايف في الوقت اللي لم يعرض فيه جديد وكان مبارك

ضعيف في ندواته حتى في زياراته لم يجد الا ان ينطل العقال:(

فلص ما عنده غير هذا الاستجداء ,, العجمان حسوا في ضعف نوابهم وما مكان

منهم غير الفزعه والقصايد اللي اكل الدهر عليها وشرب:o

رابعا : عدم موافقة مرشحين العجمان في اعطاء القبايل الاخرى مناديب عندهم

وكان ردهم حنا مناديب عنكم (الحكي ما يوكل خبز)

طبعا كثير من المصلحتشيه والشباب اللي يبي ياكل مع النواب

لم تعجبه مواقف العجمان في عدم اعطاء اي وعد للمناديب (الغرور:cool:)

وهكذا فلتت المنطقه من ايدين الاعضاء اللي اغتروابعد الانتخابات

الفرعيه ونسوا الاصل

الصراااحه المحامي غليفص بن عكشان كان عنده همه وتواصل مع المنطقه

اكثر بكثير من هادي ومبارك :rolleyes:

[خوي الذيب سرحان]

اولا : اشكر كم على الرد وبيان رأيكم وشكر خاص لفرد حمزة الذي كان

رده دليل على فهمه للاسباب الحقيقية

والحق يجب قبوله ولو كان مرا نعم هادي الحويلة ماعاد يصلح لانه
كبير ومشلول الله يعافيه ويعفينا
واما مبارك صنيدح فهو حضري وضفعة مايعرف سلوم الرجال ولايقدر الشيبان
وماسنعه الا اخيه راشد لانه ذيب
مبارك ماعنده حمية للعجمان فيجب ان لايكون عندنا حمية له ولاابري الحويلة
فهو تردى بعد في العجمان
وعادة العجمان من حبوه ارفعوه ومن صدوا عنه واعزتي له
هذا كلام ناس ثقات عندكم في الكويت

[كويتي]

يا جماعه لا غرور ولا حميه ولا في الجيب

الكندري من سقوطه في انتخابات الي

قبــل هذي نقـــل ثلاث ارباع الكنادره الي

في الكويت وجابهم الرقه ولا يا جماعه

منطقه مافيها الى العجمان والعوازم

ينجح فيها كندري ؟؟

انتو شوفو فرق الاصوات الي بينه

وبين عكاش هذى كله بسبب النقل

ولا ابو هايف ماعمره قصر في اي

انسان ومن عرفنا هذى الدنيا وما نعرف

الى هادي هايف .. ولا قصور في باقي الاعضاء


تحياتي للجميع كويتي

[خوي الذيب سرحان]

ياجماعة قصة تحالف المطران والكنادرة صحيحة

لكن لو العجمان مشتهين ينجحون ربعنا كان نجحو

الارقام اللي جابها مبارك وهادي نصفها من غير العجمان لان العجمان 500
ماحضروا التصويت واللي حضروا عطو المطيري والكندري انا اعرف عجمان كثير يقولون انهم جاو التصويت بس ماعطو العجمان لان الاثنين ماكفو
فلا نضحك على انفسنا ياجماعة وقولو لمن اخطا لقد اخطات
عموما اصوات العجمان في الدئرة1900 والاعضاء كم جابو
هادي 1500 ومبارك 1200 تقريبا ظيب وين الاصوات الباقية
وايضا ماكان فيه التزام من الطرفين كلن يحفر لخويه فوقعو على روسهم الاثنين

وهــــــذا اكبر نصر للعجمان مايطلع منا ضفعة

[admin]

اخوي الذيب صراحه كلامك ماهو في محله ولاهو مقنع ولا يجوز انك تقوله بهذي الطريقه
اذا انت مامشاك لا مبارك ولا هادي ماهو معناه انهم ضفاع علي قولتك
وانا اتحداك اذا هم ما نفعو احد من بني عمك والا احد من خوانك
والدليل نجاحهم في الفرعي واذا تقول ان راشد نفع مبارك فهذا شي طيب انه ينفع اخيه مثل مانفعوه العجمان


واذا في احد امتنع من العجمان علي قولتك فهذا والله اللي تنطبق عليه هالكلمه بكل معانيها

حنا كلنا اذا مشانا العضو مره ومرتين وجيناه بعدها بشي كبير وتعذر منه فهذا والله اللي نبيه ونفضله عن عضو اذا جيته اول مره قالك ابشر ولا تشيل هم
وهو والله ماوراه لا منفعه ولا فايده
لكن الناس ماهي عمية وكلن يعرف طريق الصح واذا تردا احد من العجمان عن التصويت
فصدقني في غيرهم مانامو الليل من كثر الهم وهذا من عوايد العجمان وحميتهم لبعضهم سوا ان مبارك ولهادي ولا احد ثاني وقتها مانشوف الا مكان للعجمان في هذي الدائره كلعاده

[السفير]

اذا اراد العجمان الاحتفاظ بمقعدى الرقه وتكون الدائره لهم ولا ينافسهم فيها احد يجب عليهم ان يحسنو الاختيار اما مسألة ان من نجح في الفرعى فهو الاصلح فهذا غير صحيح لأنه نجح لان فخذه الاكثر والا ومع احترامى الشديد له هادى هايف هل يصلح للعضويه بللاه عليكم يشباب العجمان هل طموحكم ومواصفات عضوكم فى الانتخابات القادمه هوهادى هايف اما مبارك صنيدح فهل كان يمثل العجمان الا تذكرون استجواب الصبيح وموقفه لما ذهبو اليه العجمان مبارك صنيدح نجاحه كانت غلطه ارتكبها العجمان لما نجحوه غلطه نرجو الا تتكرر ويجب على العجمان اختيار الشباب المقبؤلين المتعلمين المحبوبين من العجمان ومن القبائل والعؤائل الاخرى فى المنطقه ويجب ان يختاروه لشخصه لاتكون حميا جاهليه

[مـحمـد]

لاحد يزعل من كلام احد ..

لكل وجهة نظر والاسباب اللي يشوفها ..

ولاحد يجرح احد الكلام لازم يرتقى بمستوى المنتدى ..

ووان رايي بسقوط العجمان اول الاسباب هو :

مافيه تغيير ودماء جديده .! حيث ان الكرسى اصبح بالوراثه كما يحلو للبعض ان يسميه

فيه شباب من القبيله فيها روح الشباب منهم دكاتره ومهندسين ومحامين وشهادات عليا وسمعتهم طيبه ..

بما ان .. اذن .. الشيبان مانبيهم ينزلون خلاص لاشهادات ولا علم ينتفع فيه
فيه ناس اولى منهم ..

وهذى وجهة نظرى ولي عوده وشكرا