الخدامات بين نعم و لا

[والله ماكان الفراق اختياري]

السلام عليكم ورحمة الله وبركاته


امس حصلت معي قصة طريفة
وهذه لقصة بتصير موضوع للتناقش

بيننا



كانت الساعه 11 ومدري كم عليها

المهم
فجاءة وانا منغمر بالتفكير


اذا اتوا الي اهلي وهم يقولن لي


شرح بدوي
ههههههههههههههه



الشغالة( طقت) والله من عذرها من شين المعالمه
هههههههههههههه لا احد يصدق باتيكم بالحكي

الزبده فزيت وانا اركض اشغل الموتر وارو ادورولا تدرون ابحث عن تلك الشغالة



ههههههههههههههه
الاخ بيقلبها حصة عربي


المهم


بعد البحث المستمر لربع ساعه والتعب اللذي نتج عن ذالك البحث اذا اسمع صوت الجوال
اشبح بالشاشة

واذا بة رقم شرطتنا العزيزة


الوووووووو..

السلام عليكم الخ...

نعم..


الاخ فاضي طبع هذا اسلوب الشرطة؟؟
قلت خير

قال بوجهكالخير ولكن عندنا شكوى على اهلك

يؤيؤ


قلت انا طيب الشكوى على اهلي انا شكوى
ههههههههههههه
يتهرب


قلت طيب مسافة الطريق واكون عندك


اخرت الاجازة انصح اي واحدانه لا يجي لا اهلة لين يقولون بكرة العيد وروح عايدهم وتعال
هههههههههههههههههههه

المهم رحت للشرطة

س-----؟
ج------!
من الاسئلة اللي تخبرون ويمكن سئلني كم راتبك
ههههههههههههه
المهم بعد جهد اتضح لي ان الشغالة مشتكية تقول للمخفر

ان اهلي ما يتكلون عليها بشي ولذالك قررت السفر لان وجودها مثل عدم وجوها

وانا هني طق براسي عرق النذلةمريحينها وماهم متكلين عليها الا بشغل تنظيف البيت نهايته تسوي كذا

المهم اخذت الشغالة وعطيتها اوامر لانها تحب الشغل واضح انها تحب الشغل


قمت واعطيتها اوامر الله لا يراويكم

تنظيف الحوش والحوطة والشارع ثلاث مرات يوميا
ههههههههههههههههه


الزبدة الشغالة شكلها تبي تستلسلم فانا قررت مع هذا زيادة راتبها الى 800 ريال عطيتها 100ريال
زياده

وشغالتنا الثانية عطيتها 900 زيادة 200 والشغالة الثانية خففت عليها الشغل بساللي عليها غسل
السجاد فقط


طبعا تدخلي هذا اثر على البيت ومسار الحياة اصبح عندنا شوي فية تازمات
هههههههههههههه
لذالك ابي رايكم بالموضوع

لان احس نفسي توهقت بالقرارات الصارمة
ههههههههههههههههه

وش تنصحوني اسفرها ولا اخليه ما اقطع رزقها للعلم جاني عرض
من واحد من خوياي توةمتزوج يعطيني 5000 ريال وياخذ الشغالةعندهم

ومدري وش السواه


عشان كذا ابي اي رجال او حرمة يدلون برايهم ويعلموني واللي عنده مصيبة من الشغالات يحطها هنا

اترك لكم الراي

ابي رد بسرعه لان الوضع عندنا مرة بدون نظام


لا هنتوا مسبقا


حمد

[saprj]

أخي العزيز حمد...

لقد أصبحت الشغاله جزأ أساسيا من أي اسره خليجية

حتى أن بعض الفتيات يشترطن عند عقد قرانهن أن يحضر

لها الزوج شغاله بالرغم من عدم حاجتها لها في هذه الفترة.

و كثيرا ما نرى و نسمع و نقرأ عن المشاكل التي تتسبب بها

الشغاله بعضها بسيط و بعضها يترك آثارا تطال الأسرة و الأطفال .

و عموما ما أود أن أقوله ، فإن الشغاله أصبحت ضرورة في أيامنا هذه

و هي شر لا بد منه ....و بالنسبه للشغاله اللي عندك يمكنك أن تخبر

صديقك عن مشكلتها ، و إن رضي بها يكون أفضل لك و له تحويلها له

بدلا من تسفيرها .

و يعطيك العافية على طرح هذه المشكلة التي تحتاج إلى نقاش .

[والله ماكان الفراق اختياري]

الله يعافيك

ولا هنت اذا توكلنا على الله

[فيصل بن حجرف]

السلام عليكم ورحمة الله وبركاته

كل الشكر لك اخي الكريم على فتح هذا الموضوع للنقاش
وانا صراحه ودي اتكلم عن اتكال أغلب ربات البيوت على الخدم في تربية الأطفال
فهذا والله شي محزن ان نرى جيل المستقبل يتربى على أيدي الخدم من الفلبين والهند واندونيسيا وغيرها , في السابق كانت الزوجه تقوم بكل الأعمال من تربية أطفال وتنظيف وطبخ وكل الأمور التي تختص بالبيت أما في الوقت الحالي فتجد في البيت أكثر من خادمه اللي لتربية الاطفال واللي للطبخ واللي للغسيل والتنظيف والزوجه مفرغه نفسها للمسايير والسوالف متى ماشبعت نوم.

المشكله ان الواحد يكون موظف وعلى قد حاله وساكن في شقه او دور وعليه أجار واقساط سيارة وغيره وفوق هذا كله راسه وراس زوجته وجايب له خدامه

هذا ماجا في بالي في الوقت الحالي ولي رجعه بعد اراء الأخوان والأخوات

[والله ماكان الفراق اختياري]

لا هنت يا فيصل على الراي واللي بمكانة

وانا اؤيد كلام اخي فيصل وكلامك مية بالمية

وسليم


وبالنسبة للنسوان اصبحت ظاهرة وهي التفاخر

تعينها لا جلست وسط مجلس النسوان تعلمهم ان عندها ثلاث ولا اربع شغالات بالبيت

وربي ان الانسان الضعيف وخاص صاحب الدخل الميسور يعاني بسبب طلب زوجة للشغالة

وتعينة فوق ذا عشان يرضي خاطرها يروح يتسلف

ويجيب لها الشغالة

كل هذا ولا مبالي

ولا هنت يا فيصل على الراي

حمد