المساعد الشخصي الرقمي

مشاهدة النسخة كاملة : القصيدة التي اعتقت المسجون //للشاعر الكبير راجح بن سالم الشامري

دسمان
08-04-2006, 02:00 PM
ارسل الشاعر الكبير راجح بن سالم العيير الشامري هذه القصيدة للمرحوم عبدالله فهد الدامر ليتوسط لأحد اقاربه بعدما حصلت عليه مشكله وانحبس فيها فقام الدامر بالواجب وانحلت المشكلة بعون الله



يا راكب اللي كلما دز له فز=من فزته خطرِ تقطم بنوزه
كن حس ويلاته مع الحزم والجرز=والدان صيف والهبايب تحوزه
ويشد حيله ثم لز القدم لز=يطعن سراب الجو الاكدر ابوزه
يجهم غلس عاد السفر مابعد دز=وشريق في جوده تقادح قزوزة
قدام بيت اللي عن الضيف ملتز=وشيال حمل اللي عجز لا يروزة
ولد فهد ياعل حياته على عز=اللي رموز المرجلة من رموزه
ولامات جعله عند ربه معزز=في جاه من في كل عازه نعوزه
متسلسل من بيت عز محرز=متحرز عن كل شي يخوزه
بيت عريض وثابت الساس ماهتز=الدين ساسه والمراجل كنوزه
سلم على اللي في المهمات يبرز=يبرز كما بدر الدجا في بروزه
جيناه من شان السجين الملعوز=وقيد الحكومه فيه بانت حزوزه
قام وفزع ماجاب عذر ملفز=لعل هوزات الدهر ما تهوزه
تنشر له البيضا وترفع وتركز=يستاهل الناموس رجل يحوزه
ومن ما فعل مثله يلبس مطرز=ويحط من فوق المطرز بلوزه
كون الذي حاول وساول ولا حرز=راح ولقى كل الدروب محجوزه
ويفداه من عند اللوازم تملز=ويجيب هرج شرعنا ما يجوزه
ويفداه من يطلع بوجه مبروز=يعطيك علم ولا يخالف عجوزه
يا بعد فرقا الحر الاقطم عن الوز=يشهر وطير الوز ينكب فوزه
ذا قول من صان الكلام المتكز=ابيات شعر وبالصحيح مخروزه
ومدحت مل المدح ملفى ومركز=والمنتقد يشرب من الماء بكوزه
عيد بن شدقان
08-04-2006, 02:59 PM
صح السان الشاعر/راجح الشامري
والله يرحم عبدالله فهد الدامر ويسكنه الجنه


ولاهنت يابن شدقان
اختيار جزل من شخص رائع

الله يعطيك العافيه :)
frozen
08-04-2006, 03:16 PM
صح لسان الشاعر راجح الشامري

وتسلم ع القصيدة يا بن شدقان


تحياتي
عاشق المجاهيم
08-04-2006, 06:08 PM
السلام عليكم ورحمة الله وبركاته
ابن شدقان
صح السان الشاعر راجح
والله لايهينك على كل حال
booa7
08-04-2006, 08:07 PM
ذا قول من صان الكـلام المتكـز
....................................ابيات شعر وبالصحيح مخـروزه
ومدحت مل المدح ملفى ومركـز
...................................والمنتقد يشرب من الماء بكـوزه


يا سلااااااااام
صح لسااانه

يسلمووووووو على ذكرهااا
تحياتي
سند
08-04-2006, 09:22 PM
ابن شدقان

صح الله ألسانك

ولاهنت ياسنافي

تقبل تحياتي,,,
دسمان
09-04-2006, 01:03 PM
ولا تهون يابو محمد وماعليك زود والعين ماتعلى على الحاجب ولوووو
دسمان
09-04-2006, 01:11 PM
الله يسلمك عزيزي ومشكور على مرورك الطيب وتعقيبك الجميل تحياتيfrozen
دسمان
09-04-2006, 01:23 PM
وعليك السلام ورحمة الله وبركاته
حياك الله ياعاشق المجاهيم وهذي الساعة المباركة عزيز وغالي

وشعاد لو تزعل على الدراويش=انا بدوي راح يتبع هوا ابله
عبط الرقاب اللي وبرها عكاريش=لا ربعت قلبي يزين الطرب له
ننزل بها في منزل مابعد نيش=روض خضر عشبه خزاما وربله
في ليلة ياتي مطرها رشاريش=هذا ربيع القلب عقبه وقبله
دسمان
09-04-2006, 01:29 PM
اشكرك booa7 الله لايهينك على مرورك وكلك ذوووووووووووق



القلب يجبرني عليك انت بالذات=واللا العرب واجد وغيرك ملاييييييين
دسمان
09-04-2006, 01:34 PM
ولاتهون يالهاوي وماقصرت يالسنافي وتحياتي العطرة لك والساعة المباركة
النقال
10-04-2006, 01:40 PM
أبن شدقان

الله يعطيك العافية

وصح ألسان راجح بن سالم

ولكن تعقيباً على مناسبة القصيدة

اللي كان مسجون قريب له وماهوب راجح ويبقى مستور((وبدون ذكر أسمى))

الله لايهينك على النشر

أخـــــــــــــــــوك

النقـــــــــــــــــــــــال
فهيد بن عصيدان
10-04-2006, 08:13 PM
لاهنت لاهنت وصح السان الشاعر


اختيار موفّق وقصيده جزله


وكلّك ذووق يبو امبارك:)
نقطة تلقي
22-04-2006, 04:42 AM
السلام عليكم ورحمة الله وبركاته
اختيار موفق وقصيده جزله ولكن للتصحيح القصيدة للمرحوم الشاعر سالم بن راجح العير وليست لأبنه الشاعر راجح بن سالم العير .
النقال
22-04-2006, 12:27 PM
غير صحيح القصيدة لراجح وليس لأبيه
نقطة تلقي
22-04-2006, 05:11 PM
السلام عليكم ورحمة الله وبركاته
شكرا للتوصل القصيدة متأكد منه والمصدر منطقة عجاج
ولقد ذكرةالقصيدة في ديوان بن فردوس في صفحة رقم 321 باسم حمد بن سالم العير
ضمن سلسة خطأ في الديوان ، ولكن مجهود طيب لأبو ناصر الله يطول في عمره
kigf
23-04-2006, 12:29 PM
السلام عليكم ورحمة الله وبركاته
القصيدة لراجح بن سالم العيير وليست لأبيه
وقد ذكرها الشاعر والراوي الكبير فهد بن فردوس في كتابه الاخير ونسبت بالخطأ لحمد بن سالم والخطأ وارد
وانا شخصيا سمعت القصيدة في شريط كاسيت بصوت الشاعر راجح بن سالم العيير ضمن سلسلة قصائد له ولم يذكر الشاعر بأنها لأبيه بل نسبها لنفسه
ارجوا ان اكون وفقت في توضيح الالتباس وشكرا للجميع وصح لسان الشاعر راجح وتسلم يمين ابن شدقان على النقل الكامل والصحيح
النقال
23-04-2006, 06:59 PM
أولاً الخال سالم بن راجح ليس لدية ولد بأسم حمد

وثانياً سبق وأن وضحت أنها لراجح وليست لأبية رحمة الله

وأرجوا عدم كثر النقاش في قصيدة نعرفها ونعرف أهلها


أخـــــــــــــــــــــــــــوكم


النقــــــــــــــــــــــــــال
فارس ال شامر
23-04-2006, 07:41 PM
لا هنت يابن شدقان يالقرم ويعطيك العافيه
على ذالقصيدة وصح لسانك ولسان الشاعر
راجح الشامري

اخوك : فارس ال شامر
محمد بن منيعة
25-04-2006, 05:21 PM
بسم الله الرحمن الرحيم

السلام عليكم ورحمة الله وبركاته

صح لسان راجح بن سالم

ورحم الله عبدالله الدامر
ضناة مرزوق
26-04-2006, 08:28 PM
ماتقصر على هالنقل مع اني مافهمت شي

بس يعطيك العافيه
abdull
26-04-2006, 08:40 PM
صح لسانك ولساااان شاعرها...اختيار موفق وقصيده جزله
ورحم الله الشيخ عبدالله الدامر واموات المسلمين اجمعين
تحياتي