قصيدة راكان ابن حثلين لبن قرمله القحطاني ( تاريخ مجيد )

[لازوردي]

يذكر ان الشيخ محمد بن هادي بن قرمله القحطاني قال هذه القصيده يمدح بها ربعه ويحذر القبائل الاخرى من حرب وشيكه ضدهم قال:



لا بد من يوم(ن) يثور كتامه
اما على العتبان والا على يام

ربعي كما سيل(ن)تلاطم عجامه
من الكويت للحسا له تليطام

لي لابة(ن)حدرتها من تهامه
وسلاحهم صنع الافرنجي والاروام

هذا عنا عود(ن) لفانا سلامه
اللي قذانا بالبكا والتضيام

ويا ذا البهم والله ان تباري الجهامه
الين تنزل بين صفوى والاوجام



فرد عليه الشيخ راكان بن حثلين وقال:



يا راكب(ن)فوق حر(ن)تشذر سنامه
نيه جديد فوق نيه من العام

ما صك لحيه في ليالي فطامه
يشرب لبن كل مرزام

ملفاك ابن هادي كبير العمامه
شيخ(ن)ورمحه في هل الخيل مسلام

الشايب اللي عيت تبيد عظامه
عيت تبيدهن الليالي و الايام

اقبل علينا صوب سوق الجهامه
عاداتنا نغلي جلب كل سوام

والترك قد زارنا بهم زعامه
وقد عافنا واعتاظ عنا هل الشام

ذا القيهري اللي حادر(ن)من تهامه
يسوق طرشه في لحاليح و عجام

نبغى نسوي للمسير كرامه
شلف(ن)على قبن سريعات الولام

تسعين رمح(ن)كسرت في عدامه
عشرين منها بين فوران و حزام

فان كان تبغى سابقك و السلامه
فلا تحدر بالجحادر على يام

يحرم عليك النوم فكة بلامه
دام فيها واحد(ن)من ضنا يام

فان كانكم مثل الرعد في انقصامه
فان الرعد ينبت زبيدي بلظام

وان كانكم سيل(ن)يطم العمامه
فحنا زبار(ن)يشرب السيل الي عام

معنا الطويل اللي تجيكم علامه
يركب على جمع الطوابر و الاروام

مهند(ن)يفري الظهر من عظامه
سيف(ن)صقيل فيه سوى البلا حام

اهديت لك نور السلف و الجهامه
ابيك ذخر(ن)في مقابيل الايام


اتمني مع ثاني مشاركة لى ان قد وفقت في تقديم الافضل لمنتدي العجمان

[ابن الاجواد]

القصيده هذي ذاكرينها اللف مره في هالمنتدى


على العموم مشكور



اما على العتبان والا على يام


اما على المطران والى على يام

لان عتيبه في هالوقت مالهم علاقه فهم في الحجاز واما المطران فكان حلف بينهم وبين العجمان لذا توعدهم بالقصيده لان ابن قرمله سمع ان مع قبايل يام كلها من عجمان ومره قبيله مطير المتحالفه والله اعلم

ولاكن السالفه انتهت عندما طلب راكان بن حثلين من الامام رجوع قبائل قحطان الى ديارهم وطلب منه عقد الصلح فلم يستطع الامام فعل شي الى انه قاله اصلح مع الطرف الاول المقصود بني هاجر وسوف ترجع قبائل قحطان وفعلن هذا مافلعه ابن حثلين حيث بعث الهدوا الى شيوخ بني هاجر وتم الصلح واتفقا على ان لايتعرضوا لبعض ...وهذا موقف عظيم فعله ابن حثلين كي يتلاشا العواقب الوخيمه والجسيمه التي كادت ان تلحق بربعه


ودمتم بخير