المساعد الشخصي الرقمي

مشاهدة النسخة كاملة : ردياتي ...

راعي العليا
09-05-2006, 05:52 PM
هاذي بعض الرديات بيني وبين بعض الربع اللي لهم فالشعر وقد أرسل واحد منهم لي رساله ورديت له بسرعه فأستغرب !! لعلمه بأنني لاأقول الشعر ولكن هذا ما قد طلع مني .

أرسل ...

يابوفهد دنياك تحتاج محراك ..... ينجز بهالدنيا وترى العمر فاني

أما طلعت الرجم من عقب مغزاك ..... ولا قعدت تردد الدان داني

رديت ...

أركع مع الركاع والله يرعاك ..... يقضي حوايجك ولا أنتى بعاني

وصحب عزيز النفس والناس تنصاك .... ربعك هبوب الريح ياشولاني

هذا أول رد لي ولم أعرف وشسالفته ولكن حبيت أرد بالمنطق وهو على البحر الطويل (المسحوب)

والثانيه من نفس الشخص أرسل ...

جديد القصايد لانويت أكتبه للناس .... تعذر قصيدي والقلم ماكتب لونه

تعود قصيدي يمدح معربين الساس .... أبو فهد اللي كل الأنذال يفدونه

عسى مايجي من بيننا شر وباس .... ودوم المحبه والردي نعمي عيونه

رديت ....

ترى الصداقه أبد ماتشهر الافلاس .... حتى الرجل لوهو لقبره يسوقونه

يبقا الوفا مصيون مابين ناس وناس .... وأعجزت يافيصل كثيرٍ يبارونه

وهذا سلامٍ مايكتب على قرطاس ..... من فوق موجات sms يهدونه

وهذه الابيات الاخيره على الهلالي ...

والرد الاخير من صديق قحطاني غالي وشاعر مميز وقد شارك بالقلطه على نطاق ضيق وملم بها وارسل ....

أتعيش ياعامر لنا ذخرٍ وجاه .... والطيب لك يالقرم ولد القرومي

خصك به الله في صميمه ومعناه .... يفدونك الله الوندقه والرخومي

شوك الكبود المزح لوحصل دواه .... وعوانه الضيقه وشرهه ولومي

رديت ...

كل المراجل فيك ياسعيد منشاه .... ساس الفهود الجامحه كالسهومي

الطيب مايقنيه أبن اللاش بمرباه .... مادامه مضراً بليا سلومي

كلام قلبي بقافه ووزنه ومعناه .... مرسولٍ لأبو بدر جعله يدومي

وسلامتكم حبيت أشارك بمنتدى المحاولات الشعريه معاكم وأتمنى أن تحوز على رضاكم ....



وشكراً
مـحمـد
11-05-2006, 06:57 AM
ماشاءلله صح الله لسانك
ولاهنت على هذه المشاركه
:)
راعي العليا
11-05-2006, 09:50 PM
حياك الله يابو فهاد ولاهنت على المرور ....

بس للأسف كثير قرأو ولا علقو الظاهر الدعوه من تقرا له يقرا لك :)

وللتصحيح ....

( عنوانه الضيقه وشرهه ولومي )





وشكراً
اطياف الماضي
13-05-2006, 07:46 AM
صح لسانك اخوي

تحيتي
راعي العليا
15-05-2006, 12:12 AM
صح بدنش يا طفطف......

ومشكوره لحضورك المميز .....
راعي العليا
15-05-2006, 12:19 AM
صح بدنش يا طفطف......

ومشكوره لحضورك المميز .....
الجبـل
15-05-2006, 08:13 PM
ترى الصداقه أبد ماتشهر الافلاس ××× حتى الرجل لوهو لقبره يسوقونه

راعي العليا

صــــ لـسـانـك ـــــــح

عالقصيده الجزله الموزونه

نطمح للمزيد من هذه الأبيات العذبه

أخوك

الـجـبـل
راعي العليا
18-05-2006, 03:22 PM
حياك الله يالجبل وصح بدنك وأسعدني مرورك.....











وشكراً ...
راعي العليا (2)
17-06-2010, 07:36 PM
صح السانك يا راعي العليا وانت و ربعك امبين عليكم شعار :)

عطنا من قصيدك الطيب انت و الشولانى على قولتك في الرديه و فيصل و القحطانى :)

يابوفهد دنياك تحتاج محراك ..... ينجز بهالدنيا وترى العمر فاني

أتعيش ياعامر لنا ذخرٍ وجاه .... والطيب لك يا القرم ولد القرومي

و اضاهر ان اسمك عامر و بكرك يقاله فهد :rolleyes: