قصيدة العطوي في قبيلة العجمان وال حبيش منقول

[راعي جوده]

اخواني اعضاء ومشرفين شبكة العجمان احب ان نقل لكم هذه القصيده التي اعجبتني وارجوا ان تنال على اعجابكم وقد وجدتها في منتداهم وشاعرها هو مشرف منتدياتهم واحد ابرز شعراهم اخوكم راعي جوده



****** قصيده في بني عطيه والعجمان *****




قال الذي يبدع مـن الشعـر قيفـان=
جزل المثايـل مـن ضميـره بداهـا

في مجلس اللي للمواجيـب سلطـان=
نسل الأسـود اللـي بعيـد ٍ مداهـا

حّـلال عسـرات القضايـا كحيـلان=
معطـي العطايـا ماترجـى وراهـا

عناد ابن مكراد من سـاس عجمـان=
من لابـة ال حّبيـش عـز قّصراهـا

اهل الفعول الماضيه طـوال الأيمـان=
مشربه سّـود اللحـاء عكـر ماهـا

عدوهم00خسران00خسران00خسران=
ماحسـب الحسبـه ونفسـه نساهـا

شيوخ نسل شيوخ من ساس شيخان=
فهـود ٍ اسـود ٍ مايقـرب حمـاهـا

اهل المـروه والكـرم قـوم راكـان=
كم راس شيخ ٍ عفـروا بـه ثراهـا

وكم بنت شيخ ٍ تنتخي روس فرسان=
عقب النخـاوي تنتعـي فـي نماهـا

هذا وانا من ساس قوم ٍ لهـم شـان=
في حومـة الميـدان تـروي قناهـا

بني عطيـه لأرتكـز عـج الأكـوان=
سعوط 00روس المعددين 00ودواها

الي انتخوا 00مابين ملـح ٍ ودخـان=
خلوا طيـور الحـوم تلقـى عشاهـا

من ضربهم 00كم فارس ٍ للوطـا لان=
عقب الصعاره حـدروا بـه وطاهـا

طليبهـم مايرقـد الليـل سـهـران=
تضيق بـه دنيـا وسيـع ٍ فضاهـا

وطنيبهم كنـه علـى شـط حـوران=
في راس عيطا ملتجـي فـي ذراهـا

واللي زبنهـم يلحـق الهـم نسيـان=
ريـف السنيـن الـي تزايـد بلاهـا

من القليبه00للكرك00قـول برهـان=
وقت الحرايـب فـي حّماهـم قّراهـا

أقولهـا مـا قلـت زور ٍ وبهـتـان=
أفعالهـم قاصـي ودانــي دراهــا

وصـلاة ربـي عـد مابـارق ٍ بـان=
واعداد هّمـال المطـر مـن سماهـا

على رسول الحـق للأنـس والجـان=
المصطفى المبعوث بأقـراء وطاهـا

******************

عــطــاالله خّـمــيــس الـعــطــوي

[عيد بن شدقان]

اولاا
نرحب بك يا راعي جوده وحياك الله معناا في شبكة العجمان
وصح السان الشاعر/عـطـاالله خّـمـيـس الـعـطـوي

وهناا لي تعليق


عناد ابن مكراد من سـاس عجمـان =من لابـة ال حّبيـش عـز قّصراهـا
والله والنعم بال حبيش
واللي انا خابره ان ال مكراد محافيظ مهم من الحبيش


ولاهنت يا راعي جوده

[الفايز]

صباح الخير اخوي راعي جوده

الله يعطيك العافيه على هالقصيده الطيبه

ولكن هناك خطأ كما ذكر الأخ عيد بن شدقان وهو ان ال مكراد من المحفوظ

ولكن لدي معلومه بأن أحد المكراد خواله بني عطيه ولايحضرني من هو الأن ، ولكن هناك احد ال مكراد قد ذهب للأردن وقت الجيش العربي بقيادة الأنجليزي كلوب باشه الملقب _بابوحنيك_ وقد تزوج من بني عطيه ، وهذا الخبر انا متأكد منه .

وبامكانك ان تسأل عن هذه المعلومه الصحيحه والتي انا متأكد منها

تقبل تحياتي أخي راعي جوده

[راعي جوده]

الأ خوه عيد بن شدقان والفايز

انا نقلت القصيده كما هي موجوده وحذفت المقدمه وهذه مقدمة القصيده كما وجدتها بالنص
ولتميز الموضوع واعتقادي بانه اول مره ينشر في المنتدى حبيت انقله

والمقدمه كالتالي كما ذكرها صاحب المشاركه الأصليه ومن اراد الرابط هذا هوا


بسم الله الرحمن الرحيم

لهذه القصيده قصه وهي أنه كنا في زياره لعناد ابن مكراد الحبيش العجمي حيث تربطنا بهم صلة رحم قـديمه وعندما كنا بمجلس عناد كان جماعته يسألون عن اخبار بني عطيه ومنازلهم لأنهم لايعرفون الكثير عنها نظرا ً لتباعد ديار العجمان عن ديار بني عطيه حيث كانوا يقيمون في وادي العجمان قرب النعيريه فحبيت اوضح ولوبعض الشي في هذه القصيده 0

[الفايز]

لاهنت أخوي راعي جوده علي النقل الطيب

لكن أنا لما كتبت ، حبيت ابلغك معلومه حتى تستطيع ان تتعرف اكثر علي الموضوع لعل الأمر يفيدك .

وعموما لعله يفيدنا أحد اخواننا ال محفوظ عن نسب بني عطيه مع المكراد ومن هو اللي من ال مكراد راح للأردن والتحق مع الجيش العربي

لآهنت اخي راعي جوده وبيض الله وجهك

[مـحـمـد بـن فـهـد]

فيه مكراد بن عناد الحبيشي بس والله مدري هل اسم جده مكراد ولا لا
ومن اهل عرج وابيه عناد يسكن في القليب
ولاهنت ياراعي جوده على القصيده وبيض الله وجهك

[الفايز]

ممكن انه هو

لأنه الرجال الذي ذكرلي السالفه قال ان اسمه مكراد او ابن مكراد ،،، والظاهر انه هو الحبيشي والله اعلم

وفي انتظار احد يفيدنا بهالمعلومه

[راعي جوده]

الآخوه الأعزاء اشكر لكم تفاعلكم مع الموضوع وانا نقلت لكم القصيده بعد ما سمعت عنها من احد الأخوان في العمل وهو من بني عطيه وقبل شوي اتصلت به اسئله عن القصه عساه يفيدني وقال لي ان لاعلم له بالقصه ووعدني بأن يبحث عن القصه كامله ومن هم انسبهم من الحبيش اوغيرهم وايضاء انسابهم من قبيلة بني عطيه واعذروني على القصور ومن لديه اي معلومه فلا يبخل علينا