قائمة بكل ما تحتاج العروس لشراؤه من الاف الى الياء

[مطيرية عجمية]

هذه قائمة بكل ما تحتاج العروس لشراؤه من الاف الى الياء

نقلتها من احد المنتديات واضفت عليها

كتبتها وحفظتها عندي بانتظار الزواج
لكن الله سبحانه لم يكتب لي الزواج والان اصبحت عانس وما اعتقد راح اتزوج بهالعمر

فحبيت اهديها لكل عروس واطلب منكم الدعاء لي بالصبر وحسن الخاتمة

1)الملابس:
عبايات وملافع
دراريع فخمه للاستقبال
دراريع بيت
بدلات طلعة فخمة
بدل بسيطة عاديه تصلح للمناسبات العاديه
بوديات وجينزات وتنانيرقصيرة للبيت
قمصان نوم
ملابس داخليه
بيجامات

ملاحظة:
• تحديد عدد البدل والملابس يعتمد على ميزانيتك واسعارها بالسوق.
• والاحسن انك تحددي اقل عدد ثم تزيدينها بعد ذلك اذا توفر فائض من الميزانية
• يفضل التنوع في الوان الملابس بحيث تشملين جميع الألوان.( ابيض- بني –ازرق- اسود الخ

مكملات الملابس:
جنط واحذيه بمختلف الالوان ويفضل ان تكون ملائمة للبدلات والملابس

ساعه ماركه

جناط ماركه
اكسسورات بجميع الألوان مع ساعات التقليد
(ويفضل اختيار اكسسوارات بسيطة لملابس البيت واكسسورات فخمة للبدلات والدراريع الفخمة)



كل مايتعلق بالجسم وهو..
طقم الحمام +طقم فوط
ليفة
شيرة
اله نزع الشعر الكهربائيه
كريمات سنفرة
كريمات مرطبه
كريمات معطرة للجسم
مشقر لشعر الجسم
صابون للجسم
خلطات تبييض وتنعيم





كل مايتعلق بالشعر وهو.....
شباصات ومشابك الشعر بكل انواعها وألوانها
اكسسورات الشعر
استشوار
مقص
جل+سبريه
ماسكارا ملونه للشعر +علب رش ملون للشعر
حمامات زيت للشعر
شامبو
بلسم
زيوت لتطويل الشعر وتنعيمه

كاب او غطاء للشعر



احتياجات اخرى....

سجادة+مصلي +مصحف
قطن بكل انواعه للبشرة وللاذن وللمكياج الخ
فرش الارفف المعطرة
علاقات الملابس
جنط سفرمقاسات لنقل الملابس الى عش الزوجية
عده خياطه
وردمجفف+ شموع بكل انواعها

الماكياج والعطور:

.
الماكياج:
ماسكرا-كريم للعمل او السهرات- بودرة –شدو- قلم حواجب -قلم جاف و قلم سائل لرسم العين - محدد للشفايف -بودرة خدود- روج ( احمر شفاة) -صبغ اظافر -عطور

مرطب قبل الماكياج
مناديل مزيل ماكياج

بخور+فحم بخور- ومبخر راقي - وولاعة للبخور

جنطة صغيرة للماكياج واخرى اصغر لوضعه في حقيبة اليد

تحديد الماركة وافضل نوع اما بسؤال صديقاتك او من خلال مواقع الانترنت
فيه مواضيع عن احسن انواع الماكياج والعطورات ما عليكي الا ان تبحثي بمحرك البحث:قوقلgoogle

ولا تنسون اهم شي واللي ياخذ اكثر من نصف المهر وهو:

شراء الذهب
بدلة الزفاف وملحقاتها من اكسسوار وحذاء ومسكة وورد
+ بدلة اليوم الثاني+ كم بدلة فخمة جدا للعزايم

اتمنى اكون افدتكم

ملاحظة: ذكروني اذا فيه شي ناقص ما كتبته .

وين الرجاجيل خليهم يشوفون المهر مايكفي

[ليالي]

جزاج الله كل خير

ما اتوقع نسيتي شي :)

الله يرزقج بالزوج الصالح ان شاءالله

ونقعد نجهز معاج :)

[آل عجمي]

نسيتي المعرس ماله هدية
سلاسل حديد تربطينة فيها
ونظارة سوداء يمكن يتكون عيونه زايقه

[مطيرية عجمية]

ليالي
تسلمين ياعمري على كلامك الطيب
ولا يأس من رحمة الله

ال العجمي
والله ضحكتني صج
المعرس ما يحتاج سلاسل لهو اللي راح يربط نفسه بنفسه):

[تريكي]

لاهنتي بس الفلوس منين
ونسيتي (تقدم علي خدامه)
مشكوره علي الموضوع

[شهد]

ههههههههههههههههههههههههههههههههههههه


حلوة هالقائمه وطويله

يعني السوق بيطير عشان الزوجه تشتري كل هالاشياء

احس فيه نوع من العادات اللي مالها داعي وللاسف لازلنا نمشي عليها ونتبعّها


الله لايهينج اختي على هالنقل ويعطيج العافيه

[قبلةالعجمان]

:):):)

يعطيج العافيـــــــــة ..
وراح أحتاج قائمتج عن قريب إنشاءالله :)

[ولد شمر]

ويقولون ليش الشباب يتزوج من الخارج

كل هالطلبات لو أتزوج أوربيه ما تطلب منها شي

راس مالها ورده وتقولها: marry me?

وترد عليك: i do

وكان الله غفوراً رحيماً

وبعدين عندنا البنت ببيت أهلها عندها ملابس وكل الأمور اللي فوق

ليش ماتاخذها معاها لبيت زوجها ؟ وين ملابسها أول اللي كانت تلبسها ؟؟

الكبت اللي بغرفتها أول ليش ماتزخه باللي فيه وتوفر على زوجها المصاريف

لان كل هذا واخرتها ماخذله سويده عمرها فوق الخمسه وعشرين

ماقول الا الله يرحم اول يتغنون ببنت ام 14 (قمر14)

والمهر بيني وبينكم ماله داعي

ولو مافيه حفلة عرس يكون أفضل


ولد شمر

[مطيرية عجمية]

كل هالطلبات لو أتزوج أوربيه ما تطلب منها شي

راس مالها ورده وتقولها: marry me?

وترد عليك: i do


ولد شمر

اوكي يا ولد شمر
تزوج اوربية وخلف الله على العيال
الي بيجون منها:confused:

تتزوجك اليوم وتطلع بكره مع غيرك؟

اما الأغراض اللي تقول عنها ترى هالاشياء كلها من فرض المجتمع
والله ان بعض الاشياء ما ودنا نشتريها او على الاقل نقلل من عددها
لكن شنو يفكنا من اهل الزوج
عطيناها المهر وفشلتنا ما تلبس الا كم دراعة وكم بدلة
يبون العروس يوميا تبدل وتغير ملابسها
اقل دراعة بالسوق وعادية 40 دينار
لو تشتري 10 دراعات بس تلبسهم بأسبوع يكلفون عليها معاش شهر كامل؟؟؟؟؟
المجتمع والناس واهل المعرس هم اللي يفرضون عليك هالقائمة

واعترف ان بعض البنات يبالغون حييل في الشراء خصوصا بدلة الزفاف
تصدقون ان ألحين البنات يخصصون نص المهر للبدلة تقريبا 3 الاف وفوق؟؟؟؟
والباقي لشراء الذهب ما لا يقل عن 4الآف وباقي القائمة تشتريه البنت من معاشها

[الصحوة]

عفيه مهرررررر

الخدااااااااامة فى القائمة


يعطيك العافيه