تنازل محمد صالح سالم العجمي عن ترشيح مجلس الأمه

[من داثر الوقت]

بسم الله الرحمن الرحيم

حبيت أبشركم أخواني عن تنازل الأخ محمد بن صالح سالم العجمي عن خوض الإنتخابات في الدائره 21 الاحمدي بعد أن قام بزيارته مجموعه من الشيبان ووجهاء الأحمدي وطلبوا منه التنازل لمصلحة قبيلة يام وقد وافق الأخ محمد مشكورا ووجب بني عمه ولاهي غريبه عليه

وتمت الزياره اليوم عصر الجمعه في ديوانية آل ماسان
ولهم منا جزيل الشكر

حبيت أبلغكم أخواني هذا الخبر للعلم فقط

وأكرمكم الله

[بندر]

لاهنت على الخبر

والله يكتب اللي فيه خير

[gft]

الله يبشرك بالخير
لاهنت على الخبر المفرح
نتمنى التوفيق لمحمد
في الأنتخابات
الفرعيه
القادمه
وانه مايدخل
الرئيسي على ربعه
اعطر و ارق
تـ ح ـيـــه

[الفهد10]

السلام عليكم ورحمة الله وبركاته
الله يزاك خير ويزاهم خير من سروا بهل موضوع .. لاكن كان ماطلبوه كان خلوه يجرب حضه وكان بينجح ويطلع الاول .. ومرحبابك على كل حال

[سمحان]

يا هلا بن صليمه

يعني هذا اللي كان يسعى له بن ماسان .. ان يتقدم له الشيبان ويطلبونه .. عيب عليه والشرهه على اللي طلبوه .. ومثل ما قال الفهد .. كان خلوه يجرب حظه كان نجح وطلع الاول ..

[عبدون]

يا سمحان

كلنا له فكر ممكن يصيب وممكن يخطئ

ودامه تنازل عن حقه اللي كفله له الدستور نقول جزاه الله خير

ولا تكثرون حكي ما وراه غير الفرقه وحنا بحاجه للجمعه

[ابو يزيد]

سمحان ... الرجال تنازل وبعض الحكي ماله داعي وخلنا ساكتين ولو انه نزل مافيها سواد وجه هذا من حقه ومن حق غيره المجلس مهوب حكر علي احد من دون احد واقصر الحكي

[جالس بن مبارك]

السلام عليكم ورحمة الله وبركاته

شكرا لك اخى الكريم على الخبر الطيب

و هذى الهقوه الطيبه فى ربعنا كلهم بدون استثناء

و نسال الله التوفيق للجميع

و لبعض الاخوان المشاركين فى الموضوع

عن النبى صلى الله عليه و سلم قال بما معناه :

من كان متحدثا منكم فليتحدث بخير او فليصمت .

و هذا وقت رص الصفوف و التكاتف لمصلحة الجميع

[قلم صريح]

بيض الله وجهه على التنازل

واتركو الحكي اللي ماله سنع

[عكس التيار]

الله يوفق الجميع لما يحب و يرضى

و بس

[مـحمـد]

السلام عليكم ورحمة الله وبركاته

هذي الهقوه في ابناء يام كافه
وبيض الله وجهك على هذا الخبر
ونتمنى للجميع التوفيق .

[الـعـابـر]

الله يجزاه خير

لاهنت/ يابن صليمه/ على هذه البشارة

[عبدالناصر آل عبدان]

الأخ العزيز بن صليمه

شكرا على هذا الخبر الجميل


ومحمد بن ماسان آل صليع آل مفلح

من خيرة شباب الصحوه الإسلاميه وهو رجل متدين والكل يشهد له بالصلاح

وجزاه الله خير على إسهامه في توحيد الصفوف

وجمع الكلمه وعلى التنازل لصالح أبناء عمه

فكلنا أبناء قبيله واحده وكلنا أبناء وطن واحد


ونسعى جاهدين إلى دعم مرشحينى الأكارم اللذان زكتهما

اللجنه التشاوريه لقبيلة العجمان في الدائره 21

خالد سالم العدوه

محمد فالح العبيد




وكلنا نقف خلفهم وندعمهم

وإن شاء الله ثمار النجاح والوحده

نضجت وحان قطافها


شكرا للجميع

والله يجمعنا على العز يا أبناء عمي


ودعتكم الله

[ال مفلح]

السلام عليكم جميع

يا شباب بن ماسان رجال قرم ولا تظهر منه العيبه

وانتم لو انكم سالتوا شيباكم والا الرياجيل اللي راحوله كان عرفتوا ليه هو نزل نفسه

له سالفة صايرة ما تنذكر في المنتديات والعيب ما يلحقه يلحق الطرف الثاني والا هو رايته بيضا

واسالوا شيبانكم كن عاد بخاطركم شي وعن الحكي اللي ماله داعي

والاول والاخير مثل ما تفضل عبدالناصر

كلنا عيال عم وعيال جد واحد

وارفعوا انفسكم من السوالف ذي

تحياتي لكم

[أبـــوسعـــــود]

الله لايهينه وبيض الله وجه



ويعوضونه أخوانه أن شالله ...

[من داثر الوقت]

أشكركم أخواني على المرور

وبن ماسان إنسان ماعنده من السوالف الرديه ورجال فيه خير ولو كان قصده يخرب على بني عمه ماكان رضا أبوه ولا أخوانه

وأتمنى عدم التجريح في بن ماسان

وصحيح إللي مايعرفك مايثمنك

والكلام الزين أبرك من غيره


وأشكركم على المرور

[الفهد10]

يالربع حنا ماقلنا شي .. لاكن واحد في راسه نزول من كان .. ينزل في الفرعي . ان نزل في العام على طول حطينه على وروك الركايب مثل غيره .. وماكان الضروف ومهما كانت .. ماله حق ينزل على بني عمه في العام ولا والله كان اروح واطلبه ولا اجيه .. غيره سواها ولا عين شي .. وهو انسحب ماله طيب لان نازل عليهم .. الا رجع لصح .. اما انها كذا كلن بسجل بالعام وكنسلوا الفرعي .. لاكن خلاص صكروا هل موضوع هذي وجهات نظر .. وكلن يقول وجهته .. ومع السلامه

[النااايف]

السلام عليكم ورحمة الله وبركاته


الله لا يهين اللي نقل الخبر(بن صليمه)
وبقول مثل ما قال اخينا جالس( اما قل خيرا والا فاصمت)
وابن ماسان من فخذ طيب ال مفلح وانا متأكد انهم مهم راضين بنزوله
وياخواني محد معصوم من الخطا(وخير الخطائين التوابين)

(يا كثر اللي نزلو بالرئيسي على ربعهم..خص لا سقطو بالفرعي)!!

[سمحان]

يا اخوان ماله داعي الاكثار من الردود على موضوع ماله اهمية كبيرة .. تراه ان نزل ولا ما نزل فعيبه في جنبه وما اعتقد راح يأثر كثير .. لانه ما هو بمعطيه الصوت الا واحد مافيه حمية ولا يفكر في مصلحة القبيلة ..
اما بعض الردود اللي تدافع وتظهره بمظهر البطل .. فشر البلية ما يضحك ..

[فلاح بن ملبز]

السلام عليكم ورحمة الله وبركاته

هذي الهقوه في ابناء يام كافه

وبيض الله وجهك على هذا الخبر

ونتمنى التوفيق للجميع

[من داثر الوقت]

يا اخوان ماله داعي الاكثار من الردود على موضوع ماله اهمية كبيرة .. تراه ان نزل ولا ما نزل فعيبه في جنبه وما اعتقد راح يأثر كثير .. لانه ما هو بمعطيه الصوت الا واحد مافيه حمية ولا يفكر في مصلحة القبيلة ..
اما بعض الردود اللي تدافع وتظهره بمظهر البطل .. فشر البلية ما يضحك ..


الأخ سمحان مادريت إنك كذا صاير نشبه

مدامك كذا غير إسمك من سمحان الى نشبان

وترانا في وقت محتاجين للتكاتف وأنت الله يهديك شاد حيلك


وعلى فكره بن ماسان والله ما يقرب لي ولا بيني انا وياه أي صله

بس الغالي وداعة الغالي


والله يهديك

[(( سهيل ))]

جزاة الله خير على كل حال

[سمحان]

يا هلا ومرحبا في ابن صليمه

اذا بن ماسان ما بينك وبينه صله .. فلماذا ما تقول اللي حصل خطأ منه ونرجو انه ما يتكرر في المستقبل من اي شخص .. اللي شايف في نفسه قدرة على خوض الانتخابات ينزل في الفرعي .. وانت عارف ان انتخابات السنه ذي حساسه شوي .. التصرف اللي حصل منه كان غير مسؤول وما يسويه شخص يفكر في مصلحة القبيلة .. اما اذا كان قصدك تراضيه بكلمتين .. فهذا شي جيد منك ولكن لايجب السكوت عن الخطأ مهما كان ما يقرب لك او مالك صله فيه حسب قولك .. مع انه ساكن في نفس منطقتك ..

المهم الان انه طلع من الانتخابات .. ونتمنى النجاح لجميع مرشحي العجمان في جميع الدوائر .. واقصر الردود يا صليمه ..

[من داثر الوقت]

يا هلا ومرحبا في ابن صليمه

اذا بن ماسان ما بينك وبينه صله .. فلماذا ما تقول اللي حصل خطأ منه ونرجو انه ما يتكرر في المستقبل من اي شخص .. اللي شايف في نفسه قدرة على خوض الانتخابات ينزل في الفرعي .. وانت عارف ان انتخابات السنه ذي حساسه شوي .. التصرف اللي حصل منه كان غير مسؤول وما يسويه شخص يفكر في مصلحة القبيلة .. اما اذا كان قصدك تراضيه بكلمتين .. فهذا شي جيد منك ولكن لايجب السكوت عن الخطأ مهما كان ما يقرب لك او مالك صله فيه حسب قولك .. مع انه ساكن في نفس منطقتك ..

المهم الان انه طلع من الانتخابات .. ونتمنى النجاح لجميع مرشحي العجمان في جميع الدوائر .. واقصر الردود يا صليمه ..

لا تعليق ومابغيته يا سمحان يصير يصير

وتراك كبرت الموضوع أكبر من حجمه


ومن رد ما كنه شرد


سامح رفيقــــــــــــــــــك لو حصل منه تقصير=وإفهم ترى مابالمخاليق كــــــــامـــــــــل






وأتمنى إن الموضوع ذا ينتهي