القصيده التي اثارة غضب بنات الخليج

[ابوحمد الشامري]

هذه قصيده كتبها احد الخليجين بعد قدومه من المغرب خلونا نشوف وش قال :



ياللي تنشد عن علوم الذي طاف .. كل البحور وكل دوله وديـره

خذ من علومي علم اوصافه اوصاف .. جزل سمين يشتعل له سعيده

الزين عقب المغربيات ينــعاف ..غيد لهن بالزين ذكره و ســيره

فيهن حلا طاغي ولين و تعطاف .. وفيهن حنان يشعل القلب غيره

حلوات وصف وفاهمات بالاعراف .. زيننات منطق صافيات السريره

بنات قوم طيبهم غصـب ينشاف .. اولاد مغرب بالليالي العســيره

ياللي تنشد عن علومي بالانصاف .. هرجي يكفي صامله عن كثـيره

الزين في لميا وتغريد و الطـاف .. ماهوب في حصه وكشره و منيره


،،،،،،،،،،،###،،،،،،،،،،،


الرد اللى يبرد القلب


قال الذي في بدع الامثال صراف .. جزل يفرق بين درهم وليــره

ياللي مدحت المغربيات بجحاف .. الله يجيرك من عماه البصــيره

لو تعجبك لميا وتغريد والطـاف .. مايصلحن لهل الوجيه السـفيره

مفصخات و لبسهم حـول الارداف .. وبليس اغواهم بكشف الستيره

متعودات كلهم زيف وخفـــاف .. على التغنج والتعطف وغيره

كل يوم مع صاحب و لافيهم اعفاف .. خويهم اللي فلوسه كثيره

ترى البضايع عده اشكال و اصناف .. وكل ينوخ وسط سوقه بعيره

عز الله ان الطيب في بنت الاشراف .. اللي على الحشمه تربت صغيره

ولا تبين منها كود الاطــــراف .. مثل القماشه فالبحور الغزيره

ياللي تدور بالجواهر و الاصــداف .. الزين كله في بنات الجزيره


،،،،،،،،،،،،،،###،،،،،،،،،،،،،


وهذا رد للمرحوم طلال الرشيد (( الملتاع )) .. الله يرحمه



يابن الحلال ان طعتني خل الاسراف .. واترك جمال الغيد لاهل البصيره

الزين موبس في الملامح والاوصاف .. الزين روح وعفه وطيب سيره

مانيب من يهوى سريا وانصاف .. انا هواي وبس بنت الجزيـره

بنت الخليج اللي تماري بالاعراف .. وحنا نماري باسمها كل ديره

مالي غرام بقول وخا وبالـزاف .. اذبحتني عند الطرحه المستديره

احب قولة ياهلا وعل وماخلاف .. من بنت ثوبي بنت الارض النضيره

اللي تحلاها الظبي حلو الاطراف .. جمال في عفه ورقه وغيــره

واللي بها سحر مهو سحر عراف .. ياعل عين ماتراها ضريــره

عطف وحنان وذوق في لين الاعطاف .. والى كشفت لثامها شفت أميره

صعب على اللي بالردي شاف ماعاف..وحلوه علىاللي سنه الله ضميره

شمس الى من اشرقت والدجا طاف ..غابت نجومك غصب لو هي كثيره

السيف مايزهى سوى كف سياف .. والخيل دون حصانها مستخيـره

بس أنت دورلك على قدك لحـاف .. وان طعتني دور بدلنا عشيـره[/color]

[cool]

السلاااام عليكم ورحمة الله وبركاااته

عز الله ان الطيب في بنت الاشراف
اللي على الحشمه تربت صغيره

هذا اللي يفرق بين بنااات الخليج وكثير من بنااااتهم ونحمد الله عليه .

الزين موبس في الملامح والاوصاف
الزين روح وعفه وطيب سيره

وذ من رد المرحوم طلاال ال رشيد يكفي منه الله يرحمه .

تسلم ابو حمد الشاااامري على اختيااارك الراائع والله يعطيك العااافيه .

كـووول

[غدار ابن خاين]

احسنت بالزاف

[عيد بن شدقان]

لا هنت يابو حمد على ذالقصايد الرائعه




وشكرا

[أم ثامر]

صح لسانك يابوحمد ، وصح لسان من رد عليه وعلمه وشهو قدر بنات الجزيرة...أم ثامر

[ابوحمد الشامري]

مرحبا الفين بام ثامر ولا هنتي على مرورك

تحياتي

[ابوحمد الشامري]

مرحبا باخي العزيز كول واسعدني مرورك

تحياتي

[ابوحمد الشامري]

مرحب الفين بالاخ الراكد واسعدني مرورك

تحياتي

[غــزال البـراري]

مـسـاء الـــورد ...

الزين موبس في الملامح والاوصـــــاف .. الزين روح وعفه وطيب سيــــــــره

قصيده جميله ... مكتظه بالشعر الاصيل
تتستر من خلفها معاني رائعه لبنت الخليج
اشكرك ابو حمد الشامري للنقل والإختيار الجميل لهذي القصيده
سلمت انامل ناقلها وصح السان قايلها ..

والى مزيد من التواصل
غــــــزال البراري

[كويتي]

لا هنت يا ابو حمد وعساك على القوه يا الغالي

وتسلم على المجهود الواضح في جميع الاقسام..

لـــــــك تحيـــــاتي
كويتي

[ابوحمد الشامري]

مرحبا بالاخت غزال البراري واشكرش على مشاعرك الطيبة

تحياتي

[ابوحمد الشامري]

مرحبا الفين يا الكويتي واشكرك على هذه المشاعر الطيبة

تحياتي

[عزوف]

الزين موبس في الملامح والاوصاف .. الزين روح وعفه وطيب سيره

اللـــــــــه يرحم من قال هالبيت يا عساه في جنان عدن


تحياتي لك يا ابو حمد مشاركه رائعه

[ابوحمد الشامري]

مرحبا بالاخت عزوف ولا هنتي ولقد أسعدني مرورك

تحياتي

[بخـــــــــــوت]

صحححح لسااااااااااااااان طلال الرشيد الله يرحمه

تشكرات ابو حمد الشامري

[قبلةالعجمان]

ياللي تدور بالجواهر و الاصــداف .. الزين كله في بنات الجزيره






مــــــــــــــا كذب :):):)





صح لسانك ولاهنت
ومشكوووووووووووووووور عالمجهود المبذول

[سلطان بن جفن]

صح السان ابو حمد على هالقصيده الحلوه بس لاتلومه يمكنه شايفله شين ياخذ العقل0فيه قصه طرتها على قصايدك واحد من العيال في المغرب وكان ساكن له في اوتيل ولقى شايب في الوبي ولقاه يبكي قال وش فيك ياعم تبكي تبي شي ناقصك شي قالا ياولدي بس ابكي على عمري الي ضاع ماعرفت ذديرهومقابللي مرتن هي والحبشيه وحده يقصد زوجته توني القى النعمه ياولدي وسلامتك اخوك
سلطان