مرت ثمان سنين

[فيصل بن حجرف]

مرت ثمان سنين حل(ن) وترحال=مرت ثمان(ن) كلها مدلهمه
قضيتها بالهم والشوق رحال=رجل(ن) تحدى كل ياسه وهمه
وعقب الثمان اللي تعبهن برى الحال=جاب الزمان الكارثه والمطمه
جاني ولدها مبتسم بين الاطفال=ومن بسمته ذكرت انا بسمة امه
ساعة حضنته والطفل في ايدي مال=وشميت ريحتها على اطراف كمه
طحت وصرخ في داخلي كل الامال=صوت(ن) عجزت بداخل القلب المه
واليوم بنت الناس في بيت رجال=وحب(ن) على غير الشرف لي مذمه
وبرجع غريب وسكًته بر ورمال=يموت يحيى يندفن مايهمه

للشاعر : عواض العتيبي اذا ماني غلطان وكان مهيب كامله واحد منكم يعرفها ياليت يكملها لنا

تحياتي

[ابوحمد الشامري]

مضى بوصلها خمسة أعواما ،،،،،،،،،،،، وثلاثن كنهن حزات حازي

بفقدي له وجدي والغراما ،،،،،،،،،،،،،، تعلمت النياحة والتعازي

وكل البيض عقبه لو تساما ،،،،،،،،،،،،، فلا والله تسوى اليوم غازي

سلينا لا حلال ولا حراما ،،،،،،،،،،،،،،،،،، عليهن الطلاق بلا جوازي

لا هنت يا ابو عبد الله ولا حظة فراق الاحبة صعبة لا تزول الى مع زوال النفس.

تحياتي

[cool]

السلاااام عليكم ورحمة الله وبركاااته

صح لسااااانك ابو عبد الله وصح لساااان الشاااعر وتسلم على ذوقك في الاختيار

ومن زمااان عن مشااركااتك اخي.

ولا عاد ادري هي تكملتها صح او فيها شي نااقص والعذر والسموحه مقدما

غابت ثمان سنين حل وترحال
غابت ثمان كلها مدلهمه

قضيتها بالحب والشوق رحال
وحب تحدى كل يأسه وهمه

سألت عنها سنين واشهور وليال
ولافيه فج غير وجهت يمه

وعقب الثمان اللي تعبها برا الحال
جاب الزمان الكارثة والمطمة

جاني ولدها مبتسم بين الأطفال
ومن بسمته ذكرت انا بسمة امه

شفته وصاحت داخلي كل الآمال
بصوتٍ عجزت بكتم الأنفاس ألمه

وركضت له دمعي على الخد همال
ومن كثر شوقي قمت بالحيل أضمه

ولحظة حضنته والطفل في يدي مال
شميت ريحتها على أطراف كمه

واستلهمت نفسي مقادير الأهوال
وتم الضياع وأكدت لي متمه

واليوم بنت الناس في بيت رجال
وحب على غير الشرف لي مذمه

ليت الغياب اللي شغل غربتي طال
ولا دوّر العاشق على حرق دمه

مجبور اعود واشتكي كل الأميال
بنفس حزينه كآئبة مستهمه

برجع غريب مسكنه بر ورمال
يموت يحيى يندفن مايهمه

الله يعطيك العااافيه ابو عبد الله ولا هنت اخي .

كـووول

[سلطان بن جفن]

الي انا متوكد منه انها لسفر بن فقيس الشهراني وصح السانك والسان قايلها

[فيصل بن حجرف]

السلام عليكم

ابو حمد وكوول وسلطان لاهنتو على المرور ويعطيكم العافيه

ومشكور اخوي سلطان على المعلومه وانا واحد من الربع قالي انها لعواض

وانت عاد ابخص ;)