الدوائر والقبائل

[مشاري المطيري]

السلام عليكم ورحمة الله وبركاتة

جميل كل مايطرح في هذا المنتدى الانتخابي من اراء وتحليل وتوحيد الصفوف والكلمة وكلمة اعجاب وشكر لا تأتي بالغرض المطلوب لهؤلاء الاعضاء الاكثر من متميزين ويبين لقراء ومتصفحي هذا المنتدى بذات , الخبرة والعلم والدراية بما يدور حول الانتخابات بجميع الاقطار ان كانت كويتيه او سعودية او احدى تفرعاتها ( جميعة , بلدي , نقابة , مجلس الامه ) والجدير بالذكر السمعة الطيبة التي يتحلى بها المنتدى وصدى اعلامي منتشر وبشكل ممتاز .. واتمنى لكم التوفيق دائما واقبلوني عضو متواضع في المنتدى الانتخابي وبذات والله ولي التوفيق .

اما في صدد تحركات بعض الاعضاء حاليين او سابقين او مرشحين نحو الدوائر وسلبياتها على البعض وايجابياتها على البعض الاخر وهذا مالم يعجبه الليبرالي او العلماني او مايسمى بسيدات مجتمع والناشطات السياسية وكذلك بعض الاعضاء من القبائل قليلة العدد ..

دائما وبشكل يومي نتكلم عن انتخابات الفين وسبعة من منطلق التشاور والتخطيط لكي تسنح الفرصة لمن يستحقها او بمعنى اخر واصح لصالحنا وهذا مايترتب عليه تغيرات تحدث وتعيد الاحسابات وبعثرة الورق اذا تغيرت الدوائر ومانقولة عن تغير الدوائر هو صحيح ولا في شك ابد ,, والحكومة جادة في ذلك وفي خلال فترة بسيطة سوف يمر ويتم القرار ونعيد البناء لمصلحة مرشحينا ..


الســـؤال ..

هل نحن مع تغير الدوائر الى 10 كما كانت في السابق والتي تلمح لها الحكومة ...

اما الى ست محافظات كما يقولها ويتوقعها بعض اعضاء المجلس ...

اما يبقى الحال على ماهو علية خمسة وعشرين دائرة ....


ولي عودة ان شاءالله

مشاري المطيري

[المستقل]

الأخ مشاري المطيري أولاً حياك الله بين أخوانك في شبكة منتديات العجمان والساعه المباركه اللي شفناك بيننا.

بالنسبة للدوائر نتمنى التغيير وذلك لعدم وجود المساواه في تقسيم الدوائر الحالي (25 دائره) وذلك لوجود بعض الدوائر الإنتخابيه التي ينجح مرشحيها على 500 صوت والبعض الآخر التي ينجح مرشحيها على 4000 صوت؟؟
أليس هذا ظلم , الكل على درايه كاملة بأن الحكومه قامت بتقسيم الدوائر الى 25 على أساس إرضاء بعض الجهات في الدوله دون الإهتمام الى الأطراف الأخرى وخاصتاً البدو.

أنا مع تغيير الدوائر سواء كانت عشر دوائر أو خمس دوائر ولكن بشرط أن يتم هذا التقسيم على أساس المساواه بين جميع دوائر الكويت من حيث عدد ناخبيها دون التعنصر لأي جهه كانت.

وشكراً

[الشامخ2006]

يامراقبين ........ يامشرفين .......... ليش زعلانين علينا ؟؟؟؟؟؟؟؟؟؟؟؟؟؟؟؟

ليش كل ماكتبنا موضوع شلتوه ..............!!!!!!!!!!!!!!

هل زعلتم من كلا م الصراحه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ارجو ا ان يكون هناك مرونه . في التعامل والطرح . علما باننا لم نجر ح مشاعر احد !!!

( سلا م على الدنيا اذا لم يكن بها صديق صادق الوعد منصفا )

[مشاري المطيري]

اشكرك بداية اخوي المستقل على مشاركتك القيمة


اما القبائل الكبيرة منزعجة كثيرا من التقسيمة الحاليا ماعدا العوازم والرشايدة

ولو تفهمنا الموضوع بشكل اكثر وذكر المناطق بتحديد لكتشفنا بأنها كعـــكه انقسمت بين التجار بالمناطق الداخلية والعجم من جهة والبدو من جهة اخرى من غير انصاف لقبيلة العجمان ومطير وعنزة ..

وها نحن ننتظر التقسيمة ودمج المناطق وبعدها يحلها الف حلال

[المستقل]

الأخ الشامخ 2006 بالبدايه حياك الله وثانياً الإداره أو المشرفين لايحذفون مشاركه أو موضوع الا وبه بعض الأخطاء سواء الإنتقاد الغير إيجابي لشخص معين أو لجهه معينه .

أنا لم أرى أي موضوع لك ولم أحذف أي موضوع لكن دام الموضوع مافيه تجريح والا طعن ببعض الأشخاص فـ ثق بالله أنه لن يحذف , والمجال مفتوح للجميع لطرح الآراء.

ولانريد أن نتكلم في هذه النقطه مره أخرى حتى لانخرج عن صلب الموضوع.
وشكراً

[ديمقراطي]

اشكرك بداية اخوي المستقل على مشاركتك القيمة


اما القبائل الكبيرة منزعجة كثيرا من التقسيمة الحاليا ماعدا العوازم والرشايدة

ولو تفهمنا الموضوع بشكل اكثر وذكر المناطق بتحديد لكتشفنا بأنها كعـــكه انقسمت بين التجار بالمناطق الداخلية والعجم من جهة والبدو من جهة اخرى من غير انصاف لقبيلة العجمان ومطير وعنزة ..

وها نحن ننتظر التقسيمة ودمج المناطق وبعدها يحلها الف حلال
الاخ العزيز :مشاري المطيري
فالبدايه نرحب فيك في منتداك ونقدم لك جزيل الشكر على هذه المشاركه الطيبه
أما بالنسبه لموضوع الدوائر وعدم الانصاف لبعض القبائل
اعتقد بالوقت الحالي مانقدر نحلل المناطق وفرصة القبائل فيها
إلا بعد ماينتهي التصويت على هذا الجانب
وتقبل مني فائق الاحترام والتقدير

[مشاري المطيري]

شاكر لك اخوي ديمقراطي على مادخلتك


وها نحن ننتظر مرور القرار بأسرع وقت كي يتسع المجال والوقت للتخطيط للانتخابات القادمة ونأمل ان تكون التقسيمة عادلة بأذن الله

وتقليص الدوائر لها فوائد عديدة واهمها ..

عدم شراء الاصوات .. كثرة المرشحين ولناخب اكثر من صوتين ,, ممكن يكون اربعه او خمسة .. وهذا يقلل من شراء الاصوات

[ديمقراطي]

انا اوافقك الرأي في هذا الجانب ولكن....
ما سيجري في تاريخ 17/4/2006 يكون الجواب

[مشاري المطيري]

القرار أتي لا محالة والحكومة جادة بذلك .. ولاكن نريد التقسيمة للمناطق بالنسبة للعشر الدوائر ..

لاحد الأن ماشفت في اي منتدى انتخابي حاط لنا تقسيمة الدوائر بعد الدمج او التغليص

ولو على الاقل بشكل تقريبي او متوقع


وفيهم الخير اعضاء المنتدى ممكن نستفيد منهم في هالنقطة

[مشاري المطيري]

وبالنسبــة للاعضاء الذين مازالو يخططون على الدوائر الحالية والرقة وهدية والاحمدي

من الواضح من خلال جلسات مجلس الامة وموافقة الحكومة بتغير وتقليص الدوائر الى عشر وتاريخ هذا القرار 17\4\2006

يعني مابقى عليه الا ايام معدودة .. انسوا الدوائر الحالية وفكروا بدوائر العشر ومن المتوقع ان تصبح المنطقة العاشرة دائرتين او ثلاث كحد اقصى ..

يعني راح تكون الكفه بعدد القبيلة ومن ثم التحالفات وكسب اصوات المتفرقة

فالنحلل للمستقبل ونترك ما مضى ولا نتحسف ونتحسر بل نتشجع ونرشح لما فيه خير لدينه ووطنة واهله وجماعته ..


شكرا على ردودكم جميعا

[وليد القمر]

اخوي الكريم

بعرف ليه ماعاد الرشايدة والعوازم ...

عاد اتمنى يكونون من اكثر النواب مطير .. ويستفيدون .. لنهم يطلعون منهم نواب ونعم وافاضل ولهم كل تقدير ..

وبعرف انت بمحافظة الفروانيه عشان تشوف شلون الرشايدة اكثر باصوات او حتى الجمعيات وحتى المختاريه ولوووووول وحتى لوحات العروس تحدى القبايل كلها بمحافظة الفروانيه


شفت الدقباسي شقال بندوه يوم قالوا عن تعديل الدوائر .. كل طرق تؤدي الى الرشايدة ..


اول شي بالمحافظه حنا المظلومين مو انتو ...


اقولك اولن .. لو يصير تعديل بالدوائر شصير .. بعدين اقولك ليه احنا مظلومين ...


اولن لو يصير توزيع ... لازم يكون جغرافي ..

واذا صار جغرافي حسب المناطق ..


اكييد مناطق .. الفروانيه .. العمريه .. الرابيه .. الرحاب .. اشبيليه .. بتكون مع بعض ..

هذول شنهو ... رشايدة باكتساح ! .. الجمعيات كلها ماسكينها رشايدة .. حتى مختاريتهم رشايدة .. لنه مناطقنا ..

ممكن ينجح مطيري بالجمعيات الا الفروانيه والرابيه .. واذا نجح .. صدقني ينجح اذا دشو فوق 6 رشايدة بدون فرعي .. بالمقابل هو او ثنين حدهم

بس من المستحيل يمسكون الجمعيه او الاغلبيه فيها

بس ها ! عنزي .. عجمي .. اي قبيله ثانيه .. مفاجأه اذا نجح عندنا وهذا ماشوفه حاليا

بالمقابل لو ننزل للي تحت ..


الجليب .. صباح الناصر .. العارضيه .. الاندلس .. الفردوس ..

نعم مطران ! بس لو شنو اسميه اكتساح نفس مناطق الرشايدة ..

تدري ليه ..

الظفيري ينجح بجمعياتكم .. العنزي ينجح .. وكل دورة بجمعية العارضيه مره ينجحون مره لا ..

الاندلس .. مسكوها الاسلاميين والاقليات .. شمر .. عنزه ..ظفير .. حتى عازمي نجح فيها ..

بالمقابل مطير تسوي فرعي .. مره يمشي ومره لا .. يعني مرات ..


نروح للفردوس .. جمعية الرشاااااااااااايدة .. كل القبايل متحده ولاقادره لنا ..


الجليب نعم جمعية مطير .........(( مابقول نجح رشيدي سابقا )) لكن ماسكينه حاليا واخر سنين مطير

صباح الناصر مطير بكل جدااااااره ..



نروح للمناطق المحاذيه للمحافظه ... الصليبيه .. الرشايدة اكثر .. ونص الجمعيه وجنه رئيسها رشايدة ..

صليبخات .. جمعيتها ينجح فيها رشايدة .. هم تحالفات الرشايدة والعوازم فيها قويه .. وشوف اخر دورتين .. الهبيده .. والعراده ..

خيطان ... مع احترامي للعتبان .. اسمها دائرة .. نزل دينارك ! حتى سعدون حماد نقل يوم عرف الوضع ..

والسبب من تجار العتبان ! هم اللي خلوها جذي .. وصارت هجره باصوات العتبان خصوصا بمالناطق الجديده لهم .. او لدائرة العدوة والجري ..


عبدالله المبارك .. منطقه جديده غرب الجليب .. اكثره رشايدة ..

والحين الرشايدة بشهرون جمعية عبدالله المبارك ..


لايكون عبالك انه انتم مظلومين .. والله بالعكس ..

دائرة لكم مضبطه وخالصه .. صباح الناصر الجليب والعارضيه وكلهم لصق بعض ..

اذا جذي ..

عطني ...

خيطان .. الفروانيه .. العمريه .. دائرة .. ((نسوي فرعيه تنتهي المسئله مع احترامي للعتبان ))

الرابيه .. الرحاب .. اشبيليه ... (( فرعي وممكن مو لازم ... ))

هذا بالعدل ... بالجغرافي وتقريبا العدد .. الرشايدة ياخذونها ..

ولو يخلونها دائرة وحده ينجح فيها 5 .. كذلك ..


صباح الناصر .. الجليب .. العارضيه ... دائرة .. مضمونه لمطير ..

الاندلس الفردوس ... نكافح فيها وممكن ننجح ..

لو تخليهم دائرة وحده مطير 5 .. لكن احتمال نجاح اخرين اقوى من احتمال النجاح فوق بالرشايدة ..



الظلم .. امممممممممم

كلنا مظلومين بالمحافظه .. 8 نواب بس ! نستاهل على الاقل 10 .. والمفروض 12 نائب ..

لكن الرشايدة .. احس صارت على حسابهم تجاوزات .. وسكتوا للاسف ..

الفروانيه .. الرحاب ... شوف شنهو ضامين معاه الفردوس البعيده ..وهي منطقة رشايدة ..

لكنها اكثر دائرة نقلوا الاصوات فيها من مطير ..

وعلى فكرة اكثر دائرة طلعوا منها اصوات ... هي دائرة الجليب .. الى وين توقع ؟ اكييد دوائرنا ..


والدليل انه جمعية الفردوس الرشايدة باكتساح .. لكن الامه انتم اقوى بالفردوس ..هل بسبب نقل اصوات او لنه الرشايدة ينزلون 4 ..


بس حقوق المرأه .. راح توهق اللي ينقل .. هل بينقل اصوات حريمه بعد .. + اهل المنطقه الاصليين بتزيد اصواتهم بحريمهم ..

واقولها .. دائرة الفروانيه .. الفردوس .. الرحاب .. اصبحت سهله لرشايدة ..


نروح للعمريه والرابيه .... شوف مع منهو ضامينها .. الاندلس البعيده ..منطقة خلط .. والاسلاميين قوى فيهم ..

بعد اعتزال الدويله برغبه انه يفتح مجال لبني عمه ... راح تكون الدائرة افضل لرشايدة ..

يعني لو ينزل الرشايدة 2 باي من دوائرهم ويصير التزام طبيعي مثل المنافس .. بتكون لرشايدة ..


خيطان ............مجامله ! على شنو دائرة .. هني المجامله الصح ...




بخصوص انظلمو مطير ... اممممم ممكن باشياء .. لكن انتم ظلمتم روحكم بشغله ... الهجره من المحافظه .. ملاحظ اغلب شبابكم .. ينتقل لمبارك الكبير ووو ..

وايضا انتم لكم قوى بالمناطق العاشره والجهره .. وهالشي يقلل من الفروانيه اللي الرشايدة يعتبرونها معقلهم ..


بخصوص العجمان .. ماشوف انهم انظلمو .. بالعكس اذا الظلم بعدد اللي يصوتون .. اغلب دوائر البدو كذلك

عنزه .. مع احترامي ... عنزه صعب يكونون تنظيم قبلي نفس الرشايدة والعوازم ومطير والعجمان .. هذول القبايل اكبر قبايل بالكويت بالبرلمان على مر تاريخه ..

ممكن فقط بالجهره تنظيمهم قوي .. لكن غيره مو بالمستوى المطلوب ..


واخيرا .. اتمنى زيادة النواب بالفروانيه الى 12 نائب .. وضم خيطان للفروانيه .. او للسره .. مستحيل نتحمل المجامله .. دائرة للحالها .. نفسها نفس كيفان ..


وسلامتك

[مشاري المطيري]

مرحباااااا ومسهلااااااااا ولد القمــر

طبعا انت عزيز على قلبي واثرني انا وياك ادوجه مابين هالمنتديات :)


انا زعلان هناك على ربيعي وصرت اشارك في كل منتدى ومنتدى العجمان من افضل المنتديات وبذات المنتدى الانتخابي :)


اما عن قبيلة الرشايدة والعوازم فعلا هم افضل شي لهم الخمسة والعشرين دائرة ولو تمعنت شوي بالعوازم شفت ان التقسيمة هذي افضل تقسيمة لهم ولو تتغير الدوائر ويصير التغليص راح تتغير الامور عليهم ويقلون عددا فالمجلس وكذلك الرشايدة .. تقسيمتهم فالمنطقة الرابعه افضل تقسيم ومانحسدهم بالعكس نقول يستاهلون بينه وبينهم جيرة وربع واخوان لكن ماهي عادلة نهائيا .

لو تحسب ناخبين المنطقة الرابعه بتلقى اكثر قبيلة عداا هي مطير وتتفاجىء بأنه الرشايدة ياخذون اربع كراسي او ثلاث ولو ينزلون فرعية ممكن ياخذون اربع كراسي ومطير تكون لهم منافسة ...


لو نرجع فالماضي كانت دائرة الرحاب لمطير ومن ثم تنافسوا الرشايده معهم اللين ماصارت الدائرة بين البنين ويمكن صارت الحين لهم ومطير هي اللي تنافسهم والسبب تكديس اصوات مطير في دائرة الجليب ..

وهذا الشي اللي خله المطران يطلعون من مناطقهم ويتكدسون بدائرة الجليب وصباح الناصر والعارضية والاصوات ماهي راضية تطلع لبرى والشي اللي يأكد لي ذلك انه حسين مزيد اخذ ثاني اكبر حصيلة اصوات بالكويت الانتخابات اللي طافت بعد دائرة الاحمدي



وبعدين شلون تقول العجمان ماهم مظلومين ؟؟


انت تعرف دائرة العجمان وكم منطقة فيها ؟؟ ... فيها تسع مناطق

وتضم ( الأحمدي والمقوع ووارة والصبيحية والجعيدان حتى حدود الكويت مع المملكة العربية السعودية غربا – هدية – الفنطاس والمهبولة – أبو حليفة – الفنيطيس والمسيلة وضاحية صباح السالم )


وفي دوائر عندنه بالكويت على منطقه وحده وعلى منطقتين وثلاث تخيل

لابد من تغليص الدوائر وحنا ننتظر التغليص العادل وانا وصل لي نموذج تقريبي ويمكن هو النهائي وبالنسبة الرشايدة اكثر بعبدالله مبارك او اشبيليه فأنت غلطان :)

قمت اشك فيك ياولد القمر لو يكون مدير احصائيات بوزارة الداخلية او شي من ذلك :)

اما التقسيمة اللي علموني فيها بالمنطقة الرابعه

(صباح الناصر والجليب والعارضية والفروانية والفردوس )

(والعمرية والرحاب والرابية والاندلس وخيطان وابرق خيطان )

واستغربت هالكلام ولكن هذا ماوصلني عن المنطقة واتمنى ان الدوائر تمر بأسرع وقت و17 اربعه هو الموعد لأقرارها


واشكرك جزيل الشكر ولد القمر .. بتلقاني واجد منا ومنا :)

اخوك مشاري الديحاني

[محمد بـن راشد]

الله
أوقولها الصدق

الرشايده عرفوا يلعبونها صح


وبعد العوزام

اما أنتم يا مطير لعبتوها غلط ذا المرّه

والحظ الأوفر في المرّات الجايه

وكذلك العجمان معهم
ولي عوده إنشا الله لاني من سكان المنطقه الرابعه :)

[وليد القمر]

هلا اخوي ...

لوووول لاتزعل عليهم .. بالعكس اعتبرهم منتدى قوي انتخابي .. ونعم فيهم ..


كذلك انتم ناس اهل وعزيزين وجيرتكم طيبه .. خالصين منها ..


بخصوص اشبيليه ... جيرانه هالمنطقه ..

وشوف حسبة الاصوات بجمعية اشبيليه والرحاب .. اصوات اشبيليه الرشايدة قوه ..

في قطعه باشبيليه .. اغلبها من الدويله والمرشاد .. فما باللك بالرشايدة ..

ومعروفه المناطق اللي فوق اللي عند الفروانيه يفضلونها الرشايدة ..

والمطران يحبون صباح الناصر .. قلتها انت يتكدسون ... ممكن بعضهم اذا ماحصل بصباح الناصر والعارضيه يفكر بمحافظات ثانيه خصوصا الجديده .... اعرف جيران وربع راحوا للمناطقه .. اسئله اقوله خلك بديارك .. يقول هم هناك لهم ديار .. وصح تحصل بالاحمدي ومبارك قوه للمطران وتجمع ..


عبدالله المبارك .. اكثرها رشايدة .. وبشهرون جمعيه .. مايبونها تنضم للجليب .. لنه تنضمن للمطران ... ولا العوازم لأول مره بمحافظة الفروانيه راح تكون لهم قوة بالجمعيات .. لنهم بعبدالله المبارك قوة .. هذا مبدئيا لللهمناطق .. ممكن بكرة اكثر المطران ..

بس ترى اكثر من سكن عبدالله مبارك من الرشايدة هم من اهالي الفردوس (شبابهم )

يعني ماراح يأثرون بمناطق اللي فوق ((فروانيه .. عمريه .. رابيه .. رحاب .. اشبيليه ))


اما التقسيمة اللي علموني فيها بالمنطقة الرابعه

(صباح الناصر والجليب والعارضية والفروانية والفردوس )

(والعمرية والرحاب والرابية والاندلس وخيطان وابرق خيطان )

تصير ولجنة تعديل الدوائر ... اعتقد 5 بينهم الفجي والدقباسي بسكتون ..

وصدقني نواب المطران والرشايدة بقسمون الدائره .. ماراح يخلون مواجهات بالعكس بظلمون الاقليه واضح من بعض المقترحات السابقه ..


المهم نقول صارت اللي فوق .. رغم انها لاراعت الجغرافيا ولا راعت العدد ..

ممكن انتم اقوى بالتقسم الاول .. لكن صدقني صعب تكون دائرة مطران نفس السابق .. يعني لازم فرعي .. عشان تنضمن ..


الثانيه ..

حنا الاكثر .. لكن العتبان والمطران والاقليات القويه .. ممكن هي اللي تعبنا ..


لكن اكييد كل دائرة فيهم بكون 5 ..


وهذا الشي اللي خله المطران يطلعون من مناطقهم ويتكدسون بدائرة الجليب وصباح الناصر والعارضية والاصوات ماهي راضية تطلع لبرى والشي اللي يأكد لي ذلك انه حسين مزيد اخذ ثاني اكبر حصيلة اصوات بالكويت الانتخابات اللي طافت بعد دائرة الاحمدي


عاد اكثر نقل اصوات الى دوائر ثانيه هالدائره بالدوره اللي فاتت ..

عاد تصدق .. احس نوابكم يبونها تكون بالدوره القادمه نفسها .. لنها مضمونه احسن من المنافسه ...




ناطرين التقسيم .. العادل بالعدد ! والجغرافيا .. هني العدل .. مو احد ياخذ الدوائر اللي يبيها ..

رغم انه المظلوم الاقليات ..


والله يوفق الجميع .. شاكرلك ..

[مشاري المطيري]

المحيل يامرحبابك وشاكر لك على مشاركتك


الرشايده عرفوا يلعبونها صح


وبعد العوزام

اما أنتم يا مطير لعبتوها غلط ذا المرّه

والحظ الأوفر في المرّات الجايه

وكذلك العجمان معهم
ولي عوده إنشا الله لاني من سكان المنطقه الرابعه

----------------------------------------------------
اما عن الرشايدة فالموضوع ماهو موضوع لعبوها صح او غيرة كل مافي الموضوع رغبة مطير بتكديس بدائرة وحده فقط واصبحت هذي الدائرة ثاني اكبر حصيلة اصوات مع العلم يوجد بدائرتين الفروانية ودائرة العمرية نسبة كبيرة من اصوات المطران وقواعد جماهرية تشجع مرشحيها على خوض الانتخابات وتهيأه للمنافسة مع الرشايدة ...

وقبيلة الرشايدة العزيزة على قلوبنا هي اتسمت لهذي المناطق وتكدست بها اي لا مكان لهم بالكويت غير المنطقة الرابعه والدائرتين اللي ذكرتهم لتحديد وتخطيطهم المستقبلي منذو زمن كان سليم ميه بالمية وهذا مايحزن قبيلة مطير عن تفريطهم لبعض المناطق وتكديسهم للاصواتهم واليوم شباب مطير يفكرون ويخططون ويشتغلون من قلب ويتركون المشاكل ويصفون الانفس لمصلحة القبيلة ..

وكانت خير هذي الفزعه نجاح محمد ماجد بوردن الديحاني في عضوية المجلس البلدي وكانت الدائرة محتكرة لرشايدة على امد العصور ولاكن بتكاتف القبيلة وحميتها وعلاقاتها الطيبة بخيطان وقاعدتها الجماهيريه استطاعت التغلب على الرشايدة وهذي خطوة ممتازة لمطير ولا اقصور برشايدة ولا بمرشحهم العراده

اما العوازم بعض مناطقهم ممتازه وسهله لهم مثل السالمية وسلوى او صليبخات او الصباحية فهي منطقة وحده او ام الهيمان كذلك فلو تتغير وتتغلص الدوائر سوف ينزل عددهم وانا اتوقع ذلك ...


والعجمان كما قلت انا فالبداية منطقة الاحمدي مظلومه جدا لو كانت على دائرتين كانت انتهت المشكلة وقبلو العجمان بذلك اما تسع مناطق ودائرة وحده لا ينجح فيها الا اثنان فهذي ليست عادله وهذا تحليلي البسيط المتواضع لهذي الدائرة


اشكرك الكحيل وبنتظارك

[مشاري المطيري]

هلابك ولد القمر


اما بالنسبة لعبدالله مبارك واشبيلة فهي بينهم مطران ورشايدة مثل الفردوس والاندلس والرحاب ... كثيير من شباب الجليب تحديدا والفردوس والعارضية طلعو لأشبيلية ولعبدالله مبارك واللي محاجيك له سبعه من عيال عمه لهم شارع سموه شارع الدياحين فقط تخيل :)

ولاحد الأن مافي احصائية لعدد اصوات الناخبين في المنقطتين الجدد عبدالله مبارك واشبيلية واعتقد ماراح تدخل بتشكيل الجديد ما ادري يليت تفيدني بهذي اذا كان عندك اخبار عنها ..


اما التقسمية فهي وانا اخوك محسومة لمطير للأولة ولا جدال بذلك اذا طلعو اربعه بعد الفرعية وانت تعرف اصوات وناخبين دائرة الجليب زين ..


والثانية العتبان مايستهين فيهم وبدائرة خيطان بعد العتبان تجي قبيلة مطير بعدد الاصوات وراح تكون منافسة شديد واضن تكون في تحالفات ومطير تلعب على كرسي والعتبان على ثلاث والرشايدة على اربع والاقليات راح يكون لهم الكلمة ويرجحون الفائز ..


هذا اذا كانت هالتقسيمة صحيحه واقرها مجلس الوزارء بحكم انه صباح الناصر والجليب والعارضية والفردوس والفروانية قريبين على بعض واقرب المناطق لبعض ..

والثانية بحكم قرب العمرية لرحاب وهي مقابلة لخيطان وابرق خيطان والرقعي كذلك تحدها من الشرق ومقابلة المنطقة الاخيرة هي الاندلس ..

اتمنى نشوف جلسة تعديل الدوائر والتقسمية الاخيرة اللتي يقرها مجلس الوزارء ومن ثم نحلل تحليل سليم ونخطط ونرتب للمجلس الامه القادم الفين وسبعه

ولد القمر انا بعينك مدير اللجنة الاستشارية والتخطيطية في الشبكة العنكبوتية ..

يعني ناخذ منك كل كبيرة وصغيرة بس هااا ما تكون متحيز لاحد بتاتا .. :)

وشاكرلك المرور

[وليد القمر]

بعلق على الفزعه ..



وكانت خير هذي الفزعه نجاح محمد ماجد بوردن الديحاني في عضوية المجلس البلدي وكانت الدائرة محتكرة لرشايدة على امد العصور ولاكن بتكاتف القبيلة وحميتها وعلاقاتها الطيبة بخيطان وقاعدتها الجماهيريه استطاعت التغلب على الرشايدة وهذي خطوة ممتازة لمطير ولا اقصور برشايدة ولا بمرشحهم العراده

فزعة بس مطير .... العتبان خوالكم وخوال بوردن (اعتقد ) ولد منطقتهم

+ الفروانيه مواجهة خيطان العتبان ( رقم انهم مو من كثرهم الرهيب لكنهم اكثر من المطران)

وبمواجهة الفردوس اكثر دائره نقلوا المطران اصوات لها .. والدليل بالجمعيه اكتساح الرشايدة لنهم اكثريه اهلها الساكنين فيها ..


+

استهزئ المرشح العراده .. اللي داش كانه فايز .. واذكر بيوم الانتخابات كنت بخيطان .. وخيطان اسمها دائرة العتبان رقم انه العتبان كل مالهم ويقلون اصوات فيها ..

لكن الاسم الثاني لها .. واللي اعتبره غلط .. هو دائرة الشراء .. خشم الدينار ..



الرشايدة يقولون للعراده بيومها اشتر ! يقول لا خل اللي يشتري يبجي على فلوسه ماراح ينجح !

وهو اللي سقط ..


المهم ..

جم نجح فرق بوردن . 100 صوت 200 لا اكثر ..


لكن اعتبره فوز لمطير وبوردن وايضا العتبان ...

وايضا اعتبره خساره بسبب الرشايدة ...

لنه العراده .. تسبب بخطئ قاتل ! ماودي اتكلم فيه .. حس فيه تالي والرشايدة توهقوا بالغلط لنه الانتخابات مابقى عليها شي ..
وهو رغم انه الحمدالله بني عمي قلوبهم ماتزعزعه انتخابات ولا الناس الطيبين يزعزهم هالشي ...

خلوه درس يعتبر لناس اللي تغلط غلطة العراده ..


الــــــــــ1400 رشيدي ماصوتوا !! قعدوا ببيوتهم ..

تدري انه العراده جاب بالفرعي فوق 2500صوت ! فما بالك بالانتخابات العامه ...

السبب اتركه بينا لكن درس راح يعرفونه اي مرشح بالرشايدة مستقبلن





بخصوص مالنا غير هالدائرتين ..

شوف حنا بالدائرتين ننزل فوق 4 رشايدة ....سواء فرعي او عام ..

والمطران بالدائرتين ..

يسون فرعي وينزلون 2 .. وسقطوا .. لنه فرعيينا بالامه كل ماله ويصير اقوى والكل يتقييد فيه ..

وبالدائرة العمريه .. المطران ينزل واحد ويتحالف مع رشيدي ..

لكن المره القادمه ماعتقد ... في ناس ضحت .. مثل الدويله .. وراح يردون للفرعي من جديد ..



بالروضه رشايدة ...قوى بعد الاسلاميين .. مرات ينجحون .. ماقولك رشيدي متحضر .. مثل الخنه للعجمان والساير لمطير ..

لا لا .. الروضه معروفه منطقه رشايدة متحضرين وبدو .. الجاسر (ياكثر ماينجح).. المرشاد (مختارها ) .. الشيتان القادم بقوه ..

نفس السالميه والعوازم ..

ومثلناه بلدي وامه ..


صليبخات .. هم لهم قوى وسبق نجحوا فيها .. وممكن ينجح العراده المره الجايه .. طلع الثالث اخر مره ..


خيطان صج نجح بوحديده بفلوسه .. لكن نسبة الرشايدة مايستهان فيها .. لسبب انه اصوات العتبان قاعد تقل ! وشوف بدر النويهض راح ينزل عندهم .. اتوقع يسوي نتيجه طيبه ..



وصدقني حقوق المرأه سلاح قوي لرشايدة .. لأسبااااااااااااب عديده .. وشوف المرأه وين تصوت بالجمعيات وتشوف قوة الرشايدة فيها لوينجح بينا مطيري عادي من ابناء المنطقه الرابعه مو مفاجأه .. بالمقابل جمعيات المطران .. لو ينجح عندكم رشيدي مقبوله من اهل المنطقه الرابعه ... لكن ظفيري او عنزي او شمري اووو .. مع كل احتراني لهم .. الطيب يفرض نفسه صحيح .. بس بمناطق مطران .. هني المفاجأه ..




بخصوص توزيعك ... انت اخترت اقوى مناطق المطران وحطيتها لأقوى منطقه رشايدة وهي الفروانيه ...

ننتظر التوزيع ..... واقولها لك الفجي والدغباسي .. ماهم ديكور ... اللي اعرفه ..

يبون (( الفروانيه + الرابيه + الرحاب + العمريه + اشبيليه )) على الاقل 4 نواب ..

هني فرعي نسوي ... تنتهي المسئله ..

وهي دوائر جغرافيا جنب بعض .. بالعدد كبيره ..

خيطان ..ابرق .. دائرة .. 2 .. ماراح يسكتون العتبان ولا حتى اللي حولها لدائرة فلوس .. يبونها جذي ...نفس كيفان للاسلاميين



والقسم الثاني من المحافظه ..

(( الجليب .. صباح الناصر .. العارضيه .. الفردوس .. الاندلس ..)) 4 نواب ..

المطران اقوى .. يسون فرعي يلتزمون .. تنتهي المسئله ..

لكن في متنفس لرشايدة بالفردوس والاسلاميين والاقليات القويه بالاندلس ..


بالجغرافيا .. جنب بعض + كبيره بالعدد ..


هذا اتوقعه بصير بالمحافظه .. اذا كان فيه تعديل ..



على العموم اتمنى زيادة المحافظه على الاقل كرسيين ..

والله يوفق الافضل .. صج بينه منافسه ... بس نبقى خوان وحبايب ..

وصدقني اكثر نائب يفزع لرشيدي المطيري والعكس صحيح .. وهالشي نشوفه بالمجلس وبكل الوزارات والخ .. يعني نوابكم ونوابنا صج طالعين من قبيلتهم لكن يكسبون القبيله لاالثانيه مو بس للانتخابات ايضا حكم الجيره والاخوه ..


وسلامتك

[مشاري المطيري]

استهزئ المرشح العراده .. اللي داش كانه فايز .. واذكر بيوم الانتخابات كنت بخيطان .. وخيطان اسمها دائرة العتبان رقم انه العتبان كل مالهم ويقلون اصوات فيها ..

لكن الاسم الثاني لها .. واللي اعتبره غلط .. هو دائرة الشراء .. خشم الدينار ..

-----------------------------------------------------------

اشكرك مرة ثانية وبخصوص انتخابات البلدي اللي طافت وعدد اصواتهم فعلا كان الفارق بسيط بينهم لاكن ماكانوا رشايدة متخلفين عن التصويت بهذا العدد 1400 وهذي مبالغة منك وكذا شخص في منتديات الرشايدة يقول اربعمية وفيه اللي قال سبعمية وزوود وواحد من الربع ومن اهل الدائرة ومن اللي شغاليين مع العرادة كانت عنده لستت اسماء للي ماصوتوا وتقريبا عددهم بالارعمية المردجة للاصوات العرادة ..




اما عن المرأه .. سوف تنفع الرشايدة والعوازم كونهم افضل تنظيم لنساء لهم والرشايدة مشهود لهم بأصوات النساء وشفنا يوم من الايام الباصات اللي جابت الحريم :)


اما المطران جديدة عليهم سالفة الحريم وانهن يصوتن تلقى شوي شوي بالجمعيات وسنة عن سنة تلقى الحريم بزديات يصوتن وهذا اللي حنا نبية .. اما بعض الرياجيل عندنه يقول مااودي اهلي عشان مرشح ولا اقعد اجرجرهن ورى هالمرشحين وبشكل هذا راح يطيحون بعض الاعضاء من هالسلبية وهذي للاسف كانت موجوده .. لاكن ان شاءالله تتسنع الامور وتفقه الناس لما هو صلاح لدائرة ومرشحيها..



واكيد ياولد القمر انه في ناس ماتصوت للبلدي كونه ماهو مرغوب مثل مجلس الامة .. مطران ورشايدة في منهم اللي مارشحوا ولا لهم علاقة بترشيح وفوق هذا كله نزل عدواني وانت تعرف العدواني صديق حميم للمطيري في كل مكان ودائم مايقف مع مطير ولاكن نزل واخذ اصوات العداوين مو كلها اغلبها كون العدوايين من الاقليات والشي هذا كان يقلق العضو محمد بوردن ..

اما عن دائرة الفروانية او خيطان للبلدي فهي الحين وبعد هذا النجاح كأنها تعلن عن تحالف عتيبة ومطير على هذا الكرسي وهذا اللي راح يحصل بالنسبة للبلدي واصوات خيطان اكثر من الفروانية ومنطقة خيطان كذلك اكبر من الفروانية ..

اما عن خيطان والعتبان فهم فعلا مثل ماتفضلت بعض اعضائها يفوزون بخشم الدينار والبعض الاخر لم يدفع دينار واحد وحصل على المركز الاول وبدون منافس وهذا يدل على رغبة العتبان بمرشحيها .. النائب الفاضل الدكتور فيصل المسلم وكان بالمركز الثاني وليد مناحي العصيمي وبالمركز الثالث بدر ناصر الجيعان المطيري وبفارق بسيط عن الثاني ..





بخصوص توزيعك ... انت اخترت اقوى مناطق المطران وحطيتها لأقوى منطقه رشايدة وهي الفروانيه ...

ننتظر التوزيع ..... واقولها لك الفجي والدغباسي .. ماهم ديكور ... اللي اعرفه ..

يبون (( الفروانيه + الرابيه + الرحاب + العمريه + اشبيليه )) على الاقل 4 نواب ..

هني فرعي نسوي ... تنتهي المسئله ..

وهي دوائر جغرافيا جنب بعض .. بالعدد كبيره ..

خيطان ..ابرق .. دائرة .. 2 .. ماراح يسكتون العتبان ولا حتى اللي حولها لدائرة فلوس .. يبونها جذي ...نفس كيفان للاسلاميين


اقتباس من وليد القمر

والقسم الثاني من المحافظه ..

(( الجليب .. صباح الناصر .. العارضيه .. الفردوس .. الاندلس ..)) 4 نواب ..

المطران اقوى .. يسون فرعي يلتزمون .. تنتهي المسئله ..

لكن في متنفس لرشايدة بالفردوس والاسلاميين والاقليات القويه بالاندلس ..


بالجغرافيا .. جنب بعض + كبيره بالعدد ..


هذا اتوقعه بصير بالمحافظه .. اذا كان فيه تعديل ..

--------------------------------------------------------

ماهو توزيعي انا هذا اللي انا قلته لك بأنه وصلني وهو كرأي يحتمل ان يكون صحيحا ام خاطىء .. وتقولي اخترت المناطق وانا الله يهديك قايلك فالمشاركة السابقة وموضحها لك انه دمج الدوائر وتحديدا للمنطقة الرابعه هالتوزيع اللي وصلوا له ويعتقدونه وكذلك يحتمل يكون صحيح او خاطىء لابد يقر قانون عشان نقول نعم صحيح لاكن لا نستعجل ..


وكذلك انا عندي تعليق على التوزيعه اللي انت حاطها :)



يبون (( الفروانيه + الرابيه + الرحاب + العمريه + اشبيليه )) على الاقل 4 نواب ..

هني فرعي نسوي ... تنتهي المسئله ..

وهي دوائر جغرافيا جنب بعض .. بالعدد كبيره ..

خيطان ..ابرق .. دائرة .. 2 .. ماراح يسكتون العتبان ولا حتى اللي حولها لدائرة فلوس .. يبونها جذي ...نفس كيفان للاسلاميين
--------------------------------------------------------

بدائرة هذي ماتنتهي المسئلة مثل ماتفضلت حتى لو سوت الرشايدة فرعية لانها في هالدائرة مطران ومايعتبرون اقلية وراح ينافسون على كرسي وياخذونه لو تصير الدائرة في هشكل لاكن مستحيل .. العمرية مقابل خيطان وابرق خيطان وكذلك الفروانية .. تعتقد يخلون خيطان بروحها اذا خلوها عشر دوائر ؟؟؟ الاجابة طبعا لا وراح تنظم للعمرية بطابع موقعها الجغرافي ومن الممكن تكون معاها الفروانية ومن الممكن يضمون الفروانية للجليب وانت تعرف وعلى علم ودراية انه الفروانية دائما مع الجليب ولو نرجع لتاريخ العشر دوائر سابقا لوجدنا الفروانية مع الجليب .. اما عن المناطق الداخلية فما راح يضمونها للمنطقه العاشرة ولا المنطقه الرابعه والجهرا وهذا مستحيل والا سوف تكون كرسه وكارثة على اهل الديرة وحنا حكومتنا حكومة مؤسسات تحترم التجار وتقدرهم وتحط لهم اللي يبونه اما حنا يالبدو يخلونا مع بعضنا وكيفكم بينكم :)


--------------------------------------------------------

والقسم الثاني من المحافظه ..

(( الجليب .. صباح الناصر .. العارضيه .. الفردوس .. الاندلس ..)) 4 نواب ..

المطران اقوى .. يسون فرعي يلتزمون .. تنتهي المسئله ..

لكن في متنفس لرشايدة بالفردوس والاسلاميين والاقليات القويه بالاندلس ..


بالجغرافيا .. جنب بعض + كبيره بالعدد ..


هذا اتوقعه بصير بالمحافظه .. اذا كان فيه تعديل ..

--------------------------------------------------------

اما تقسيمك لهذي الدائرة فهي جغرافيا صحيحه جدا واجزم ومن غير مجاملة لبني عمي انها راح تكون لهم اربع كراسي مضمونه وكلن عارف هالشي والفردوس ترى اذا مو نصها ثلثها مطران :)

لا تجامل الاقليات والرشايدة بهذي الدائرة نهائيا وانت تعرف عدد ناخبين هذة الدائرة

وبالاخير اشكرك على سعة صدرك والحوار الهادي اللي بيني وبينك وخلنا لا نستجل وننتظر الدوائر واقرار الموضوع وتالي نخطط وانا والله قلبي الحين مع مرشح العوازم الصويلح مابي الحريم يطلعن عليه :)

[المستقل]

الأخ مشاري المطيري والأخ وليد القمر نتمنى أن لانخرج من صلب الموضوع وهو (الدوائر والقبائل) ..... وكل الشكر للجميع

[وليد القمر]

هلا اخوي ..

بسيط بينهم لاكن ماكانوا رشايدة متخلفين عن التصويت بهذا العدد 1400 وهذي مبالغة منك وكذا شخص في منتديات الرشايدة يقول اربعمية وفيه اللي قال سبعمية وزوود وواحد من الربع ومن اهل الدائرة ومن اللي شغاليين مع العرادة كانت عنده لستت اسماء للي ماصوتوا وتقريبا عددهم بالارعمية المردجة للاصوات العرادة ..


اسمحلي مابالغ .. وممكن اكثر من 1400 ... وانا كنت من المنظمين لحملة العراده واعرف مادار وحصل ..


حتى بجريدة الوطن المقربه لرشايدة ... ذكروها ..

http://www.alwatan.com.kw/default.aspx?pageid=26&mgdid=355587

اسباب فقدان القبيلة لمقعدها في المجلس البلدي لصالح العضو محمد ماجد بوردن تخلف 1400 من ابناء القبيلة من اصل 3800 صوت في دائرة الفردوس والرحاب والفروانية.

اما عن المرأه .. سوف تنفع الرشايدة والعوازم كونهم افضل تنظيم لنساء لهم والرشايدة مشهود لهم بأصوات النساء وشفنا يوم من الايام الباصات اللي جابت الحريم


اولن مره اسمعها منك ... ولاتوقعها باصات .. وحتى لو صج شي طيب هالتنظيم ...

رغم انه قبيلة الرشايدة اشهر من وقف ضد حقوق المرأه بتاريخ الكويت من القبايل والتنظيمات ...

كنواب ! واعلانات جريئه وكمواجهات بالجلسات وكوزير استغنى عن الوزاره ضد حقوق المرأه ! وخلص ذمته .......


مع هذا ... بالجمعيات التصويت عندنا زين بس مانوصل الى باصات !

لايكون حناالاقليه عشان نروح ونتستذبح على صوت الحريم ...

اكثريه بجمعياتنا والله الحمد ..


+

انا اقولك راح تنفعنا تدري ليه !

لنه الفردوس ... راح يرتفع التصويت لصالحنا .. من الحريم .. بسبب انه اكثر اهلها الرشايدة ..

عكس مجلس الامة اللي نقل اصوات لدائرة الفردوس .. اللي ينقل اصوات راح يواجهه مأزق انه لازم ينقل اصوات حريمه ! وله راح يتسع فارق الاصوات .. اكثر واكثر


فاهمني بهالنقطه ..


اما المطران جديدة عليهم سالفة الحريم وانهن يصوتن تلقى شوي شوي بالجمعيات وسنة عن سنة تلقى الحريم بزديات يصوتن وهذا اللي حنا نبية .. اما بعض الرياجيل عندنه يقول مااودي اهلي عشان مرشح ولا اقعد اجرجرهن ورى هالمرشحين وبشكل هذا راح يطيحون بعض الاعضاء من هالسلبية وهذي للاسف كانت موجوده .. لاكن ان شاءالله تتسنع الامور وتفقه الناس لما هو صلاح لدائرة ومرشحيها..

حريمكم حالهم من حال حريمنا ... مادري احس انك جنك تشبه حريمنا نفس الحركة الاسلاميه كتنظيم .. لوووول لا ياخوك

بل ممكن انتم اكثر علم ودراسه .. حنا مافي حريم مناصب .. ولافي حرمه ناوي تنزل الانتخابات ..

وحتى لو الحرمه تصوت مافيه شي .. خل تصوت .. تفيد على الاقل

رغم انه ضد انها تعدى حدودها وتحضر ندوات وتشارك بالراي ... حدها تروح تصوت للجنه الانتخابيه لمرشحين .. وترد بيتها سواء متعلمه .. اميه .. اين كانت ...



اما عن دائرة الفروانية او خيطان للبلدي فهي الحين وبعد هذا النجاح كأنها تعلن عن تحالف عتيبة ومطير على هذا الكرسي وهذا اللي راح يحصل بالنسبة للبلدي واصوات خيطان اكثر من الفروانية ومنطقة خيطان كذلك اكبر من الفروانية ..

بس اصوات الرشايدة بالفروانيه .. اكثر من العتبان ومطير اجمع بخيطان ..





بخصوص التوزيع ... ناطرين .. مابعلق على كلامك بخصوصه ..

واتمنى يكون عادل مو بالتوزيع .. لااااا ..

انه يزيدون محافظة الفروانيه .. مقعدين على الاقل ..


والله يجعل اللي فيه الخيير ..


لاتحاتي العازمي ......... العوازم مثال يضرب فيه بالكويت بقوة الحضور والالتزام .. اذا هم طاحوا مانلوم غيرهم

[وليد القمر]

الأخ مشاري المطيري والأخ وليد القمر نتمنى أن لانخرج من صلب الموضوع وهو (الدوائر والقبائل) ..... وكل الشكر للجميع


السموحه اخوي ...


كل الاحترام لأخوي مشاري .. نقاش طيب واستمتعنا فيه .. شاكرلك وشاكرله

[مشاري المطيري]

حياك الله يا المستقل وصحيح طلعنا من صلب الموضوع واخذتنا السوالف لاكن راح تكون مشاركتنا هذي مفيدة بحد ذاتها للمنطقة الرابعه واعتقد انتهى الحوار في هشكل :)

وبالنسبة لخوي وليد القمر صرت وليد خابر ولد القمر .. اتمنى يمر القرار ونتكلم ونحلل من وراه وان شاءالله يحلها الف حلال ..

والفردوس (عين بغزي) ما اسمح لك تهمش مطير فيها :) .. ترى هي مسماه على واحدن منهم وهم اهلها الاصليين ان جينا لصج .. يعني ماينقال لهم اقلية نهائيا .. وبعدين بسولف وياك واناقشك في هالمواضيع صغيرة

وعندي والله كذا تعليق لاكن ابي انهي الموضوع .. اخاف مشرفهم يزعل علينا وحنا حيل طلعنا من موضوعنا الاصلي :)

[مشاري المطيري]

شاكر للجميع مشاراكتهم


واخيرا موعدنا في 14/4/2006


وقادمون بأذن الله :)

[وليد القمر]

والفردوس (عين بغزي) ما اسمح لك تهمش مطير فيها .. ترى هي مسماه على واحدن منهم وهم اهلها الاصليين ان جينا لصج .. يعني ماينقال لهم اقلية نهائيا .. وبعدين بسولف وياك واناقشك في هالمواضيع صغيرة

ماهمشت مطير فيها ..

اتكلم عن اهلها الاصليين الحاليين اكثرها رشايدة

وشوف انتخابات الجمعيه اللي بتصير .. قائمه لرشايدة كامله ..

مقابل 5 من مطير + عنزي + حربي +عازمي + عدواني ..

ومع هذا الرشايدة اكثر فرص لنجاح وهم اكثر من يمسك الجمعيه ..

لكن اللي بوضحه معروف الفردوس نقل اصوات تم فيها .. من دائرة الجليب وصباح الناصر .. هذا اللي بوضحه ..


بخصوص الاسم عين بغزي .. ونعم باللي سكنها .. سواء سكنها بخيام او ببيوت من الحكومه ...

بس مو هذا كلامي عن المسميات ..

يعني العباسيه سابقا .. هل عباس مناور ساكنها ! وهي داخل الجليب اللي اهلها المطران .. لااا ولا احد يقدر ينسب الجليب لغير المطران

الفروانيه اسمها على مطيري او شمري ..وجنه مطيري .. مو هذا المهم ..

سابقا اسمها الدوغه والحين الفروانيه .. ولو تصير اليوم اسمها العجمان او المطران او العوازم .... هل معناها هم اهلها الاصليين والى الان فيها .. لاااا الفروانيه = معقل الرشايدة

مثل الجليب = المطران

السالميه = عوازم

الرقه = عجمان

والخ .. مايحددها الاسم ...

يعني العديليه .. بسم بن عدلان الرشيدي .. هل الرشايدة لهم حس فيها لااااااا


واخيرا الفردوس فيها مطران .. وهم بالعدد بعد الرشايدة ..

اما اول من سكنها .. اذا كان مطيري مافي مشكله .. بس كلامي عن الوضع الحالي ..




وسلامتك

[وليد القمر]

شاكر للجميع مشاراكتهم


واخيرا موعدنا في 14/4/2006


وقادمون بأذن الله :)


عفوا .. وكمان شاكرلك ..


وان شاء الله تجون على كل خير .. بأذن الله