خدمة التحاليل فنيه للاسهم الكويتيه

[بعيد]

بدايه انا صراحه كنت عضو قديم اهني بس انقطعت عن المنتدي والسبب البورصة صار كل اهتمامي

البورصة وصارت نشبة ماني قادر افتك منها ادمنت عليها صراحه والسبب التحليل الفني صار هوايتي

التحليل الفني لنه صراحه علم بروحه ومتعه بالنسبه للي لين تعمقت فيه وصار اغلب وقتي كله

تحاليل واستشارات لين وصلت مرحله اعطي استشارات بالمنتديات الاقتصاديه والحمدالله وفقت بالشي هذا

انا اليووم دخلت المنتدي بالصدفه كنت ابحث بقوقل عن موضوع باصدفه طلع معاي من ضمن القوائم

منتدي العجمان وهزني الشوق وقلت خل اشوف شخبار العجمان ومنتداهم عساهم تطوروا

والصراحه اول شي طاحت عليه عيني منتدي المال والاعمال وفرحت حييييييييييييييييل

عموما انتم اولي من المنتديات الثانيه بالتحاليل الفنيه لنكم مني وفيني

الحين اي شخص يحب يسأل عن اي تحليل للشركه بالسوق الكويتي فقط انا حاضر وانشالله ماقصر
الاسواق الثانيه الخليجيه ماعرف عنهم شي لني مو متابع لهم ولا املك شارتات لهم ولا بيانات سعريه

للشركات الخليجيه

اخوكم الصغير : بعيد ;)

[بعيد]

السلام عليكم

ببتدي بتحليل للسوق الكويتي
طبعا السوق كان داخل بمنطقة تذبذب من شهر 12 تقريبا وماشفنا صعود اكثر من 12000 تقريبا

الفتره هذي يغلب عليها جني الارباح وتحقيق الارباح الغير محققه للشركات التي تضارب بالسوق
كما هي فتره نهاية ارباح السنه الماليه الكامله
السنه هذي دخلت علينا مشكله جديده وهي زيادة رؤوس اموال الشركات والتوزيعات التي يغلب عليه
المنح وليس النقدي وهذي يزيد من كميه الاسهم ويزيد من عمليه البيع للتغطية زيادة رؤوس الاموال
بالنسبة للوضع السوق الكويتي مطمئن جدا لما يقارن بالاسواق الخليجيه وهذا يرجع للمكرر الربحيه
الجيد بالنسبة للاسهم الكوتيه واعتدال الصعود والهبوط العقلاني عندنا صحيح ممكن الواحد يقول الارباح راح تكون بسيطه عندنا بس اهم شي الخساير تكون قليله ايضا لما تقارن بالاسواق الثانيه

الاتجاه العام للسوق الكويتي صعود بس خل نخرج من منطقة التذبذب التي اتوقع ان تستمر الي شهر 3
تقريبا
من الشارت الواضح امامكم نشوف خروج المؤشر العام من المثلث وهذا يعطينا مستوي نزول مابين
11400 الي 11350تقريبا لنه يمثل دعم قوي ونتمني انه يرتد منهم
وعندنا مقاومه عند 11700 تقريبا و12000 تقريبا

والله اعلم
اخوكم الصغير :بعيد;)

[سـعـود]

الله يعطيك العافيه

بعيد

على التحليل

وننتظر منك التوصيات ;)

[بعيد]

هلا فيك سعود صراحه انا ماحب شغلة التوصيات لنها تحملني مسؤولية كبيره لن ممكن اوصي علي سهم وفعلا تحليله صعود بس نتفاجاء مثلاً بمشكله سياسيه او اقتصاديه او مشكله تتعلق بالسهم نفسه
تغير من اتجاه السهم حتي بتحليل الموجات اذا قريت عنه لاحظ مخترع موجات اليوت نيلسون يوت
في بعض الموجات المتممه للموجه الخامسه صعود تفشل في تحقيق الهدف يعني التحليل فشل
بس مايبي يحب يقول نظرياته تفشل راح صاغ لها مصطلح سماها انقطاع الموجه المفاجاء
يعني غير من كلمة فشل الي كلمة انقطاع يعني
الخلاصه التحليل مبني علي توقعات ولما نقول توقاعات
يعني تدخل من ضمن التوقعات احتمالات الفشل ولكن خل نقول التحليل يعطينا نسبه كبيره بتوقع حركه السهم مع العلم مرات تكون 100% توقاعات صحيحه وهذا يرجع للمحلل نفسه
اكيد كل واحد راح يطري علي باله سؤال بقول خلاص لو كل الناس يتعلمون التحليل معناها مافي احد راح يخسر طبعا اكيد في ناس راح اتخسر لن كل شخص يختلف تحليله من شخص الي اخر فيهم الصحيح وفيهم الغلط يعني لو نشوف المجالات الثانيه لو نقول مجال الطب قاعدين نشوف اخطاء طبيه وتشخيصات غلط من بعض الاطباء المتخصصين
انا مابي اطول بكلامي بس انا اتمني مشاركه من الجميع علشان الكل يستفيد

وانا حاضر في تحليل اي سهم بالسوق الكويتي انت اطلب واقولك توقعاتي ورأي الشخصي الذي يحتمل الخطاء والصواب

اخوك الصغير : بعيد;)

بس انشالله ماراح اقصر معاك في طلب تحليل اي سهم

[salem75]

يعطيك العافية وتسلم على هذا الجهد الرائع يابعيد بالنسبة للاسواق الخليجية اراء الشراء فيها الان افضل جدا جدا بل وممتاز لان السوق نازل جدا من اسعارها الحقيقية وانصح الاخوه بشراء والبيع بعد فتره قصيره لارتفاع السوق000وشكرا

[بعيد]

الله يعافيك اخوي سالم بالنسبة للاسواق الخليجية ارجوا الانتباه منها حالياً لنها قاعده تمر بموجات تصحيح عنيفه وخاصه السوق السعوديه توه ابتدا موجات التصحيح وراح اتكون عنيفه جدا

وهذا التصحيح للسوق السعودي العنيف شي طبيعي نتيجة الارتفاعات الجنونية بالسوق بالفتره السابقه
راح نشوف عملية غربله للكثير من الاسهم والخاصه الاسهم المضاربية التي لا تعتمد علي ارباح مجزية ونمو متزايد واستغلت للمضاربه للرخص سعرها بالسوق مع مقارنتها مع الشركات الكبيره بقطاع البنوك والصناعه ذات الطابع التشغيلي
ممكن راح تشوفون صعود في السوق السعودي لكن راح يكون مووجات متفرعه من ضمن التصحيح لاتعكس الاتجاه الصعود الحقيقي للاسهم وارجوا الانتباه والي حاب يضارب يكون حذر جداً
والي عنده فليسات وحاب يستثمرفي البورصه ولا يعرف بالتحليل الفني او قواعد المضاربة انصحه بالابتعاد بالوقت الحالي وانتظار اعلانات الربع الاول او مع بدايه الربع الثاني الي راح تكون الحركه فيه اقوي اما بالاتجاه الايجابي او الاتجاه السلبي علي حسب الاعلانات

والله يوفقكم يارب ويرزقكم الرزق الحلال

بالنسبه للسوق الكويتي راح اضع تحليل جديد له بس بعد مااشوف تداول يوم السبت القادم علشان احدد درجة النزول اكثر

اخوكم الصغير : بعيد ;)

[فاكس]

جزاك الله خير

[مـحمـد]

السلام عليكم ورحمة الله وبركاته
الله يعطيك العافيه خدمات رائعه ولاهنت .

[آل عجمي]

السلام عليكم ورحمة الله وبركاته
جزاك الله خيـــر .. يعطيك العافية

[بعيد]

انا اسف علي الاطاله مواعدكم بتحليل عن السوق الكويتي بس اشوي انشغلت

قاعدين نسمع ان الحكومه راح تدعم السوق وماراح تخليه ينزل كثير انا شايف ان الكلام هذي غير صحيح وكلام تخدير فقط
والسوق قاعد يمر بمرحلة تصحيح قويه جدا جدا
السوق كان يمر بمرحلة تذبذب من شهر 12 تقريبا وعند تاريخ 27/2/2006
عند رقم 11500 تقريبا دخل السوق بمرحلة جديده غير التذبذب وهي مرحلة التصحيح وراح تكون قويه وانا اقول المؤشر رايح 8750 ممكن الرقم هذا صعب جدا لنه راح نشوف اسعار الاسهم رخيصه جدا غير الحاليه لكن هذا الواقع وهذا الصحيح
راح تسمعون اشاعات كثير ان السوق راح يرتفع
راح نشوف خلال النزول ارتفاعات للمضاربة فقط

والله اعلم وانشالله يطلع توقعي غير صحيح ونشوف ارتفاعات بدال النزول بس اعتقد هالشي مستحيل
الله يوفق الجميع واسمحولي علي التاخير والنصيحه الابتعاد عن السوق حالياً

اخوكم الصغير :بعيد;)

[الباشا]

يعطيك العافيه اخوي بعيد

ولك كل الشكر

[مطيرية عجمية]

جزاك الله خير
ترى الاقربون اولى بالمعرووف

ونطمع بخبرتك في سوق الاسهم
وتحملني انا بالذات<<<<< لاني غشيمة بالسوق
انا صار لي فترة افكر ادخل بسوق الاسهم
بس من قررت ادخل السوق وصليت صلاة استخااارة
بعدها صااارت مشكلة البورصة

شقول المنحوس منحوس
مالنا حظ بشي

أشكي على اللي تزعجه دمعة انسان*** هم بصدري ذوب القلب حره

[™ عبد الله ™]

الله يعطيك العافيه يا ((بــعيــد)) وياليت الموضوع هذا يثبـّـت عشــان نختصر فيه المواضيع اللي ان شاء الله راح نطرحها مع بعض ونناقشها بالطريقه الفنيـّـــه ..

مطيريه عجميه .. اجل لا عاد تفكـّـرين انش تدخلين السوق عشان ما يحوّل على راسه :p

[بعيد]

انا اسف لني غبت اشوي عن المنتدي عموما انا مازلت موجود وللجميع وماراح اقصر

وبنتظر استفساراتكم عن الاسهم علشان اجاوب

فتي البزابيز حلو اسمك :d خل نشوف مشاركات علشان الموضوع يستحق التثبيت

مطيريه عجميه اذا متوهقه مو عارفه شي خل اشاورج بأذنج بدون لحد يسمعنا اخذي سهم اسمنت الفجيره والنص بالنص الربح بس مو تتأخرين