هل تسمحين للخادمة بخدمة زوجك؟؟

[الـــصـــعــــب]

بسم الله الرحمن الرحيم

هناك الكثير من المنازل التي توجد فيها خادمه

وسؤالي هنا ماهي الحدود او الخطوط الحمراء التي يجب على الخادمه ان لا تتعداها ؟؟؟


هل واجبها يقتصر على النظافة؟؟

او النظافة والطبخ ؟؟ ومقابل الأطفال؟؟

والسؤال الأهم هل تسمح الزوجه للخادمه بخدمة زوجها ولو بتقديم الماء مثلا ؟؟


أرجو من الجميع المشاركه بصراحة



مجنونها

[روووووعه]

مجنونها

الخادمه ماجبناها الأ للخدمه مو نرزها في البيت وهي تخدم الصغير والكبير

وبعدين عندي لك سؤال هل تسمح لزوجتك أن تذهب مع السائق ؟ ولا تقول

باقي ما تزوجت ( فرضا ) ارجو الأجابه بكل صراحه .

روووووووووووووووعه ,,,,

[الـــصـــعــــب]

روعه اشفيج ؟؟


تعالي طقيني بعد !!


:)


انا اقول ان الخادمه ماينحط عليها الشغل كله يعني لازم الزوجه هي اللى تطبخلي وتغسل ملابسي وتقابل البزران وتعتني ابيتها ام الخادمه شغلتها مساعده لااقل ولااكثر

وموضوع السايق لا طبعا ماارضى

وحقج علي شكلج زعلتي من موضوعي

عموما مشكوره على مرورج :)


تحياتي


مجنونها

[روووووعه]

مجنونها بسم الله عليك من الروووووووعه ؟

لها الدرجه أسلوبي يخرع تراني ماقلت شي يخوفك وردي واضح واذا بطبخ

وأغسل وانتبه للبزران وشوله اجيب شغاله أجل ويعدين يأخي زي ماتيجبون

سواويق يريحونكم وشفيها أذا جبنا شغاله تساعدنا وتراى شغلنا يالبدو واجد

وتراني عمري ماعصبت وانا ارد على أحد ولكن يمكن أنك ماخذ عني فكره

غلط :D
رووووووووووووووووووعه ,,,

[عزوف]

موضوع رائع يا مجنونها


والمفروض اني احذفه لانك كاتب مشاركتين في نفس اليوم لكــــــن هالمره سماح :)


نرجع للموضوع

بصراحه انا ارفض وبشده دخول الخادمه الى غرفتي وانا بنت !!! فمابالك لما تكون المره متزوجه المفروض ما تدخل غرفة النوم لاي سبب من الاسباب وعلشان
جذي انا ارفض ان تخدم الخادمه الزوج !!

لا غسيل الملابس ((لانهم بيحوسون الدنيا )) ولا تقديم الاكل والماي مو مشكله الخادمه تطبخ لكن المره على الاقل تغرف الاكل وتقدمه للزوج

هذي وجهة نظري وانا ارفض اصلا وجود الخادمه في البيت لكن لاحول ولاقوة شر لابد منه لكن لا يمنع ان تكون مهمتها التنظيف والترتيب والغسيل اما الطباخ والاهتمام بالزوج والابناء فهو مهمة الزوجه


ولاننسى ان الخادمة جلبت لكي تساعد في اعمال المنزل ولم تجلب لتكون بديله للزوجه والام


هذا رأيي وتحياتي لك يا مجنونها

[كويتيه]

يعطيك العافيه مجنونهاا..

صراح انا بيتناا مافيه خدامه من 8 سنيين.. و تعودت انهاا ماتكون في البيت.. و من جذي ما افضل انهاا تكون في البيت ابدا... حريم اول ماكان عندهم خدامات شلون كانواا يشتغلون بروحهم عادي..:) انا اقول مو شرط خدامه في البيت.. و حتى لو في خدامه في البيت مستحيل اخليهاا تخدم زوجي او عيالي.. و شغلهاا بيكون بتنظيف المطبخ و الحمامات عزكم الله و بس اماا غرفتي و ملاسي وملابس زوجي و عيالي لا مستحيل.. ولا حتى ادش الغرف..

[الـــصـــعــــب]

اشكركم على مروركم وتعليقكم


تحياتي


مجنونها