قصيدة ردً على من قال (( شمر قبيلة أرهابية )) .. لـ بـدر الضبعان..!!

[فارس شمر]

السلام عليكم ورحمة الله وبركاته


هاذه .. القصيدة .. ردا ً .. على .. الكاتب // عبدالله القصيمي ..


الذي .. قال .. في .. إحدى .. كتاباته .. (( شمر قبيلة أرهابية )) ..!!


والقصيم .. بها .. رجال .. وقبائل .. نكن .. لها .. كل .. أحترام .. وتقدير ..


وأهل .. القصيم .. أكبر .. من .. ذلك .. الكاتب .. القزم ..





وأليكم .. رد .. الشاعر .. // بدر بن عبد المحسن الضبعان الشمري
نخيت شعري يشعل الجـاش نيـران
وثارت طواريق الشعـر والبراكيـن
قامت شياطينـي وسـارت بالأبـدان
حتـى عروقـي أمتلـت بالشياطيـن
ياللي تسمّى ( بالقصيمـي ) ولا بـان
وسب الطنايا .. ماعرف عننـا شيـن
اهل القصيم اكبر من انسـان خـوّان
اكبر من فعـول الخبـل والبزاريـن
وحنا لنا صيت ٍ على مـر الأزمـان
أفعالنـا ماهـي بحاجـة براهـيـن
تاريخنا .. علّق على قصـر بـرزان
تشهـد لنـا كـل القبايـل لهالحيـن
لامـن لفانـا تالـي الليـل جيعـان
نعطيه من لقمة هل البيت .. صاعيـن
وان مرنا طرقي .. عن الدرب حيران
شاف الجبل يشّر بمرحـب وسهليـن
واللي يبي عن جور الأيـام مزبـان
يزبن على شمـر ولايشكـي البيـن
واليا نخانا من عنـا الوقـت منهـان
جيناه لو هو من ورى مشرق الصيـن
يقوم يرجف داخـل القلـب بركـان
وتشـوف شمـر بالملاقـى مجانيـن
صغيرنا .. لو يطلبه كان مـن كـان
لو هو صغير يقـوم ماقـال بعديـن
شمر الا منّـه غـدى الجـو دخّـان
ثم عجعجت كبـد السمـا بالدخاخيـن
جوك الطنايا باسهـم يرعـب الجـان
واحد .. وينطـح بالملاقـى ملاييـن
تشوفنـا دايـم بالأفعـال شجـعـان
يقفـي عـدو ٍ شافـنـا بالميـاديـن
ينكف ويلعن كـل ماشـاف شيطـان
يتوب عن سـب الرجـال المياميـن
واللي يجي بأحسان .. جيناه بأحسـان
نرد طيب أغلـى القبايـل .. بطيبيـن
منهو يخاوينـا .. لقانـا لـه أخـوان
ومنهـو يعادينـا .. نجيلـه معاديـن
الحمـد لله صيتنـا صـار عـنـوان
غصب ٍ على أهل العقـول الردييـن
يفخر بنا صاحب وغالـي وجيـران
وانسابنـا تفخـر بـنـا بالـدواويـن
كل ٍ وله تاريخ و عـروق وأوطـان
فينـا فقيـر الله .. وفينـا سلاطيـن
والله جمعنا تحـت رايـات الأيمـان
وجمّع سلايلنـا تحـت رايـة الديـن
لكـن ويبقـى للقبايـل تـرى شـان
الفرق واضح والمخاليق مـن طيـن
أحـذر تعـرّض للقبايـل ياهـامـان
وخلّك على وضعك ترانـا شديديـن
وشمّر تبي تبقى على مـر الأزمـان
ماتلتفـت لـم العيـال الصغيـريـن
مادام ياطـا تربـة الأرض الانسـان
يبقـى اسـم شمّـر فخـر للكثيريـن
وكل القبايل قدرهـا وسـط الأعيـان
فـي ذمتـي وافيـن وافيـن وافيـن
قلته وانا من نسل الأخيار .. ضبعـان
من صلب شمّر .. وانتخي بالسلامين







صاغ معانيها وسطر ابياتها
الشاعر الداهية
. بدر بن عبدالمحسن الضبعان الشمري


نقلها اخوكم ومحبكم
فارس شمر؛؛؛

[ولد شمر]

لاهنت فارس شمر

صح لسانك ولسان الشاعر الكبير

بدر الضبعان

مسكين هالقصيمي لو هو رجال يذكر اسمه


مع الشكر الجزيل لك

ولد شمر

[ابن الاجواد]

ونعم بشمر الطنايااااااااااا


والقصيمي هذا يمثل نفسه ولا يمثل جماعته ويستاهل ما جاه من رد


لاهنت يافارس شمر


ابن الاجواد الهاجري

[بن عجمـــــــــــــى]

والف نعم بشمر
الطنايا وتاريخهم وامجادهم مشهوده
وصح لســـــــــــــانك ومن قالهاا
ولا هنت

[الباشا]

لا هنت اخوي فارس شمر ويعطيك العافيه

وصح السان الشاعر

[فزاع]

ونعم بشمر ويستاهلون ولا عليهم من اللي ينزل من قدرها هي معروفه من دون اي احد وصح لسانه الشاعر وماقصر وبيض الله وجهه

[ابن شلال الشمري]

لا هنت يا فارس شمر

لا هنت يا بعد حيي

اخوك ومحبك
ابن شلال الاسلمي

[نجمه]

السلام عليكم ورحمة الله وبركاته

والله والنعم بالسناعيييييييييييييييس وكلنا نشهد بأصاله وعراقه وفراسة وشجاعت الطنايا
ولا هنت اخوي على كتابتك لهذي القصيده الاكثر من رائعه


ياليت شمر هلن لي
دخيلهم ما يهابا
رصاصهم ما يكني
يكسر صليب العظاما