ابي اتزوج الثانية لكن؟

[ابو فهد العجمي]

السلام عليكم ورحمة الله

اعرض لكم المشكلة اللي اواجهها من سنوات
انا متزوج من بنت عمي
ومن اليوم الاول وانا مو عاجبتني
اقصد شكلها ما اعجبني
لكن قلت يمكن مع العشرة احبها

بس للأسف ألحين صار لي معاها اكثر من 18 سنة
ولي منها 5 عيال

طوال هالفترة وانا اغصب نفسي عليها
وكنت ابي الزواج لكن ظروفي المادية ما اسمحت لي
خصوصا مسألة السكن

لكن ألحين بعد ما طلع البيت الحكومي
وبنيت فيه شقة للايجار
فكرت اني اخذ ايجار الشقة واؤجر شقة بره البيت للزواج بثانية

وتقريبا دبرت كل اموري

لكن امامي مشكلتين

رفض زوجتي فكرة زواجي
لمحت لها اكثر من مرة
كان ردها تزوج
لكن اول عطني ورقة طلاقي
وعيالك ماراح تشوفهم الا مرة بالاسبوع
وراح ارفع قضية نفقة
واخذ نص المعاش

يعني الواحد شنو يسوي يغصب نفسه على وحدة مايبيها
والمشكلة بنت عمه
لو طلقها تصير قطيعة رحم ومشاكل
وهالشي هو اللي مخليني اتردد طول هالسنوات
اضافة لظروفي المادية



المهم
انا تعبت ومو قااادر
ابي اتزوج
طبعا محدراضي يخطب لي من خواتي

ما لقيت الا الخطابات

وكان شرطي اني اشوف البنت قبل التقدم لخطبتها
وبالصدفة لقيت خطابة في احدى المجلات واخذت رقمها
وكلمتها
وقلت مواصفات البنت اللي ابيها
وقلت شرطي

وبعد اكثر من شهر
دقت الخطابة تقول لقت البنت
وامدحت فيها
لكن قلتها ابي رؤية شرعية
حتى لو عند اهلها
اهم شي اشوفها

البنت اهلها ما يوافقون على الرؤية الشرعية ( تعرفون البدو وعاداتهم)
فالخطابة اقترحت علينا ان نشوف بعض في احد المطاعم اللي فيها كباين
وفعلا وافقت البنت بعد تردد
وتمت الشوفة بحضور الخطابة

وياليتني ما شفتها




البنت طلعت حلوة واعجبتني
وفوق هذا اصل وشهادة ووظيفتها زينة
وهذا السبب الثاني اللي مخليني اتردد

وحدة مثلها ليش ما تزوجت ؟؟؟
خفت لا يكون فيها شي

مدري ياناس
اعجبتني لكن هالشي محيرني ليش وحدة مثلها ما تزوجت للحين

وفوق هذا شنو اللي يخليها ترضى بواحد متزوج وعنده خمس عيال



والمشكلة الثانية هي كيف اتصرف مع زوجتي بدون لا اخسر عيالي ومعاشي؟؟ وبدون مشاكل

لو كنتوا مكاني شلون تتصرفون؟؟؟؟

[بعيد الهقـاوي]

السلام عليكم ورحمة الله وبركاته

اول شي يا ابوفهد وشتبي بالخطابات اذا انت رجال اتشوف ان مافيك اي عيب


دور عند بني عمك ولا اجواد الخلق ولو انك صامل في الموضوع اخطب عند ربعك


ولا بيذكرون لك عند فلان ولا فلان


وبعدين معزبتك لا اعرست بتزعل يومين وتعود علي بيتها وعوالها



ولاهيب مشتكيه وابيها واخوانها ما يخلونها تشتكي علي ولد عمها عشانه اعرس


بس الحين تهددك عشان ماتعرس


بس انت اعرس وتوكل علي الله وابشر بالعانيه


وانا من مؤيدين الزواج الثاني



تحيــــــــــــــــــــــــــاتي

[ابو فهد العجمي]

بعيد الهقاوي
تسلم لي على المرور
لكن انا اخترت الخطابات لاني ابي اشوف البنت قبل الزواج
ومثلك عارف ان الربع ما يقصرون لكن
شلون اشوف البنت
اكيد بيذكرون بيت فلان وفلان
بس متى رراح اشوف البنت الا بعد الزواج؟؟؟
وشالفايدة؟
مابي اغلط مرتين

اهم شي الشوفة

وبعدين البنت اللي عند الخطابة اعجبني وادخلت قلبي
بس مدري يمكن انها عن طريق خطابة مو مرتااح للسالفة

واذاعلى زوجتي الاولى
ما تعرفها؟؟
عوووبة
واذا قالت تبي تسوي الشي سوته
وانا حاشمها علشانها بنت عمي وعلشان عيالي
ولا انا مالي خاااطر فيها من زمان

[عبدان]

ابوفهد لاتترد اولا الشرع في صفك بشرط ان تعدل

اما عن الخطابه منت في حاجه لها ,انا اعرف كثير من الشباب قبل ان يخطب, يتجه الى ادارة

الجنسية والجوازات عن طريق احد المعارف, ويقوم باستخراج ملف المقصودة وهناك يتمكن

من رؤية صورتها .

لكن الزين ماهو اهم شي .الله من بنات مزايين جننوا ازواجهم

هذا ماعندي والله يوفقك واظن اخوي بعيد الهقاوي وفى وكفى

[اطياف الماضي]

يا اخي الكريم هذا هو الخطأ بكبره

دامك من الاول ماعجبتك زوجتك ليش انجبرت بالعيش معها وش ذنبها الحين وش ذنب عيالك الخمسة ؟

بصراحة خطأ يقع فيه الكثيرين وفي الاخير عذرهم ما اقدر اطلق حشمة لفلان ومدري وش

الحين المشكلة اكبر والله يعينك على اللي بيجيك !!

وبغض النظر عن عدم اقتناعي بشغلة الخطابات

المفروض انك تتحرأ عن هالمرأة اكثر يا اخوي دام داخلك شك بهالشكل

وحاول تتقرب لوحدة من خواتك وتشرح لها الوضع وتوضح لها انك مو مرتاح مع زوجتك وان شاء الله اخواتك يتفهمن ويساعدنك

والله يوفق ان شاء الله

[نجمه]

السلام عليكم ورحمة الله وبركاته

اخوي ابو فهد
اولا اشكر ثقتك فينا

ثانيا الله يخليييييييييييييييك فكر مليووون مره بالزواج على زوجتك لا تاخذ الامر بسهوله ترا والله القطيعه ماهي زينه بين الاهل وبيترتب عليها مشاكل بالمستقبل
فكر لقدام بكرا بيجيلك عيال من الطرفين وبتكثر مصاريفك غير المشاكل الي بتصير بين الحريم ولا بعد المشاكل الي بتصير بين عيالك
حاول انك تفهم زوجتك تغير من ستايلها وتغير من نفسها وهددها بالزواج اذا ما تغيرت يعني حاول بشتى الطرق قبل لا تتزوج........
والحل الاخير صل صلاة الاستخاره ووربنا يجيب الي به الخير.......

اختك نجمه

[صديق الملك]

أخي أبو فهد العجمي

تحية عطرة ...

ودّي أتناقش معك بكل وضوح وشفافيّة .. وأتمنى ما تتضايق من نقاشي معك .. لأني بذلك أبي اللي عند الله مو اللي عند خلقه ...

أولاً .. أتوقع عمرك الآن لن يقل بأي حال من الأحوال عن 45 سنه ... يعني أنت بدأت في العد التنازلي للقدرات الشخصيّة ...

ثانياً .. أطفالك الآن بعضهم في سن المراهقة بمعنى محتاجين لرقابة ودعم غير عادي من قبل الوالدين .. وأنت بزواجك سيقل تواجدك معهم بشكل ملحوظ ومؤثر ...

ثالثاً .. أنت غير راضي عن الزوجة الأولى ... وغير متطمن من الزوجة المفترضة الثانية ...
حيرتني معك !!

رابعاً .. نصيحتي لك .. أرضى بنصيبك .. لا يجيك شي ينكد عليك حياتك صح ..!!!

خامساً .. كل شخص يطلع له بيت حكومي ويبني شقة ويأجرها عليه التفكير في الزواج من ثانية ..!!

أتمنى تقبل رأيي بكل روح رياضيّة ... وما أردت إلاّ الإصلاح ...

أخيك .

[بنت حمران النواظر]

السلام عليكم

قريت الموضوع وحبيت أقول رايي

اذا تبي تزوج تزوج وماعليك من أحد وبنت عمك بالنهاية ماراح تشرشح ولد عمها بالمحاكم كلها جم يوم زعل بعدين ترضى بروحها

بس الغلطة منك من الأول أذا ماتبيها لا تربط نفسك فيها
ومحد غاصبك على شي ماتبيه


أما سالفة الخطابة فلي تحفظ عليها
يعني اذا بتخطب وحدة
أطلب صورتها أظن هالشي عادي والأهالي ما عندهم مانع


أقول مثل ما قالت اختي نجمة استخير والله يكتب اللي فيه الخير...

[فالكم طيب]

يا السمى .......

ابلع العافية ترى العافية زينة وذلك من عدة نواحى...


(1) اذا كنت منت مرتاح مع بنت عمك وبتزوج ثانية ابشر والله بالمشاكل ووجع الراس والضغط والسكرى ....

(2) وشلون بتقدر تعيش ذالعلة الثانية وانت ظروفك المادية مدوجة ..والا تييها تصرف عليك وعلى عيالك بعد؟؟؟

(3) بالله عليك فية رجل فية خير يروح يدور له مرة عن طريق خطابة وين اهلك وين جماعتك ان كان فيك خير بيزوجونك جماعتك وربعك ....

(4) وهالعلة ذا اللى تقول عنها مزيونه وين الاوادم عنها ماحد فكر يتزوجها من اللى حولها وانت خبرك الزينة ماتوقع ولا احد يطوفها من اللى حولها ....


باختصار الزواج عن طريق الخاطبة مخطور ... مخطور ياولدى ...وحط رجلك والله الله فى عيالك سنعهم وربهم وحافظ عليهم ...

واذكر لك هذة القصة للمعلومة والفايدة:-
يقال ان هناك رجل دميم متزوج امراة جميلة....
فقالت له يوم من الايام انا وياك من اهل الجنة...
فقال لها كيف ذلك...
فقالت له لقد صبرت عليك رغم قبحك فكنت من الصابرين وشكرت الله ان وهب لك مثلى فكنت من الشاكرين فالصابر والشاكر فى الجنة .


تحياتى

[ابو فهد العجمي]

عبدان

وشرايك في زوجتي لا زين ولا اخلاق سنعة؟؟؟
وانا ما طلبن مزيونة طلبت وحدة جمالها فوق المتوسط على الاقل احس بانجذاب لها كأنثى


أطياف الماضي

وحاول تتقرب لوحدة من خواتك وتشرح لها الوضع وتوضح لها انك مو مرتاح مع زوجتك وان شاء الله اخواتك يتفهمن ويساعدنك

خواتي رافضين المساعدة
ما يؤيدون الزواج الثاني
هذا غير خوفهن من زوجتي
وكل كلمة والثانية خلك على زوجتك وعيالك واحمد ربك
طيب وأنا وين راحتي ؟؟؟؟



نجمة

فكر لقدام بكرا بيجيلك عيال من الطرفين وبتكثر مصاريفك غير المشاكل الي بتصير بين الحريم ولا بعد المشاكل الي بتصير بين عيالك

ما انكر ان هذي ايضا من الاسباب اللي خلتني متردد في زواجي الثاني
لكن كثير من المتزوجون زوجة واحدة لا يعرفون البيت الا وقت النوم ولا احد يلومهم؟؟؟ واذا تزوج الثانية يقولون راح تقصر مع عيالك ؟؟
لكن ان شاء الله اني راح احقق العدل للجميع ( العيال والزوجتين )


حاول انك تفهم زوجتك تغير من ستايلها وتغير من نفسها وهددها بالزواج اذا ما تغيرت يعني حاول بشتى الطرق قبل لا تتزوج........

يا اختي زوجتي حظها قليل جدا من الجمال ومهما فعلت لن يغير شي فيها


صديق الملك

أنت غير راضي عن الزوجة الأولى ... وغير متطمن من الزوجة المفترضة الثانية ...
حيرتني معك !!

وانا لولا الحيرة لما كتبت الموضوع انا فعلا محتاج للمشورة

.. نصيحتي لك .. أرضى بنصيبك .. لا يجيك شي ينكد عليك حياتك صح ..!!!


دايما هذه الجملة ارددها بيني وبين نفسي ودايما خواتي كل ما اطلب يخدطبون لي الثانية يرددونها؟؟؟
واذا النصيب مو عاجبني وصبرت عليه سنوات وسنوات؟؟
هل كل من تزوج فعلا عجبه نصيبه ومرتاح
ولتعلم ان الدنيا متاع وخير متاعها المرأة الصالحة

صدقني الزوجة هي بيدها سعادة زوجها
وانا لم اجد السعادة مع الاولى فأرجو الله ان يكتبها لي من الثانية وتعوضني

كل شخص يطلع له بيت حكومي ويبني شقة ويأجرها عليه التفكير في الزواج من ثانية ..!!

التعدد لأجل التعدد دون سبب انا لا أؤيده
لكن اذا فيه راحة للشخص وسيجد ما افتقده في الزوجة الاولى فنعم والف نعم

بنت حمران النواظر

اذا تبي تزوج تزوج وماعليك من أحد

يسعدني ان اسمع هذا الكلام من امرأة

بس الغلطة منك من الأول أذا ماتبيها لا تربط نفسك فيها
ومحد غاصبك على شي ماتبيه

اللي غصبني الظروف المادية خصوصا توفير السكن
اضافة الى محاولتي اقناع نفسي اني ساحب زوجتي مع العشرة
وخوفا من قطيعة الرحم مع اهل زوجتي


شااااااااكر لكم تفاعلكم معي

وبالنسبة للاستخارة الحمدلله استخرت
واتمنى من الله يعوضني ويكتب لي اللي فيه الخير

[آل عجمي]

الدنيا مافيها شي كامل كل شي ينقصه شي والدنيا امتحان للعبد يعني ما عشت ايام حلوه كل المده هذي
الي صبرك 18 يصبرك بعد والعشره الطويله موهينه وتكون سبب من اسباب الفشل لحياه ثانيه لانك برمجت حياتك علي نمط معين وتكيفت معاه وراح تلقي صعوبه في حياتك مع زجتك الثانيه اذا طلقت الاولي يمكن تفرح اول سنه ويمكن العكس
مشكلتك موفي بنت عمك مشكلتك مع نفسك ماكنت قنوع من اول حياتك الصراحه لو تاخذ ملكه جمال الكون بعد سنه او سنتين كل يوم اتشوفها راح تمل لان كل سنه في ملكه غيرها واحلي منها الجمال له اشكال كثيره موالوجه بس غير نظرتك لبنت عمك 5 اعيال بينكم الانسان اول عمره يعيش لنفسه ولما يصير عنده اعيال يعيش لهم
واحد يضحي لمجموعه ولامجموعه تضحي من اجل واحد
والقرار الاول والاخير يرجع لك لانها حياتك وللامانه انا لو اني مكانك امسك ارضي

[مطيرية عجمية]

=بعيد الهقـاوي]

اول شي يا ابوفهد وشتبي بالخطابات اذا انت رجال اتشوف ان مافيك اي عيب

[/QUOTE]


وبعدين البنت اللي عند الخطابة اعجبني وادخلت قلبي
بس مدري يمكن انها عن طريق خطابة مو مرتااح للسالفة



أما سالفة الخطابة فلي تحفظ عليها
...

[QUOTE=أبوفهد]

باختصار الزواج عن طريق الخاطبة مخطور ... مخطور ياولدى ...وحط رجلك والله الله فى عيالك سنعهم وربهم وحافظ عليهم ...

[font=Tahoma][size=6t]







شسالفة ؟؟؟
ليش كلكم قاااعدين تشككون بأخلاق البنات اللي عند الخطاباات
تدرون ان اغلب بنات القبايل اللي تعدوا الثلاثين كلهم عند الخطابات
واللي تعيبون عليهم وخايفين منهم ما هم الا خواتكم وبنات من اهلكم وانتم ما تدرون

والله اني اعرف بنات من احسن العائلات عند الخطابة

منهم انا ورزميلاتي بالدوام

ألحين صاروا البنات خصوصا اللي تعدوا الثلاثين من خطابة الى الثانية

اللي ينخاف ممنهم هم الرجاجيل اللي عن طريق خطابة

اما البنات والله ثم والله اخلاق ودين واصل واحسن الف مرة من اللي تعرفونهم بعد

لكن ما حدهم الا عمرهم وما يبون الا الستر ويلحقون على عمرهم قبل سن اليأس
ويجيبون عيال

لا تلومونهم ؟؟
انتم الرجاجيل اذا تبون الزواج تدورون بكل سهولة اما خاواتكم او ربعكم
لكن البنات الللي تعدوا الثلاثين منو يدور لهم ؟؟؟؟؟

[الصقلاوي]

السلام عليكم ورحمة الله وبركاته
ابو فهد على هونك العرس يبي فحل مايبي رجال يقول انا وانا يتشكى وتبي نصيحتي بنت عمك ابخص منا فيك عارفتك وراح تعرف شلون تعصرك وتنشفك لين تطلق المسيكينه الجديده لكن ابلع العافيه وتبي شوري انا اقوله لك وانا صادق ان كانها لاجمال ولا اخلاق طلقها والله مايصبر عليها الا الردي والله بنت عم ولا من اقصى العرب لاخليها واشوف نفسي ترى العيال ماهم ميتين عقبك .ماتو عطران الشوارب وهملو وراهم بزارين وكبروا البزارين وطلعوا رجاجيل ومادام هذي اعذارك في رقبتي ماتعرس . وابشرك انك بتموت وهي بتدور رجل عند الخطابات يعني بتتعب على عمرها . واخيرا اخلص مخاليص الرجال.

[عكس التيار]

أخ بوفهد

أولا اللي يبي يتزوج ما يشاور زوجته لأنها لن ترضى و ستقلب الدنيا على راسك بمجرد زواجك

هل لديك القدرة على تحمل الهجمة الشرسة من زوجتك ؟
وعدم الإستسلام بتطليق من ليس لها ذنب سوى أنها قبلت أن تكون زوجة ثانية لك ؟

هل لديك القدرة على العدل ؟ شلون دينك ؟

هل لديك القدرة المادية ليس للزواج بل للصرف على بيتين ؟ طبعا ضع خطة لعشر سنين ؟
مع حساب زيادة الأطفال و مصاريفهم

هل لديك القدرة الجسدية و الصحية للقيام بواجباتك الزوجية ؟

هل لديك قوة الشخصية للتحكم فى غيرة الزوجتين و مناوشاتهن اليومية ؟

بعد إجابتك نصرف لك وصفة العلاج.................بإذن الله

[همس الليل]

اخوي ابو فهد انصحك نصيحه لله خلك على مجنونك لا يجيك اجن منه ترا مجاور الحريم نار الله يعينك على صاليها اصبر عليها يمكن تتغير حاول تقعد معها تفهما عذاريبها يمكن تغيرها وبعدين الجمال مو كل شي اهم شي الاخلاق وانت صارلك عشره معها وبعدين اسمحلي انتو يالرياجيل اذا بغيتوا العرس طلعتو عذاريب الدنيا في المسكينه ( البعض ) وليس الكل وبعدين عيالك المساكين مالهم ذنب تحرمهم شوفتك وفي زمن هذا صدقني راح يضيعون فخلك ورضى بنصيبك احسلك وانت غلطان من الاول المفروض تقول انك مو مرتاح معها مو تنطر لما ماشالله يجيب خمسه وتقول مو مرتاح وبعدين انا احس انك ظلمتها قرب منها عدل صقني راح تلقى فيها اشياء تنحب والله يوفقكم بالاخير


اختك همس

[بعيد الهقـاوي]

السلام عليكم ورحمة الله وبركاته


يا بـــــــــــوفــــــــــــــــــــــــــــهــد


عرب وليدك عربه والضو من مقباسها

حاذورمن بنت الردي لو هو طويلن رااااسهاااا



تحيـــــــــــــــــــــــــاتي

[ابو فهد العجمي]

سبحان الله ما توقعت ان موضوع الزواج الثانية مخيف للدرجة هذي؟؟؟
الكل يطلب مني ان ارضى بالنصيب وبزوجتي ويحذرني من الزواج الثاني
كأني داخل حرب؟؟

وبالنسبة للي قال اشك انك عجمي؟؟؟
والعجمي يسوي اللي يبي وما يشاور؟؟؟

مو هذا اللي امر فيه الدين
ديننا امر بالاستخارة والاستشارة
وكوني طرحت الموضوع بالمنتدى كان من باب المشاورة والنصيحة مو من باب الخوف مثل ما يظن البعض


انا والله ما همتني زوجتي الاولى همني فقط عيالي وصلة الرحم بيننا
تبوني اراعي نفسية زوجتي الاولى وراحتها؟؟ طيب انا راااحتي وين؟؟؟

كوني صبرت هالسنين فانا قلت الاسباب
وزوجتي ما راح اظلمها اهي التحدد مصيرها بنفسها وبتصرفها اذا ما راح تسوي مشاكل راح تعيش مرتاحة وبخير
انا سألت شلون اتصرف معاها اذا عاندت وطلبت الطلاق وشلون على شوفة عيالي؟؟

هذا اللي سألته

وبالنسبة لكوني استعنت بخطابة فأنا قلت الاسباب
البعض يقول مايروح رجال لخطابة الا فيه عيب
وانا اعتبر فيني عيب وهو كوني متزوج وعندي خمس عيال وعمري بالاربعينات
ما اعتقد وحدة راح ترضى بواحد بهالمواصفات فقلت اختصر الطريق واستعين بخطابة
على الاقل اللي عند الخطابات بنات يدورون الستر وما يطالبون بتعقيدات وشروط ويعرفون بوضعي المادي وراضين فيه ،اضافة الى امكانية الشوفة



واختي مطيرية عجمية
النظرة للخطابة مازلت الى اليوم غير طيبة في المجتمع وانا منهم كنت انظر لها هالنظرة ولازلت متخوف يمكن بسبب نظرة المجمتع؟؟؟ حتى النظرة ايضا للرجال ان اللي ما يروح للخطابة الا اللي فيه عيب؟؟
لكن بعد ما كلمت الخطابة وعرفت امور كثيرة
لاحظت شي في البنات اللي عند الخطابات وهي انهن مستعدات يشترون سعادتهن بالفلوس ويدورون الستر وفيه منهن موافقين يتحملون مصرفهن
ما يبون الا الستر والعيال
وفعلا لاحظت ان اكثر اللي عند الخطابات بنات فوق الثلاثين وعلى قولتج ما حدهن الا العمر والله انصدمت ان اغلبهن شهادات عالية اللي ماجستير واللي دكتورة
ومن قبايل معروفة واسر طيبة

وعلى الرغم من ذلك انا توجهت لها وراح اتزوج عن طريقها بعد الاستخارة والسؤال عن البنت

[ليالي]

الله يعينك يا ابو فهد

فعلا هذا الشي يحيير

اتمنى انك تتخذ القرار السليم

وما نملك الا ان نطلب لك التوفيق بحياتك

[sohab]

السلام عليكم


اخى العزيز

ابو فهد العجمى



يبدو انك لاتنظر لابنت عمك الا من زاويه واحده فقط

وهى زاوية الشكل لاغير


وقد اهملت باقى الخصال التى لاتقل اهميه من الشكل

بل تتفوق عليه بمراحل عديده


هل فكرت ان الاخرى ستكون فى مستوى اخلاق بنت عمك واخلاصها لك

هل فكرت فى الاخرى انها ستحفظ امانتك فى غيلبك

هل ستجد نفس مستوى العائله او القبيله

هل ستحفظ سمعتك مثل بنت عمك

وهناك العديد العديد من هل ؟؟؟؟؟


يجب ان تجيب عليها وعليك ان تتوج ذلك بان تتذكر جيدا

وتتصور ان شى من هذه الاشياء المهمه قد تفقده فى الاخرى عندها

ستعرف انك تنوم مع كنز لاتعرف قيمته

الاعندما تفقده

ها انت تتسائل حتى قبل ان تقترن بالاخرى

لماذا لم تتزوج حتى الان ؟؟؟؟؟؟

فكر جيدا والامر بيدك



لك اطيب تحيه