وليا نكرت أقرأ كتابات راكان ! !

[بن عصفور]

اول مانبدي بالسلام ياوجهه محلف

وبعد السلام شي يشرفني وجودي بينكم

وحبيت اكتب هالقصيده بالمنتدي واتمني انها اتحوز علي اعجابكم:

ياللـي تقلـب بالـورق والكتابـه ** ماكـل مايكـتـب مـوثـق ببـرهـان

أخذ الكلام اللي عزيز جنابه ** الصامـل اللـي ينوضـع لـك بنيشـان

لـي لابـة مامثلهـا اي لابـه ** هواجـر يفخـر بـهـم كــل مــن كــان

تاريخهم من يوم وقت الصحابه ** لهم سجـل حافـل بكـل الازمـان

حريبهـم تعجبـه ذيـك المهابـه ** وليـا نـكـرت أقــرأ كتـابـات راكــان

الهاجـري ماخـان منهـو التجابـه ** والهاجـري هـو للدخيليـن زبّـان

لطامـة العايـل ليـا جـا طلابـه ** ودماحـة الـزلات مـن دون طغيـان

والهاجري يعجبك يوم المجابه ** شجعان لاعدوا وان قلت شجعان

وارجع الي التاريخ وماقد غدا به ** ذا فعلهم فـوق الثريـا والامـزان

وكل وله حقه وفيه اعتلا به ** وماضنتي في مدحهم كنت غلطان


والكلام اللي قاله راكان كثير في بني هاجر وابي اختصره في بيت واحد يقول فيه:


هواجر من يوم عصر الصحابه ** كرمان ظفران علي الحرب يزكون

راكان قــــــــــــــال علي الحرب يزكون واللبيب بالاشارة يفهم يعني حرب ماهي اثنين وثلاثه ولاهي لعبة بزران ...... وشكرا لكم علي مروركم من هنا
ابن عصفور الهاجري

[عزوف]

لـي لابـة مامثلهـا اي لابـه ** هواجـر يفخـر بـهـم كــل مــن كــان


والله وسبعيـــــــن نعم بالهواجر وفيك يا ابن عصفور

قصيده رائعه واختيار موفق حياك الله معانا وبانتظار كل ما هو جديد منك يا اخي الكريم

تحياتي

[فيصل بن حجرف]

السلام عليكم

مرحبا بك اخوي ابن عصفور في منتداك

وصح لسانك على القصيده الرائعه ونعم ومليون نعم في بني هاجر

وقليل في حقهم كل مانقول

تحياتي

[بن عصفور]

عزوف


Alajman


والنعم فيكم

وصح وبدنكم

ولاهنتوا وشاكر مروركم

وكلامكم الطيب

أخوكم ابن عصفور الهاجري

[راشد سعد]

ونعم في بني هاجر

ولاهنت على القصيده لكن الحكي اللي قلته في النهايه ماله راس

[بن عصفور]

راشد سعد

الله ينعم بحالك وشاكر اهتمامك

ليش الكلام اللي تحت فيه شي غلط مااعتقد انه راكان لي قال حرب ماظنتي انه يتكلم عن شي غير الحرب
مايتكلم عن شي بين مجموعات بسيطه
وانا اخوك الحميه شي طيب لكن انكار الغير شي الواجب من كل رجل بالغ عاقل يبتعد عنه كلامي صح والا انا غلطان؟؟

[راشد سعد]

مرحبا يابن عصفور ونعم فيك وفي ربعك


ماهي الحروب اللي قصدها راكان ولا جيبلي سوالف الكسب والغارات البسيطه

ابي في مستوى الرياحيه

واتمنى انها تكون موثقه في كتاب تاريخي اذا وجدت

وتقبل فائق احترامي

[بن عصفور]

معناتها انت ماتصدق في البيت اللي قاله اميركم وشاعركم وفارسكم يوم قال حروب ؟؟

[بن عصفور]

راكان حاضرها ويعرف وشهي وقال ذا البيت

انت وينك يوم قال حروب؟؟

واللي كتب او ألف وين كان؟؟

كلام يتناقلونه الناس بالقصيد ماهو بالكتب والبيت بيت راكان ماهو بيت كاتبه بزر مايفتهم شي
عدل والا انا غلطان؟

[راشد سعد]

اول شي انا ماعرف القصيده اللي تكلم عنها

وان قالها راكان فهو ماكذب وانتم اهل الطولات

لكن ليش تفهم من قصيد راكان انها حروب على العجمان
تقول راكان ايعرفها ؟؟ نسينا نساله عنها الله يرحمه
كان الاولى بك ان تذكرها

ومعروفف انه ماتحاربنا وياكم الا في الرياحيه والباقي كنتم مع ابن سعود

واشكر ابن عصفور على سعة صدره

[بن عصفور]

اما ان كانك تبيني اذكرها فأنت ادري بها والتاريخ لاينسي بس التعامي عن التاريخ شي وارد وان الذكري تنفع المؤمنين وبغيت اسألك ان بغيت تسأل راكان ارجع لقصيده وانت تلقا كل شي موثق

احسن مافي الناس قبل مايكذبون ولا يتعامون ويعطون كل ذي حق حقه

والعفو ياراشد واتمني انه اتكون انت اللي وسيع صدر ولاتزعل منا

[راشد سعد]

مرحبا يابن عصفور

سائلتك سؤال واضح ولم تستطع الاجابه علي

وهذا استسلام منك

ومشكور وفمان الله

[بن عصفور]

انت سألت سؤال انت عارف جوابه وقالوا لك اياه الاخوان قبل اليوم بالمنتدي بس اللي يبي يتعامي له مايبي واللي يعرف ويسأل واهو عارف وحده امن الثنتين يا انه غبي او انه غبي وانا ماهقيتك غبي وانا اخوك

عدل يا راشد
والا انا غلطان؟؟

وارد اقول الحميه زينه بس زيادتها عن حدها او انها اتكون في غير محلها اتصير مرض... دير بالك علي صحتك

[بن عصفور]

راشد نوم العوافي.....

ياعساك اتنام مرتاح واتمني انك اتغطي عدل لاتجيك كوابيس :)

دير بالك لا يرتفع ضغطك
وراكان قالها حروب وراكان صادق

بس الحميه الزايده تعمي العيون والقلوب
الحميه لازم اتكون في محلها وفي وقتها

ونوم العوافي مرة اخري ياراشد

[راشد سعد]

الله يهداك يالهاجري

سؤالي واضح ولم تستطع الاجابه عليه
والسوالف اللي تقول ذكروها الاخوان عندنا اكثر منها بس ان حنا مانذكرها
لانها ماتعنينا بشي وقعات كسب بين مجموعات قليله ولا نتشدق بها
لكن ابي في مستوى الرياحيه والعينه وكتزان ......... والخ

ولاهنت

[وردة&العجمان]

بسم الله

السلام عليكم احب اشاركم بالموضوع واح لالنزاعاااات :)


اشوف الناس عند اللي يحط ريال فوق رياال /// كرامتهم على كيفه يبيع بها ويشريهاا

اليامن قال يامعلم نهد الدار؟قال (امال) /// ولامن قال نبينيها ؟ يقول (امال) نبنيهاا

طرت على البااااااال

تحياتي لكم جميعاااااا

[بن عصفور]

كيف الحال ياراشد انا تعبت وانا افهم فيك

انت اتقول مجموعات وراكان يقول حرب انت الصادق وراكان اللي يكذب؟؟

راكان لحق عليها انت اخبر منها فيها؟؟

ياخوك اتعرف شتذكرني لما اتقول اعداد قليله؟؟

اتذكرني بفريق بزران خسرانين مباراه ولما قالوا ليش خسرتوا قالوا الحكم ضدنا والارضيه تعبانه ومعاهم لاعبين كبار

ياخوك مو كل حرب اتخسرونها اتصير بين اعداد قليله منكم وبني هاجر كلهم

شوية عقلانيه ولا اتخلي الحميا العميه تلعب فيك

دمعة^الوادي

صباح الخير
شاركتك جدا جميله ولكن وش مكانها من الموضوع اتمني منك التركيز اكثر قبل لا تضغطين تنفيذ
وشكرا

[راشد سعد]

انت اللي تعبتني وياك

اقولك اذكر الوقعات ولا انت قادر تذكرها

وهذا دليل ان ماعندك شي

وراكان ان مدحكم في الحروب يعني تكونون كاسرينه ياخي افهم اعدل
كل القبايل تمدح بعض

[وردة&العجمان]

اقوووووووول


بن حمام اقصد عصفووووووووور


شلونك بس :)

عشاك بخير :)

وانا حبيت اشارك بالمشاركه اللي قبل :) كدخول بسيط بس لا اكثر

وعشان اعرف شي :)


والحمدلله عرفته :)


تحياتي لك :)


دمعة^الوادي

[أبو الوليد]

أخوي بن عصفور المحترم

صدقني ومثل ما قلتلك انت تدور الحرش بس صدقني هالاسلوب ما يفيدك

واذا على راشد يا خي راشد قال اللي عنده طيب انت قول اللي عندك

يعني اذكرله الوقائع وبين مين ومين واذا انت استشهد بقصيدك ان الشيخ

راكان ذكركم في قصيده بالخير وانكم كسابة للحرب يعني بيني وبينك

<<<<<<------- وين بينك وبينك المنتدى كله يشوفك

بالله عليك هذا مو يدل على انك انت طال عمرك المريض بالعجميفوبيا

والدلليل ما ذكرته في قصيدك , احنا ما نهضم حقك ولا حق ربعك والله والسبع

تنعام بس وانا خوك ما عندك حجه يعني راشد يجيبلك بيت تقوله جبلي البيت اللي

بعده يجيبلك البيت اللي بعد تقول ها والله مدري من وين جايب هالبيت

يجيبلك وقائع وتقول والله انا يا سعد اذا تبي اجيبلك وقعات واغنيها لك

اي جب الوقعات على قولتك وانطح الحجه بالحجه اما تقولي لا راكان قال

فينا وعمل مدري وشو طيب راكان كان يمدح كل القبايل مدح مطير وعتيبه

وشمر وقحطان والهواجر بس انتو الظاهر فرحتوا بزود كنه ما حد مدحكم غير

راكان........ اقووووووول كني طولتها وهي قصير

وعندي طلب منك تحذف مشاركتك اللي قبلي لأنها لا تليق بواحد محترم مثلك

وشرواك

تقبل تحياتي

أخوك سعود

أبو الوليد