أسئله .. ردو عليها بصراحه .. عشان نعرف بعض أكثر وأكثر

[حمد بن عديمه]

السلام عليكم ورحمة الله وبركاته


منقوله ولكن أضفت عليها كم سؤال .


1- كم مره رسبت في دراستك ؟

2- لو لقيت المصباح السحري وقالك اختر امنيتين في الدنيا واحققها لك شو بتختار ؟

3- كم المبلغ اللي في جيبك هالحين ؟

4- انت تدرس والا موظف ؟

5- كم ساعه تنام باليوم ؟

6- وش تسوي إذا تبي تنام ومنت قادر ؟

7- لما تكون متضايق او طفشان وقاعد بروحك بالبيت وش تسوي ؟

8- متى تبكي ومتى تضحك ؟

9- كم ساعه تقعد على النت ؟

10- وش شعورك إذا تعطل النت عندك ؟

11- إذا اكتشفت إن صداقتك مع إنسان طلعت مزيفه وش بيكون شعورك ؟

12- إذا اخلف احد اصدقائك وعده معاك وش تسوي ؟

13- هل سبق انك احببت ؟

14- وش رايك بالشعر وهل تكتبه ومن هو أفضل شاعر عندك ؟

15- ما أفضل عضو نال إعجابك بالمنتدى ؟

16- في كم منتدى انت مسجل ؟

17- كم مره سافرت ؟ وإلى اين سافرت ؟

18- ما أهم شخص في حياتك ؟

19- وين تحب تقعد إذا كنت معصب ؟

20- وش نوع موبايلك وليش اخترت هالنوع ؟

21- وش لون موبايلك ؟

22- أكتب احلى مسج عندك ؟

23- أكتب تاريخ ميلادك ؟

24- أول حرف من إسمك ماهو ؟



آرجو الأجابه بخط واضح ومقروء


وتمناء من الله سبحانه يعجبكم الموضوع ؟

[بنت حمران النواظر]

1- كم مره رسبت في دراستك ؟

الحمدلله ولا مرة

2- لو لقيت المصباح السحري وقالك اختر امنيتين في الدنيا واحققها لك شو بتختار ؟

أول أمنية أنه يحقق لي كل شي أبيه، والثانية مؤجلة شوي

3- كم المبلغ اللي في جيبك هالحين ؟

23 دينار و350فلس

4- انت تدرس والا موظف ؟

طالبة

5- كم ساعه تنام باليوم ؟

7 ساعات متصلة او متقطعة

6- وش تسوي إذا تبي تنام ومنت قادر ؟

ألعب لعبة الحية بتلفوني>>ماعندي غيرها

7- لما تكون متضايق او طفشان وقاعد بروحك بالبيت وش تسوي ؟

أحلى شي لما أكون بروحي بالبيت لأن يصير هدوء رهيب
بس أذا كنت متضايقة أول شي أقعد ويا أمي وما أفارقها أو أكلم رفيجتي أو ابجي

8- متى تبكي ومتى تضحك ؟

لما يطري علي شي يحزني أو أشوف منظر يبجي أو أسمع ان أحد مات
أما الضحك فعلطول أضحك

9- كم ساعه تقعد على النت ؟

من ساعتين ليم 5 ساعات

10- وش شعورك إذا تعطل النت عندك ؟

يصيبني أحباط

11- إذا اكتشفت إن صداقتك مع إنسان طلعت مزيفه وش بيكون شعورك ؟

أندم اني كلمتها وقلت لها اللي بقلبي وبعد أحباط وحزن شديد

12- إذا اخلف احد اصدقائك وعده معاك وش تسوي ؟

ما أسوي شي وأدور لهم على أعذار
بس أنا طبيعتي ما اعتمد على أحد حتى لو وعدني
وما يهمني اذا أوفوا بوعدهم او لأ

13- هل سبق انك احببت ؟

no comment

14- وش رايك بالشعر وهل تكتبه ومن هو أفضل شاعر عندك ؟

أحب الشعر بس ما أعرف أكتبه
وأفضل شعرائي الأمير خالد الفيصل والمرحوم طلال الرشيد

15- ما أفضل عضو نال إعجابك بالمنتدى ؟

كلهم طيبين وحسيت أنهم أخواني
وكلهم لهم جهودهم بالمنتدى ولهم مواضيع مميزة

16- في كم منتدى انت مسجل ؟

بس أثنين منتدى العجمان ومنتدى جابرنا بس بأسم أخوي

17- كم مره سافرت ؟ وإلى اين سافرت ؟

شكثر، بس اغلبها عمرة والأردن

18- ما أهم شخص في حياتك ؟

أهلي وخصوصا أمي

19- وين تحب تقعد إذا كنت معصب ؟

بغرفتي

20- وش نوع موبايلك وليش اخترت هالنوع ؟

نوكيا6680، ومو انا أخترته جايني هدية


21- وش لون موبايلك ؟

سلفر

22- أكتب احلى مسج عندك ؟

كل مسجاتي حلوة
بس بكتب مسج أغلى الناس
ما يعترف بالحب غير الجاريح
ولا يريح القلب غير الصراحة
هاك الجروح وجذ من القلب تصريح
بعدك عذاب وشوفتك لي راحة
كم لي من الفرقا وانا اقوم وأطيح
حتى انها ضاقت علي المساحة
شفني تركت الناس مع هبة الريح
أسير حبك كيف تطلق سراحه
أدري يجيلك يوم يا قلب وتصيح
لا شفت غيرك ساكن في مراحه
هذي النهاية ما تبي أي توضيح
والموج ما يرحم غشيم السباحة

23- أكتب تاريخ ميلادك ؟

17/2 يعني بعد أسبوع

24- أول حرف من إسمك ماهو ؟

S

آرجو الأجابه بخط واضح ومقروء


وتمناء من الله سبحانه يعجبكم الموضوع ؟

شكثر الأسئلة
بس موضوع حلو يخلي الأعضاء يتعرفون على بعض اكثر

تسلم عالموضوع...

[سـعـود]

1- كم مره رسبت في دراستك ؟
مره وحده :)

2- لو لقيت المصباح السحري وقالك اختر امنيتين في الدنيا واحققها لك شو بتختار ؟
قصر على البحر ورصيدي فوق المليون :)
3- كم المبلغ اللي في جيبك هالحين ؟
31 دينار وخرده و460 ريال

4- انت تدرس والا موظف ؟
موظف

5- كم ساعه تنام باليوم ؟
8ساعات وأكثر
6- وش تسوي إذا تبي تنام ومنت قادر ؟
اشبك على النت

7- لما تكون متضايق او طفشان وقاعد بروحك بالبيت وش تسوي ؟
أركب سيارتي وروح للقهوه :)

8- متى تبكي ومتى تضحك ؟
اي موقف محزن أشوفه قدامي او حتى بالتلفزيون
وأضحك على طول أنا مبتسم :)9- كم ساعه تقعد على النت ؟
ساعتين الا 4

10- وش شعورك إذا تعطل النت عندك ؟
عادي :)11- إذا اكتشفت إن صداقتك مع إنسان طلعت مزيفه وش بيكون شعورك ؟
أكيد أحباط ونفس الوقت أرتاح لني دريت انه مزيف

12- إذا اخلف احد اصدقائك وعده معاك وش تسوي ؟
أبهذله :)

13- هل سبق انك احببت ؟
............

14- وش رايك بالشعر وهل تكتبه ومن هو أفضل شاعر عندك ؟
أحب الشعر بس ماكتب الشعر وافضل شاعر بدر بن عبدالمحسن

15- ما أفضل عضو نال إعجابك بالمنتدى ؟
واجد أعضاء مميزين بس بن عجمي يعجبني أكثر

16- في كم منتدى انت مسجل ؟
منتديين اللي اشارك معهم وواجد اللي مسجل معهم بس للأطلاع :)

17- كم مره سافرت ؟ وإلى اين سافرت ؟
وااااجد سافرت مدري كم مره
وين سافرت كثيير

18- ما أهم شخص في حياتك ؟
ابوي

19- وين تحب تقعد إذا كنت معصب ؟
اي مكان بس أكون بروحي

20- وش نوع موبايلك وليش اخترت هالنوع ؟
6630 مدري ليش أخترته يمكن لنه كان توه نازل

21- وش لون موبايلك ؟
سلفر

22- أكتب احلى مسج عندك ؟
همن يطاولني مع فكة الريق & كنه يغنيلي عسى منت رايق
وتطري عليا بسمتك وأفهق الضيق & وأتذكر معها غيبتك وأتضايق

23- أكتب تاريخ ميلادك ؟
11-9-
24- أول حرف من إسمك ماهو ؟
:) :)

ومشكووور أطرقي

[حمد بن عديمه]

يسعدني مشاركتك بنت حمران النواظر........


وهاذا الساعه المباركه ..............



يامرحباء .

[حمد بن عديمه]

مرحباء ياسعود ...........

هاذاي ابركت الساعات ...........

اللي شفت مشاركتك وتشجيعك لنا ,,,


وتشجيعك ,,,,,,


لاهنت يالقرم.

[أبـــوسعـــــود]

1- كم مره رسبت في دراستك ؟

عد وخربط .... :o

2- لو لقيت المصباح السحري وقالك اختر امنيتين في الدنيا واحققها لك شو بتختار ؟

الأولى : ماتكمل الدراهمي ........ والثانيه : وتوفيق بالحـــــــظ .

3- كم المبلغ اللي في جيبك هالحين ؟

ماني بلابس ثوب .;)
4- انت تدرس والا موظف ؟

موظف

5- كم ساعه تنام باليوم ؟

على حسب وقت سهرتي.

6- وش تسوي إذا تبي تنام ومنت قادر ؟

أقوم وأطلع من الغرفه على طول.

7- لما تكون متضايق او طفشان وقاعد بروحك بالبيت وش تسوي ؟

انبش في البيت على أي شي ...أتسلى فيه.

8- متى تبكي ومتى تضحك ؟

على المواقف اللي تمر علي.

9- كم ساعه تقعد على النت ؟

من ساعه إلى 6 ساعات.

10- وش شعورك إذا تعطل النت عندك ؟

أتضايق

11- إذا اكتشفت إن صداقتك مع إنسان طلعت مزيفه وش بيكون شعورك ؟

صــــــدمــــــه ...... ويكون درس أستفيد منه.

12- إذا اخلف احد اصدقائك وعده معاك وش تسوي ؟

أذبحه بالمشاريه.

13- هل سبق انك احببت ؟

أنا ماحبيت أحد ........ بس أذا أحد يحبني وأنا مـــــدري .

14- وش رايك بالشعر وهل تكتبه ومن هو أفضل شاعر عندك ؟

الشعر : لسان العرب . ولــــــــكن لاأكتبه . وأفضل شاعر ....واجد .

15- ما أفضل عضو نال إعجابك بالمنتدى ؟

كثير ........

16- في كم منتدى انت مسجل ؟

أثنين

17- كم مره سافرت ؟ وإلى اين سافرت ؟

واجــــــــد (الســـــعوديه )

18- ما أهم شخص في حياتك ؟

أخـــــي

19- وين تحب تقعد إذا كنت معصب ؟

الدوانــــــيه.

20- وش نوع موبايلك وليش اخترت هالنوع ؟

المستشار

21- وش لون موبايلك ؟

ذهبي

22- أكتب احلى مسج عندك ؟

ياليتنـي بينـك وبيـن المضـره...
من غزة الشوك الى سكرة الموت
اوليت شاورني القدر بـس مـره...
ولبى مطالب رغبتي قبل مافـوت
اوليتي لجرة مواطيـك جره...
احمي قدم رجلك مثل جزمة البوت
او ليت بيديني السعـد والمسـره...
واحكم عليها عنك مالحظة تفوت
يفداك عمر منك يشعـر بعمـره...
انتي الحياة لنفسي وردة الصـوت.....(S)

23- أكتب تاريخ ميلادك ؟

22 / 4 / (....)197

24- أول حرف من إسمك ماهو ؟

ميم


وتمناء من الله سبحانه يعجبكم الموضوع ؟
__________________



الله يعطيك العافيه على الموضوع.

[&الغلا كله&]

وعليكم السلام ورحمة الله وبركاته


1- كم مره رسبت في دراستك ؟

لما دخلت الجامعه صرت احمل مواد واجد
2- لو لقيت المصباح السحري وقالك اختر امنيتين في الدنيا واحققها لك شو بتختار ؟

الأولى: انه يشفي الوالد الثانيه: أصير مليارديره3- كم المبلغ اللي في جيبك هالحين ؟

توني مستلمه المكافاه يعني 2500ريال
4- انت تدرس والا موظف ؟

أدرس5- كم ساعه تنام باليوم ؟

مو اقل من عشر
6- وش تسوي إذا تبي تنام ومنت قادر ؟

ااااااخذ روايه اقراها
7- لما تكون متضايق او طفشان وقاعد بروحك بالبيت وش تسوي ؟

اروح المطبخ اطبخ
8- متى تبكي ومتى تضحك ؟

أكثر شي ابكي منه اذا شفت الوالد تعبان

واحاول اكون دايما اضحك9- كم ساعه تقعد على النت ؟

على حسب احيانا تسع ساعات
10- وش شعورك إذا تعطل النت عندك ؟

يرتفع ضغطي على طول
11- إذا اكتشفت إن صداقتك مع إنسان طلعت مزيفه وش بيكون شعورك ؟
انجرح وما انسى بسرعه

12- إذا اخلف احد اصدقائك وعده معاك وش تسوي ؟
اذا كان بدون عذر افضحه

13- هل سبق انك احببت ؟
حب مراهقين يعني شخصيات مشهوره بس

14- وش رايك بالشعر وهل تكتبه ومن هو أفضل شاعر عندك ؟
احلى شي بالحياه الشعر
أفضل شاعر ناصر القحطاني

15- ما أفضل عضو نال إعجابك بالمنتدى ؟
كثير بس احترم جدا السنافيه

16- في كم منتدى انت مسجل ؟
كثير بس نسايه

17- كم مره سافرت ؟ وإلى اين سافرت ؟
واجد بس في دول الخليج فقط

18- ما أهم شخص في حياتك ؟
الوالد الله يطول بعمره

19- وين تحب تقعد إذا كنت معصب ؟
في غرفتي

20- وش نوع موبايلك وليش اخترت هالنوع ؟
الدمعه كذ بس مو لسبب معين

21- وش لون موبايلك ؟
أسود

22- أكتب احلى مسج عندك ؟
مافيها شي لافت انتباهي مره

23- أكتب تاريخ ميلادك ؟
1985

24- أول حرف من إسمك ماهو ؟
العنــــــــود ههههههه

[حمد بن عديمه]

يسعدنا مرورك ,,,,



العنود ,,,,,,,؟



هاذا اسمك ولا اول حرف .

ههههههههههههههههههههههههههههههه

[حمد بن عديمه]

1- كم مره رسبت في دراستك ؟

ج1 - سنتين في اول أبتدائي

2- لو لقيت المصباح السحري وقالك اختر امنيتين في الدنيا واحققها لك شو بتختار ؟

ج2 - مافيها ثنتين بعرس . وثانيه .. اشتري لبوي ابل منقيه ,, وشتري لمي معزاء .

3- كم المبلغ اللي في جيبك هالحين ؟

ج3 - والله ولا هلله عشر دنانير عند الكاشير , وسلف.

4- انت تدرس والا موظف ؟

لاذي ولا ذي . طرقي

5- كم ساعه تنام باليوم ؟

18ساعه الا 20 ساعه في اليوم.

6- وش تسوي إذا تبي تنام ومنت قادر ؟

6 - افكر في العرس اللي طايحتن كبدي عليه والدين حاديني ,

7- لما تكون متضايق او طفشان وقاعد بروحك بالبيت وش تسوي ؟

اغني ولا اروح للبل وحط الحره في العمال .

8- متى تبكي ومتى تضحك ؟
ابكي لامن خيب ضني رفيقي الغالي ,

ياعين خلي من دموعك شرايد**هاذا القدر ياعين جاني وجيته

وضحك على كثر نكباتي ...

9- كم ساعه تقعد على النت ؟

على حسب الميزانيه .

10- وش شعورك إذا تعطل النت عندك ؟

الحمدلله غير ماعندي نت .

11- إذا اكتشفت إن صداقتك مع إنسان طلعت مزيفه وش بيكون شعورك ؟

مشكله لاصار هقواتك بعيده****وضاعت الهقواة بلي كنت هاقي

12- إذا اخلف احد اصدقائك وعده معاك وش تسوي ؟

اقول جعله السلال غير علي حسبي الله ولاجاني الهيس .. ولاشل عليه .

دنياالفتي لوهي على ما يرديه***لاقال (لو) أني ولا قال( ياليت)

13- هل سبق انك احببت ؟

حبيت حبن ينكتب باتواريخ****مير البلا حبي على غير مصلوح

14- وش رايك بالشعر وهل تكتبه ومن هو أفضل شاعر عندك ؟

نعم اكتبه وحبه وحب قصيد ابوي جعل عمره طويل هو قدوتي في الحياه ,

15- ما أفضل عضو نال إعجابك بالمنتدى ؟

عزام ... من غير اقصور في الباقين ,,

16- في كم منتدى انت مسجل ؟

خمس منتديات ..

17- كم مره سافرت ؟ وإلى اين سافرت ؟

بري حالي مابه ديرتن ماجيتها ,, واجد ,, منها مصرو الهند و جاكرتاء و لندن وبلاد الشام عامه ...وغيرها...الخ ,,

18- ما أهم شخص في حياتك ؟

أمي

19- وين تحب تقعد إذا كنت معصب ؟

في الدكه,,,

20- وش نوع موبايلك وليش اخترت هالنوع ؟

نوكياء N70 امي اللي شاريته لي .جعل عمرها طويل

21- وش لون موبايلك ؟

بني على بيج

22- أكتب احلى مسج عندك ؟

لبيك يايمه ولبى كلامك ... ولبي التراب اللي برجلك وطيتيه

يالعنبوه اللي من الناس لامك......منهو يلوم أمً ولدها تحاتيه

23- أكتب تاريخ ميلادك ؟

21/11/1980

24- أول حرف من إسمك ماهو ؟
( ح )

[تريكي]

1- كم مره رسبت في دراستك ؟
الحمدلله ولامرة (بس تراء مو شاطر حيل)

2- لو لقيت المصباح السحري وقالك اختر امنيتين في الدنيا واحققها لك شو بتختار ؟
يجيب ربي اللي في بالي ولاعاد أبي شي

3- كم المبلغ اللي في جيبك هالحين ؟
105 دنانير والخردة دايم في السيارة

4- انت تدرس والا موظف ؟
موظف

5- كم ساعه تنام باليوم ؟
اخوك نويم يعني 8الي 10ساعات

6- وش تسوي إذا تبي تنام ومنت قادر ؟
اللعب رياضة او اروح الدوانية

7- لما تكون متضايق او طفشان وقاعد بروحك بالبيت وش تسوي ؟
اشبك او اطبخ


8- متى تبكي ومتى تضحك ؟
صعب أبكي
لكن الضحك علي طول


9- كم ساعه تقعد على النت ؟
علي حسب الفراغة من4 الي8

10- وش شعورك إذا تعطل النت عندك ؟
اتضايق حيل

11- إذا اكتشفت إن صداقتك مع إنسان طلعت مزيفه وش بيكون شعورك ؟
اتضايق وحمد ربي أني كشفتة

13- هل سبق انك احببت ؟
وفية أحد ماحب

15- ما أفضل عضو نال إعجابك بالمنتدى ؟
يعلم الله كلهم حبايبي

16- في كم منتدى انت مسجل ؟
واحد اشارك فية
والبقية للمشاهدة

17- كم مره سافرت ؟ وإلى اين سافرت ؟
عد وخربط
بس أكثر شي مصر ولندن

18- ما أهم شخص في حياتك ؟
الولد الله يرحمة

19- وين تحب تقعد إذا كنت معصب ؟
أي مكان عادي

20- وش نوع موبايلك وليش اخترت هالنوع ؟
n70

21- وش لون موبايلك ؟
بيج

22- أكتب احلى مسج عندك ؟
توة جايني
مابغيت أزعجك!

بس...!

بغيت أقولك أربعة أشياء:

*وحشتني
*اشتقت لك
*ولهان عليك
*أ ح ب ك

23- أكتب تاريخ ميلادك ؟
25/4/....................

24- أول حرف من إسمك ماهو ؟
ت


لاهنت لاهنت موضوع اكثر من رائع
صراحة شيق جداا